Ang hingkalimtan nga katungdanan sa atong pangagamhanan dili mao ang pagdumala sa kinabag-ang katawhan kun dili, mao

ang paghatag ug tinud-anay nga serbisyo aron mahaw-as sa kalisdadan ang tibuok nasod nga Pilipinhon. Mga tinahud ug tinamud nga mga maghuhukom, opisyales sa atong kagamhanan, maalamon ug maabtik nga tigpataliwala, mga kaatbang sa pikas nga habig, mga higala, sa bagang pundok sa katawhan nga ani-a dinhi ug mga kaubanan sa buhat maayong buntag kanatong tanan. Ang unang mamumulong sa supak nga habig malampuson sa pagpabarug nga walay panginahanglanon nga himoong lahi nga distrito ang dakbayan sa Mandaue. Ang ikaduhang mamumulong malampuson usab sa pagpadayag nga walay benepisyo nga mapupu ug makuha kung mamahimong lahi nga distrito ang dakbayan sa Mandaue. Ang sunod pangutana, mabuhat ba ang paghimo nga lahi nga distrito sa dakban sa Mandaue? Tuguti isip ikatulong mamumolong sa supak ng habig pagbatbat sa tubag sa maong pangutana.

Una, kini nakalapas sa probisyon sa Batakang Balaod. Ang ikalimang bahig sa ika-unom nga Artikulo nagkanayon, paragraph 3 (Each legislative district shall comprise, as far as practicable, contiguous, compact, and adjacent territory. Each city with a population of at least two hundred fifty thousand, or each province, shall have at least one representative).
Ang batakang balaod naghatag ug minimum population requirement kon unsaon sa paghimo ug distrito. Kini mao ang 250, 000 ka lumulupyo. Kung himoon nga lone district ang Mandaue, makaabot ba sa maong minimum population requirement ang mahabilin unya nga mga distrito? Tubag, dili. Kay ang lungsod sa Cordova aduna lamay 53, 000 ka mga lumulupyo niadtong tuig 2012 ug ang lungsod sa Consolacion adunay 87, 000 niadtong 2007. Dili gayod moabot sa minimum population requirement kung tipunon ang duha ka lungsod. Maka-ingon siguro kita nga ang maong survey tuig 2012 ug 2007 pa, apan bisan ug ato pang himoong 100, 000 ang populasyon sa consolacion karong 2014 ug 60, 000 ang Cordova , dili gihapon kini makaabot sa minimum population Nan kay dili man makaabot sa maong numero, dili ug dili gayod mamahimo ang paglahi sa mandaue.

Pero mga higala, sakyan ta ang argumento sa sa uyon nga habig ug dili nato ikunsiderar ang mahabilin nga mga lungsod, Mosupak gihapon kini sa Ika-unom nga Artikulo ikalimang bahig, paragraph 3 nga nagkanayon, Each legislative district shall comprise, as far as practicable, contiguous, compact, and adjacent territory.

Pangutana, adjacent ba ang Consolacion ug Cordova? Dug-ol ba? Unwangon na man unya ang Teritoryo sa sixto distrito ug duha ka mga lone district, una ang dakbayan sa lapulapu, pun-an pajud nato sa dakbayan sa mandaue, mosamot kalayo mga higala.
Sunod, Duna bay suporta sa Congressman sa Sixto distrito? Tubag, wala tungod kay matud pa sa pahayag ni Congresista Luigi Quisumbing nga not feasible ang maong sugyot. Kini gisuportahan usab sa mga Congresista sa uban pang mga distrito sa Sugbu sama ni Cong. Benhur Salimbangon sa ikaupat nga distrito.

Nasayod kita, nagkanayon ang batakang balaod The Philippines is a democratic and a republican state.. ang congresista mao ang nagrepresentar sa yanong magbubuhis sa hawanan sa Congreso ug sila ang tingug sa katawhan sa sixto distrito, nan dili gayod mabuhat ang sugyot nga himoong lahi nga distrito ang dakbayan sa Mandaue. Ang Korte Suprema mismo nagkanayon ug akong kutluon Constitution is the basic and paramount law to which all other laws must conform and to which all persons, including the highest official of the land, must defer. No act shall be valid, however noble its intentions, if it is in conflicts with the Constitution.

Kung kini wala muoyon sa batakang balaod, walay suporta sa mismong congresita sa maong distrito, dili ug dili gayod mahimo nga mamahimong lahi nga distrito ang Mandaue.
Usbon ko, maayong buntag ug daghang salamat.