Professional Documents
Culture Documents
Scene 1
Nyak : (Sambil mengeluh) Hmhh.. nasib nasib.. punya anak dua kerjaannye kagak pernah dirumah
yang atu kerjaannye ngabisin duit gue mulu kalo udah tidur kayak kebo suseehh banget
dibanguninnye yang atu kagak ketauan dah tuh kemane setiap kite tanye katenye sih ade acare
sekolahan ciihhh kite mah kagak makan bangku sekolaan jadi iye iye aje dahh aturan kan
enak yee punya anak nyaknye tinggal uncang uncang kaki dirumah lah ini kite kite juga nyang
beberes rumah gapape dah kalo anak kite ntarnye sukses pan bisa ngangkat derajat orang tuanye
juga
Tiba tiba masuk seorang gadis remaja bernama Maspupah sedang menelpon seorang temannya
Maspupah : ( Tertawa renyah ) Hahaha Yaiyalah, ga mungkin gue nolak dia orang tajirrr geellaa
Iyaa dia kan anaknya mandor kopaja iyaa mukanya aja mirip artis korea gituu siapa dehh gue
lupa mmm Park Ji Sung ehh bukan deng Lee Min Hokk hahaha yang maen boys bepore
plawer gitu
Si Nyak geleng geleng kepala sambil memperhatikan anaknya menelpon. Setelah si Maspupah
selesai nelpon, Nyak ngomel ngomel sampe muncrat muncrat
Nyak : Ya Allah Pupah Elu kerjaannye yeee bikin susah orang tue ajee yee nelpon nelpon ga
jelas juntrungannye ehh lu tau kagak beli pulse tuh pake duit lah elu kerjaannye minta duit aje
bantuin nyak kek nih beberes rumah kagak ngeliat ape lu rumah udah kayak kapal pecah gini
Maspupah : Aduh Nyak kan aku udah bilang jangan panggil aku Pupah.. panggil aku Poo Oke
Nyak : Ett dah gaya lu udah kayak anaknye kumpeni aje lu kagak inget dulu lu mbrojol dimane???
Nohh di dukun beranak yang tinggal di deket pintu aer Manggarai laga lagaan make aku aku
segala tadi siape nama lu ? Poo udah kayak bonekanye si entong noh teletubis
Maspupah : Ahh Nyak nggak gaul nih Sekarang tuh zamannye udah beda Nyak udah kagak zaman
namanya Maspupah sekarang tuh zamannye Avril Lavigne, Britney Spears, Lady Gaga, Katty Perry
Makanya Nyak, malu lah kalo dipanggil Pupah orang namanya pada cakep cakep masa ni
namenye Pupah
Nyak : Lah cakepan juga nama lu dari pada siape tuh tadi lu kate Ledi Gagak hahaha itu orang
ape burung?? Udeh dehh ga usah ngomongin si Gagak sekarang bantuin Nyak noh nyuci beras
Nyak mao ngaronin
Maspupah : Eeee. Etttetttt Nyak bentar bentar kayaknya ada yang manggil Poo bentar yee
(berlari kearah pintu masuk)
Maspupah : Heyy darling cepet banget lo udah nyampe sini (sambil bertos ria)
Nyak : Ehh mao kemane lu? Sini sini kagak dah kagak (Sambil menjewer kuping
Maspupah) kagak ada pegi pegian lu bantuin Nyak ngaronin terus elu pulang dah lu sane
yee kagak ada sopan sopannye masuk rumah orang beri salam kek
Olive pun berlalu sambil cemberut Nyak menjewer dan menarik Maspupah.
Nyak menarik tangan Maspupah dan Maspupah ikut berlalu sambil ngambek
Scene 2
Dua orang gadis berjalan dan sedang terlibat percakapan keduanya sedang membicarakan masalah
yang serius
Zaenab : Rin, gue suka ngenes deh ngeliat orang orang Palestina yang pada diserang apalagi liat
anak anak ntu Ya Allah mereka ga bisa ngerasain jadi anak biasa udah gitu lo liat berita kagak
waktu yang serangan Israel ke Masjidil Aqsa sama ke Kapal Mavi Marmara ? iicchh kejam banget
Rini : (Sambil garuk garuk kepala) Lah emang Palestina dimane sih Nab? Perasaan belom pernah
denger dah ada nama sekolaan namenye Palestina?? Emang die tawuran mulu yee sama Israel ? Ntu
STM ape bukan Nab ? Kok ada kapalnye? (dingdong nggak nyambung)
Zaenab : Ya Allah Rini Gue cerita panjang lebar lu kagak ngarti ckckc kerjaan lu kalo dirumah
ngapain sih ? Nontoni gossip mulu ye?? Gosipnye no nohh yang joget india sape namenye?? Briptu
Norman
Rini : Hehehe (ketawa tanpa merasa bersalah) Eh tapi Briptu Norman cakep juga lo Nab?
Zaenab : Auu ahh susah dah ngomong sama lu yang lu kenal cuma presenter infotainment
doank sekali kali kek intelek dikit lu pantengin noh berita, liat noh nasib sodara sodara kite di
Palestina ngenes Rin Palestina lu kate sekolaan Palestina itu nama negara Riniii mereka noh
lagi terlibat konflik sama Israel nah waktu itu kapal yang mao ngangkut bantuan kemanusiaan buat
mereka diserang sama Israel namenye Kapal Mavi Marmara gituu ngerti ora? Ora ngerti?
Rini : Ohhh ngerti dong jadi di Palestina sono ada STM gitu ye Nab?
Zaenab : (Gubrakk) Ahhh tau ahhh ampe bebusa gue ngomong sama lu ga ngerti ngerti juga udah
ahh lu jadi kagak mao kerumah gue ??
Rini : Jadi jadi ntar lu ceritain gue lagi yee di Palestina cowoknye cakep cakep kagak! Ok!
Scene 3
Seperti biasa, setiap sore Nyak duduk di ruang tamu untuk motong kuku tiba tiba datang
Maspupah sambil mendengarkan Ipod dan bernyanyi sember
Maspupah : Because of you My life has change thank you for the love and the joy you bring
lalalala
Nyak : Ya Allah elu ngagetin Nyak aje pulang bukannye beri salam malah nyanyi nyanyi kagak
jelas
Maspupah : Eiye yee Nyak aku lupa ulang deh (balik ke pintu dan mengulangi salam)
Nyak : Lah emang ada yang kayak begitu ?? (bingung sambil garuk garuk kepala) udeh udeh sini
masuk nyang kagak kagak aje lu yee.. Mpo lu mane si Jenab? Kan sekolenye bareng
Maspupah : Tau deh paling lagi sama temen temennye yang ga gaul itu (bersikap nggak peduli)
Zaenab&Rini : Assalamualaikum
Nyak : Kumsalam Eh ni die si Jenab pulang Nyak baru aje nanya sama si Pupah elu kemane !!! ni
siape nih? (sambil menunjuk Rini)
Rini : Rini Nyak anaknye Mpok Biah noh yang tinggal di gang seratus
Nyak : Ohh iye iye nyang mantunye Cang Midin yee ? oohh salam yee sama Nyak lu sini sini
masukk
Mahasiswa 1 : Assalamualaikum Bu Mba maaf ganggu, kita dari Komunitas Mahasiswa Peduli
Palestina kita ada rencana untuk mengirimkan bantuan untuk para korban di Palestina, mungkin
ibu atau mba mau ikut berpartisipasi ?
Zaenab : Huaahhh mau mau mba kite jadi bisa ngeringanin beban sodare sodare kite disono
Mahasiswa 2 : Iya betul mba, kita dapat membantu saudara saudara kita disana
Maspupah : Ngapa mesti Palestina ? Kan yang lagi perang bukan die doang ?
Nyak : Iye sih bener juga tuh ape kate si Pupah ngapa harus ke Palestina? Jauh amatt
Mahasiswa 2 : Gini Ibu Mba kenapa kita harus membela Palestina ? Sebagai ummat Islam pasti
kita tau Isra Miraj kan? Nah di Palestinalah tempat terjadi peristiwa itu Kan Nabi melakukan Isra
Miraj dari Masjidil Haram ke Masjidil Aqsa Nah Masjidil Aqsa itu ada di Palestina kemudian
disana juga banyak makam para Nabi dan Rasul
Mahasiswa 1 : Bukan itu aja Bu Mba Masjidil Aqsa juga merupakan salah satu masjid yang
dimuliakan selain Masjidil Haram dan Masjid Nabawi di Masjid itu juga pertama kalinya tempat
dilaksanakan shalat Fardhu dan merupakan kiblat pertama ummat Islam nahh sebagai ummat
Islam kita hendaknya membantu perjuangan rakyat Palestina untuk memperoleh kebebasan dari
tangan Yahudi Kalo kita gabisa bantu dengan ikut berperang disana, setidaknya kita bisa
meringankan beban para korban disana dengan memberikan makanan ataupun obat obatan
( Semuanya mengangguk sepakat )
Nyak : Baelah kite juga mao bantuin orang orang Palestina disono Yah walaupun ga seberape
sihh
The End