Matsat Shabat re ai Myen ni a Myit Jasat

Daw- (2).

Myen Hpyen asuya gaw Shinglet lahkawng kabra ai Lapu hte Maka kumla bung nga ai. Sat na,Nat na,Mya lu mya sha na ngu ai Satan mung- Dai Lapu sha rai nga ai. Lapu/Satan a Baw hpe gara hku Adup/Abyen manyi kau ya lu na ngu ai Ladat hpe Anhte sung sung li li tut myit sumru taw nga ra na ga ai. Myi n-grip ai Yu taw, Na lasha nna tut Madat taw nga ra na ga ai. Lapu gaw Nyan law,Bawnu law ai. Shara hta hkan nna N-sam galai shai chye ai. Tsawp mung chyahkring hkring galai chye nga ai re. Shi gaw Gunggrai Ja ai hte kaga Dusat ni zawn Jinghku hku n-mai kanawn nga ai. Hpa majaw ta? nga yangAchye wa na hkrit tsang ra ai majaw rai nga ai. Anhte W-P myu Sha ni- Myenngu ai Lapu/Tsadanhpyen a Achye ai grai lang hkrum sha saga ai. Dai Tsadan hpyen a Zai Ladat ni hpe tau hkrau mu mada,chye na tawn da nna,gara hku tsun Dara,Dawdan sa wa na ngu ai lam ni hpe Mahkrum Madup nga sai Sakkung Ji/Wa Myitsu Salang ni hte Azin Ayang,Tut nawng e Bawngban jahkrup Hpaji hpyi la lu na matu Mungbawng Hpung langai mi hpaw Ninghtawn tawn da ra na ga ai. WMR mung dai lachyum gaw rai nga ai. Raitim hpang daw de Dawdan,Tsun hparan, galaw sa wa ai lam ni nau nnga mat wa ai hpe mu mada lu ai. N-dai Mungbawng Hpung ngu ai gaw- Myen hte tsun shaga na matu n-re sha,Anhte a kata lam na Ahkyak ai lam ni hpe tsun hparan Dawdan la nna, lu la ai Mahtai hpe TechTeam hteNCCT ni kaw nna Myen hte tsun shaga na matu Hpaw Ninghtan tawn da mai nga ai. Anhte W-P myu sha ni a Dai ni Ta tut hkam sha,hkrum katut nga ai Mayak, Manghkang ni gaw langai hkrai chyu a myit Nyan Hpaji hte tawt lai Awng dang lu na matu yak la nga ai. Yawng hkra Myit hkrum

Gahkyin zinlum yang chyu sha she Democracy ngu ai Mahkrun lam de Nawt wa, Sit wa,Hkrang Shalat sa wa lu wa na re ngu kam ai. Myen Hpyen asuya ni gaw- Shanhte a Power Arnar grin nga lu na matu U Htawt amyu myu htawt nna kajaw,kajam rai taw nga ma ai. Mungchying Sha ni hpe mung shanut,shalau taw nga ai zawn, Lawu Myen Mung de na shanhte Myen ni shada mung Dip lu,Dip sha,Roirip zingri taw nga ma ai re. Grau sawng ai gaw- Sam Hkyeng/Taileng ni hte Anhte W-P Jinghpaw ni a lapran Sumprat dawk bang ya ai lam rai nga ai. Sam Hkyeng Pyithitsit (5000) hpe Waingmaw,Moegaung,Hpakant hte Wanleng lam mayan hkan na Sam Hkyeng ni hpe Lakanak jahpai nna Anhte W-P Sha ni hpe bai n-htang gasat na matu hkyen lajang taw nga masai re. Ganing rai nna n-dai zawn Sam Hkyeng(5000) hpe lu mahkawng la ma ta? Sam Hkyeng ngu ai Moi kaw na Anhte W-P Jinghpaw ni hpe chyan pyi n-mada gwi ai ni re.Dai ni hpa majaw Gwi Shat jaw sha ai masha nga jang Anhte hpe n-htang Wau wa ai rai ta? Lachyum gaw- Sam Hkyeng ni grai n-gun ja la nna n-rai nga ai.Myen Gwi Chyit ni Sam Hkyeng Ninggyi langai lahkawng hpe Maidang masawp/shamyawk ya nna Ningbaw shatai,Kaja wa nga ai Hkying Mali jan gawSam Hkyeng Mying hkam da ai Myen Sa Wa ni chyu rai chyalu re. Lam mi hku tsun ga nga yang- shanhte Myen ni gaw Simsa lam hpe chyu shakut taw nga ai. KIO/A ni Sam hpe nau Dip sha ai majaw Sam Hpungkyi kaw na hkawt Sinat hpai nna, Tinang a Mare Buga hpe tinang makawp maga nga ai renga nna Mungkan de Shiga shapoi na matu hte,Sam Hkyeng Mying hkam tawn ai Myen ni hku nna KIO/A hpe Inderect hku nna gasat na, Sam hte Jinghpaw Mang Hkang shajat Wan nat ya na. Sinat hpai taw nga ai Sam Hpungkyi ni hpe hkra jang Sam/Jinghpaw Bardayay Mang hkang shabyin na. N-dai lam ni gaw- (.) hta pyi grau Matsat Shabat re ai Myen Hpyen Sa Wa ni a Myit Jasat ni rai nga ai. Kachin Myu Sha ni en-dai Sumla kaw mu lu ai Sinat gap sharin nga ai Bukda Hpungkyi ni hte Pyitusit ni gaw,Tinang KIA hpe Shingla Gasat na matu re da. Myen asuya ni gaw-Anhte Kachin ni hpe mung, Rakhaing/Gala Manghkang zawn,Anhte Kachin myu sha ni hte Hpunau Sam Bukda

ni hpe Manghkang bai byin wa na hku Ladat shaw galaw taw sai ngu ai. N-dai Sumla hpe yu yang asan sha dan dan leng leng mu mada lu nga sai re. Dai majaw Dai ni na Aten hta Anhte Kachin Myu sha ni hku nna Lam magup hta shawoi na hta grau nna grai Sadi maja let Tsun shaga galaw sa mat wa ra na re ngu- shadum dat nngai. (N-tai N-mai.Lachid Kachin). Mungkan hta Tinang a Mungdan hpe htenza hkra,Gasu kabrawng hkra Manghkang hte shajat ai Asuya ngu ai..Nna ga, N-mu ga yu ai. Banau shatsu chyayet sha ai Myen Gwisi Gwiran ni chyu sha- Tinang a Mungdan hpe galaw jahten, galaw Amya,galaw ahprun nna shanhte a Power Arnar grin hkra shakut taw nga ai re.Tinang a N-ta hpe Wan n-htang Nat nna Nye a Kun Dinghku a matu shakut nga nngainga tsun taw ai wa gaw- Masha Manya,Masha Sangawk nan rai nga ai. Kadai si si,kadai htan htanTinang lu Sha, lu Araw jang rai sai nga ai Myit Jasat mung- Madang nyem dik ai Dusat Myit rai nga ai. Wunpawng Mungdan Shanglawt Asuya KIO/A a Ginjaw Ginra rai nga ai- Laiza,Maija Yang, Laisin hte kaga ahkyak ai shara ni hpe htim Gasat zing la na matu,Myen asuya kaw nna Matsun taw sai lam KIO Ginjaw na Du Kaba langai mi tsun shana wa ai. (Jinghpaw Kasa/ 12 Febuary 2014) Shiga gaw- Tak nna Tsun ai Shiga Shadam n-rai nga ai. Teng sha waMiwa Asuya kaw nna Shi a masha yawng hpe Shaga la Wunpawng Shanglawt KIO/A hte Myen Tai Hpyen ni Majan Kaba bai byin hpang wa na Masa nga ai lam Shiga na chye lu ai. Ya Aten Miwa Asuya ni gaw Jinghpaw Mung hkran de nga ai Miwa Mung Masha ni yawng hpe Febuary (14) ya hpang jahtum da nna Jinghpaw Mung kaw nna Miwa hkran de wa na lam n-dau nga sai lam Buga Masha ni kaw nna chye lu ai. Miwa asuya kaw nna Ya na zawn Shi a Mungdan Masha ni hpe Miwa hkran de wa na matu n-dau shana ai lam gaw,lai wa sai Bat hkan kaw nna rai sai lam chye lu ai.

Myen Tai Hpyen asuya ni mung Ya Aten Wunpawng Mungdan Shanglawt Asuya Up Hkang Ginra hte ni htep ai shara law law de shang shara la nga sai lam hpe mung na chye lu ai. Febuary (10) ya shani kaw nna KIO Ginjaw Ginra rai nga ai KIA Dap Ba (5) Ginra hta Myen Tai Hpyen ni htu Gasat wa ai majaw Majan bai byin hpang wa sai lam, N-dai KIA Ginjaw Shingwang kata hkan e Majan zim ai gaw Laning mi jan mat wa sai lam hpe mung chye lu ai. (Jinghpaw Kasa/ 12 Febuary-2014). N-dai Mabyin ni hpe yu ai shaloi- Myen gaw Gap Jahkring Myit hkrum Lekmat Htu na matu- Yak Hkak ai Lam nga wa ai hpe mu mada lu ai. Shanhte Ra sharawng ai gaw -2008-Ning Constitution hpe Federal Hkrang hku Recondition galaw la nna,Dai hpe UNFC ni hkap la na matu rai nga ai. Raitim UNFC a Gawng Malai NCCT ni..Nonga wa ai majaw Bawja DuJa taw nga ai KIO/A hpe Simsa Lam hta Majan Lam hpe lata nna Hpyenman bai hpaw wa ai lachyum hpe mu mada lu ai. Negotiation- 80% Awng dang taw sai nga tim,Ngam nga ai 20% gaw Ahkyak Madung re majaw- Myen ni mung NCCT ni hpyi ai 80% jaw lu,Myit hkrum lu tim Ahkyak dik ai 2008-Ning Gawda ai Tara kata de UNFC ni yawng hkra hpe Tsep kawp Gawt bang,Garawt bang lu na gaw grai nan yak nga malu ai. Hpa majaw ta?...nga yang 2008-Ning Constitution gaw Hpyen Dap Up hkang Sumri jum Tek ai Ladat re majaw rai nga ai. Dai majaw KIO/A ni mung..Sorry mat sai re. Shaloi gaw- Bai Anut hkat ai lam hta lai nna kaga hpa baw lam wa naw nga na rai ta? Mahtai gaw dai sha rai nga ai. Miwa asuya mung shi a Mung Masha ni hpe bai shaga n-htang taw sainga re majaw, N-dai Manghkang htaMajan hkring taw ai mung grai na saiJahkrum nlu jang gaw Gasat hkat yang mung bai Gasat hkat bang wa yu mu.Ngai Machyu Pala Dut ya nangu ai lachyum sha rai nga ai. Miwa a matu gaw gara hku mi yu yu Amyat chyu rai nga lu ai. Myen Mung Letpadaung Bum ni kaw na Magri Paw Paw Pye Pye hte htu shaw la, Machyu Pala bai gyin shapraw, Myen hpe bai dut ya. Dut ya ai ngu gaw- Gumhpraw hte n-rai.Maisak,Mailung hte galai la ai lam rai nga ai. Mungkan hta Miwa n-Tsahte yang kadai Gwi Chyit Gwi Ran wa Tsahte

taw na rai ta? Marai masum pawng yang Tsang (10) pyi n-du ai Myen Hpyen Du Sa Wa ni mung Dai hpe grai jaw dum taw nga ma ai. Mungdan gaw Hpun Kawa taw mat wa nna Lamu Marang galai shai mat wa,Mali Hka pyi hkyet htum mat wa nga ai hpe Myen Gwi Chyit ni myit dum na n-re. Tsun ai ni, Marawn taw ai ni kade nga tim Magwi Na hta Dawraw Dum sha she arai nga malu ai. Myen Mungdan mung lani hte lani Mawhpyi Mungdan hte grau grau bung wa,Gale wa nga sai re.Maw Hpyi Mungdan tai taw ai gaw she naw tsamai na re.Shawa Num Mungdan tai mat wa nga ai lam ni gaw Munghpawm Myen Mungdan nga nna Mungkan hta gara kaw myiman sa hpaw lu na rai sata? Grai yawn shara rai nga ai. Miwa ni hku nna mung-Myen hte Jinghpaw Gasat Chyi hkat nna Myen ni bai kahtap sum sum rai jang- Shi she N-dan madu/Sara kaba zawn ngaRai saiRam saiNanhte lahkawng maga Zim manuNgai Hparan ya ai hpe madat mubai nga na. Myen mungYes..Sir nga chyalu re. Anhte KIO/A ni Yes.. SirN-Sir na Ahkyak dik rai nga ai. Tinang a N-ta e she Madu Jan hpe hkrit ra tim,Miwa hpe gaw Tsepkawp hkrit nan n-mai ai. Ja Ja,Hkat Hkat sha rai ra na ga ai. Teng sha nga yang.Myen gaw, Ethnics ni hte Simsa lam Ga Baw hte Manghkang Hparan hkat taw ai mi anga tim,Madung gaw Shanglawt KIO/A ni sha rai nga ai. Ya hpang de na Awng Min wa Hkrum zup Bawngban ai lam ni hta KIO/A (sh) Du Kaba Sumlut Gun Maw n-lawm jang Jum N-lawm ai Shatmai zawn Namchyim N-rawng mat ai hpe mu mada lu ai. Hpa majaw nga yang- kaga UNFC ni gaw Balen shaw kau katut sai majaw rai nga ai. Awng San Hputkyi kaw nna hkawt Myen Hpyen asuya ni Dung nga yang dung,Rawt nga jang Rawt, Maidang htawng ya tim hkam mana sha ra chyalu rai nga masai. Yawng hkra gaw- Hpa Ahkaw Ahkang mung rai N-hpyi la lu yang Myidi Na hpang rai,Gap Jahkring Lekmat sa htu kau ai majaw Ahkaw Ahkang Kata ai simsa Lam ngu ai U Raw hta Gawt bang, Rimrawng da hkrum sai re. Myen Hpyen ni gara Aten hta raitim Rim abyen,Sat sha kau lu nga ai. Myen ni hte Gap Jahkring Lekmat Chyahkring hkring,Lata pyi n-chye

Tsu hkra Htu taw nga ai KNU hte RCSS/SSA Sam ni hpe mung- Baw kaw Hkyi rawng ai Katsu hte sha bung nga masai. Dai zawn Myen hte chyahkring hkring Gap Jahkring Lekmat chyu Htu taw nga ai lam gaw- Myen hpe Anhte Hkrit dik ga ai..ngu ai lachyum hte maren sha rai nga ai. Myen ni gaw Kan kata kaw na Lagu Mani taw nga na masai. Myen Hpyen asuya ni a Simsa lam hte seng nna Masing Masat tawn da ai N-pawt N-hpang Lam Masa (6) nga malu ai.Dai ni gaw(1). Simsa ai Lam hpe teng sha Ra sharawng ai lam nga ra ai. (2). Myit hkrum tawn ai Ga Sadi hte maren hkan sa ra ai. (3). Simsa Lam hpe Amyat n-mai Htuk ai. (4). Buga Ginra,Mung Masha ni hpe Lit n-mai shali ai. (5). Naing Ngangdaw kaw nna Shana Shabra tawn ai Tara masa ni hpe hkrak tup hkan sa ra ai. (6). Du Ta-Wun Ayay Tungba hte Democracy Ladat ni hpe (2008)Ning Gawda ai Tara hte maren hkan sa ra aingu ai lam ni rai nga ai. N-dai lahta de na Simsa Lam hte seng nna, Jahkrat tawn da ai Lam Masa (6) hpe tawt lai ai lam byin pru wa jang,Bama Tatmadaw hku nna Tsep kawp hkam sharang taw na n-re ai lam ni hpe chye lu ai. Mungchying Sha ni a Ra Sharawng ai lam madung Kaba (4) (1). Maren Mara Ritkawp Tara nga na lam (2).Tinang Hkum nan Tara masing Masat lu na lam (3). Munghpawm Hpyen Dap Hpaw Ninghtan na lam (4). Mungdan hpe Tara Masa hte Up Hkang na lamni rai nga ai. N-dai lahta na lam ni hpe bai Shingdaw yu ai shaloi- Myen Hpyen ni hte KIO/A Shanglawt Asuya ni a Ningmu hte Ra Sharawng ai Lam ni Kade ram naw Mala Hka taw nga ai ngu ai hpe mu Mada lu nga ai. Mahtai gaw Gara hku pru wa na rai kun?

Bum Chyangau. (20-Febuary-2014)

Daw-3- de bai matut hti ga.