Name: Vian Roy

Noli Me Tangere
Si Tasyo, Ang Baliw o Ang Pilosopo

Ilalarawan ni Rizal si Tasyo sa kabanatang ito at pinakita kung paano siya tinatrato ng kanyang mga kababayan. Para raw sa mga mangmang o mga di-nakapag-aral, si Tasyo ay baliw sapagkat kakaiba ang taglay nitong kaisipan at di karaniwan ang pakikipagkapwa-tao. Para sa mga matatalino at nakapag-aral, isa siyang pilosopo sapagkat kakikitaan ng mga lohikong pag-iisip at nagbibigay ng mabuting payo. Kinasangkapan ni Rizal si Tasyo upang ilantad ang kanyang mahuhusay na ideya. Mga kaisipang maaaring paniwalaan o pagdudahan sapagkat galing sa isang baliw o kakaiba. Sa pamamagitan ni Tasyo ay inilahad ni Rizal ang kanyang paniniwala na mas mabuti nang mamatay ang tao sa pamamagitan ng sigwa o delubyo upang lumitaw ang isang bagong salinlahi na hindi alipin, mangmang at sunud-sunuran. Nilikha rin siya bilang isang taong walang kinatatakutan siya ang nagsumbong sa Kapitan Heneral sa mga katiwaliang ginawa ni Padre Damaso. Taglay niya ang katapangang ito dahil sa kanyang pinag-aralan.

 Si Tasyo ay biktima rin ng kanyang lipunan. Kinatakutan ng kanyang mga magulang na siyay papag-aralin dahil sa taglay niyang talino upang hindi makalimot sa Diyos. Mas pinili ni Tasyong iwan na lamang ang pag-aaral kaysa magpari. Ipinababatid ni Rizal na hindi kailangang ipaubaya at ibigay sa simbahan ang buhay at kapalaran. Kahit maraming tinutulan si Rizal sa impluwensiya ng simbahan ay minabuti pa rin niya ang paniniwala sa pugatoryo. Ayon sa kanya, ang isipang nauukol ditto ay mabuti, banal at makatwiran dahil nagbibigay kaugnayan ito sa mga namatay at nabubuhay. Para kay Tasyo mas mabuting purihin o parangalan ang tao habang siyay nabubuhay kaysa kung patay na. Natutunan ko sa kabanata na ito ay puno ng misteryo ang katauhan ni Tasyo, sapagkat di mo masasabi kung ano talaga ang kanyang, pero para sa mga di-nakapag-aral siya ay baliw, pero sa mga matatlino siya ang pilosopo. Ginamit ni Rizal si Tasyo upang ilantad ang kanyang mahusay na ideya. Itong kabanata na to ay puno ng kaisipang maaaring paniwalaan o pagdudahan sapagkat galing sa isang baliw o kakaiba. Si Tasyo ay nilikha ni Rizal na walang kinakatakutan Sa kabanta na ito mapapaisip ka talaga kung sino talaga si Tasyo, isa itong halimbawa ng palaisipan.