Ahkyak ai hta grau Ahkyak dik ai Ten

Daw- (3).

Raitim American gaw Jinghpaw a chyeju hpe n-malap kau ai hpe mu mada lu ai. Hpa majaw ta? nga yang.., American wa gaw shi law malawng garum madi shadaw nga ai U-N a Amu Madu Banki Moon hpe Jinghpaw ni a lam hte seng nna, atsawm sha tsun hparan ya u.. nga sai.Hpa majaw American gaw U-N hpe dai Ga bang dat a ta?Myitkyina Hpawng hta American wa shi hkum nan n-lu lawm tim Indirect hku shingdu kaw nna anhte Jinghpaw ni hpe hkan garum nang ai lam rai nga lu ai. American wa(Obama) tsun ai hte maren,Banki Moon mung Mr-Nambiar hpe Nang Myen Mung du jangkaga de hkum sa. Jinghpaw ni a lam hte seng nna atsawm sha lajang hparan hkan madat nang u.nga n-na hkan htet dat sai. Dai hku Banki Moon hkan htet ai lam Laika ka ai wa a Kawa Duwa Howa Zau Gam(WMR) hpe Mr-Nambiar bai tsun dan ai lam chye lu ai. Dai majaw Mr-Nambiar gaw shi hte rau lawm sa wa ai Miss-Marianne hpe KIO/A Dat Kasa ni hpe grai ahkyak shatai let wa tau la/bai sa sa rai shangun ai hpe mu mada lu nga ai.Lachyum gaw- nanhte Jinghpaw ni hpang maga de anhte U-N ni lawm nga ga aingu ai kumla rai nga ai.Dai zawn U-N Dat Kasa ni nan wa tau la/bai sa sa rai ai lam ni gaw Myen ni hpe Peng grai yawm mat shangun nga sai re. Myen ni a Myiman mung Lahkawng pren daram sha rai mat nna Sari mung grai hpoi mat manu ai. Dai hta n-ga Mung masha ni mung Shanglawt KIO/A Dat Kasa ni hpe Unawng Uwa,Wu Wu Di Di,Kabu gara Marawn jahtau let hkap bawp hkalum la ai lam ni gaw Awng Min hte Myint Soe ni Yu N-hkun kata de pyi hprawng makoi shang mat na daram she ngu mat na manu ai.Dai hta n-ga

Wunpawng Mungshawa Rapdaw (WMR) hku nna mung,Shat Lit ni hte U-N Dat Kasa yan hpe hkap tau,Htunghking Bu hpun Palawng ni hte mung hkap tau Mawn Sumli shagrau la ai lam ni gaw- Madang nga ai Myu Sha langai mi a Nga sat Nga sa Maka Kumla ni hpe madun dan ai lam rai sai. Grau nna dai zawn shada Hkungga la ra shagrau sha-a hkat ai lam ni gaw mahku mara lam hpe grau nna ngang kang shangun nga ai. Kumhpa shagrau ai Lamang hta Mr-Nambiar tsun ai gawNgai hte Marianne yan gaw .ngang kang ai,jet ai Simsa lam lu la hkra nanhte Jinghpaw ni a hpang maga de tut nawng tsap nga ya na ga ai. Nanhte a tsawra shawang amyit kaba hte hkap tau hkalum la ai lam ni,nanhte hkap shagrau ai kumhpa ni.nanhte a tsawra myit ni hpe yu nnaan lahkawng gara de mung hprawng n-lawt mat saga ai ngu ai hpe chye na mat saga ai. Matut nna Bawng ban hpawng ni yawng hkra hta mung n-hprai ai shang lawm na ga ai ngu.Sadi jaw ga ai nga ai re. (Post- 29 May,2013. By-Kachin Wave News). Hpa majaw U-N Dat Kasa langai mi a Ga Sadi jaw ai hpe anhte dai ram hkam la lu ga ta? (a).Karai Kasang shanhte hpe Tsawra myit jaw bang ya ai majaw (b). American Sen.Mc connell wa Obama hpe (101) Kachin Ranger a lam tsun hkai dan ai majaw rai nga ai. Karai Kasang a chyeju hpe shakawn ai hte rau, American Lahta Rapdaw Salang Senator- Mr.Mc Connell hpe mung chyeju grai dum ra na ga ai. Mau hpa langai mi gaw- Dai zawn No.(2) Majan hta American (101) Centre Intelligence Agency a Officer Lieutenant Malcolm Mckenzie hpe hkap tau garum la ai wa gaw- Ndai Myitkyina Zuhpawng hta U-N Dat Kasa Mr-Nambiar yan hpe Kumhpa hkap shagrau ya ai Duwa Howa Zau Gam (President, OSS -101 American Kachin Rangers Veteran Association, Kachin State, Union Of Myanmar) rai taw nga ai hpe mu mada lu nga ai. American Lahta Rapdaw Salang Senator- Mr. Mc Connell hku n-na American Gumsan Magam Obama hpang de (12) October 2011 ya shani Ka shagun ai- Kachin Contribution to Allies in WW-(2) and Current Events.nga ai Shagun Laika hta-

10- th Air Force with (75) Percent of its Targets and the (164) Kachin Radio Teams in Burma provided some (85) Percent of the Intelligence received by General Stilwells Northern Combat Area Command. In addition, these Kachin Soldiers are Credited with destroying an estimated 15,ooo Tons of Japanese Supplies and killing (or) capturing more than 15,000 Enemy Troops.According to Reports,the group also helped save the lives of as many as (425) downed Allied Airmen during the War. Jahtum hpungdim ai hta- We Honor their Bravery and commitment to Freedom Six Decades ago as well as today..nga nna anhte W-P Jinghpaw ni a Magrau grang,Gumshem ai lam ni hpe shakawn shagrau ging ai lam hte lai wa sai shaning (60) ning jan kaw nna dai ni du hkra Shanglawt lu na lam hpe ap nawng dingyang, shakut shaja taw nga ma ai lam ni hpe ka shana ya sai re. Ndai zawn re mabyin masa ni a majaw mung, lai wa sai Myitkyina hkrum zup hpawng hta anhte ni-Myen a man hta raitim, Mungkan a man hta raitim myiman n-gaji ai hta n-ga, anhte galoi mung hpyi ganyet taw nga ai Mung Masa Bawng ban na Lam Masa hpe mung U.N, Miwa hte Gap Jahkring Hpung (9) a man e lu shagrin la ai hte, Mungkan ting N-dau shabra lu saga ai re. Dai hta grau nna Ngang hta Hpa Ra rai na matu-Myen Mung a American Maigan Mung Hkringmang Derek Mitchell gaw Myitkyina hkrum zup hpawng ngut ai hpang shi a Dat Kasa Lahkawng hpe dat nna, shana shabra ai Statement (7) hpe teng n-teng bai wa sagawn shangun sai re.Lachyum gaw- anhte American ni Jinghpaw maga re.Nanhte Myen ni Maru Marang hkum rai mu..ngu ai lam rai nga ai. Dai hta n-ga Miwa a man hta mung- anhte American ni hte Jinghpaw(Kachin) ni gaw, Moi No.(2) Majan kaw na hte maren Ya dai ni mung Pu gang Sin machyi naw rai nga ga aingu ai lachyum shaleng dan ai lam rai nga ai. N-dai American Ambassador Derek Mitchell gaw, Moi kaw nna, Myen hpe nmai kam ai lam,Sanction n-mai dawm kau ai lam tut nawng tsun taw nga ai wa re. E-U ni pyi.. Myen a Talking kaw kahpyin bang mat nna Chyahkri tai taw nga ma ai. U-K, Human Right Watch(HMR) Mr-Tomas Ojea Quintana hte Derek Mitchell ni

gaw- Teng man ai lam hta kade a Myiman hpe mung n-yu ai ,Tawk hprut ang ang tsun chye ai, Kasi la hkungga ging ai Mungkan Ningbaw Ningla Kaba ni rai nga ma ai. Byin ai. Ram ai. Nyam dik ai ni re. Grau n-na Derek Mitchell wa hku nna, Myen Mung a American Maigan Mung Hkring Mang lit sa la ai gaw anhte a matu n-gun kaba langai mi rai nga sai.Shi gaw- Myen hpe anhte Jinghpaw ni zawn galoi mung n-kam ai wa rai nga ai. Lai wa sai shaning hta mung, Waing Maw Hpyen Yen Dabang de sa nna Myen ni makoi magap da ai kata lam ni hpe chye na matu sa du gawan san sagawn mat wa sai. Majaw a majaw gaw rai na sai. Yawng hkra hpe gumhpawn nna bai myit dat yu yang.. U-N hte U-S gaw anhte W-P Jinghpaw ni hpang maga de tut nawng tsap taw nga ai lam hpe dan dan leng leng mu mada lu nga ai. Hkrum zup hpawng kaw shi(American) wa nan n-lu sa du dung lawm tim, Indirect hku nna anhte Jinghpaw ni hpe garum madi shadaw taw nga ai lam ni rai nga ai.N-dai lam ni gaw American, Myen hte dai ni na anhte W-P Jinghpaw myu sha ni a Maubyin Mausa ni rai nga mali ai.

By-

Bum Chyangau.
(Daw-4- de bai matut hti ga).