Suspect sa mga sunod sunod na nakawan ng motorsiklo sa Liliw, Laguna at
mga karatig bayan nito, arestado na.
Nahuli ang suspek na si Romel Macaraeg matapos magreport sa Liliw Municipal Police Station ang biktimang si Gil Cadornigara Jr. Itoy matapos agawin sa kanya ng suspect ang kanyang motorsiklong Suzuki na may plakang 5015-WA. Agad na nakipagtulungan sa Nagcarlan Municipal Police Station ang Liliw MPS upang mahuli ang suspect. Nagsagawa naman kaagad ng checkpoint operation ang Nagcarlan MPS kung saan naharang at nahuli ang nakipag habulan pang suspect na si Macaraeg habang minamaneho ang ninakaw na motor. Ang suspect ay kasalukuyan ng nasa custody ng Nagcarlan Municipal Police Station. Samantala, nakasampa na sa Laguna Provincial Prosecutors Office ang kasong CARNAPPING laban sa suspect. Mula dito sa Liliw, Laguna, Katherine Bisco Eagle News