You are on page 1of 2

Jinghpaw Wunpawng Amyu Sha Hpung Kachin National Organization

Email: info@kachinland.org, Website: www.kachinland.org

10th January 2014 66th LANG HPRING JINGHPAW MUNG MASAT NINGHTOI NDAU SHABRA LAIKA 1. 2014 ning January 10th ya shani gaw Jinghpaw Mung masat ai 66 lang hpring ai wunli lu ai, labau shang masat ninghtoi rai nga ai. Ndai masat ninghtoi gaw Jinghpaw Wunpawng amyu sha hte Jinghpaw Mung hta shanu nga ai amyu bawsang ni yawng a matu sha n-rai, Munghpawm Myen mungdan hta shanu nga ai amyu sha ni yawng a matu mung, wunli lu ai ninghtoi nan rai nga ai. Labau shang ai Jinghpaw Mung ninghtoi ngu ai n-nga yang, dai ni anhte jawm nga ai Munghpawm Myen Mungdan ngu ai mung nga na n-rai nga ai. 2. Labau hta tinang amyu sha ningbaw ni gaw tinang kam maka tinang dawdan, hparan, uphkang lu ai ahkaw ahkang hte hpring tsup ai Jinghpaw Mung ngu nna, lawu Myen mung hte shanglawt a rau jawm la na matu Panglong ga shaka hta myithkrum ta masat htu masai rai. Dai Panglong myithkrum dawdan lam hpe lakap let 1947 ning hta Ningpawt Ninghpang Mungdan gawda ai tara shalat, hkrumra rapdaw hta myithkrum la ai hte maren, 1948 ning January 4 ya shani Munghpawm Myen Mungdan Shanglawt lu wa ai hpang shawng ning nan lang ngu na Jinghpaw Mung Ninghtoi hpe 1948 ning January 10 ya shani Jinghpaw Mung, Myitkyina, Shatapru Mare na Manau wang hta galaw hpang wa sai re. 3. Munghpawm Myen mungdan a labau hta gawda ai tara kanu masum hpe 1947, 1974 hte 2008 ni hta lu shaga ai. Raitim, dai gaw da ai tara ni hta anhte amyu sha ni a matu ji woi ji wa, ningbaw ningla ni yaw shada da lai wa ai, rapra ai ahkaw ahkang hte hpring tsup ai, jet ai Federal Munghpawm Myen Mungdan hte hprai nga ga ai. 4. Amyu kaba lailen lang ai Myen asuya prat ban hte ban gaw, shing gyim ahkaw ahkang tawt lai let jiwoi ni a hkinghtawng lamu ga, tinang amyu sha bawsang ni a maka kum la, makam masham, htunghking ningli, laili laika ni shamat, roi rip, dip sha nga ai aten rai nga ai. 5. Myen Gumsan Magam Thein Sein woi awn ai USDP asuya hpung ni mung, mungkan mung masa pinra hta masu magaw, mung masa amyat tam, aten garawt nga ai hte, masu magaw hkalem hkalau galaw nga ma ai. Amyu sha bawsang rawt malan uhpung ni hpe simsa lam tam, gaphkat jahkring bawngban hpawng galaw masu, ninggup aga hte asawng shalen, amyu bawsang ni a lapran hta sai garan, sumprat dawk bang ya nga let, kaja wa jet ai Federal Munghpawm Myen Mungdan dan gawgap lam hpe madung da bawngban jahta ai lam nnga ai gaw sakse mu lu nga ga ai. 6. Mungdan kata, shinggan na mung shawa ni gaw, 2008 gaw da ai tara kanu hpe galai shai ra ai lam shadut nga ai. Anhte amyu sha bawsang ni ra sharawng ai jet ai Federal hkrang hte seng nna jahpra tsun shalawm ai lam nnga ai sha Aung San Suu Kyi hte NLD hpung ni mung, Gumsan magam tai, daru magam ahkang lu na hpe lam hpaw ya ai tara daw hpe madung da nna gram shadut nga ai lam hpe mu chye lu nga ai. Myen mungdan ngwi pyaw simsa na matu
1
UK Office: Tel : 44 753 825 8961, Fax: 44-208 568 2246, Email: UK @kachinland.org Malaysia: knomalaysia@gmail.com Thailand Office: Email: kno.ghq@gmail.com India Office: USA Office: Email:kno_India@yahoo.com 5842 Stevens Forest Rd. #23 Columbia, MD 21034 USA Email: mahkrai@yahoo.com Denmark Office: Tel: (45) 7543 7227 Email:knodk@yahoo.co.uk Japan Office: Email: knojapan@yahoo.com

gaw tinang bawsang ni ra sharawng ai rapra ai ahkaw ahkang hte hpring sup ai jet ai Federal Democracy Munghpawm Mungdan Gaw Da Tara NINGNAN ra nan ra nga ga ai. 7. Kaji kawa ni hkamla, danda ya lai mat wa sai ga sadi, bandung ni hpe hkan shatup na gaw anhte amyu sha ni yawng a labau jaw ai lit nan rai nga mali ai. Anhte amyu bawsang ni a ahkaw ahkang, htunghkring, labau, maka kum la ni nmat hkra makawp maga na lam gaw, law la ai hpu nau Myen amyu ni a lit mung rai nga ai. 8. Dai ni na labau shang ai ninghtoi hta, anhte mung masha kaji kaba, amyu bawsang yawng hte Munghpaw Myen mung hta nga ai amyu sha ni yawng gaw, anhte yawng a gahkyin gumdin lam hpe jahten sharun nga ai, yawng a hpyen madung hpe jawm ninghkap gasat sa wa ga ngu saw shaga dat ga ai.

Ginjaw Komiti Jinghpaw Wunpawng Amyu Sha Hpung (KNO)

Matut Mahkai: 1. Duwa Bawmwang Laraw, Ningbaw Kaba, Jinghpaw Wunpawng Amyu Sha Kongsi, Jinghpaw Wunpawng Amyu Sha Hpung (++ 66 810352195) 2. Slg. Sadan Hkanhpa Tu, Amu Madu, Jinghpaw Wunpawng Amyu Sha Kongsi, Jinghpaw Wunpawng Amyu Sha Hpung, (++44 7944240774)

2
UK Office: Tel : 44 753 825 8961, Fax: 44-208 568 2246, Email: UK @kachinland.org Malaysia: knomalaysia@gmail.com Thailand Office: Email: kno.ghq@gmail.com India Office: USA Office: Email:kno_India@yahoo.com 5842 Stevens Forest Rd. #23 Columbia, MD 21034 USA Email: mahkrai@yahoo.com Denmark Office: Tel: (45) 7543 7227 Email:knodk@yahoo.co.uk Japan Office: Email: knojapan@yahoo.com

You might also like