1.

Ang dalagang Pilipina

by Jose Corazon de Jesus
Music by Jose G. Santos

Ang dalagang Pilipina, parang tala sa umaga

Kung tanawin ay nakaliligaya
May ningning na tangi at dakilang ganda
Maging sa ugali, maging kumilos
mayumi, mahinhin, mabini ang lahat ng
ayos
Malinis ang puso maging sa pag-irog
may tibay at tining ng loob
Bulaklak na tanging marilag, ang bango
ay humahalimuyak
Sa mundo'y dakilang panghiyas,
pang-aliw sa pusong may hirap.
Batis ng ligaya at galak, hantungan ng
madlang pangarap.
Iyan ang dalagang Pilipina, karapat-dapat
sa isang tunay na pagsinta.

2. Dungawin Mo Hirang

Santiago S. Suarez
Irog ko'y pakinggan
Awit na mapanglaw
Na nagbuhat sa
Isang pusong nagmamahal.
Huwag mong ipagkait,
Awa mo'y ilawit
Sa abang puso kong
Naghihirap sa pag-ibig
Chorus:
Dungawin mo, hirang
Ang nananambitan
Kahit sulyap mo man lamang
Iyong idampulay
Sapagkat ikaw lamang
Ang tanging dalanginan
Ng puso kong Dahil sa 'yo'y nabubuhay.

3. AKOY KAMPUPOT

Lyrics by Maning P. Velez

Ako'y kampupot
Na bagong sikat
Ang halimuyak
Sadyang laganap
Kaligayahan sa bawa't oras
Man din ang nais
Tanging paglingap
Kaya't noong minsan
Ay napakinggan
Isang binatang
Nananambitan
Puso kong taglay
Lubhang pihikan
Ay narahuyo sa panawagan.
Refrain:
Nasaan yung pangarap
Ng paglalambingan
Tangan na ng aking hirang
Alay ay kaligayahan
Kay tamis nga naman
Mabuhay 'ta sa pagmamahal
Kung ang ligaya ay makakamtam
Sa habang buhay.

4. Alembong

J. Silos/Levi Celerio
Alembong, alembong
Ang ibig sabihin
Pumasok sa puso ang isang paggiliw
Alembong, alembong
Ay isang damdamin
Na kahit kanino ay dumarating
Pag-ibig ang tanging hanap ng lahat
Ligaya na 'wag na sanang magwakas
Alembong ay napapansin sa sulyap
Sa kilos man lamang nagtatapat
Alembong, alembong
Ang ibig sabihin
Halina, halina at ako ay ibigin
Alembong, alembong
Ika'y mahal sa akin
Kaya't mahal sa akin
Kaya't ang alembong
Ay naglalambing.

5. NASAAN KA IROG
Nasaan ka irog at dagling naparam ang 'yong
pagmamamahal,
Di baga sumpa mong ako'y mamahalin.....
Iyong itatangi, iyong itatangi magpahanggang libing,
Subali't nasaan ang gayong pagtingin....2X
Nasaan ka irog at natitiis mong ako'y mangulila
At hanap-hanapin ikaw sa alaala......
Nasaan ang sabi mong ako'y iyong ligaya
Ngayong nalulungkot, ngayong nalulungkot
Ay di ka makita.
Irog ko'y tandaan.....
Kung ako man ay iyong ngayo'y siniphayo,
Mga sumpa't lambing pinaram mong buo.
Ang lahat sa buhay ko ay hindi maglalaho't
Magsisilbing bakas ng nagdaan 'tang pag-irog. 2X
Nasaan ka irog, nasaan ka irog, nasaan ka irog!!!

6. HALINA SA KABUKIRAN
HALINA SA KABUKIRAN
by J. Silos Jr.
Halina, irog ko, sa kabukiran
Upang lagi nang dito manirahan,
At sa araw-araw ang mararanasan mo'y kaligayahan.
Mga ibon dito'y nagsisihuni,
Maagang-maaga pa lang,
Sa mga siwang ng dahon ng buli
Ay mapapakinggan.
Tiririt-tiririt-tiririt,
Ibo'y naghuhunihan,
Tiririt-tiririt-tiririt,
Tila ibig sabihin niyan--Kung masipag kang lagi
Ay uunlad din ang iyong buhay.

7. Gaano Ko Ikaw Kamahal

Ikaw lamang ang aking iibigin
Magpakailanman
Ang pag-ibig ko sa 'yo ay tunay
Nais ko sanang patunayan
Huwag ka nang mag-alinlangan
Ang pag-ibig ko'y hindi kukupas
Tulad din ng umaga
May pag-asang sumisikat
Chorus:
Ang ating buhay
Maikli aking hirang
Kung kaya't kailangan ng pagsuyong wagas
Kailanman
Ang sumpa ko sa iyo'y asahan
Ikaw lamang ang aking iibigin mapakailanman
Chorus:
Ang ating buhay
Maikli aking hirang
Kung kaya't kailangan ng pagsuyong wagas
Kailanman
Ang sumpa ko sa iyo'y asahan
Ikaw lamang ang aking iibigin
Magpakailanman

8. O Maliwanag na Buwan
O, Maliwanag na Buwan
by Levi Celerio
O, maliwanag na buwan
Nakikiusap ako
Ang aking minamahal
Sanay ay malaman mo
Tadhanay mapagbiro
Ang pag ibig ko sa kanya
Ay hindi maglalaho
Hanggang sa kamatayan.
O, buwan sa liwanag mo
Kamiy nagsumpaan ng irog ko
Giliw ko ang sabi niya
Ang puso koy iyong iyo.

9. SA GABING MAPANGLAW
Tumataghoy sa gabing mapanglaw
Ang abang lagay ko O mutyang hirang
Sana'y dinggin ang hibik at daing
Waring malalagot na ang buhay na angkin.
Bago man lang ako maglaho ng ganap
Dungawin mo itong abang naghihirap
HKahit sulyap man lang kung tatapunan
Langit ko nang ituturing ang libingan.

10. Sa Lumang Simbahan

Sa lumang simbahan, aking napagmasdan
Dalaga't binata ay nagsusumpaan
Sila'y nakaluhod sa harap ng altar
Sa tig-isang kamay, may hawak na punyal
Kung ako'y patay na, ang hiling ko lamang
Dalawin mo, giliw, ang ulilang libing
At kung maririnig mo ang taghoy at daing
Yao'y panghimakas ng sumpaan natin
CHORUS
At kung maririnig mo ang tugtog ng kampana
Sa lumang simbahan, dumalaw ka lamang
Lumuhod ka, giliw, sa harap ng altar
At iyong idalangin ang naglahong giliw
[Repeat 2nd Stanza]
[Repeat CHORUS twice]
CODA
Lumuhod ka, giliw, sa harap ng altar
At iyong idalangin ang naglahong giliw

11. Sa Libis ng Nayon

Kahit na gabing madilim sa libis ng nayon

Taginting nitong kudyapi ay isang himatong
Maligaya ang panahon sa lahat ng naroroon
Bawa't puso'y tumutugon sa nilalayon.
Puno ng kawayan ay naglangitngitan
Lalo na kung hipan ng hanging amihan
Ang katahimikan nitong kaparangan
Pinukaw na tunay nitong kasayahan.
Kung ang hanap mo ay ligaya sa buhay
Sa libis ng nayon doon manirahan
Taga-bukid man may gintong kalooban,
Kayamanan at dangal ng kabukiran.
This Tagalog song was penned by Santiago S. Suarez.

12. Aiza Seguerra

Sa Ugoy Ng Duyan lyrics
Sana'y di magmaliw ang dati kong
araw
Nang munti pang bata sa piling ni
nanay
Nais kong maulit ang awit ni inang
mahal
Awit ng pag-ibig habang ako'y nasa
duyan
Sana'y di magmaliw ang dati kong
araw
Nang munti pang bata sa piling ni
nanay
Nais kong maulit ang awit ni inang
mahal
Awit ng pag-ibig habang ako'y nasa
duyan
Sa aking pagtulog na labis ang himbing
Ang bantay ko'y tala, ang tanod ko'y
bituin
Sa piling ni nanay, langit ay buhay
Puso kong may dusa sabik sa ugoy ng
duyan
Sana'y di magmaliw ang dati kong
araw
Nang munti pang bata sa piling ni
nanay
Nais kong maulit ang awit ni inang
mahal
Awit ng pag-ibig habang ako'y nasa
duyan
Sa aking pagtulog na labis ang himbing
Ang bantay ko'y tala, ang tanod ko'y
bituin
Sa piling ni nanay, langit ay buhay
Puso kong may dusa sabik sa ugoy ng
duyan
Sana'y di magmaliw ang dati kong
araw
Nang munti pang bata sa piling ni
nanay
Nais kong maulit ang awit ni inang
mahal
Awit ng pag-ibig habang ako'y nasa
duyan

13.

Sinisinta Kita

Kung ang sintay ulilahin

sino pa kayang tatawagin
Kung hindi si Neneng kong giliw
Naku kay layo sa piling
Malayo man malapit din
Pilit ko ring mararating
Huwag lamang masabi mong
Di kita ginigiliw
Ginigiliw kitang tunay
Alaala gabit araw
Pag di na natatanaw
Puso koy nalulumbay
Sinisinta kita,
di ka kumikibo,
akala mo yata,
akoy nagbibiro;
saksi ko ang langit,
sampu ng kanduro,
kundi kita sinta,
puputok ang puso.
Sinisinta kita
ng sintang patnubay,
patnubay na sintang
walang katapusan;
madurog ang bato,
magbangon ang bangkay,
walang ibang sinta,
kundi ikaw lamang.

14.

silayan

Silayan at bigyan ng pag-asa

pagmamahal pusong nagdurusa
iwasan ang pag-aalinlangan
lahat ng araw kita'y mamahalin
Sa labi ng imbing kamatayan
itangi yaring pagmamahal
tulutan magtapat sayo hirang
lahat ng araw kitay' mamahalin

15. KATAKATAKA
by Santiago S. Suarez

Kataka-takang mahibang
ang katulad ko sa iyo
Biru-biro ang simula
ang wakas pala ay ano?
Aayaw-ayaw pa ako
ngunit 'yan ay di totoo
Dahil sa iyo puso kong ito'y binihag mo
(Repeat)
Alaala ka maging gabi't araw
Alipinin mo't walang kailangan
Marinig ko lang sa labi mo, hirang
Na ako'y iibigin lagi habang buhay.

16.

Bakya Mo Neneng

Levi Celerio
Lyrics:
Bakya mo, Neneng, luma at kupas na
Ngunit may bakas pa ng luha mo, Sinta;
Sa alaala'y muling nagbalik pa
Ang dating kahapong tigib ng ligaya.
Ngunit, irog ko, bakit isang araw
Hindi mo ginamit ang bakya kong inalay?
Sa wari ko ba'y di mo kailangan
Pagkat kinupasan ng ganda at kulay.
Ang aking pag-asa'y saglit na pumanaw
Sa bakya mo, Neneng, na di pa nasilayan.
Kung inaakalang 'yan ang munting bagay,
Huwag itapon, aking hirang,
Ang aliw ko kailan man.

17. BUHAT

BUHAT
ni Mike Velarde
Bawat buhay ay may kasaysayan
Tulad ng pinangyarihan
Nang tayo'y magtanaw
Takot lamang ay di mo pakinggan
Ngunit ang katotohanan
Kita'y minamahal
Buhat ng kita'y masilayan
Buhat ng mapanagimpan
Laging hinahanap at inaasam
Bilin ay damhin yaring pagmamahal
At magbuhat ng makita ka lamang
Bawat masdan ko'y kariktan
Dulot ay sadyang kaligayahan
Na nagbuhat sa iyo buhay n'yaring buhay

18.

Hahabol-habol

HAHABUL-HABOL
ni C. Delfino/R. Vega
O ang babae pag minamahal
May kursunada'y aayaw-ayaw
Pag panay ang dalaw ay nayayamot
Wag mong dalawin, dadabog-dabog
Pag iyong iniwan, hahabul-habol
O ang lalaki pag minamahal
Kahit may pag-ibig aayaw-ayaw
Kapag iyong biniro ay nayayamot
Wag mong batiin, dadabog-dabog
Wag mong suyuin, ay nagmamaktol
Pag iyong iniwan, hahabol-habol
Mayroong babae akong nililigawan
Kapag aking pinapanhik sa bahay
Nagatatago at ayaw malapitan
Kung may pag-ibig
Ay di mo malaman
O, ang babae pag minamahal
Maloloka ka ng husto sa buhay
O ang lalaki pag minamahal
Kahit may pag-ibig aayaw-ayaw
Kapag iyon biniro ay nayayamot
Wag mong batiin, dadabog-dabog
Wag mong suyuin ay nagmamaktol
Pag iyong iniwan, hahabol-habol
Noong minsan ako ay niligawan
Isang lalakeng pogi at mayaman
Binasted ko sa isang kadahilanan

19.

Ang Tapis Mo Inday

RUBEN TAGALOG
Ang tapis mo Inday
Ay kay ganda
At mapang-akit
Lunas at aliw
Sa hirap kong tinitiis
Bakit hindi mo na taglay ngayon
Ang saya't tapis mong marikit
Nalimot mo na ba
Ang dating ayos mo kung magbihis.
Tapis mong iyan,
pag nilimot Inday
Ang aking puso'y mamamanglaw
May damit kang iba,
ngunit bagong hiram
Dapat mong mahalin ang
damit na kinagisnan.

Tapis sa baywang mo mutyang sinta

Twina sa puso ko'y gumaganda
Sayang ang tapis mong nilimot na
Limot na rin ang baro at saya
Ang tapis na kundiman ay dapat ingatan
Dangal ng lahi at hiyas ng silangan
Bagay na bagay sa iyo tuwing ika'y nagpapasyal
Ligaya niyaring puso habang minamasdan

20. Cariosa

Cariosa ( [kariosa]) is a flirtatious Philippine group dance in the Maria Clara suite of
Philippine folk dances where the fan or handkerchief plays an instrumental roll as it places
the couple in a hard-to-get romance scenario.
CARIOSA
Traditional
Ang pangarap ko sa pag-ibig
Ay maging akin hanggang langit
Ang isang tapat kung gumiliw
Ang pagsuyo'y di mawawaglit
Matupad ko lamang ang nais
Hahamakin ko ang panganib
Sa pagkat ako'y cariosa kung umibig
II.
Ang puso laging malulumbay
Kung lilimutin mo
Ang pagsintang wagas aking mahal
Irog ko nahan ang pag-asa
Ng tanging pagsintang
Wari'y magdurusa
III.
Panaligan mo aking giliw
Kailan ma'y hindi lilimutin
Ang iyong pagsuyo sa akin
Iingatan ko hanggang libing
Kung ako'y naging cariosa
Sa piling mo lang aking giliw
Ang pag-ibig ko ay asahang
Walang maliw.

21.

Bayan Ko

Original Tagalog lyrics by Jose Corazon de Jesus

Melody by Constancio de Guzman.
Ang kwento sa likod ng kantang ito ay ating masasaksihan nuong mga panahon na ang
gobyerno ng mga Amerikano ang nasusunod sa bannsang Pilipinas. Bagamat inaasahan
na mga Pilipino ang magiging tagapamahala sa bandang huli ng kanilang kasarinlan, ang
kaganapan ng kasarinlang g ito ay hindi agad naipatupad sapagkat ayaw lisanin ng Amerika
ang Pilipinas sa kadahilang hindi pa handa ang mga Pilipino sa kanilang pagtataguyong ng
sariling pamahalaan. Kaya't naisilang ang awiting kumakalabit sa puso ng bawat Pilipino na
makamit na ang kalayaan inaasam: Ang "Bayan Ko" ni Corazon de Jesus ( Annotation by
MyHomeworks)
Ang bayan kong Pilipinas
Lupain ng gintot bulaklak
Pag-ibig na sa kanyang palad
Nag-alay ng gandat dilag
At sa kanyang yumi at ganda
Dayuhan ay nahalina
Bayan ko, binihag ka
Nasadlak sa dusa
CHORUS
Ibon mang may layang lumipad
Kulungin mo at umiiyak
Bayan pa kayang sakdal-dilag
Ang di magnasang makaalpas
Pilipinas kong minumutya
Pugad ng luha at dalita
Aking adhika
Makita kang sakdal laya
AD LIB
CHORUS
Ibon mang may layang lumipad
Kulungin mo at umiiyak
Bayan pa kayang sakdal-dilag
Ang di magnasang makaalpas

Pilipinas kong minumutya

Pugad ng luha at dalita
Aking adhika
Makita kang sakdal laya.

22. LAMBINGAN
Ay kay tamis hirang nang pagsintang tunay
Ang lahat ay buhay lalo kita'y kapiling
Kung tayo'y mawalay palad ko'y hinirang
At kung walang lambingan mabuti pa
Mabuti pa tayo'y pumanaw.
Sa piling mo sinta ko napapawi ang lungkot
Napaparam, nagbabago ang lahat ng himutok
At sa tuwi kong hahagkan ang pisngi mong mabango
Ay tuluyang napaparam ang hirap ko.
Kung tayo'y magkasayaw, magkayakap sa galak
Ang langit ng bagong buhay ay maliwanag
Sa suyuang matimyas, nalilimot ang lumbay
At patuloy ang sarap nang matamis na lambingan.

23. PAMAYPAY NG MAYNILA

composed by Constancio de Guzman
Pamaypay ng Maynila na aking tangan-tangan
May ibig na sabihin na dapat mong pag-aralan
Ang bawa't mga kilos sa padyak ng pamaypay
Ay siyang nagsasabi ng damdamin niyaring buhay.
Kung ito'y nakatabing sa tapat ng mukha ko
Ang ibig na sabihin may pag-asa sa puso ko
Nguni't pag namasdan mo ang sulyap ko ay sa iyo
Ang ibig na sabihin may pag-asa ang puso mo.
Pag ito'y pinamaspas na panay ang pagaspas
Ako ay nagagalit, huwag mo sanang babatiin
Subali't pagmalaya, may ibig alamin
Ako ay umiibig, lapitan mo, aking giliw.
Pamaypay ng Maynila kay sarap na gamitin
Pang-aliw at panglunas sa mainit na damdamin
Bawa't simoy ng hangin na dito ay nanggaling
Ang hatid ay pag-ibig ng puso kong matampuhin