December Thupui:

Rem Thu Leng Rawh Se

Volume II Issue No. 50 OLIVE 9th December 2012

SYNOD INKHAWMPUI 89-NA

ZANINAH A TIAK DAWN
December 4, 2012 zan lam atanga neih tan Synod Inkhawmpui 89-na chu December 9, 2012 Pathianni zan hian a tiak dawn a, rorel erawh chu agenda a tam avangin December 10, 2012 (Thawhtanni)-ah chhunzawm a ni ang. Mizoram Presbyterian Kohhran rorelna sang ber Synod Inkhawmpui hi Chanmari Bialin thlengin Chanmari Biak Ina nghah a ni a. Tukin, Pathianni (December 9) chawhma khan Pastor nemngheh leh Pro. Pastor dahngheh inkhawm neih a ni a, kar hmasa Olive chhuakah an hmingte pawh kan rawn tarlan tawh kha. Chawhnu inkhawmah Moderator Rev. Lalramliana Pachuau in Lapa Zanriah Sakramen a theh a, he hunah hian kum 2012 chhunga Minister thite sunna neih a ni a, chung zingah chuan Banglore-a lo awm tawh thin Rev. Dr. R. Chhuanliana (L) pawh a tel. Zaninah hian September thlaa Bangalore Mizo Kohhran min rawn tlawhtu Rev. Thangzauva chuan Moderator kalchhuak a nih angin valedictory sermon a sawi ang. Synod Inkhawmpui hi kum 2010 atang khan Bial-in an thleng tan a, kum 2010 - ah Dawrpui Pastor Bialin Zarkawt Kohhranah thlengin nikum (2011) khan Khatla Bialin Khatla Kohhranah an thleng a, kumin (2012) hian Chanmari Bialin Chanmari Kohhranah an thleng a ni. Synod Inkhawmpuiah hian palai an kal tha hle a, an vaiin mi 1,880 an tling a. Bangalore Pastor, Rev. Vanlalnunmawia Zawngte pawh Synod Inhkawmpui hmang hian a thang mek a, Pathianni leh (16/12)-ah inkhawmpui report chu a hnen atanga ngaithlak kan beisei a ni. UTC lama zirlai leh zirtirtu awmte bakah NCCI lama thawktuten Inkhawmpui chibai bukna an thawn chu he inkhawmpuiah hian chhiar chhuah a ni bawk. (Synod Inkhawmpui thurel thenkhat phek 2-naah tarlan a ni)
Kum 2013 a Synod Puipa turte hetiang hian ruat an ni : Moderator Elect Rev. K. Lalhmuchhuaka Secretaries Rev. H. Lalrinmawia (Sr.) Upa H. Zoliana, Durtlang North (Jr.) Finance Officers Rev. Lalzuithanga Rev. Dr. R. Lalbiakmawia Statistician Rev. K. Lalthangmawia Executive Secretaries - Rev. Vanlalzuata Rev. P.C. Pachhunga Kum 2013 ah chuan Synod inkhawmpui chu Ramhlun North Bialin an thleng anga, Ramhlun North Kohhranah hman a ni ang. ------------------------------------------------------------------------------------------

INKHAWM PROGRAMME
Inkhawmna Hmun:

JRC Hall
United Theological College Millers Road, Benson Town. Inkhawm Hun:

Pathianni tlai dar 3:00pm

Vawiin Inkhawm, 3:00pm

PATHIAN BIAK INKHAWM

Hruaitu: Rev. Laldingluaia Tantu: Tv. R. Lalremruata Thuhriltu: Pu Levis K. Lalsiamliana Special Item: UVCE December 16, 2012; 3:00pm
PATHIAN BIAK INKHAWM

Hruaitu: Pastor Tantu: Pi Zomuanpuii Thuhriltu: Rev. Lalawmpuia Hauhnar Synod Inkhawmpui report: Inkhawm Hruaitu
Special item: KLE Mizo Zirlaite

------------------------------------KRISMAS THAWHLAWM Krismas Committee chuan Krismas atana kan thawhlawm thawh dan tur hetiang hian a ruahman: Chhungkua Rs. 1000 Single (hnathawk) Rs. 500 Single (hnathawklo) Rs. 200 A thei chuan midang kep hisapin thawh thei ila, tin thawh remchang lo te pawh awm theih a ni a, inthlahrunna tur a awm lo a ni tih hriat a tha tih chu Krismas Committee duh dan a ni. Thawhlawm te hi Nl. C. Lalmawipuii hnenah pekluh tur a ni. --------------------------------------Inkhawm ban thingpui in zawh veleh Kohhran zaipawlin hla zir tur a ni a, kan lutkhawm nghal vat dawn nia. Tel heuh tur.

Gift Exchange Tur I Nei Tawh Em?

December 23, 2013 inkhawmah Krismas lawmna chi khat atan gift exchange neih a ni dawn. Hemi nia rawn inkhawm zawng zawngte chu gift item nena rawn inkhawm vek tura beisei kan ni e. Olive chhuak lehah kan hriat tur chiang zawk kan rawn tarlang dawn nia.

Volume II

Issue No. 50

OLIVE

9th December 2012

Editor: HMS Dawngliana Joint Editor: Rev. Lalrokhuma Hmar Correspondents: Samuel Lalrozama Hmar Pi Zothankimi Circulation Managers: Lalengmawia Chhangte Hmingthansangi Lalchhandama Email: olivenewsletter@gmail.com

Kumin Synod thurel kan hriat awm deuh thenkhat:

@ Pastor Bial thar eng emaw zat hawn remtih a ni a chungte chu: Ramchhung ah Tlangnuam (Aizawl), Airfield Vengthar, Bungtlang Bazar, Lunglei Bazar Veng, Khawhai North, Khawhai South, Chalrang, Sihphir Vengthar leh Tuipang Bial. Ramthar lamah Tezpur (Assam) leh Jarwadi (Jharkhand) Bial te an ni. @ March ni 15, 1891 chu Zorama Chanchintha thlen Ni atan pawm a ni. @ Hlamzuih tihbo dan kawng zawn tha tih a ni. @ Synod a lo len tak em avanga Synod inthen chu a la hun rih lo ve tih a ni. @ Pastor Quarters-ah Refrigerator dah vek remtih a ni. @ Tunlai thiamna hmanga naupai leh fa neih chungchangah Kohhranho inkaihhruai dan siam ni rawh se tih a ni. @ Synod Hospital, Durtlanga hman turin Magnetic Resonance Imaging (MRI) lei dan kawng zawn ni se tih a ni.

Krismas ah tal
Khawvel puma Kristiante Ni pawimawh pahnih chu Krismas leh Easter hi a ni a, Easter hi ramdanga an lawm dan nen Mizote hian kan hlut lo deuh emaw ni chu aw tih theih a ni a, Krismas erawh hi chu Mizote tluka thlahlel leh hmang uar a hnam ang chuan an tam bik vak lovang. Krismas hla ngah ber hnam te zinga mi kan nih ngei a rinawm a, Krismas hla pawh sa hma ber thin hnam te zingah kan tel ngei ang. Krismas hi khawvel thil tak pawha kan hman nasat dan chu kan zavaiin kan hre vek awm e!
Ram pawnah chuan fiamthu titak deuhvin Kristian thenkhat, Krismas leh Easter Kristian an tih te an awm a, heng mite hi Krismas leh Easter chauhva inkhawm thinte sawina a ni. Zoramah ngei pawh hetiang mite hi chu an awm ve ngei a, an thahnem ta hle mai. An inkhawm chhunah thenkhat chu inthlahrung ang reng takin an rawn kal a, chutih laiin thenkhatin fiam na hun remchangah te an lo hmang a, eng vakah maha ngai lo an awm rualin, thenkhat chu an zak ve hle thin.

Kan Kohhran hruaitute zinga mite pawh Synod inkhawmpui hian an awmnna tur a siamsak a. Rev. L.H. Rawsea chu a thawhna thin ATCah a let leh ang a; Rev. Lalrokhuma Hmar chu Madras Christian College, Chennai-ah Chaplain turin a phei ang a; Rev. Lalawmpuia Hauhnar chu CMC Vellore-ah Chaplain atan ruat a ni bawk. Heng kan Kohhran hruaitute hi Kohhran phuntute zinga mi pawimawh an nih avangin Kohhran pawhin kan ngai dawn hle a ni. Chutih rual erawh chuan pastor thawk mek mi 13 te chu zirna sang zawk zir phalsak an ni a, an zinga thenkhat chu Bangalore lama an rawn zir ngei lo beisei ila. -----------------------------------------------------------------------------------

Olive Variety
## Chief Minister Lal Thanhawla hoin Cabinet Committee Room-ah MIFCO awi nun dan tur rl a ni a; MIFCO Managing Director hna hun puma thawk tur dah a, khai chhuak thei tur mi thiam leh rinawm rawih ni se, an ti. Meeting-ah hian, Chief Ministers Special NLUP Scheme siam an rel a; CM chuan, NLUP line department ni lo department dangte'n NLUP chu sorkar flagship programme a ni tih hria se a duh thu a sawi. MIFCO wi nung leh turin NLUP atanga suma puih chhunzawm ni se, tuna sapthei chngtute sapthei leina man bat pek nghal vek a, hralh tur neite ta pawh lei chhunzawm zel ni rawh se, an ti a; MIFCO chhunga sum hman theihna, Delegation of Financial Power kalphung siam danglam an rawt bakah, MIFCO Chairman hriatpuinaa thil tam zawk kalpui an rl bawk. [Vanglaini] ----------------------------------------------------------------------------------(Krismas ah tal chhunzawmna) Krismas ah tal chuan tiin an inkhawm thin a, tunlaiah chuan Krismas pawhin a koh thlen zawh tawh loh an va tam tehlul em! Kan tana Pathian Fapa lo pianna ni pawhin mi rilrua engmah thawh a neih tawh loh chuan, bona thuk tak chu a va ni tawh em! Kan eizawnna leh zirna in a zirlo viau te a nih loh chuan Pathian Biak inah ngei Krismas i hmang ang u. Krismas chauhva Kristian te hi Sunday chauhva Kristian te nen an danglam chuang lo. Krismas-ah tal chuan kan thiante, thahnemngai zawkin i sawm thar leh ang u.

Heti zawng hian i han ngaihtuah teh ang u. Krismas pawhin Biak ina a hnuh thlen zawh tawh lo Kristian kan neih belh zel hi a va han lungchhiat thlak tak em. Tunhma chuan nidanga Biak in lam pawh melh ngailote pawhin...

Volume II

Issue No. 50

OLIVE

9th December 2012

TUALCHHUNG CHANCHIN
&& Kan Pastor Rev. Vanlalnunmawia Zawngte pawh Synod inkhawmpui hmangin Aizawl lamah a la thang mek. Tunkar tawp lam hian a lo chhukthlak hman beisei a ni. && Zirtawpni 7th December 2012 khan Kohhran Hmeichhe Committee neih a ni a, ni 22nd December 2012 hian Biak in chei hnatlang neih rel a ni a, Kohhran Hmeichhia ten i ngai pawimawh ang u. && Nl. Zopuii Khiangte d/o Pu Zoramchhuana, NGV, Koramangala chu ICSE Karnataka ah Distinction ah pass-in pahnihna a ni a, a zirlaiah hian 94% a hmu a ni. Zopuii hian commerce subject a zir. && Rev. Laldingluaia pa, Upa C. Lalhmingthanga, Kulikawn chu inenkawl turin Ningani 6th December 2012 khan Bangalore an lo thleng a, a nupui leh a fate pahnihin an rawn tawiawm a ni. && Tv. HMS Dawngliana pawh hun rei tak thanga Zoram lama a zin chu Nilaini (5th December 2012) khan dam takin Bangalore a lo thleng leh ta. && Zirlai thenkhat exam zoin an haw mek hlawm a, chutih laiin tunkar chho maia exam tan tur pawh an awm bawk. Engineering zirlaite pawhin practical exam an hmabak mek bawk.

&& Kan kohhran hruaitu thenkhatte UTC a an zirlai an zawh tawh dawn avangin Synod inkhawmpui 2012 chuan an awmna tur a siam fel tawh a. Phek 2naah tarlan a ni. ---------------------------------------------------------------Bangalore Thlasik Boruak In Tan Bangalore pawh boruak inthlak lai a ni tan ta. Hetih hunah hian hritlang leh damlohna neuh neuh kai a awl em em mai a. Kohhran mite fimhur ila. Bangalore hi tunhma a ang tawh lo hle a, khawlai a balin, a boruak pawh a thianghlim tawk tawh lo hle a ni. Khawvela khawpui thianghlim tawklo thlanah pawh a ber pathumna zingah a lang pha ta hial mai. Chuvangin a chengte fimkhur ila, natna indan theih tam tak a awm a ni tih hriain i inveng fimkhur ang u. ---------------------------------------------------------------OLIVE Crossword No.31
1 2

4 5 6

NITIN LALPA NEN

09 December (Pathianni) Joel 1:1-3:21 Psalm 128:1-6 10 December (Thawhanni) Amos 1:1-3:15 Psalm 129:1-8 11 December (Thawhlehni) Amos 4:1-6:14 Psalm 130:1-8 12 December (Nilaini) Amos 7:1-9:15 Psalm 131:1-3 13 December (Ningani) Obadiah 1:1-21 Psalm 132:1-18 14 December (Zirtawpni) Jonah 1:1-4-11 Psalm 133:1-3 15 December (Inrinni) Micah 1:1-4:13 Psalm 134:1-3 16 December (Pathianni) Micah 5:1-7:20 Psalm 135:1-21 Revelation 1:1-20 Proverbs 29:18

10

Revelation 2:1-17 Proverbs 29:19-20

11

Revelation 2:18-3:6 Proverbs 29:21-22 Revelation 3:7-22 Proverbs 29:23 Revelation 4:1-11 Proverbs 29:24-25 Revelation 5:1-14 Proverbs 29:26-27 Revelation 6:1-17 Proverbs 30:1-4 Revelation 7:1-17 Proverbs 30:5-6

EclipseCrossword.com

Across 2. Hebrai nau chhar thiam 3. Tui atanga lak chhuah 6. Pathian tlang 7. Mosia fapa 8. Ka hming __ -in erawh chuan an hnenah ka la inhriattir lova 10. Mosia nausen lai an dahna lawng chirhn nena an bel 11. Mosia tlanchhiatna ram Down 1. Mosia nupui 4. Mosia unau, zawlnei ni bawk 5. Mosia pu 8. Aigupta ramah _____ hre lo, lal thar a lo awm ta a 9. Pathianin Mosia hnenah, "__ KA NI," a ti a
------------------------------------------------------------------OLIVE Crossword No.31 chhanna chu karlehah kan rawn tarlang ang.

Volume II

Issue No. 50

OLIVE INFIAMNA

9th December 2012

Olive Huan Vengtu

um khat chu Huan Vengtu ven buk in teah Chawngzawng a thlawk lut palh hlauh mai a. Amahin a thlawk chhuak leh mai thiam tawh si lo. Mangang takin a hram chirh chirh a! Huan vengtuin chhan tuma a veh lahin rang tak takin a thla a zap a, a sawt kual a, bang chhak bang thlang dengin a thlawk vak vak mai si. A tawpa a hah ta lutuk chu a hrawk puar pep pep khawpin a thaw a, chau takin a mu ta bel a. Huan Vengtu lahin um um siin man tange ti bik suh. Ngawi rengin a thlir reng ringawt a! Chutah Chawngzawng chu a be ta mawlh mawlh a: Pathian thu lovin leiah i tlak loh thu Isuan a sawi ngei kha. Nang, sava te pakhat he huan ven buka i rawn tla lut pawh Pathian ruat a nih ngei dawn hi. Nang savate uk khik khek mah chuti taka a hriat chian che chuan ka lua samzai awm zat nen min hre ve vek ang, a ti a. A huan ven chhan pawh chunglam thu ang zel a nih a hre chhuak ta uar uar a.

--------------------------------------------------------

OlitOoN

$$ Liverpool forward Luis Suarez Serie A giants Juventus sawmna chu a hnawl. $$ Everton midfielder Marouane Fellaini chu Chelsea leh Russian big-spenders Zenit St Petersburg ten January transfer tukverh inhawn laia seng luh an tum. $$ Arsenal-a contract hmang zo mai tur Theo Walcott chu hmatawng mamawh Liverpool-in an la daih mai thei. $$ David Beckham chuan LA Galaxy lamah a hun a hman zawh tawh avangin MLS atangin a in pu chhuak ta, khawi lam tak pan dawn maw? QPR a ni keuh mai ang a? $$ QPR chu relegate mai thei dinhmunah an ding tih hriain Redknapp chuan kan chak thuai loh chuan January thlaah lei ve a tulna a awm lo a ti. Tun thlaa game khat tala an chak loh chuan January thlaah player an lei a tangkai dawn lo a ni. $$ Paris Saint-Germain chuan Manchester United defender Patrice Evra an chuhpui mai thei. (Le Parisien) $$ Chelsea chuan an long-term interest Atletico Madrid striker 40 million zet man Radamel Falcao chan ngei an tum a, chutih laiin Bayern Leverkusen forward Andre Schurrle pawh an melh tel. (Metro)
Nizan EPL inkhel thenkhat result: Sunderland in Chelsea an mikhual a, 1-3 in an hneh lo. Chelsea lam an che tha hle a, man to taka lei hun engemaw chen goal thun miah lo Torres pawhin goal hnih a thun a ni. Wigan leh QPR an in draw thung a. Arsenal in West Brom an mikhual a, Arsenal lam an khel thain an nawr hle a, hun tawpah chuan Arsenal chu 2-0 in an chak ta bawk a ni.

SCARY SANTA

Olivet Smile Engvangin nge Isua China-ah a pian loh? English Premier League (Top 10): China atang chuan Khawchhak mifingte lokalna tur a (as on 9th December 2012, 8:00am) Position Club Played GD awm tawh lo. 1 Manchester United 15 16 ----------------------------------------------------------------

Naupang Pual
Luke 1:26-38 (NIV)

2 3 4 5 6 7 8 9 10

Manchester City Chelsea Tottenham WBA Arsenal Everton Swansea City Stoke City West Ham United

15 16 15 16 16 15 16 16 16

17 11 5 3 10 6 5 2 2

Point 36 33 29 26 26 24 23 23 23 22

You will be with child and give birth to a son, and you are to give him the name Jesus. Luke 1:31 (NIV)

Zanin inkhel tur thenkhat: 06:55pm Man City vs. Man United 08:24pm Everton vs. Tottenham 09:25pm West Ham vs. Liverpool

ESPN Star ESPN

Olive Newsletter

9th December 2012