KASAYSAYAN NG EKONOMIKS BILANG ISANG AGHAM PANLIPUNAN

Ang agham panlipunan ay tumutukoy sa pag-aaral kung paano ang tao ay

nakikisalamuha sa kanyang kapwa tao at pangkat ng mga tao sa lipunan. Hindi ito
makaaalis sa maraming isyu na nauukol sa tao at sa lipunan. Ngunit kakaiba sa
mga experimental sciences tulad ng Physics, Chemistry at Biology ang agham
panlipunan ay hindi makapag-experimento sa tao o sa isang laboratoryo. Ang
magagawa ng ekonomiks bilang paggamit ng ekonomik model o teorya. Ito ay
isang simpleng kinatawan o representasyon ng tunay na pangyayari sa daigdig na
makakatulong upang maunawaan, maipaliwanag at mahulaan ang economic
phenomenon sa tunay na pangyayari.
IBAT-IBANG KAHULUGAN NG EKONOMIKS SA MGA EKONOMISTA
Ayon kay Paul Samuelson
Ang ekonomiks ay isang pag-aaral kung paano gagamitin ang mga limitadong
pinagkukunang yaman upang makagawa at maipamahagi ang ibat-ibang produkto
at serbisyo sa mga tao at ibat-ibang pangkat ng lipunan para sa kasalukuyan at
hinaharap.
Ayon kay Paul Wonnacott
Ang ekonomiks ay isang pag-aaral kung paano ang tao naghahanap-buhay,
naghahanap ng pagkain at iba pa ng pangangailangang materyal. Binibigyang
pansin ang mga suliraning pangkabuhayan sa pamamagitan ng pamamaraan kung
paano malulunasan o mababawasan ang mga ito.
Ayon kay Roger Le Roy Miller
Ang mga kalagayan na nangangailangan ng kapasayahan kung paano, kailan, at
saan gagamit ang sapat na pinagkukunang yaman.
Ayon kay Lloyd Reynolds
Ito ay ang pag-aaral na may kinalaman sa produksyon, pamamahagi at paggamit
ng pinagkukunang yaman.
Ayon kay Gerardo Sicat
Ayon sa kanya ang ekonomiks ay isang makaagham na pag-aaral na tumutukoy
kung paano gumagawa ng pasya ang isang tao o lipunan. Maraming
pangangailangan ang mga tao at pangkat ng lipunan at upang matugunan ito, may
pinagkukunang yaman na dapat gamitin subalit hindi ito makasasapat sa
pangangailangan at ang paggamit ay maaaring sa ngayon at bukas. Kaya naman
ang tamang pagpapasya o pagpili ay isinasaalang- alang ang ngayon at bukas.
Bukod dito ang paggamit ng likas na yaman ay may kakulangan ngunit may
kaukulan na halaga at pakinabang na nangangailangan ng wastong kapasyahan.
Ayon kay Clifford James
Kabuuan ng nalalaman, bunga ng pakikipag-ugnayan ng tao sa pagnanais na
magkakita sa kabuhayan.