You are on page 1of 1

Ang Babaing Nangarap Nang Gising

by Virgilio Almario

Nakayakap siya sa sandok na bali


Nang muling magising
Habang nagtatalo ang subot sagitsit
Ng tuyot sinaing.
Kumukutitap pa sa sulok ng mata
Ang planetat bitwin
Bagamat naglaho ang sintang prinsipe,
Hasmin at palangkin.
Naisumpa niya noong dalagita
Na siyay aahon
Mula sa malansa at bukid na basa
Ng liblib na nayon;
Kipkip ang pangarap sa isang tampipi,
Hindi lumilingong
Napaangkin siya sa tukso ng lungsod
At bughaw na layon.
Tulad sa istorya ng ligaw na sisiw,
Pagod na at lanta
Nang kanyang kagatin ang buhay sa isang
Lumang aksesorya.
May nakapagsabing darating nga ngayon
Ang galang asawa
Kayat maaga pay naghandat naglinis
Saka nagpaganda.
Sa pagbukas ng pinto, siya ay pipikit
Sa saliw ng byolin
At magpapalunod sa hasmin at himas
Ng asawang lasing.

You might also like