Yangon Ninghtoi: 2014 ning March shata 9 ya De,

Amu Madu 101 Sang Lang Myit Sharawt Komiti Ginlam: lam. : 101 Sang Lang Myit Sharawt Komiti malawm kaw nna, pru na ahkang hpyi dat ai

Hkawp hkungga ai myitsu slang Amu Madu hpang de lahta na ginlam hte maren, tang shawn dat nngai. Ngai, Khon Ja (Labang Hkawn Ja) kaw nna, Komiti kaw nna, shatsam ai, 101 Campaign hta shang lawm na hpe, myit n hkrum ai hte, Media Contacts hku nna shatsam ai hpe mung, gun hpai lu na matu, myit n hkawn ai majaw, 2014 ning, March shata 9 ya, shana de 3:00 PM kaw nna Komiti malawm kaw nna, tinang a myit hte pru sai lam hpe shana mayu ai hte 101 Komiti a Media Matut Mahkai lit hpe, Komiti de bai nhtang ap dat nngai. Komiti kaw nna, pru mat na matu dawdan ai reasons ni hpe lawu na hte maren sang lang dan mayu nngai. 1. Wunpawng Mungdan Shanglawt Asuya a malai, Salang Kaba La Nan kaw nna, the Irrawaddy kaw tsun da ai hte maren, Wupawng Mungdan Shanglawt Asuya a uphkang ginra kaw Yuptung Jahpan n hta na, nga ai hpe madi shadaw nngai. Dai hpe, shangang shakang ai hku nna, kaga media hkan mung, shabra shapoi ya lu yanggaw, grai chyeju dum na nngai. 2. 101 Komiti hpe nnan hpaw ninghtan ai shaloi, myu lakung yawng myit hkrum myit ra na hte, bra garan mat na matu yaw shada nna, shang lawm wa nngai. Ya dai ni aten hta, 101 Campaign hpe, myit n pyaw ai, myu lakung 3 (Lhao Vo, Rawang, Lisu) rai sai. Anhte wunpawng kaw, myu lakung 6 nga ai, ngu hkap la ai rai yang, population (masha hti hkum) n bung tim, myu hpan a 50% (types of ethnics) (3 out of 6) rai taw sai majaw, Wunpawng Myu Sha ni Solidarity hpe madi shadaw ai magam bungli N Rai sai, ngu ai hpe mu mada nngai. Dai majaw, n hkap la lu nngai. 3. 101 Komiti nnan hpaw ninghtan ai shaloi "Kachin" nga ai, idendity mat mat na hpe hkrit tsang nna, yawng 101 Kachin nga ai Code kaw sha bang ga, nga nna, dawdan lai wa sai ga ai. Raitim, dai ni, Main Ethnic 1- Kachin nga ai identity gaw, Ethnicity (myu lakung bawsang) Kachin 101 kaw n bang tim, n mat ai hpe mu mada sai. Ethnicity (Myu Lakung bawsang) Kachin 101 kaw nna Lisu 112 duhkra, gara shara kaw bang tim, Total gaw, Main Ethnic 1-Kachin kaw du na re ai hpe hkaja chye chyang la lu sai. Dai majaw, Kachin Identity n mat ai. 101 Kachin Campaign n ra sai hpe mu mada ai.

a. Ga shadawn: Table 1

b. Ga shadawn: Table 2

c. Ga shadawn: Table 3

Ndai yawng kaw, Total population gaw, pai maga colum na, Main Ethnic Group 1- Kachin kaw wa sang ai re.

4. Main Ethnic hte Ethnicity a. Lama wa, Table 1 hpe lang ai rai yang, Main Ethnic 1- Kachin rai na. Ethnicity gaw, myu lakung bawsang Kachin 101, Trone 102, Dalaung 103, Jinghpaw 104, Gauri 105, Hkahku 106, Duleng 107, Maru 108, Rawang 109, Lashi 110, Atsi 111, Lisu 112 naw rai na. Anhte Wunpawng ni nan 'Kachin 101 Myu Lakung Bawsang nga ai' ngu ai hpe recognition jaw kau ai hte bung ai. b. Lama wa, Table 2 hpe lang ai rai yang, Main Ethnic 1- Kachin rai na. Ethnicity gaw, myu lakung bawsang Kachin 101 mat mat na, Trone 102, Dalaung 103, Jinghpaw 104, Gauri 105, Hkahku 106, Duleng 107, Maru 108, Rawang 109, Lashi 110, Atsi 111, Lisu 112 naw rai na. c. Lama wa, Table 3 hpe lang ai rai yang, Main Ethnic 1- Kachin rai na. Ethnicity gaw, myu lakung bawsang Kachin 101 hta lai nna, ngam ai ni recognition kaw na mat mat na. Dai majaw, 101 bang yang, 'jaw ai', 101 n bang yang 'Kachin mat mat na' ngu ai misinformation, mismessage hpe, anhte a myu sha ni hpe jaw na matu myit n hkawn nngai. 5. Post Census Process: Census hta la ngut ai hpang na process gaw (1st March 2014 a shilai ka hta mung, www.dop.gov.mm Department of Population a website) hta ndau shana da ai hte maren, hta la lu ai ethnicity hte seng ai data ni hpe, Ethnic ni shanglawm, dawdan bawngban ngut ai mahtai hpe, Hluttaw kaw, shangang shakang ya na, nga nna tsun da sai. Dai hpe, ya aten, kaga ethnics ni hte pawng nna, written agreement lu hkra shakut nga ai ten re. Lama wa, kaja wa, sanglang mat wa ga, nga ai shani, wunpawng myu sha, myu lakung bawsang ni a lapran, 101 kaw bang kau ni ni hpe, n mai hparan la mat ai sha n-ga, 101 ethnicity langai jan pru taw nna, shada myit n pyaw hkat ai lam, grau nga wa na hpe n ra sharawng nngai. 6. Lahta na lam ni a majaw, 101 Sang Lang Myit Sharawt Committee galaw ging ai gaw, buga masha ni hpe Tengman ai shiga "True Information" jaw nna, shanhte nan dawdan la shangun ai sha mai na re. Mung shawa hpe, hkungga ai hte shanhte a rights hpe mung n-gun jaw ai magam rai ra na re. 7. Shanglawt ginra kaw kaja wa n hta sana nga yang, data nan accurate n byin sai majaw, gara kaw bang tim, nau n shai sai. Raitim, 101 Campaign hpe laja lana galaw yang gaw, myit n hkrum ai hpu nau ni hpe, grau n hkungga ai zawn byin na sha re. Dai majaw, madung yaw shada lam re ai "Wunpawn Solidarity" hpe grau tsan gang shangun na sha re. Dai majaw, Impact n shai na malai gaw, 101 Campaign n galaw yang, myithkrum myitra lam de grau ni htep wa na re, ngu mu mada ai. 8. Wunpawng Solidarity hpe matut nna madun mayu ai nga yang, Wunpawng Myu Sha Shanglawt Asuya a dawdan lam hpe madi shadaw ai hku nna, anhte a buga shagu kaw boycott naw mai woi galaw ai, ngu mu mada ai. Mara Dam mung, 1 month imprisonment hte 50,000 kyats sha re. Mare ting, marawn ting woi ninghkap jang, naw mai nga ai. 9. 101 Campaign naw matut galaw na, nga yang gaw, dai 101 Campaign a majaw byin wa na, shawng lam yawng hpe, woi awn galaw ai ni kaw nna 'Lit' la ra na re. 10. Lahta na lam ni a majaw, 101 Campaign naw galaw na rai yang, ngai Khon Ja (Labang Hkawn Ja) kaw nna, n shang lawm lu sai majaw, 101 Sanglang Myit Sharawt Komiti kaw nna, pru na matu ahkang jaw rit, ngu tawng shawn dat nngai.

11. N shang lawm sai rai tim, 101 Campaign hpe gaw, dingbai dingna n galaw na nngai. Campaign galaw ai ni hpe mung, myu sha lam a matu, shakut shaja nga ai ni re, ngu ai hku nna, madi shadaw nngai. Yawng san seng ai hku shakut shaja galaw mat wa na re, ngu mung myit mada nngai. Hpang de, anhte hkam la ai lam bung ai shara kaw bai rau magam bungli galaw ga, ngu nna myit mada nngai. 12. 101 Sang Lang Myit Sharawt Komiti zuphpawng saw shaga ai lam hpe chyawm gaw, myit n pyaw nngai. Dai Komiti zuphpawng hpe lu lung hkra, ngu nna, kaga bungli n galaw hkra, nhtoi reserved galaw da ai rai tim, n lu lung hkra, saw shaga ai gaw, 'exclusion' galaw da ai re, ngu mu mada nngai. YGN kaw nna, MKA de shani shagu nbungli n nga ai hpe yawng chye da nga ninglen, hpawt de 1:00 PM kaw hpang na zuphpawng hpe, dai ni 12:50 PM kaw she, saw shaga hkrum ai gaw, kade shanglawm mayu tim, n lu shang lawm shangun ai lam rai nga ai. Dai majaw, hpang de, Komiti zuphpawng galaw na rai yang, shanglawm ang ai Komiti malawm ni law dik shanglawm lu hkra, sawn shalawm ya nna she, galaw mat wa ga. Dai n rai yang gaw, Myu Sha Gawng malai ni a zuphpawng n re ai sha, Myitkyina Mare Kaba na Wunpawng ni a zuphpawng sha rai nna, kaga buga kaw nga ai wunpawng ni a gawng malai n rai na madai.

Hkungga let,

Khon Ja (Labang Hkawn Ja) Kachin Peace Network khonja2014@gmail.com 09425288899