Lorenzo Guzmn Domnguez (tseltal) de San Juan Cancuc

Pgina 1

Te kajpel te la yich elkanel

Jun kaal jicha kot ta pasel ta jun pam tut lum te ja sbiil Chiloja te ay ta slumal Kankujk, ay me kuxul te-a tul kerem te ay oxwinik yawilal te ja slabinej jexex mut te ma xnabaj te ya xwilej sok te joyob nax ya xwil ta teeltik .

Jich ya x-ajch te ixta ayej, jun belta te Labil bajt ta yan lum ta paxal, kumnax la yil te stalel te yajwalul te lum te banti a kot ta lokel, te antsetike ijknax mej te sbaketalike, ja nax yuun te Labilej laj yil te ay tsunul pejt kajpej, sakiknax te xnichej, tsajiknax te sitej sok jich nax stutikil, te yajwalul te lumej ya me yichik bayel ta muk yuunmej ja abilik yuun te jtatik ta chulchanej. Te labilej jich la snop sok te sjolej: -lek te yakuk kelkan be-el chaoxpijuk te sit te tsunubil kajpelej, yuun yame xkot tsun ta jlumal, teme yaj kanbeyike yaj na te max yabonik be-el yuun bayel tulan skoplal sok bayel ya yichik ta muk-.

Pgina 2

Jich laj spas, te labilej la me yelkan wakpij te sbak te kajpele, janax yuun la me yich ilel yuun te kanantawanej yuun te ajwalilej, jich jajch ta anel, te antsil ajwalile yak ta okel jilel yuun te bajt ta elek te sit te kalpelej, melel jaiknaxmej ya stak stsunik, maukmej yaj stak yabeyik stsunik yantik lumetik, teme maj laj snaik skanantayelej yame yichik katpunel ta pukuj ta sbajtel kinal.

Te antsil ajwalile bayel nax mej stujbilal te bitil matoj sta-o a te smulej, kan nax mej stujbilal te stsotsilel te sjolej, yax nax mej ya xtilubaj te sbak sitej, te kalal a katpojixa-e xijil nax mej a kot te snie, slawikilnax a jil te yejkajchej, la me yich chikel sok te slumalej sok katpojikmej ta pukuj spisilik skajmej yuun te maba laj snaik skanantayel te

binti akbilik yuun te chul jtatike, te yajwalul te lumej te bitil la yilik te kajixtel a te kastiko yuun a te jkajwaltike skanbeyik te te bitil kajwaltik mato te baj yakuk katpojemik a-e bayel mej a okik, la xkatpojik ta meba te machatik ya stsunik te kajpelej sok nix te machaj a elkaj.

Pgina 3

Kax bayel jawil, te Labile katpoj ta meba jiche-ek te antsil ajwalile sujt metel xchulel ta banti slumal te elek labilej, jich kot ta xchikel te slumal elek labil, teme a kajkik spisilik a te yajwalul lum te ba-ay jajchem te elek labil, ja jich mej a tup te stsunbal te kajpelej, skajme yuun te la yich elkanele.

Mame x-elkajex chopol me ya xkot ta lael te kuxlejalej.

Jich ya xlaj ta aanel te ixtaj ayej te yaanik te jmej-tatik te kuxulik ta Kankujk te ja me jich ya xkomawanik te ma lekuk te elekej melel chopol me ya xkot ta lael te xkuxlejalikej teme la yichik ilel, ay mej ya tsajkik be-el ta chukel, ya yichik chukel ta te,ya yichik jochanel ta sbej karo,ja mel otan sbaj teme laj yichik milel yuun te yelekikej melel ay me jich koem ta pasel, jich ya xkomawan te meelmamaletikej ma x-elkajex ja xaj pasik te lekil kuxlejal ta sbaj te balumilalej, jich ay komel ta stojolik te chieletikej.

Pgina 4