Maupay nga kulop ha iyo nga tanan.

Nalilipay ako para hini nga higayon nga

makaupod ngan makahatag suporta ha usa han
mga ginkikilala nga partner han aton siyudad ha
adbokasiya hiunong han family planning ngan
reproductive health. Tungod hini, nagpapasalamat
ako ha Marie Stopes Clinic ha ira padayon nga paggios para maipasabot an importansya hini nga isyu
ngan maihatag an durodilain nga serbisyo hini ha
kadam-an.
Pinaagi hini nga mga serbisyo nga ihahatag
yana hin libre, mabubuligan an mga nanay ngan
tatay nga makagplano ngan makagbuot kun ano
kadako han pamilya an ira karuyag. Ini nga
pagplano depende ha kapas pinansyal ngan
emosyonal han nanay ngan tatay an primero nga
pitad para maseguro nga maihahatag nira an tanan
nga suporta ngan paghigugma ha ira magigin mga
anak.
Ini nga aktibidad an usa nga pamaagi para
maipaabot ini nga impormasyon ha kadam-an.
Tungod hini nagpapasalamat ako utro ha mga
organizers ha ira determinasyon ngan pagpaniguro
nga maihatag ini nga maupay nga sagdon ngan
serbisyo ha aton mga igkasi-Catbaloganon. Komo
usa ha mga isyu nga ginduduso naton, dako liwat
ini nga bulig labi na ha aton panuyu-anan nga
maibanan an kakurian ha aton siyudad.
Hinaot kunta nga magkamay-ada pa hin sugad
hini nga aktibidad, ngan ha kada pagdumara hini,
madugngan
pa
an
mga
tawo
nga
iyo
maserbisyuhan ngan madugngan liwat an mga

tawo nga matuod ha dako nga importansya han

maupay nga pagpaplano han pamilya.
Damo nga salamat ngan maupay nga adlaw ha
iyo nga tanan.