Matsat Shabat re ai Myen ni a Myit Jasat

Daw- (3).

Myen ni gaw- Mung Masa lam,Hpyen Masa Lam hpe Amyu myu U Htawt htawt Ginsup taw nga ma ai. Dai zawn Kajim Gajam re ai Myen Hpyen Sa Wa ni a Lagaw Lahkam hpe Anhte W-P Myu Sha ni hku nna raitim, KIO/A Wunpawng Mungdan Shanglawt Asuya ni hku nna raitim- Tut nawng Maram Dinglik yu taw nga na gaw Ahkyak dik rai nga ai. Shat Da Lahkawng Masum n-sha ai mai nga tim, Myen a Zai Ladat hpe gaw Myi Shatu/Shagan nna nan yu Azi taw nga ra na ga ai. Tau Hkrau nna Hkyen Lajang tawn ai ngu ai gaw- Tsi Kaba nan rai nna,Tianang a matu mung Save Side tai lu nga ai. Ang jang she,Byin jang she,Hkrum katut jang she..Yu nna Lajang ga..ngu nna n-mai tsun nga ai. Myen ni Lahkaw Lahkam Kalang Nawt rai jang Anhte mung Lagaw Lahkam gara hku Shara La tawn ra ai ngu ai hpe gaw- Karate Fighting Shakyi hkat ai Design hku rai ra nga ai. Lagaw Lahkam htawt shut ai wa gaw Katut Naw na sha re. Dai majaw Anhte gaw galoi mung Stand By rai taw ra na ga ai. Tut Maja taw nga ra na ga ai. Hkrit nna Maja na hpe tsun mayu ai n-rai. Atsam dat ra ai hpe tsun mayu ai lam rai nga ai. Hkauna galaw tim,Hka Rang Yi hkyen tim- Atsam Marai n-dat ai wa a Yi Sun/ Hkauna gaw- Tsing ni hkrai htep rai Shu la/Dan la ai lam hta Mahtai Kaja pru na n-re. Anhte a Yi Sun,Hkauna de Myen ngu ai Tsingdu/Tsing Si ni n-mai ganip shangun na ga ai. Wunpawng Mungdan ngu ai Anhte a Yi Sun/Hkauna kaw NaiLaw law hkai tawn ga. Myen ni hpe Kapaw Bun nna Hkap tau hkalum la ra na rai ga ai. Hpyen Majan langai mi Awng dang na matu Strategy Hpyen Ladat gaw Ahkyak dik rai nga ai. Woi Awn ai ni Myit shut,Sawn shut kau dat jang Hkra machyi ai lam ni n-dang tsun hkra byin tai wa lu nga ai. Rai yang- Dai ni Myen Tai Hpyen ni htawt sit taw nga ai Mung Masa,Hpyen Masa Lam ni gaw gara hku rai ta? Sim ga,Sa ga,Gap Jahkring ga..nga nna,Myen ni gawJanuary (10) Ya-2014 kaw nna KIO/A Ginjaw makau,Dapdung (18) a Post kaji

langai mi rai nga ai Ja Ing Yang hpe Jahpawt daw de sa Gasat zing nna,Shana de bai htingnut mat wa ai lam chye lu ai. Dai Post gaw Shanglawt ni a MHH Mung Shawa Hpyen Post rai nna,Kh-M-Y (421),(424),(425),(426) Myen Hpyen Hpung ni hte Mayan Mare kaw Dap jung tawn ai Kh-L-Y(260) Pawng hpawn da nna, Laknak Kaba ni hte mung n-hkring n-sa Gap sharu Bun ai lam chye lu ai. Mungdan asuya langai mi ting rai nna dai ram U Gyin jawm jawm ai gaw gaya kahpa rai nga ai. Dai hta n-ga- Manmaw N-Mawk Ninghtawn KIA Dapba(3) Dapdung (1) Dagaw Mada Shanglawt Dap hpe mung Febuary (16) Ya shani Wan nat kau da nna Htingnut mat wa ai lam chye lu ai. Hpa majaw dai zawn- Kh-L-Y (121) Hka Wan Bang Dap ni htingnut mat ai rai ta? Shawng lam de byin wa lu ai Hpyen Masa ni hpe Maram dinglik yu ra na ga ai. Grau laklai ai gaw- Miwa asuya ni hku nna, Jinghpaw mung kaw du taw nga ai shanhte a Masha ni hpe Miwa mung de hpa rai bai nhtang shaga la taw nga ma ta? Myen ni hpe Laiza n-zing na matu hkum pat ai mung nga ai re majaw- Teng sha nga yang shanhte a masha ni hpe bai shaga nhtang na lam kaga nnga ai re. Myen hpe hkum pat ai gaw nga nna, Shanhte a masha ni hpe bai shaga la taw ai gaw- Laklai taw nga ai. N-dai mabyin hpe yu yang- Miwa gaw shi a masha ni hpe shaga la kau ngut ai hpang, Shanglawt KIO/A hpe Myen ni tsep kawp Gasat shamyit kau lu na matu hpang kaw na lagu n-gun jaw taw nga ai lam hpe Masam Maram yu lu nga ai. Shanhte Miwa ni Myen hpe lagu garum taw,Shanglawt hpe Gasat shangun taw ai hpe Magap kau lu na matu- Laiza zing na tsep kawp myit nhkrum ai nga N-sen shapoi taw ai lam rai nga ai. Anhte Miwa ni hkum pat masu na.Nanhte Myen ni shang htim Gasat munga nna kata lam hta Mayun kahte tsun dan hkat chyalu rai na re ngu Mu mada lu ai. KIO/A hpe Gasat shangun ai Anhte Miwa ni n-rai ga ai ngu ai hpe grau kam hkra (sh) grau ngang kang hkra Shinggyim Masha shada Humanitarian nga ga ai ..ngu ai hku nna- U/S Dollar (800) Million a matu Hpyen Yen Dabang de Red Cross Convoy ni Gawt bang,Yan bang wa ai lam rai nga

ai. Red Cross gaw lapran Masha rengu ai hku nna mung shakam tawn da ai hku rai nga malu ai. Teng sha nga yang shanhte Miwa ni Anhte a Wunpawng Buga kaw na Akrawk sha mat wa ai ja Lung Seng hte N-hprang Sut rai ni gawBillion,Thrillion hku nna rai nga ai. Naypyidaw e laning mi kalang mi Miwa mung de Dut ya kau dat ai Lung Seng Manu sha pyi (8) Billion= 8000 Million rai nga ai. Ya Miwa ni garum ai (800) Million ngu ai gaw- Lung Seng kalang dut ai Gumhpraw a (1/10) sha rai nga ai. Dai hta n-ga (800) Million Dollar a matu, N-gu,Sau ni ngu ai gaw loi dam ai n-rai. Sumpum sumpam rai nga ai. Dai ram Laiza de sa ya na ngu ai gaw- Anhte Myu Sha ni Miwa Mungchying Sha mung n-rai ga ai. Hpa majaw Miwa ni Anhte hpe dai ram Tsawra myit kaba taw ma ta? Mau hpa rai nga ai. Kaja ai hku she Mau mayu ai. N-kaja ai hku gaw n-rai u ga ngu kyu hpyi myit dum nga ga. Bai langai mi gaw- Myen Hpyen asuya ni hku nnaMungkan Mungdan shagu de na IDP ni hpe garum na nga ai hpe Dingbai Dingna jaw, Hkum pat ding yang rai nga tim- Hpa majaw Miwa hpe rai jang dai ram law hkra garum ai hpe hkap la,Ahkaw ahkang jaw ai rai ta? Miwa gaw Myen a Chyeju Madu re majaw ngu nna Sawn la mai tim- Dai ram law ai Gumhpraw Manu hpe Miwa ni Myen hpe pyi n-garum yu ga ai re. Ya hpa majaw anhte Myu Sha ni hpe kajawng kaja garum wa a ta? Lak nan Laklai taw nga ai hpe mu mada lu nga ai. Anhte Myu Sha ni hpe Gasat na matu Myen hpe Lakanak Machyu Pala dut ya,Garum ya taw nga ai Miwa ni Dollar (800) million a matu Gunrai ni garum wa ai ngu gaw-Myit yu shara,Mau hpa kaba nan wa rai nga sai. Akyu Ara lama ma a matu yaw shada nna galaw ai lam re hpe gaw Asan Apra chye na lu nga ai. Kaning re Akyu Ara a matu rai na shadu ga ai kun? Positive hte Nagative Amyu Lahkawng hku nna myit yu ga. Kaja ai Positive hku nna nga yang(1). Miwa Mung de nga ai Myu Wunpawng Sha ni a hpyi shawn ai majaw rai kun? (2). Mali Zup Madim hte Lahta Daw de galaw na Madim ni hpe Buga masha ni hku nna Hkum pat ai lam n-galaw hkra Anhte Miwa ni gaw nanhte W-P Jinghpaw Myu Sha ni a Akyu yawm hkra galoi n-galaw ga ai..ngu ai lachyum

hpe madun dan mayu nna,N-dai (800) Million garum ai lam rai kun? (3). Jinghpaw Mung na N-hprang Sut Rai ni hpe Manaw Akrawk shaw la mayu ai majaw Anhte Myu sha ni hpe Myiman tam taw ai rai kun? (4).Ledo lam hku nna Gala Mung de matut mahkai mayu ai majaw Anhte hpe Organize galaw taw ai rai kun? Gara hku mi nga nga- Shanhte Miwa ni a Akyu Ara a matu chyu sha re hpe gaw Ga Lahtum n-shut tsun lu nga ai. Negative View hku nna bai Maram yu ga nga jangN-dai (800) Million a matu jaw ai,Tsi Mawan,Malu Masha,Hpun N-ba ni gaw grai Hkrit hpa rai nga ai. Hpa majaw Miwa asuya gaw- Laiza n-zing na matu hkum pat nna,Shanhte a Masha ni hpe rai jang bai shaga n-htang taw ai re ni? Majan n-byin sai nga jang hpa mung shaga la n-ra sai. Miwa hpe Jinghpaw Mung kaw hkap la tawn da mayu nna tsun ai lam n-rai. Byin nga ai Masa Lam hpe shingdaw yu ai lam sha rai li ai. Lam mi hku bai myit yu ga nga jang- Anhte hpe sa htaw jaw ai Poison Food ni hpe shanhte a Miwa Amyu ni sha hkrup na tsang nna i? Dai gaw Kaba dik ai Ga San rai nga sai. Dai majaw- Anhte Myu sha ni Lu ai,Sha ai,Hkawmsa ai grai nan sadi ra ai Ten ladaw ni rai nga saga ai. Mahtai gaw Anhte W-P Myu Sha ni hpe Miwa ni- Lama ma gaw Nam Nyan Daw taw nga sai..ngu ai hpe chye na lu nga ai. Dai majaw-Jaw Shagu n-mai la ai..nga ai Ga gaw n-dai kaw bai Jaw na/Teng na zawn nga taw nga ai. Jaw Shagu la,Jaw Shagu Sha jang Jam jau hkrum chye nga ai. Sadi na Ahkyak kaba dik rai nga saga ai. N-tsa lam sha myit yu yang gaw- Myen kaw na Makawp Maga la ai, Malu Masha,Hpun N-ba garum ya ai- Miwa ni hpe Chyeju Madu Hkye la Madu ngu nna Naw Dagrawng taw na zawn gaw nga na re. Teng sha nga yang Anhte a Hkye la Madu gaw- Anhte hpe Awng Padang Ninglaw jaw ya lu ai, Ruyak Tsin yam kaw na Hkye Mawai shaw la taw nga ai .. YEHOWA KARAI KASANG she re. Kaga Kadai Shaje mung nnga ai. Dai ni Anhte Ndai daram hkam jan lu ai,Awng Padang Ninglaw lu ai mung- Dai Yehowa Karai Kasang a majaw sha rai nga ai. Miwa a majaw n-re. Dai Yehowa Karai Kasang a mying Ningsang Hta ni hta na Agrin Agrau nga u ga. Haleluyah.

Teng sha nga yang n-dai zawn Miwa ni sa garum ai lam gaw,Shanglawt KIO/A hpe Gasat Shamyit kau na matu shanhte Miwa ni Myen a hpang kaw na Lagu garum shadut taw ai lam hpe Makoi Magap kau lu na matu re hpe Masam Maram yu lu nga ai. Magwi chyasi hpe gara hku Bainam Hpyi hte magap kau lu na rai ta? Miwa gaw Lap mi htum hkam nna,Lap (10) manaw shaw la ai myit kyang rawng ai ni rai ma ai. N-dai (800) Million garum ai ngu ai hpe Shinggyim Masha shada Myit tau nna nga jang- hpa majaw lai wa sai Ten ni hta Shanglawt KIO/A hpe Gasat na matu Laknak dut ya a ta? Dai majaw Hpyen yen Tsin yam ngu ai nga wa ai n-rai ta? Hpa majaw Miwa Hpyen La ni hpe Myen Hking jahpun nna Shanglawt hpe Gasat shangun ma ta? Myen Hking hpun da ai Miwa Hpyen La ni yawng Si ru htum ma jang she Miwa ni gaw Adit Si gaw n-rai rai,Gaya kaba hkrum taw ai hpe naw dum na ga ai. Dai zawn- KIO/A hkoi mat na hpe sha N-gun jaw Wan Nat ya taw nga ai Miwa ni Ya hpa majaw- Humanitariannga nna N-sen sen wa ma ai rai ta? Hpa majaw Miwa ni Anhte Myu sha ni a n-tsa e Tsawra myit ni,Matsan dum ai myit ni-Atawng Apa Nawng nawng rai wa ma ta? Ga San ni grai law la nga ai. N-dai Miwa ni garum ai lam hte seng nna Chyeju gaw dum tim,n-kau mi gaw- comments ni hta; N-htoi lai mat sai Tsi ni rai kun? N-rai yang, Gung lawm ai re mung n-chye ai. Akyu grai hpyi ra na re. (Namhkai Hka) Maga mi de Myen gaw Lashawng madi nang wa,Maga mi gaw Miwa ni garum wa raiLama ma kun? (Htanhpa Bum) Myen Hpyen ni mung Ganaw bang wa, Miwa mung garum bang wa.Lama mi gaw rai sai. (Nang Shen)

Karai Kasang kaw Kyu Ja Ja hpyi ga yaw.Lam shagu Yehowa dang di lu ai. (Wunpawng Shadang) Anhte Kachin ni Majan Tsin yam hkrum wa ai Shaning (50) jan sai. Miwa asuya ni kaw nna Anhte Kachin Hpyen yen Mung Shawa ni hpe garum jaw ai ngu ai gaw ya she mu ga/na ga sai law. Hpa mi raitim jaw jang gaw la ra ai hpan rai sai ga rai nga ai. (Zau Hkum) Some things Wrong!!! Its getting Weird & Weird *Weird= chye na yak ai/Lak lai ai (Lilly JD) Myen gaw Majan kaba baw na hkyen nga yang- Miwa gaw garum ai lam galaw wa ai gaw,Myen hte Miwa Anhte hpe n-kaja ai hku she Maw nga sam masai. Kyu Ja Ja hpyi ga. Karai Wa a Hpung Shingkang Anhte a n-tsa kaw dan pru wa u ga. (Yaw Ting) Tsi dai ni mung n-mai kam ai. Prat dep ai re majaw gaw- Maja ra dik na re lu. (Shanghtin Seng Ja) Mali N-mai Zup hpe Chyingnam gat shangun dat ai gaw- Myen Hpyen Dap ni a Nam Nyan. Chyingnam ni htaw sa wa ai gaw- Miwa Sai Chyup Ndang. Mali Hka Nu kaba wa Myi hpraw galau, Myi kaw Ashun taw sai. (Soe Soe) Miwa gaw- Hpyen yen Tsin yam ni hpe Madi shadaw tawn nna, KIA/O hpe Tsep kawp Gasat shamyit kau shangun ai Zai Ladat mung byin mai ai. Asuya gaw Laiza hpe Hpyenman hpaw jang IDP ni gaw teng sha Miwa hkran de hprawng shang chyalu re. Dai majaw- Shara jahkrat na matu shawng garum da ai mung byin mai ai. Ngut jang Hpyenman hpaw na lam galaw sa mat wa na. (Ko Ko)

N-dai lahta na Comments ni gaw- Ya hkyak hkyak Anhte a W-P Myu sha Hpyen yen Tsin yam ni hpe Miwa ni hku nna (800) Million a matu kajawng kaja garum sa wa ai n-tsa hta Mu ai Ningmu ni rai nga ai. Laika hti ai Hkawp Myit Su wa gaw gara hku Chye na,Mu mada,Hkap la ai kun le i? By-

Bum Chyangau.
Febuary - (22/2014) Daw-4- de bai matut hti ga.