TIAM CHIN LAM PAN

Krista Isuaa Pathian chung lam koh chhan lawmman hmu turin, tiam chin lam
chu ka pan talh talh a ni (Phil. 3:14)

America ram Nebraska biala Omah khuaah 1981 July thla khan mel 6 intlansiak a
awm a. Val tha thlan khawmte chu tlan turin an intlar put mai a, chu mite zingah
chuan Bill Broadhurst-a a tel ve a. Tiam chin panin an tlan ta sung sung mai a, Bill-
a chu zai pui tawk tawh a nih avangin a ke leh a khupte chu a na ta hle mai a, a
hnuhnung berah a tlan a. A thlirtute chuan tang rawh, tang rawh tiin an lo au va,
mi thenkhatte erawh chuan chawl rih mai turin an lo ti bawk a. Bill-a chu tiam
chin lam panin a bai phei sauh sauh va, thlantui leh mittuiin a bual a. A tawp a
tawpah chuan tiam chin chu a va thleng ve ta hlawl mai a. Lawmman an han sem
a, Bill-a chuan lawmman chu a hmu lo chiang kher mai. Nimahsela a entu mipui
zing atang chuan intlansiaknaa lawmman pakhatna lo dawng fo tawh thin
Rodgers-a chu a lo tlan chhuak a. Bill-a hnenah chuan, He tangkapui ropui tak hi
kei aiin hmu tlak i ni e. Keiin he tangkapui hmu tura ka beih aia nasain nang
chuan i bei a ni, tiin a tangkapui dawn tawh chu a hlan ta mai a.

Kristiante hi eng lai pawha intlansiak kan ni a, kan pian hlim atanga kan thih
thleng hi kan intlansiak hun chu a ni. Kan intlansiakna kawng chu khawvel atanga
khawvel lo la awm tur thlengin a ni a, a hlat zawng chu dam chhung daih a ni.
Lawmman hmu turte chu tute nge ni ang? A tlan hmasa apiangin emaw, a tlan
chak apiangin emaw lawmman an hmu lo vang a, tiam chin thlenga tlan
apiangten lawmman an hmu ang.

Mi thenkhatte chu chak takin kan tlan phut a, kan chawl leh thut a. Kan tlan chak
vang lai chuan mi dangte kan lehpel a, Kohhran hruaitute ngei pawh an tlan
muang lutuka hriain kan sit a. Amamerawhchu kan din leh vek vek chuan chuti
hlauh chu a ni leh si a. Chutichuan ding reng chung siin, hmana chak taka kan tlan
ve lai hun kha chhuangin kan sawi tui hle a. Kan inkhawm tam tawhzia te, kan zin
tamzia te, kan pek tam tawhzia te, kan thawh tam tawhziate hmangin kan inhung
hnan a. Chutiang mite chu, A nih leh tunah eng nge i an le? tiin zawt ila, Tunah
chuan ka ro der tawh, an ti tlat bawk si a.

Kan ramah hian hmana tangkai, tuna ro der si kan tam hle mai. Hla phuahtu
chuan, Hmanah aiin tunah ka hmangaih zawk che, tiin a phuah a. Kan rama
Kristian thenkhatte chuan, Tunah aiin hmanah ka hmangaih zawk che, tih hi
kan tuipui zawk si a. Hetah hian zawhna pawimawh tak a lo lang ta a, Lal Isuan
hmana tangkai tuna ro site hi nge a duh, hmana engmah ni lo, tuna tangkaite hi?
A chhanna chu tun zela tangkaite hi Lal Isuan a duhin a mamawh tih hi a ni ang.
(Courtesy: Tui Nung Lui by Rev. Vanlalzuata, pp. 1-2).







INKHAWM PROGRAMME







JUNE THLA
Meeting Chairman:
Rev. K.M. Vanlalpeka
Vawiin Inkhawm 3:00pm
Hruaitu: Pastor Vanlalnunmawia
Zawngte
Tantu: Nl. Lalthianghlimi
Thuhriltu: Dr. Joseph George,
Professor, UTC
Spl. No. Nl. Saithanpuii Zote
----------------------------------------
June 8, 2014 (Pentikos Ni)
Pathian Biak Inkhawm
Hruaitu: Pastor Vanlalnunmawia
Zawngte
Tantu: Tv. V. Lalramdina
Thupui: Thlarau Thianghlima
khah (Tirh.2:1-4; 4:29-31; 13:52;
Eph. 5:18)
Thurhiltu: Rev. K.M. Vanlalpeka
Spl. Item: SEA College of
Nursing Mizo zirlaite
June 15, 2014 (Pathianni)
Pathian Biak Inkhawm
Hruaitu: Pastor
Vanlalnunmawia Zawngte
Tantu: Pi K. Vanlalhruaii
Thuhriltu: Rev. K.
Lalhmuchhuaka, Synod
Moderator
Zaipawl: Kohhran Zaipawl








June Thla
Thupui:
Isua Zui

Volume IV Issue No. 22 OLIVE 1
st
June, 2014 1
Inkhawmna Hmun:
JRC Hall
United Theological College
Millers Road, Benson Town.

Inkhawm Hun:
Pathianni tlai dar 3:00pm












ISUA ZUI
Tun thla chunga kan Kohhran thupui
chu Isua zui tih a ni a. Hei hi thupui
pawimawh tak a ni. Kristian tih pawh
hi Krista zuitu tihna a ni mai a.
Chuvangin Kristian kan nih chuan
Krista zuitu kan ni tihna a ni a. Chuta
tanga zawhna pawimawh tak lo awm
ta chu Kan zui ber Isua kawngah hian
kan kalin a hniakah kan zui takzet em?
tih hi a ni.

Isua rawngbawl hun lai dinhmun kha
han ngaihtuah ila. Chhangper panga
leh sangha pahnih hmanga mipui
sangnga lai mai a hrai lai te kha chuan
Isua zuitu nih chu a nuam ngawt ang.
Damlo a tihdam lai leh mitthi a
kaihthawh lai vel pawhin Isua zuitu nih
chu inchhuanna tham a tling ngei ang.

Mahse Isuan hrehawm a tawrh chi
hrang hrang, a sen lai atanga tlan
chhiatpui chawn chawn a ngaih lai te,
ama khua ngeia miten engah mah an
ngaih loh lai te, a hun tawp lamah man
leh Kros-s khenbeh a nih laite kha
chuan amah zuitu nih chu a namai lo
ngawt ang le. Petera meuh pawhin a
phat zut zut mai kha a ni a. Isua zuiah
hian a nuam leh hlimawm lai chu a
awm ngei a. Chutih rual chuan a
hrehawm lai leh a khawharthlak em
em lai hi a tam hle a ni tih hi hriat reng
a pawimawh hle mai. A nuamah leh a
hrehawmah pawh amah zuitu rinawm
ni turin Isuan min duh a ni.





.


Nursing School, Synod Hospital Graduation Day Vawi
12-na
May 29, 2014 chawhnu dar 1:00 khan Nursing School Auditorium,
Synod Hospital, Durtlangah kum 2010 - 2014 GNM zirlaite pualin
Graduation Day vawi 12-na hman a ni a, Synod Moderator Rev. K.
Lalhmuchhuaka chu Khuallian a ni.

Lay Day 2014
Mizoram Presbyterian Church Synod hnuaia ordained Minister ni lo
zawng zawng, thawk mek leh pensioner-te inthlunzawmna Synod
Lay Workers Fellowship (SLWF) chuan May 30, 2014 (Zirtawpni)
khan nilengin Synod Higher Secondary School, Mission
Vengthlangah Lay Day vawi 40-na an hmang a, thupui
Inpumkhatna (Johana 17:21) tih a ni.

Synod Bookroom Conference 2014
May 23, 2014 khan Synod bookroom chuan kum tina an lo tih thin
angin Zosaphluia Building, Mission Vengah Synod Bookroom
Conference 2014 an hmang a, hemi ni hian Mizoram puma Synod
Bookroom zawng zawngte khar a ni. Report atanga a lan danin kum
kalta khan Synod Bookroom hian nasa takin hma a sawn a. An
Budget Rs 6,10,00,000/- chu tha taka khumin Rs 1,10,78,631/- zet
thawhchhuah a ni a, kum 1911 a Synod Bookroom din a nih atangin
kumkhata a thawhchhuah tam ber tum a la ni. Budget khumna
ringawt hi Rs. 5,00,78,631/- zet a ni bawk. Kum kalta chhung khan
Net Profit Rs. 46,96,092/- lai Synod Bookroom hian a nei bawk.

Family Guidance & Counselling Centre
May 31, 2014 (Inrinni) zing dar 10:00 ah khan Family Guidance &
Counselling Centre-in Champhai Vengthlang Kohhran Hall-a
Counselling Centre thar tur an siam chu Rev. P.C. Pachhunga,
Executive Secretary-in a hawng. He Centre-ah hian Rev. Lalhleia chu
Counsellor-in a awm ang. Counselling Centre thar hawn zawh hian
Champhai khawpui chhunga Bial 7 huapin Champhai Vengthlang
Biak Inah Kristian Chhungkaw Seminar an nei zui a ni a, Resource
Person chu Rev. P.C. Pachhunga, ExecutiveSecretary a ni.

CKTP Hruitute Retreat
May 30 -31, 2014 hian Synod Conference Centre-ah Central KTP
hruaituten riak lutin Orientation cum Retreat programme an hmang
ang. Synod Moderator Rev. K. Lalhmuchhuaka, Rev. C. Rosiama,
Rev. J. Lalremsiama (Leader) leh Upa Zonunmawia (General
Secretary) ten hun an hmang ang a, zawhna & chhanna hun leh
sawihona hun te buatsaih a ni. (Synfocity).
_________________________________________________



Volume IV Issue No. 22 OLIVE 1st June, 2014 2
Editor:
Rev. Lalawmpuia Hauhnar
Phone: 81059 60852
Joint Editors:
R. Lalremruata
Lalruatdika
Deborah Lalrempuii
HMS Dawngliana
Circulation Managers:
Lalchhandama
Thangkhuma
Email: olivenewsletter@gmail.com
Chhiar leh download duh tan:
www.scribd.com/Olivenewsletter/documents
Olive Variety






KOHHRAN CHHUNGKUA

Rev. Lalramliana Pachuau Lo Zin

Bangalore Mizo Kohhran ten mahni puala Biak In kan
neih theih dan tur kawng rawn ngaihtuah leh thu awm
sate bawhzuin turin Rev. Lalramliana Pachuau, Mizoram
Presbyterian Kohhran-a kan Executive Secretary chuan
May 28, 2014 (Nilaini) zan khan Bangalore a lo thleng a.
Synod Office-a Superintendent Dr. Rober S. Halliday-an
a rawn tawiawm.

An lo thlen zan hian Kohhran Committee ten an lo hmuak
a. United Theological College in official guest anga lo
thlengin Ecumenical Resource Centre- ah room nuam tak
pek an ni a. A tuk May 29, 2014 (Ningani) ah UTC
Principal leh hotu dangte nen inkawmna hun tha tak neiin
thil tul apiang an bawhzui a. Tlai lamah Kolkata-a riak
chho a, Zoram lam pan zel turin an haw leh ta a ni.
(Column lehlamah chhunzawm a ni)



































Rev. Lalramliana Pachuau hian Synod Moderator a nih
lai pawhin Bangalore Mizo Kohhran hi min rawn tlawh
tawh a. Kan mamawh te hriaa thil tul bawhzui tura
Bangalore a min rawn tlawh leh hi a lawmawm takzet a
ni.

Pathian Ram leh Krismas Thawhlawm

Pathianni hmasa khan May thla chhunga Pathian ram
thilpek leh Krismas Thawhlawm chhiar a ni a. Hetiang hi
sum hmuh dan a ni:
Pathian Ram Rs. 38400.00
Ramthar Rs. 27300.00
Tualchhung Rs. 49700.00
Buhfaitham Rs. 2800.00
Tirhkoh Chawmna Rs. 2000.00
Krismas Pual Rs. 2000.00
A vaiin Rs. 123500.00

Nl. Joanne a Pass Tha

Tun hnaia B.Sc. result chhuakah Nl. Joanne Thangi d/o
Dr. Hrangthanchhungi chuan Mt. Carmel College atangin
B.Sc. chu Distinction ah a pass a, kan lawmpuiin kan
chhuang hle a ni.

Chawlhkar Inkhawm

May 28, 2014 (Nilaini) zanah khan Pi Lalnunthari In,
Benson Town-ah Chawlhkar Inkhawm neih a ni a. Mi 15
zet an kal.
____________________________________

JUNE THLA PROGRAMME
June 22, 2014 (Pathianni) Pathian Biak Inkhawm
KTP Hruai
Hruaitu : Tv. HMS Dawngliana
Tantu : Nl. R. K. Lalrinsangi
Thusawitu : Tv. K. Remruatfela
Special Item : 1. Nl. Saithanpuii Zote
: 2. Group Singing

June 29, 2014 (Pathianni) Sunday School
Hruaitu: Superintendent
Tantu: Tv. Lalhruaizela
Zirlai khaikhawmtu: Rev. K. Ramdinthara
Spl.Item.: KLE Mizo zirlaite



Volume IV Issue No. 22 OLIVE 1
st
June, 2014 3
NITIN LALPA NEN
(Bible chang tarlan hi nitina i chhiar zel chuan kum khat
chhungin Bible i chhiar chhuak ngei dawn a ni.)
01 June (Pathianni)
2 Samuel 18:1-19:10; John 20:1-31
Psalm 119:153-176; Proverbs 16:14-15
02 June (Thawhtanni)
2 Samuel 19:11-20:13; John 21:1-25
Psalm 120:1-7; Proverbs 16:16-17
03 June (Thawhlehni)
2 Samuel 20:14-21:22; Acts 1:1-26
Psalm 121:1-8; Proverbs 16:18
04 June (Nilaini)
2 Samuel 22:1-23:23; Acts 2:1-47
Psalm 122:1-9; Proverbs 16:19-20
05 June (Ningani)
2 Samuel 23:24-24:25; Acts 3:1-26
Psalm 123:1-4; Proverbs 16:21-23
06 June (Zirtawpni)
1 Kings 1:1-53; Acts 4:1-37
Psalm 124:1-8; Proverbs 16:24
07 June (Inrinni)
1 Kings 2:1-3:2; Acts 5:1-42
Psalm 125:1-5; Proverbs 16:25
08 (Pathianni)
1 Kings 3:3-4:34Acts 6:1-15
Psalm 126:1-6; Proverbs 16:26-27


Olive Huan Vengtu







Mite chuan, Huan vengtu, i huana rawn
luh hi a nuamin a thawventhlak thin hle mai a. I huan
pawn lamahte hian hnim hling nei chi a tam tehlul nen, i
huan hi chu a fai hun reng mai a. Hnim hling nei chi te hi
a to ve thei lo emaw tih mai tur a nih hi, an rawn ti a.
Olive Huan vengtu chuan, Hnim hling nei chi chu to thei
ve tehreng mai. Mahse a len tak tak hmaa thlawh fai zel
chuan a ziaawm khawp mai, tiin a lo chhang a. Mite
chuan, Hnim hling nei chi thlawh chu a hautak duh fu lo
maw? tiin an zawt a. Olive Huan vengtu chuan, Hling
nei na na na chuan chhun te pawh min chhun ve thin ngei
a. Mahse chuti lutuka hrehawm chu a ni lem lo ve, a ti
leh mai a. Mite chuan, Hnim hling nei chi awm lohna
ram hi awm se la, chutah chuan huan siam ila, a enkawl
chu a nuam viau dawn anih chu, an ti leh a. Olive Huan
vengtu chuan, Chu chu ngaihdan awm thei tak chu a ni
ang. Amaherawhchu, hnim hling nei chi awm hauh lohna
ram chu a vang hle ang a. Chutiang ram chu lo hmu
tehreng pawh ni ila hnim hling nei ai maha thlawh harsa
zawk awmna leh thlai that duh lohna hmunte pawh a lo ni
thei bawk a. Chuvang chuan, a enkawl awlsam tur
ringawt zawn chu a fuh ber kher lovang. Khawi hmunah
pawh huan nei ila, hnim hling nei leh hnim thlawh harsa
tak tak lo awm pawh ni se, theihtawp chhuaha enkawl
chuan thlawh fai theih loh leh enkawl harsa lutuk hi a lo
awm lem lo. In zingah pawh hling ang maia mi chhun
ching an lo awm a nih pawhin pawi ti lem suh u. Hing
ang maia mi chhun an peih reng loh hun a awm ve mai
thin a. Chu lo rengah hnim hling nei chi awmna hmun
kan thawha kan fimkhur ang deuh hian, chutiang mi
bulah chuan fimkhur takin kan chet phah thin a, a thatna
tak a lo awm ve zel a nia, tiin a thu tha a fah zui ta a.
______________________________________________

June Thla Chawlhkar Inkhawm
Programme

June 11, 2014 (Nilaini) dar 7:00pm
A hmun: Pi Janet Hmar In

June 25, 2014 (Nilaini) Dar 7:00pm
A hmun: Pi P.C. Laltlani In
-------------------------------------------------------------
If a man cannot be a Christian in the place he is,
he cannot be a Christian anywhere.
- Henry Ward Beecher













June Thla Chhunga Pathian Biak
Inkhawma Chavo Chang Turte:

Khuangpu : Tv. Zothanmawia leh Tv
Lalhruaizela
Keyboardist : Tv. Vincent Saihmingliana
Sailo
Guitarist : Tv. Lalruatzela Pautu
Organist : Pu, Levis K. Lalsiamliana
Hla Hriltu : Nl. K. Zohmingmawii
Usher : Nl. Lalbiaktluangi (Convener)
Nl. Lalrampari
Tv. L.C Beirarona
Tv. Lalrinfela

June Thla KTP Fellowship Programme

A Hun : 8
th
June 2014,
Hruaitu : Tv. R. Hmingthanzauva
Tantu : Nl. Zomuanpuii Khawlhring
Sharing : Tv. Jerome H. Lalrinfela
Musical Band : Convener Tv HMS Dawngliana



Volume IV Issue No. 22 OLIVE 1
st
June, 2014 4
OlitoN
Olive Newsletter 1
st
June, 2014
I Ngaihtuah Ngai Em?
Mihringte hi a huhova awma thil tiho thin kan ni
a. Thil tihhona leh chenhona kawng tinrengah
hian thil tihpui nuam chi leh chenpui nuam tak
nih hi mihring nun tihlutu pawimawh tak a ni tih
hi i ngaihtuah ngai em?