NOVIDADES
LE TÍN nceli nadal
E aquí tedes a Casillas e mais a Carbonero, tan feliciños, descansando
despois do Mundial. Por certo, que Iker está a ler un libro de Federico
Moccia, Perdona si te llamo amor. Aquí xa ía pola metade do libro, así
que é de supor que a lectura enganchouno, pese a ter ao lado os
poderosos encantos da súa compañeira. Ben feito, Iker, ti si que sabes
pasar unhas boas vacacións!
Perdona si te llamo amor, de Federico Moccia:
XA NA BIBLIOTECA!!!
Niki é unha xoven madura e responsable que cursa o seu último ano de Bacharelato.
Alessandro é un exitoso publicista de trinta e sete anos a quen acaba de deixar a súa
noiva de toda a vida. A pesar dos vinte anos de diferenza que hai entre
ambos e do abismo xeneracional que os separa, Niki e Alessandro
namoraranse loucamente e vivirán unha apaixoante
historia de amor en contra de todas as convencións e
prexuizos sociais. A historia está ambientada na
romántica Roma, transportando ao lector poas rúas,
restaurantes e sitios de moda desta cidade.
(fonte: WIKIPEDIA)
O Baro
iblio 2010
Xa está eiquí o Nadal, que rápido vai o tempo! Na tele xa botan pelis nadaleiras, as
rúas engalánanse con luces multicolores, escóitanse vilancicos, envíanse tarxetas
(ou SMS) de felicitacións... Para os cristiáns son datas especiais, pois é cando
celebran o nacemento de Xesús (a palabra nadal ven de “nacer”) e a visita dos Magos
ao pesebre cos seus regalos. Pero o Nadal vén tamén marcado por tradicións coma a
chegada do Papá Noel co seu trineo de renos cargado de agasallos, as uvas, os
foguetes e a troula de Noitevella, ou mesmo as bromas do día dos Santos Inocentes.
E non esquecemos os símbolos vexetais coma a árbore, a flor de Pascua ou o acivro,
ou os postres típicos coma o turrón ou o roscón de Reis...
Propias de Galicia son as tradicións do tizón,
cachopo ou cepo de nadal, así como as
relacionadas coa gastronomía (por exemplo a feira
do capón de Vilalba). Nestes días invernais, o
labrego galego concentraba o seu esforzo en
traballos artesanais dentro da casa ou en labores
como a matanza do porco. Avós, fillos, netos…
reuníanse a carón do lume onde, según os lendas,
tamén se congregaban as ánimas dos antepasados
mortos na Noiteboa.
O escritor ourensán Ramón Otero Pedraio
explica a tradición do tizón de nadal. "É un cañoto
grande dunha árbore, que nas montanas do leste
da provincia de Lugo, en moitos sitios da de
Pontevedra, e noutras terras, botan ó lume na noite
do 24 de Nadal, e deixan queimar deica a metade, e
o que queda gárdano para cando hai treboada.
Entón, bótano de novo a arder na lareira, para arredar o pedrazo e os raios. Nalgúns
lados, semella que aproveitan a borralla para botaren nos eidos, o cal si que é un
verdadeiro rito fertilizante de maxia agraria. Mais tamén tén relación coa presenza
das ánimas da familia na noite de Nadal, arredor do lume. O tizón de Nadal é rito
coñecido e usado en toda Europa, e faise tamén en moitas partes de España. A súa
orixe recúa con seguranza deica os tempos mais vellos."
Podes investigar máis sobre a orixe das tradicións do Nadal na páxina web
http://www.edu.xunta.es/contidos/portal/nadal/tradicions_nadal.htm. Nós dende a
Biblioteca desexámosvos boas festas e, por suposto, felices lecturas.
 MENSAXE DE NADAL
Xa sabedes onde está
a Biblioteca: agora só
falta que todos (alumnos
e profes) a usedes máis, e
aproveitedes todos os
múltiples recursos que
nela están ao voso dispor.
A Biblioteca está chea de
historias e personaxes
apaixoantes, e tamén de
útil información sobre
calquer tema que vos
poida interesar. Nós pola
nosa parte esforzámonos
Imaxe da entrada á Biblioteca
en mellorar, na procura de
que a Biblioteca non sexa nin un almacén nin un museo, senón unha fonte de
entretemento e de coñecemento para todos.
Por iso imos tratar de mellorar os fondos bibliográficos que temos, o mobiliario, o
equipamento audiovisual e informático. A Consellería de Educación aprobou o
proxecto do anterior equipo da Biblioteca e seleccionounos novamente dentro do plan
de Mellora de Bibliotecas Escolares, e agora tentaremos invertir esas axudas
económicas coa seriedade e responsabilidade debidas. As necesidades máis
inmediatas pasan por adquirir máis e mellor material de consulta, novos equipos
informáticos... e outras cousas que se irán vendo nun futuro próximo. A idea é que a
Biblioteca poida convertirse nun “aula cero”, onde os profes poidades ter a man
diferentes recursos para as vosas clases (incluidos canón e pizarra dixital), pero ao
mesmo tempo nun lugar amable onde todos, especialmente os alumnos, vos
poidades sentir a gusto.
Nestes primeiros meses de curso adquirimos máis libros de ficción pero sobre todo
máis libros divulgativos (atlas, diccionarios...), trouxemos a prensa diaria, fixemos
campañas de animación á lectura, fixemos máis visible o tablón de anuncios,
organizamos concursos (coma o de microrrelatos de nadal), démoslle un pouco de
ambientillo (cabazas de Samaín, árbore de Nadal), redistribuimos un pouco todo para
que esteades máis cómodos e todo sexa máis accesible... Tentaremos seguir
mellorando, pero lembrade que necesitamos as vosas suxerencias para atendermos
máis eficazmente ás vosas necesidades.
Estes boletíns imprimiranse na semana anterior a cada periodo vacacional (nadal,
entroido, semana santa e verán), pero podedes seguir de preto toda a información da
Biblioteca no blog http://bibliobaronceli.blogspot.com/ ou no facebook de
LaGaZetaDeTerZero. Unha aperta a todos, e feliz Nadal e próspero Aninovo.
OS TEUS COMPAÑEIROS RECOMÉNDANCHE...
Recoméndovos este libro: “El último trabajo del señor
Luna”, de César Mallorquí. Este libro resultoume moi
emocionante, enganchoume dende o principio. Ideal para os
mozos e mozas de hoxe en día!!
O libro trata sobre sicarios, drogas, pelexas e secuestros.
Vouvos contar un cacho. Trata dun sicario colombiano ao que
lle encargan matar unha muller tamén colombiana que reside e
traballa en Madrid. Xa non vos conto máis, se queredes saber
cómo continúa, hai que lelo... A min, persoalmente,
encantoume, sobre todo o final. É intrigante!
O libro enteiro está moi ben. Xa sabedes, mozas e mozos: a
quen o lea vaille encantar!
ROBERTO GONÇALVES DA ENCARNAÇAO (2ºA)
Escribo esto para recomendar un libro: “Tres pasos por el
misterio”, de Agustín Fernández Paz. Este libro tiene tres historias,
las tres de miedo y misterio. La primera historia va sobre un hombre
que recuerda su infancia en una ciudad donde vivía, y en ella hay una
torre. Conoce a una chica que se llama Marta y con ella va a investigar
la torre. La segunda historia va sobre una serpiente que resucita por
medio de un conjuro que hacen un hombre y una mujer. Y la tercera
historia va sobre un marido que muere y la mujer, con el paso del
tiempo, siente que su marido todavía está en su casa.
Yo recomiendo este libro a todos porque tiene mucho misterio,
intriga y terror. Es un libro maravilloso, uno de los mejores libros que
he leído. Si quieres pasar miedo y te gusta el misterio, lee el libro, no te
lo puedes perder. “Tres pasos para el misterio”, no te arrepentirás.
GUILLERMO FERNÁNDEZ LIMOES (2º B)
A saga MilLenium de Stieg Larson consta de tres libros titulados:
“Los hombres que no amaban a las mujeres”, “La chica que
soñaba con una cerilla y un bidón de gasolina” e “La reina en el
palacio de las corrientes de aire”.
Eu recoméndovos estes libros, porque a diferenza do que vos
poidan contar doutros libros, estes contan sucesos que
desgraciadamente suceden hoxe en día. En conxunto, os libros están
baseados na relación entre dúas persoas totalmente distintas, con
diferente idade, que se acaban dando conta de que iso non importa.
Eles son Mikel Blomkvist, un xornalista famoso e Lisbeth Salander,
unha moza que a pesar das apariencias pode chegar a sorprendernos
a todos coa súa intelixencia e co pasado tan escuro que garda.
Podería seguir durante páxinas e páxinas contándovos o que
sucede no libro e o que eu opino, pero entón, que graza tería? Por iso
recoméndovos lelo e que vós tiredes as vosas propias conclusións
sobre esta fantástica triloxía.
VERÓNICA PALOMANES FERREIRO (4º A)