Pagiwas sa masamang pakiramdam dulot ng labis na pagkapuno ng suso o

breast engorgement

• Ang pinakamainam na paraan upang maiwasan ang hindi magangdang

pakiramdam na dulot ng mabigat at puno na suso ay ang pagubos ng laman
ng suso sa pagpapadede sa sanggol.
• Minsan, masyadong masakit ang mga suso upang magpadede.
• Upang maiwasan ang pagsakit, gumamit ng bra na husto sa laki ng suso
upang maiwasan ang pagkahila ng mga suso at upang masuportahan ang
mga ito.
• Kung hindi magawa ng sanggol na kagatin ang suso nang maayos
○ Ggumamit ng mainit-init na bagay tulad ng tuwaliya upang mainitan
ang mga suso.
○ Pagkatapos, masahihin (massage) ang mga suso upang masimulan
ang paglabas ng gatas. Sa ganitong paraan, mas magagawang sumuso
ng sanggol.

Paghilom ng mga sugat sa suso

• Ang mga sugat sa suso ay dulot ng malakas na pagsipsip ng sanggol sa suso.

• Ang mga sugat ay maaring lumala dulot ng
○ Maling posisyon ng sanggol (hindi pagsuso ng bata sa itim na bahagi
sa paligid ng utong o areola at sa utong
○ Pilit na paghila sa sanggol upang alisin sa suso
○ Pagpapasuso kahit ubos na ang gatas ng isang suso
○ Hinahayaang basa ang suso nang matagal galing sa lumalabas na
gatas
• Ang mga utong ay maaring magsugat kung masyadong matagal na basa o
tuyo ang mga ito.
• Upang maiwasan ang pagsugat, ibahin ang posisyon ang sanggol sa bawat
pagpapadede.
• Hayaang nahahanginan ang mga suso sa pamamagitan ng pagtanggal sa bra
ng mga 10-15 minuto pagkatapos ng pagpapasuso.
• Kung masyadong masakit ang mga suso at hindi kakayanin na magpadede,
gumamit ng electric o battery operated pump upang lumabas ang gatas.
• Ang masamang pakiramdam dulot ng labis na gatas sa suso ay isang natural
at normal na pagbabago sa suso.

Pagkabahala dulot ng pagsukat ng nainom na gatas ng sanggol

• Upang malaman kung sapat ang napadede sa sanggol, pakiramdaman ang

kagustuhan ng sanggol. Kung kontento na ang sanggol, sapat na ang
napasuso.
• Sa unang mga lingo pagkatapos ipanganak ang sanggol, ang pagkabasa sa
anim hanggang walong diaper o lampin sa loob ng isang araw o 24 na oras
ay sapat na senyales na napasuso ng wasto ang sanggol.
• Habang nagpapasuso sa sanggol, huwag uminom ng kahit anong gamot na
hindi inihatol o hindi naisangguni sa doctor. Ang mga gamot na iniinom ng
nanay ay lumalabas din sa gatas ng ina at maiinom ng sanggol, na maaring
makasama sa sanggol.