Banghay Aralin sa Edukasyon sa Pagpapahalaga III

I.

LAYUNIN
1. Natutukoy ang ibang mga bayani at sikat na Pilipinong
nagtagumpay dahil sa kanilang mabuting ginawa
2. Naipahahayag ang paghanga sa mga Pilipinong naging
matagumpay sa buhay
3. Nababanggit ang paraan kung paano maabot ng sarili ang mga
narating ng mga Pilipino o bayaning nagtagumpay

II.

NILALAMAN
A. Paksa: Mga Taong Nagtagumpay Bunga ng Mabuting Paggawa
B. Sanggunian: BAYAN: Makatao at Maunlad na Lipunan pp. 299-302
(Modified lesson/activity) Authors: Punsalan, Gonzales, Caberio,
Nicolas, Reyes (Rex Bookstore)
C. Mga Kagamitan: mga larawan, papel, projector, laptop
D. Pokus ng Pagpapahalaga: Ang mga bayani at ibang sikat na Pilipino ay
nagtagumpay sa buhay dahil sa mabuting paggawa. Sila ay dapat
nating hangaan at tularan.

III.

PAMAMARAAN
A. Pagganyak
1. Pagpapakita ng larawan ng mga kilalang tao.
2. Pagtatanong
B. Paglalahad
Lecturette: Mangarap at Kumilos Kagaya Nila
Mangarap at Kumilos Kagaya Nila
Marami tayong mga kababayan na maari nating maipagmalaki
dahil sa kanilang mga nagawa. Ilan sa kanila ay namatay na at
tinanghal na bayani. Ang ilan naman ay patuloy na umaani ng
tagumpay para sa bansa. Sila ay mga Pilipinong malaki ang
impluwensya sa ating pag-iisip at kalagayan bilang Pilipino. Sinu-sino
ang ilan sa mga dakilang Pilipinong ito?
Sa larangan ng sining ay nariyan si Juan Luna, isang pintor, na
nanalo sa isang paligsahan sa Espanya sa pamamagitan ng kanyang
obrang Spolarium. Gayundin si Lea Salonga na kauna-unahang Asyano
at Pilipino na nakarating sa Broadway upang magtanghal sa entablado
at nanalo ng Tony Awards. Marami rin ang nagkakamit ng tagumpay sa
pag-awit gaya ni Regine Velasquez, at iba pa.
Sa paglalaro, nariyan si si Eugene Torre na tinanghal na grand
master sa chess, at si Pacquiao naman sa boksing.
Sa mga makabayang Pilipino, hindi maiiwasang hindi banggitin
si Rizal na nagpakita ng masidhing damdaming makabayan sa
pamamagitan ng kanyang panulat. Ang kanyang Noli Me Tangere at El
Filibusterismo ay gumising at nagbigay daan sa himagsikan dahil
kanyang inilantad ang mga kasamaan ng mga Kastila sa Pilipinas. At

sino ang hindi makakaalala ky Corazon Aquino? Sa pamamagitan niya

ay nakamit natin ang demokrasya laban sa diktatoryang Marcos.
Isang hindi malilimutang Pilipino na may malaking kontribusyon
sa nasyonalismo ay si Manuel L. Quezon, itinuring na Ama ng Wikang
Pambansa. Nakita niya ang kahalagahan ng pagkakaroon ng isang
wikang pambansa kayat pinangunahan niya ang pagpoproklama sa
Tagalog (Pilipino) bilang batayan ng Wikang Pambansa.
Kung pagkain ang pag-uusapan, huwag kang magtaka dahil
kilala rin tayo riyan. Ang ating adobo at nilaga ay kinawiwilihan na rin
ng iba at iyan ay dahil kay Engracia Cruz-Reyes, nagtayo ng aristocrat,
na nagpakilala sa pagkaing Pilipino rito at sa ibang bansa.
Maraming mga Pilipino ang patuloy na nagtatala ng pangalan sa
kasaysayan ng bansa at ng mundo dahil sa kanilang mga gawa na
ating maipagmamalaki.
At huwag nating kalimutan ang ispirito ng EDSA, ang people
power ng mga pinoy na kinilala ng buong mundo.
Dahil sa kanila, at sa atin, masarap sabihing PILIPINO! Ikaw,
gusto mo pa bang magbago ng lahi?
C. Pagtatalakay:
1.
2.
3.
4.
5.

Sinu-sino ang mga taong nabanggit sa teksto? (Salonga, Torre,

Aquino, Pacquiao, Rizal, Luna, Quezon, Velasquez, Reyes)
Sa iyong palagay, bakit o paano sila nagtagumpay?
Ano ang nadarama mo para sa kanila at sa kanilang ginawa?
Bukod sa kanila, sino pa ang mga taong kilala mo na
nagtagumpay sa buhay? Paano sila nagtagumpay?
Magkakaroon ka kaya ng pagkakataong marating ang kanilang
narating?

D. Paglalahat
Sa pangkalahatan, ano ba ang susi sa pagtatagumpay ng tao?
E. Paglalapat
Paano mo nakikita ang iyong sarili sampung taon mula ngayon?
F.

Pagtataya
Kumuha ng kalahating papel at isulat ang magandang nagawa

ng bawat isa.
1.
2.
3.
4.

Corazon Aquino __________________________________________

Manny Pacquiao __________________________________________
Jose Rizal _______________________________________________
Manuel Quezon __________________________________________

IV. TAKDANG ARALIN

Gumawa ng paglalarawan ng isang pilipinong naging matagumpay sa
buhay at paano mo tutularan ang kanyang nagawa .

Inihanda ni:

Chenee C. Gatila
Aplikante