Matsat shabat re ai Myen ni a Myit Jasat

Daw-(1).

Mung Masa,Hpyen Masa lam hte seng nna.n-tsun sana, n-shaga sana ngu, N-gup pat,Myi di tawn da tim., Na taw,Garu taw jang gaw- Kraw kata hta U Hkai Kasha rim rawng da ai zawn, N-chyi n-mu, kadau kadap nga- N-tsun yang nngut,n-ju yang n-hkut she bai rai mat sai. Masha ngu ai yak gaw yak nga ai. Tsun mayu ai tsun kau dat lu yang she-Ma-un Si dang taw ai ma-ut shalai bang kau dat lu ai zawn nga ai n-re ni? Shiga Re. Shiga gaw amyu myu pru taw/Na taw nga ai.Laiza she zing na zawn zawn. Maija Yang de mahtang she Myen ni gasat bang wa na zawn zawn. Simsa Lam she matut galaw nga ai zawn zawn. Abawk dat,Masawp dat rai- Myen Sa Wa Hpyen ni a kyang lailen ni gaw Matsat shabat,Maru Marang she rai nga malu ai. Simsa Lam,Gap Jahkring Lam galaw ga nga nna, Laiza de Hpyen N-gun ni hpe Wanleng Lam,Mali Hka Lam hku nna hte sharut shalun taw nga ai lam ni gaw- Myen a Manai Makai,Magyi Magaw re ai Chyahkyawn Myit Jasat ni nan rai nga malu ai. Simsa Lam Bawngban ai 80% awng dang sai gaw nga ma ai.Raitim Hpa majaw Myen Hpyen Dap ni,Laknak,Malu masha ni jahting taw nga ma ta? Pyaw Poi sha na matu gaw n-rai n-hten? Mahtai gaw asan sha rai nga ai. Naw matut Bawngban jahkrum ra ai 20% gaw Key Point(sh) Major Dialogue ni sha ngam taw sai majaw rai nga ai.Ga Shadawn- Jet ai Federal Mungdan Gawgap nna,Madu Up hkang Mungdaw jaw wa ra na rai jang- Mungdaw shagu na pru nga ai N-hprang sut rai ni hpe Percentage hte garan jai lang, akyu hkam sha nanga ai zawn re ni.Grau nna Madu Uphkang Mungdaw jaw nna- Jinghpaw Mung hpe grau

shangang shakang Masat Masa galaw kau dat ya ai zawn re lam ni byin mat na hpe mung Myen ni hkrit tsang dik la nga malu ai. Dai majaw- ngam nga ai Negotiation naw galaw ra ai 20% hpe matut Bawngban sa mat wa jang shanhte Myen ni a akyu yawm mat wa nna (Teng sha nga yang Myen ni mahtang Anhte a Wunpawng Jinghpaw Mung de tawt lai Colony galaw nna gashun up sha ai lam rai nga ai) Jinghpaw Mung kaw na N-hprang Sut rai ni hpe n-lu Manaw sha na hkrit dik nga ma ai. Lung Seng langai kaw na sha, Naypyidaw kaw na laning mi kalang sha dut ai Gumhpraw pyi US- Dollar (8) Billions re lam chye lu ai. Kaga Maisak,Mailung,Hpun Kawa, N-hprang Sut rai ni rai n-lawm nga ai. Dai Jinghpaw Mung kaw na pru ai N-hprang Sut rai yawng a Shata mi shang gumhpraw gaw- Myen Mung ting hpe Laning mi bau kau lu nga ai. Dai gaw n-law htum sawn ai sha naw re. Hpang de ang ai shaloi azin ayang,jahpan hte hkrak bai tang madun na nngai. Lachyum gaw.. N-dai ram Manu dan ai Anhte a Wunpawng Buga hpe Myen ni aloi ali hte sha jaw kau(sh) Tat kau na n-re. Majoi Saboi n-tsa e sha tsun jahta chyai nna Nanhte a Jinghpaw Mung hpe Nanhte up hkang la kau manu.nga nna Yesu Hkristu a Tsawra myit hte Atang Chyahpa hte sha hpai ap kau na n-re hpe gaw tut dum ra na ga ai. Laknak hte Gasat di la ai n-rai yang , Anhte hpe jaw na Federai Madu Uphkang Mungdaw ngu ai gaw Nai Lap hta N-tsin Ru jaw bun ai hpa sha rai na rengu -Asan sha tsun mayu ai. Hpa majaw ta?...nga yang shanhte Myen ni jaw ai Federal Madu Up hkang Mungdaw ngu ai gaw..Moi na Jinghpaw Mungdaw Council Ukkhta ni zawn- shanhte Myen ni U shoi shoi lu ai ni hpe Sumla hku Up Hkang shangun aiMadu Uphkang Mungdaw Akawp sha rai chyalu rengu ai hpe Ga Lahtum N-shut nan tsun lu nga ai. Myen ni tut nawng jai lang taw nga ai Akoit Chyahkri ni gaw Tsang(4) Jawngma hpe sa san tim pyi chye nga ai. Ya Aten.. Jinghpaw Mung e Party ni Registration grai galaw wa masai. Shanhte hpe Myiman tam,Hputdi Ding nyawm ai Party ni hpe Jinghpaw Madu Up Hkang Mungdaw Ningbaw Ningla/Akawp hku nna Shara jaw wa na mara ai. N-kam yang la yu ga.

La yu ga.nga ai majaw- Teng ai.mali Manga Ning, Shi Ning,Hkun NingBai matut la yu yang mai ai.ngu ai lam n-rai. Munghpawm Myen Mungdan Shanglawt lu ai kaw na..Dai ni du hkra La Yu taw nga ai gawShu Mashi,Shu Masha Prat du nna,Generation Ban Prat (4) pyi rai sai. Matut la yu na lam kaga nnga sai. Tsun ai hku,Bawngban jahkrup ai hku lu yang lu. N-lu jang Nang Si,Ngai Si..Gasat Anut hkat na lam sha nga sai. Dai n-rai yangTinggaw Tawng a Mahkawn na zawn, Baw Hpraw,Wa Rum Ten du hkra naw matut la yu taw na kun? Aten Garawt Masing gaw Myen ni a Mung Maden Hpyen Ladat langai mi re hpe tut dum ra na ga ai. Hkang Mung zawn re- Lungrawk Mungdaw hpe gaw Shanhte Myen Gwi Si,Gwi Chyit ni nau Feel nnga ai hku re. Hpa majaw ta? nga yang- Hpa mung hkai lu hkai sha n-mai ai,N-hprang Sut Rai mung n-pru ai Hkang Mung hpe Shanhte Myen ni pyi n-htang hku Sumbu kaw na bai shaw jaw taw nga ra ai majaw rai nga ai. Dai majaw Lit Shaprai Htawra jaw na, Lera garum na nga nna Myen ni Talking Gayet taw nga ma ai re. Dai hpe Hkang Hpu nau Ningbaw Ningla n-kau mi grai kam kaba nna Myen hpe sa Aba taw nga ai lam ni gaw- Myen a Mayam bai tai mayu ai Maka Kumla ni sha rai nga malu ai.Shing re lam ni hpe Anhte Tsep kawp koi gam ra na ga ai.Hkang sha n-ga, KNU hte SSA Sam ni mung Myen Hpyen asuya hte bai Bawkhte wa nga masai. Myen a Sai Garan Ladat Awng dang taw nga sai hpe mu mada lu ai. Nga Uhpung hka jang Sharaw garawt hkrum ai hpe dum ra na ga ai. Hpa majaw KNU hte SSA ni Myen jaw sha ai U Lagaw makret nna Woi Lahpyaw hpyaw taw nga mayu ma ai rai kun? Hkang Hkyi Ngup de Baw sa shanawng bang yang gaw Gawa Agrawp sha kau na sha re. Shanhte a Gam Maka hte shanhte she arai mat masanu ga she angu mat sani ai. Ahkyak dik gaw- Anhte Wunpawng Jinghpaw Myu sha ni a Shawng Lam Gam Maka hpe Anhte nan Shangang shakang la ra na rai saga ai. Dai gaw Anhte Hkum dek a Kaba dik ai Labau Lit nan rai nna, Kade a Ladi kaw na mung N-sa sa na n-myit ga. Mai sa. Shaloi gaw, Awng Min a Simsa Bawngban Hpung ni Myen Mungting Gap Jahkring na lam hte seng nna gara hku

matut woi awn sa wa na rai ma ta? Teng sha tsun ga nga yang- Awng Min gaw Sumla sha rai nga ai. Shi a hpang na Theing Sein,Thuya Shwe Mann ni yawng mung Ka/ Lung a Lakung Lakap ni hkrai rai nga ma ai. Lam mi hku tsun ga nga yang- Min Awng Hlaing hte Than Shwe ni Tsin jaw nna Ushoi shoi da hkrum ai Dusat Myu matu ni hkrai rai nga ai. Hpa majaw Myen Mung hpe Thamada up hkang ai Mungdan nga nna Myi hpaw Masu taw ai rai ta? Myen Mung masha ni mung shanhte zawn Lani mi Shat da lahkawng sha ai ni hkrai re hpe malap kau sam ma ai. Maumwi hkum sa hkai dan taw le. Re n-rai? Matut nna Simsa Lam hpe Awng dang ai hku Bawngban sa wa lu na matu(sh) Myen Mungting Gap Jahkring lu na matu gawNgam nga ai Major Dialogue 20% hpe myit hkrum shagrin ai lam ni hpe n-shut nshai galaw nan galaw sa mat wa ra na hku rai nga ai. Ga ShadawnDu Kaba Sumlut Gun Maw tsun ai zawn,Federal Mungdan Gawgap na nga jang gaw- Hpyen Dap Mung Federal Hpyen Dap nan rai ang na renga ai. Munghpawm Hpyen Dap hpaw Ninghtan na hpe myit nhkrum jang gaw Myen Mung hpe Up hkang taw nga ai gaw Myen Hpyen asuya ni sha naw rengu ai lachyum rai nga ai. Myen Mung galai shai taw nga sai ngu ai lam mung,Shinglet N-ra n-rawng ai majaw majoi tsun brawp taw nga ai Lam sha rengu ai lachyum hku nna mung sawn la mai nga ai. Du Kaba Sumlut Gun Maw tsun ai hku Federal Munghpawm Hpyen Dap hpe bai Asak jahkrung dat jang mung- Moi na zawn Mungchying sha ni Hpyen Lam hta N-gun bai ja wa,Rawt jat galu kaba wa na hpe mung Myen ni hkrit tsang nga ma ai. Kaga pyi hkum tsun. Khin Nyunt Prat hta Rawt Malan Hpung ni yawng hta Shanglawt KIO/A langai shaNyaung Napin Conference/1990 hta sa lawm ai majaw,Dai Ten na KNU ni Ningbaw tai nna woi ai Tatpaung Tsu kaw nna KIO/A ni shapraw kau hkrum ai n-re ni? Raitim KIO/A Ningbaw Ningla ni a Dawdan ai lam ni gaw shut shai ai lam nnga ai hpe mu mada lu nga ai. Dai zawn Khin Nyunt hte Sa Sahpaw Masu nna- Shanglawt Ginra ni lu Masat la,Laiza Ginjaw ni byin pru wa lu sai n-rai ta? Dai zawn Shanglawt KIO/A ni hku nna Asuya langai mi hku, Mungdan langai mi hku lu shangang shakang mat wa ai majaw Dai ni Myen ni hte Jarit

Madin din nna Ga lu shaga mat wa sai re. Jarit lai ai wa gaw Tawt lai ai Hpyen ngu nna Mungkan de lu n-dau shabra sai re. Dai majaw- Myen ni Anhte hpe tsep kawp Gasat shamyit kau na ngu ai gaw- Yupmang hta pyi n-mai myit saku mat manu ai.Dai hpe Kasi la nna,kaga Gap jahkring Hpung ni mung shanhte a Nga Ginra lu Masat la na matu, Myen hpe Myiman tam taw nga ma ai re. Mani hpa gaw rai nga ai. Ahkaw Ahkang ngu ai Rank langai mi hte sha Maren Mara tsun Dara nna lu ai lam hte N-pu Gale hpyi Aput tsun la nna lu ai gaw Madang grai naw shai nga ai. Ya Sam ni,KNU ni tsun nna lu na re ngu nna myit Mada taw nga ai lam ni gaw Myen hpe Hputdi nna hpyi Aput taw nga ai lam(sh) Myen matsan dum yang she U Lagaw lu makret na lachyum rai nga ai. Rawt Malan Sari jahpoi re lam rai nga ai. Grau nna Myen ni gaw- Federal Mungdan Gawgap nna, Munghpawm Hpyen Dap hpaw,Mungchying Sha ni Kadai mung kade Mungdaw kaw kadai Up Hkang,kadai mung kade State Defence Force ni nga mat jang, Myen gaw Mawhpyi Kawk hpai nna hkan hpyi sha hkawm mat na lam sharai mat na hpe tau hkrau myit tawn chyalu rai nga malu ai. Hpa majaw i?...nga yang, Shanhte Myen ni a Lamu Ga gaw- Ninghpu hte hput,Hkumpup Hka sha lu,Tsingdu pyi chyahkraw chyahkra re ai Zaibru Ga(sh) Dingnye lu ai Lamu Ga re majaw rai nga ai.Teng sha nga yang-Democracy Mungdan Gawgap nna, Federal jaw na ngu ai gaw Mungkan Mungdan ni madat pyaw hkra Myen ni Wau taw masu ai lam sha rai nga ai. Hpa majaw nga yang, Mungkan hta Hpyen Dap Up hkang ai Arnarshin Mungdan ni yawng hkra ngu na daram Hkyet,Hkoi mat wa sai majaw rai nga ai. Dai majaw Theing Seing hpe Lenghtawk Labu raw,Bu Hkang dagraw nna Thamada galaw shangun,Hpyen Dap ni hpang kaw na Sumri Jum, Theing Sein gaw Leng garawt Dumsutai taw nga ai lam rai nga ai.Teng sha nga yang Theing Sein Wa gaw- Ningmai Gangat na pyi Ka/ Lung a Ahkang n-lu yang n-mai Gangat nga lu ai. Matsan shayen le i? Baw Dinghkrak dat ya mu. Myen Mung galai shai taw nga sai ngu ai mung, lam mi hku tsun ga nga yang- Akawp sha rai nga ai. Dai Gat sun ai Awng

San Kaw mung-Apala sha rai nga ai. Teng sha nga yang. Democracy ngu ai mung, Mung Masha a matu n-re sha, shanhte Hpyen Dap ni a galaw lu ai Hpyen Dap Democracysha rai nga ai. Dai majaw mung Myen Mungting na Mung Masha ni a Yi Sun/ Hkauna ni yawng hkra hpe shanhte a Kawa Di/Kaji Ke ni galaw da ai zawn hkan zing la, hkan gashun la,Mya lu,Mya sha rai taw nga ma ai re. Myen shada raitim shakrip tik tik sha re. Kadai Si Si,kadai Htan htan shanhte hte n-seng ai. Mung Masha gaw Nga shara mat,galaw lu galaw sha na shara mat ,yawn myi prwisi mayut let tsin yam jam jau hkrum taw ai gaw Chit Thee Prat Japan Prat hta pyi grau sawng nga ai. Dai majaw Myen Hpyen Dap hte Myen Hpyen asuya hpe*Dammya Hpyen Dap *Lagut Hpyen Dap * Rape Hpyen Dap *Sat naNat na.Jahten sharun nanga ai- Satan Hpyen Dap nan rengu yang- Shut ai.ngu kadai tsun lu na rai ta?

By-

Bum Chyangau.
(17.2.2014) Daw-(2) de bai matut hti ga.