24th June, 2010

Synfocity=298 www.mizoramsynod.org

1 Liangkhaia Lehkhabu tlangzarh inkhawm

Nimin (June 23) chhun dar 12:00 khan Synod Senior Executive Secretary Rev. Vanlalzuatan Rev. Liangkhaia (L)
lehkhabu “Kohhran Siamthatna Bul” a tlangzarh.
Lehkhabu tlangzarh inkhawm hi Pastor Liangkhaia (L) kum 125-na tlin (Quasquicentennial Jubilee) champha
lawmna kal zel puala buatsaih a ni a, Synod Executive Secretary Rev. Zosangliana Colney kaihhruaiin Senior
Executive Secretary pisa-ah neih a ni a. Lehkhabu chhuahtu Upa Prof. Laltluangliana Khiangte chuan lehkhabu
buatsaih a nih dan leh he hun bik hi buatsaih a nih dan tlangpui a sawi a. Senior Executive Secretary Rev.
Vanlalzuatan thu tawi sawiin “Kohhran Siamthatna Bul” tih lehkhabu chu a tlangzarh nghal a ni.
Rev. Zuata chuan, “Kan rawngbawltu ropui, thuziak mi, hlaphuahtu leh letlingtu, historian ni bawk, kum 30 kaltaa
Lalpa hnena chawl tawh Pastor Liangkhaia chuan, Abela ang deuhin kan hnenah thu a la sawi zui ta zel a ni”, a ti a,
“He Kohhran Siamthatna Bul lehkhabu hi kum zabi 15 leh 16-na lai vela Kohhran siamthatna hun (reformation
period) chanchin kha a ni a, Kohhran hrang hrangte tan rohlu a tling ngei ang. Tunlai khawvelah Kohhrante hi
fimkhur taka enkawl a ngai a, siamthat ngai laite pawh a chhungril nun atanga siamthat a ngai thin”, a ti bawk.
Rev. Liangkhaia chhungte hian a thuziak lehkhabute hi Synod Literature & Publication Board leh Synod Archives-a
dah atan an hlan nghal a. Kohhran Siamthatna Bul leh Thuthlung Hlui leh Thar Kar Thu tih bu 5 ve ve chu a
buatsaihtu Upa Prof. Laltluangliana Khiangte-in Synod Literature & Publication Board tan hlanin, SL&PB
Secretary/Editor Rev. Thangzauvan a dawng a; Synod Archives tana Liangkhaia lehkhabu ziak chi hrang hrang 10
an pek chu Pastor Liangkhaia fapa, Prof. Laltluangliana pa, Upa Tlanghmingthangan a hlan thung a, Synod
Archivist Pi Laldawnkimin a dawng a ni.
Rev. Liangkhaia chhung ten Synod Archives tana lehkhabu an pekte chu:-
1. Kohhran Siamthatna Bul 5. Chhandamna Thu 9. Thupuan Hrilhfiahna
2. Thuthlung Hlui leh Thar kar thu 6. Baibul – Pathian Thu 10. Kohhran leh a rawngbawl hna
3. Hebrai Hrilhfiahna 7. Thu Sawm Pek Hrilhfiahna 11. Pathian Thu tluantling
4. Sakhaw Khaikhinna 8. Kohhran hrang hrang chanchin 12. Pathian Chatuan Remruat
tihte an ni.
Mission Veng Bial enkawltu Rev. Vanlalbelan lehkhabu hlanna tawngtai hun hmangin lehkhabu tlangzarh inkhawm
hi a khar a. Hemi hnua a duh apiang tan thusawina hun hawnah Rev. C. Rosiama, Dr. J.V. Hluna, Upa C.
Hualkunga leh Rev. R.C. Lawmthanga ten thu an sawi zui bawk.
Liangkhaia lehkhabu tlangzarhna inkhawma mi sawm bikte hnenah hian Rev. Liangkhaia lehkhabu ziak an duh ber
pakhat theuh athlawna pek an ni a, Upa Prof. Laltluangliana Khiangte, a bu chhuahtu-in a hming a ziak (sign) vek
bawk a ni. Kohhran Siamthatna Bul lehkhabu hi kum 1960 khan Synod Literature & Publication Board-in a lo
chhuah tawh a. Tunah hian SL&PB leh Pastor Liangkhaia chhungte inbiakremna angin tihchhuah nawn a lo ni leh ta
a ni.

1 Obituary : Rev. R.C. Zokhuma (RIP)

Zemabawk Bialtu Pastor Rev. R.C. Zokhuma chu June 17 (Ningani) chawhnu dar 1:30 khan Presbyterian Hospital,
Durtlangah thinlian leh mitliam natnain a thi a, a nupui Pi B. Zaithuami leh a fate pathum - Lalremtluangi (21),
Lalremsanga (16) leh Lalrempuii (12) te a kalsan a ni.
Rev. R.C. Zokhuma hi Upa Kawlliana (L) leh Pi Biakthangi te fa 4 zinga a naupang ber dawttu a ni a, October
27,1957 khan Serchhip District-a Bawngchawm khuaah a lo piang a. Zina pangngaia HSLC a zawh hnuin kum 1983
khan B.Th. a zo leh a, Synod Pastoral Ministry hnuaiah January 1, 1984 khan Pro. Pastor hna zawmin Kanghmun
Bialah dah a ni. Kum 1986-ah Pastor atan nemngheh a ni a, Sialhawk Bial a enkawl nghal a ni. Kum 1997 - 2000
chhung khan Aizawl Theological College-ah B.D. a zir leh a. Hemi hnu hian Koilamati, Karbi Anglong (1991 - 1995),
Khawzawl Venglai Bial (1996), Mamit Hmunsam Bial (2000), Revival Department, Synod Office (2001-2005),
Kolasib Hmar Veng Bial (2006) leh Zemabawk Bial (2007-2010)-ah te a lo awm kual tawh a. April 28, 2010 atang
khan Thuampui Bial a hmui tel bawk.
Rev. R.C. Zokhuma vuina inkhawm hi Zemabawk Kohhran Biak Inah June 18, chawhnu dar 1:00 khan neih a ni a,
Synod Moderator Rev. C. Chawnglianan a vui a ni. Upa Vanlalhuma, Synod Secretary (Sr.)-in Rev. R.C. Zokhuma
chanchin tawi a sawi a, Rev. Zosangliana Colney, Synod Finance Officer-in tawngtaisakna hun a hmang leh a,
Rev. P.C. Pachhunga, Synod Secretary (Jr.)-an thlanah hun a hmang leh bawk.

Synfocity=298 1
1 Obituary : Pu K. Lalhmunliana (RIP)
Synod Mission Board (SMB) hnuaia Missionary hna thawk thin, tuna SMB Headquarters Office-a Office Assistant
hna thawk mek Pu K. Lalhmunliana chu June 23 (Nilaini) zing khan cancer natnain a thi. Pu K. Lalhmunliana hian a
nupui Pi Tlanhmingthangi leh a fate - Doris Lalhmangaihzuali (12), Richard Lalengzauva (10) leh Lalthangmawii (9)
te a kalsan a ni.
Pu K. Lalhmunliana hi Pu K. Zalawma leh Pi PB Satkhumi te fa pali zinga pahnihna a ni a, February 8, 1968 khan
Hnahlan khuaah a lo piang a ni. Zirna lamah HSLC passed-in March 12, 1992 atang khan Synod Mission Board
hnuaiah a thawk tan a, tunah hian kum 18 dawn lai a thawk tawh a ni. A thawh chhungin Karbi Anglong Mission
Field-ah a thawk ber thin a, a hriselna lam a lo that loh tak hnu hian November 1, 2008 atangin Synod Mission
Board Headquarters Office-ah Office Assistant (attached)-in dah a ni ta a ni.
Pu K. Lalhmunliana hi June 23 (Nilaini) chawhnu dar 1:00 khan Zemabawka an inpuiah vui a ni a, Rev.
Lalchhuanmawia, Synod Mission Board Secretary-in a vui a ni.

1 Social Front
June 25 - 27 chhung hian Lengpui Bial KTP Meet-ah Rev. Lalzuithanga, Executive Secretary chu Speaker atan an
hmang ang. Bial KTP Meet-ah hian HIV/AIDS Awareness Campaign neihpui turin Pu John Lalhruaitluanga, Social
Front Asst. Coordinator leh Pu J. Malsawma, Social Front Office Assistant an kal bawk ang.

1 MSSU
w June 25 - 27 chhung hian Khawzawl Dinthar Bialah Sunday School Zirtirtu Training neih a ni dawn a, training
neihpui tur hian Pu Lalthahluna Ralte, MSSU Asst. Coordinator; Upa Lalchhuanawma, Zuangtui leh Upa
Laldingliana Sailo, Ramhlun Venglai te an kal ang. Inrinni zan atangin Fanau enkawl chungchang thuchah sawiin
hun an hmang bawk ang.
w June 30 (Nilaini) hian Hualngohmun Kohhran Hall-ah Sunday School Zirtirtu Training neih a ni dawn a, training
neihpui tur hian Pu Lalthahluna Ralte, MSSU Asst. Coordinator; Upa B. Lalhmunliana, Bethlehem Venglai leh
Pu R. Lalhmingthanga, Republic Vengthlang (MSSU Trainers) te an kal ang. Zan Inkhawmah Upa B. Lalhmunlianan
Fanau enkawl (Child Evsangelism) chungchang thuchah a sawi ang.

1 Kristian Thalai Pawl

w June 22 khan Kristian Thalai Pawl Central Committee chuan Central YMA hnuaia ruihhlo do pawl, Central Anti-
Drugs Squad hmalak zel nan Rs. 10,000/- an hlan. CKTP Leader Rev. K. Lalpiangtharan CYMA President
Pu Lalchungnunga hnenah pawisa hi a hlan a, CADS hmalakna chu KTP-in tha an tih thu leh an thlawp tlat thu
sawiin, counselling ngai an awm pawhin CKTP chu a inhuam reng a, an tawngtaisak reng thu a sawi bawk. Upa
Lalrinmuana, CKTP General Secretary pawhin thu sawiin, “He hna hi van lamin a recognise a nih ka ring a. CKTP
pawhin Member Hlate Hnuhhnaih kumpuan kan nei a, heng kan member hlate hnukhnai tura kan harsatna ber chu
ruihhlo hi a ni. Hemi atana hmalakna hi ropui kan tiin CADS hi Mizoram tan chhanchhuaktu ropui tak a nih kan
beisei a ni,” a ti.
Central YMA hian Kumpuana a neih ‘Khawtlang Nun Siamthat’ tih an hman meka hmalakna pui ber pakhat chu
‘Ruihhlo Do’ hi a ni a, Central Anti-Drugs Squad hi din chhoh a ni ta a ni. May 29 atanga ruihhlo an man tawh
zawng zawng hlut zawng chu Rs. 12,42,525/- lai a tling a ni.
w June 25 - 27 chhung hian Khawzawl Venglai Bial huapin Khawzawl Venglai Kohhranah Leadership Training &
Meet neih a ni dawn a, Central KTP hruaitu Upa Lalrinmuana, General Secretary leh T/Upa Lallianmawia,
Committee Member ten an hmanpui ang.
w June 26 & 27 hian Sialsuk Bial Musical Meet, Sialsuk Kohhrana neih turah Central KTP hruaitu Pu Vanlalfinga,
Finance Secretary leh Pu Lalramdina Ralte, Committee Member-ten an hmanpui ang.
w June 27 (Pathianni) hian Thingsulthliah Bial Meet, Seling Kohhranah Mizoram Synod Choir ten zaia
rawngbawlna hun an nei ang.
w June 30 (Nilaini) hian nilengin Bawngkawn Chhim Veng Branch KTP chuan Leadership Training an nei dawn a,
Upa Lalrinmuana, General Secretary leh Pu Lalnghinglova Hauzel, Committee Member-in training hi an neihpui
ang.
w June 30 (Nilaini) zan hian Sihphir Bial KTP ten Sihphir Vengthar Kohhranah Half Year Meet an hmang dawn a,
T/Upa C. Zarzoliana, Asst. Secretary-in Pathian thuchah a sawi ang a, Synod Choir ten zaia rawngbawlna an nei
ang.

1 Kohhran Hmeichhia
June 26 & 27 hian Dawrpui Kohhranah Leadership Training & Kristian Chhungkaw Campaign neih a ni dawn a,
Central Kohhran Hmeichhe hruaitu Pi Zomuani, Chairman; Pi Lalthanmawii Sailo, Committee Member leh Pi
Biakengi, Committee Member ten hun an neihpui ang.

1 Family Guidance & Counselling Centre

Synfocity=298 2
 Rev. Zothansanga, FG&CC Director chuan June 27 (Pathianni) nileng leh zan hian Kulikawn Hmunthar Veng
Kohhranin Kristian Chhungkaw Campaign an neih turah thuchah a sawi ang. June 28 (Thawhtanni) zan hian
Bethlehem Branch KTP-in ‘Promise Keeper Night’ (Pre-Marital Counselling) an hman turah thuchah a sawi bawk
ang.

1 Music
June 23 - 25 chhung hian Champhai Kohhranah Solfa leh Khuangvuak Training neih mek a ni a, training neihpui
hian Pu Lalromawia, Synod Music Instructor, Upa Thanghuta, Dam Veng leh Pu Lalsangzuala, Dam Veng te an kal.

1 Remna Ni
June 30 (Nilaini) hi ‘Remna Ni’ a nih avangin Synod Office leh Synod Department hrang hrangte an chawl ang.

1 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang:
w June 26 (Inrinni) Zan - Khawlailung Dinthar Kohhran
w June 27 (Pathianni) Chawhma - Khawlailung Venghlun Kohhran
Chawhnu - Khawlailung Bangla Kohhran
Zan - Khawlailung Bunghmun Kohhran

MIZO THEOLOGICAL ASSOCIATION

GENERAL CONFERENCE, 2010
A Hun : June 30, 2010
A Hmun : Chanmari Presbyterian Kohhran Hall
Thupui : Mizoram Kristian-te Thawhho Dan Tur Hmathlirna
Recorders : Rev. R. Zolawma, AICS & Rev. Dr. K. Lallawmzuala, ATC.

SESSION KHATNA: DEVOTION

(9:30 – 10:00 A.M.)

Chairperson : Pi P.C. Laltlani, Financial Secretary

Thuchah Tawi : Rev. C. Chawngliana, Synod Moderator

SESSION HNIHNA: PAPER ZIR HONA

(10:00 – 11:30 A.M)

Moderator : Rev. Vanlalchhawna Khiangte, A.I.C.S.

Paper 1 : “Mizo Kristian-te Thawhho Dan Tur Hmathlirna:
Kohhran Chanchin Atangin”
Ziaktu : Rev. Dr. Lalchhuanliana, Exe. Member, M.T.A.
Response : Rev. C. Ngurhnema, Assoc. Gen. Secy., B.C.M.

SESSION THUMNA: PAPER ZIR HONA

(11:30 A.M. – 1:00 P.M.)

Moderator : Rev. Dr. Vanlalnghaka Ralte, A.T.C.

Paper 2 : “Mizo Kristian-te Thawhho Dan Tur Hmathlirna:
Kohhran Inpumkhatna Atangin”
Ziaktu : Rev. H. Lianngaia, Gen. Secy., B.C.M.
Response : Rev. C. Hrangzuala, Gen. Secy., L.I.K.B.K.

SESSION LINA: PAPER ZIR HONA

(1:00 – 2:30 P.M.)

Moderator : Upa Lalzirmawia Chhangte

Paper 3 : “Mizo Kristiante Thawhho Dan Tur Hmathlirna:
Kohhran Mipuite Zirtir Dan Tur”
Ziaktu : Rev. Vanlalzuata, Sr. Exe. Secy., M.P.C.
Response : Rev. Ch. Chhama, Sr. Exe. Secy., E.C.M.
Synfocity=298 3
 SESSION NGANA: RORELNA, HRUAITU THAR THLAN LEH HLANNA
(2:30 – 4:00 P.M.)

Moderator : Rev. Prof. Vanlalchhuanawma, President

Report : Rev. HC. Vankairinga, Secretary
Nl. Chawnpuii, Treasurer
ROREL : President
General Election : Rev. Prof. Roger Gaikwad, Exe. Member

………………………………………………….............................................................................................................................
24th June, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=298 4