December Thupui:

Rem Thu Leng Rawh Se

Volume II Issue No. 51 OLIVE 16th December 2012

A RAMIN KIN NI A NEI LOVANG

Lei lalte lalramin kin ni nei mah se Isua lalram erawh chuan kin ni a nei dawn lo. Chu chu Pathian thu, Isua pian hmaa Isaian a lo sawi lawk (9: 7), a pian dawn hnaiha Vantirhkovin a rawn nemngheh thar leh (Lk. 1: 33) thutak a ni. Napolean Bonaparte-a chu mi ropui tak a ni. Kum 26 mi chauh a nih laiin Italy rama French sipai Commander a ni a, kum 35 mi a nih phei chuan France ram lalber a lo ni der tawh. Lal thar an neih a, lalhutthlenga an huttir ni chu an tiropui thei hle hin. France ram pawhin an lal hmasa berin lalhutthleng a luah ni chu ropui takin an lawm a. An Kohhran hotu lu ber, Rom khawpuia mi, Pope chu tel ve turin an ko va. December 2, 1804 chuan Notre Dame hmuna Cathedralah chuan Napolean-a chuan lalthutthleng a luah dawn ta a. Pope Pius VII lo thlen hun chu an lo nghak hup tawh a. Kohhran hruaitu lawkho pawh an hu ngir khup tawh bawk a. Napolean-a pawh a vir vut vut a, a nupui duhtak Josephine-i chu a kai a. Chu inkhawm urhsuna tel zawng zawng chu Pope hma hinghi vek tura tih an ni a. Chutah Napolean-a mak tak maiin a che ta mai! Mi zawng zawng chuan a chet dan chu mak an ti a ni. Pope-in lallukhum a khumtir hun chu nghak ta lo chuan Pope kut ata lallukhum chu a la lawk a, Biak Ina maicham thianghlim lam chu hawiin amah leh amah a inkhumtir ta daih mai. Chutiang bawkin a nupui pawh chu lalnu ni turin lallukhum a khumtir bawk a! Tichuan Napolean-a chu lal a lo ni ta a, a lalram pawh a ti zau zel a. Kum 1810-ah chuan Europe ram pum pui deuh thaw chu a lalramah a siam hman tawh. United Kingdom te, Portugal te, Austria te, Sweden te, Russia te erawh chu a hneh thei lo va. Kum sawm a lal hnu, kum 1815-ah chuan Nelson-a nen an indo va, a hneh ta lo va. He indona hi Battle of Waterloo an tih hin kha a ni. Napolean-a chu an man a, thliarkar pakhat, St. Helena an tih, South Atlantic tupuia mi ah chuan lung inah an khung a. Chu thliarkar khawhar takah chuan lal ropui tak ni hin chuan hrehawm takin a hun a hmang ral ta. (Phek hnihnaah chhunzawm a ni) ------------------------------------------------------------------------------------------

INKHAWM PROGRAMME
Inkhawmna Hmun:

JRC Hall
United Theological College Millers Road, Benson Town. Inkhawm Hun:

Pathianni tlai dar 3:00pm

Vawiin Inkhawm, 3:00pm

PATHIAN BIAK INKHAWM

Hruaitu: Pastor Tantu: Pi Zomuanpuii Thuhriltu: Rev. Lalawmpuia Hauhnar Synod Inkhawmpui report: Inkhawm Hruaitu
Special item: KLE Mizo Zirlaite

December 23, 2012; 3:00pm

PATHIAN BIAK INKHAWM

Krismas Carol Service Hruaitu: Dr. Hrangthanchhungi Tantu: Nl. B. Lallawmkimi Thuhriltu: Rev. K. Muana
Gift Exchange: Pi Julie Malsawmi & Pi Carolyn Laltanpuii Special item: NPSS Hemi inkhawmah hian Krismas Thilpek kan inpek tur Rs.100 man aia to lo gift ken theuh tur a ni.

------------------------------------KRISMAS THAWHLAWM Krismas Committee chuan Krismas atana kan thawhlawm thawh dan tur hetiang hian a ruahman: Chhungkua Rs. 1000 Single (hnathawk) Rs. 500 Single (hnathawklo) Rs. 200 A thei chuan midang kep hisapin thawh thei ila, tin thawh remchang lo te pawh awm theih a ni a, inthlahrunna tur a awm lo a ni tih hriat a tha tih chu Krismas Committee duh dan a ni. Thawhlawm te hi Nl. C. Lalmawipuii hnenah pek luh tur.

Kohhran Zaipawlin rawngbawlna an nei

Nimin Inrinni (December 15, 2013) khan Kohhran Zaipawlte chuan zaia rawngbawlna neiin hun an hmang. Pathian hruainain tluang takin heng an sawmna hmunah te hian an zai thei a, a lawmawm hle a ni. Kohhran Zaipawlin hmun hnih laiah zaia rawngbawlna nei tura sawmna an hmu a. Chawhnu dar 3:30pm ah Indian Campus Crusade, Hennur Road ah Hope Jesus is buatsaihah an zai a. Christmas Outreach for Student programme a nih angin zirna school/college thenkhat atangin zirlai an kalkhawm a ni.

Volume II

Issue No. 51

OLIVE

16th December 2012

Editor: HMS Dawngliana Joint Editor: Rev. Lalrokhuma Hmar Correspondents: Samuel Lalrozama Hmar Pi Zothankimi Circulation Managers: Lalengmawia Chhangte Hmingthansangi Lalchhandama Email: olivenewsletter@gmail.com

(A Ramin Kin Ni A Nei Lovang chhunzawmna) Aw, he lungpui te tak te chungah, he khawvel hun tawp dawn ruaiah hian eng nge maw kan tih tak ang le, tiin a ap an ti! An sawi dan pakhat chu, Isua kha chuan a thih hnuin lalram a nei a, a zau zel a; kei erawh chu ka dam lai la la pawhin ram ka nei ta lo, tih a ni. Pathian ram a zau zel ang a, a ding reng dawn; Kohhran hi a hmanrua a ni reng bawk ang a a dal tum apiangte an ral zel zawk ang. ----------------------------------------------------------------------------------(Kohhran Zaipawlin rawngbawlna an nei chhunzawmna) Tlai lam dar 6:00pm ah chuan St. Marks Cathedral, MG Road lamah chuan an kal leh a. He hun hi National Issues and Ecumenical Affairs lama buatsaih niin Christmas for All tih a ni a. Hemi hunah hian sakhaw hrang hranga an hotu deuhte sawm an ni a, an rawn kal tha hle nghe nghe a. Thusawina hun pawh an nei deuh vek a ni. Heng hunah te hian kan Kohhran Zaipawlte chuan Christmas lam hla Life of the Stable tih an sak mai bakah Nl. Joane leh Nl. Suzanne ten hla pahnih mawi takin an sa bawk a ni. Member thenkhatin exam an neih lai a ni a, a then exam zo chawlh hmangin Mizoram lamah an haw bawk a. Chuvangin zaipawl member te an kal kim thei lo a, chutih laiin mi 15 lai maiin hun an hmang thei hi a lawmawm hle. Kan kohhran zaipawl te hi KTP Secretary Tv. K. Remruatfela leh Asst. Secretary Tv. JC Rochangliana ten an ho thei bawk a ni. An vaiin he rawngbawlnaah hian mi 17 lai an thawkchhuak a ni. St. Marks Cathedral ah hian dinner tui tak an lo buatsaih a ni. ----------------------------------------------------------------------------------(Krismas Krista nen chhunzawmna) tih hi kan ngaihtuah nawn leh a va ul ta em. Kan sualna avanga thi mai turte tlanchhuak tura Pathian Fapa mihringa a lo channa ni a ni a, chu a lo pian lawmna hun chu kan serh a, kan lawm bawk a, hlim takin kan hmang hin. Krismas a lo thlen dawn hian nang leh kei atana lal lo piang chu chibai buk turin kan rilru i siam thar ang u. Krismas kan hiante nen a nuam, Krismas kan chhungte nen a tha, Krismas Krista nen a ha ber. Khawhar taka kawm tur neih lova, mi rama Krismas hmang tur i nih chuan, Krismas hmasa ber khawhar taka lo hmang tawhtu Krista chuan hmanpui atan a sawm reng che a nia.

Krismas Krista nen

Krismas a lo hnai ta, enge i rilruah Krismas-ah hian lo lang hmasa ber? Naupan lai chuan thawmhnaw thar te, toys thar te, Krismas putar dawhthlak te, ruaiheh thlengin a lang uaih uaih hin a, Krismas leh Krismas inkar hi kan kum chhiar dan a ni mai. Kan lo upa hret hret a, Krismas ah chuan henkhat tan chuan ngaihzawng neih ngei tumna a lo awm an a, nulat/tlangval laia ngaihzawngte Krismas hman pui loh chu, zahthlakah henkhat chuan an ngai hial a. henkhatin Krismas huna ruih dan phet an lo zawng a, henkhatin nawmsipbawlna tur ni atan an lo chang ran a, an dam chhunga an nun hloh vekna turin an intichhe der hin a. Nu leh pa te chuan chhungkaw kima, fate nena Krismas hman ngei an chak a, faten Krismas-a an duh zawng an neih loh hlauvin theih tawp an chhuah a, chhungkaw rethei deuh tan chuan rilru hahna hun pui a ni hlauh hin. Mizo sumdawngte tan chuan hun rangkachak a ni hial awm e, kum chanve a pelh aangin an lo in hma khua an a, Krismas huna an thil zawrh tur buaipuiin an phe suau suau a, Krismas hi chuan Zofate min va han khawih kim em ve aw!

Hetianga kan zavai maia kan buai I chhungah ka lo lut ang e, I thinlung kawng min lo hawn rawh tiin min dil em em lai hian, Krismas chu enge... fo thin.

Volume II

Issue No. 51

OLIVE

16th December 2012

TUALCHHUNG CHANCHIN

&& Synod Inkhawmpui hmanga Mizorram lama kal kan Pastor Rev. Vanlalnunmawia Zawngte pawh && Gift Exchange: Pathianni lo awm tur tluang takin December 13 (Ningani) khan Bangalore December 23 inkhawmah Krismas lawmna chi khat a rawn thleng thla leh ta. atan gift exchange neih tur a ni a. Hemi nia rawn && Nimin Inrinni December ni 15 khan zing dar inkhawm zawng zawngte chu gift item nena rawn 10:00am atanga tanin Kohhran Committee inkhawm vek tura beisei kan ni e. Rokhawlhna pawimawh tak neih a ni. Kohhran hmachhawp hrang avanga rawn keng lo tan biak in kawtah lei chawp hrang leh ngaihtuah tur hrang hrang te rel a ni a, tur tlema zawng ruahman tum a ni. Thilpek tur hi Rs.100/- aia tam lo ni thei hram se. Naupang lam nilengin committee hi neih a ni. (Naupang Sunday School-a hming ziak leh naupang && Nimin Inrinni December ni 15 vek khan zual Sunday School la kai lote) chu Kohhranin Kohhran Zaipawl te chuan zaia rawngbawlna neiin Krismas thilpek a pek vek dawn avangin rawn ken Indian Campus Crusade ah leh St. Marks Cathedral ve a ngai lo ang. lamah hun an hmang nileng ve bawk a ni. Report ---------------------------------------------------------------thenkhat leh thlalak nen phek hnihnaah tarlan a ni e. OLIVE Crossword No.32 (Exodus 13-25) 1 2 && Kohhran member a zirlai thenkhat chu exam chawlh hmangin Mizoram lamah an haw mek a. 3 Chutihlaiin, thenkhatin exam an nei mek bawk. && Tv. Lalramdinpuia Khiangte, KTP Assistant Leader pawh mahni lam tulna avanga Mizoram a haw chho pawh tunkar Zirtawpni khan an lo haw thla leh ta. && Engineering zirlai thenkhat pawhin practical exam leh internal an nei mek.
9 4

&& Nimin Inrinni khan Kohhran Hmeichhia te Biakin mawi taka cheiin an hnatlang.

5 6 7 8

NITIN LALPA NEN

16 December (Pathianni) Micah 5:1-7:20 Psalm 135:1-21 17 December (Thawhanni) Nahum 1:1-3:19 Psalm 136:1-26 18 December (Thawhlehni) Habakkuk 1:1-3:19 Psalm 137:1-9 19 December (Nilaini) Zephaniah 1:1-3:20 Psalm 138:1-8 20 December (Ningani) Haggai 1:1-2:23 Psalm 139:1-24 21 December (Zirtawpni) Zechariah 1:1-21 Psalm 140:1-13 22 December (Inrinni) Zechariah 2:1-3:10 Psalm 141:1-10 23 December (Pathianni) Zechariah 4:1-5:11 Psalm 142:1-7
10

Revelation 7:1-17 Proverbs 30:5-6 Revelation 8:1-13 Proverbs 30:7-9 Revelation 9:1-21 Proverbs 30:10 Revelation 10:1-11 Proverbs 30:11-14 Revelation 11:1-19 Proverbs 30:15-16 Revelation 12:1-17 Proverbs 30:17 Revelation 13:1-13:18 Proverbs 30:18-20 Revelation 14:1-20 Proverbs 30:21-23

Across
1. Rameses atanga lsrael te kal thlenna hmun 4. Mosian tu ruhte nge a chhawm? 6. Tui kha awmna hmun 7. Tuihna nei sawm leh pahnih awmna 9. Chhang dawidim telh loh kut neihna thla 10. Elim leh Sinai inkar thlaler

Down
1. Mosia hnena Lalpa inlarna tlang 2. Thuthlung bawm siamna thing 3. Midian rama puithiam, Mosia puzawn 5. Amalek hovin Israel ho an beihna hmun 6. Arona farnu 8. Koriender mu ang maia var

------------------------------------------------------------------OLIVE Crossword No.31 chhanna

1

Z
2

S
3

I P

P H R A
4

M O S R I
7 6

A R N
5

J T H R
9

H O R E B

G E R S O M A
8

J E H O V A O S
10

W M

E F
11

A L K A T R A

Thil tih diklo zinga a chhe ber chu tihdikloh pakhatmah hriat loh hi a ni. -Carlyle

M I

A N

Volume II

Issue No. 51

OLIVE

16th December 2012

Olive Huan Vengtu

Huan vengtu hnenah chuan mi pakhat hi a lo kal a. Huan vengtu, i huana thlai chi hrang hrangte hi tha tak mai a lo puitling a, ei tlak leh hman tlak ni tur hian engtin nge maw i tiha i enkawl le? tiin a rawn zawt a. Huan vengtu chu a ngawi reng a. Tui leh leitha te tha takin i pe a, ngun takin i vil thin tih chu ka hre tho a. Chubakah chhiahhlawh hna ni mai tur khawpa hnuaihnung pawh nise i thawk zel a ni tih pawh ka hre reng tho a a tih chhunzawm lai chuan, Huan vengtu chuan Ka huan thlaite hi han en teh, i hmuh ang hian chi hrang hrang an nih hi. A then chu pek ang anga thang thei an nia, a then chu tui leh leitha pawh pek ngai em em lo hial te an ni, a then chu dawm a, din tira chelh ngai an ni, a then chu an than zelna turin an zamna tur te an dinna turte siam a ngai a ni. Chuvangin, a tlangpuia ka enkawlna bak hi tihtur dang a tam a lawm a ti a.

Naupang Pual

--------------------------------------------------------

OlitOoN

You will be with child and give birth to a son, and you are to give him the name Jesus. Luke 1:31 (NIV)

---------------------------------------------------------------INFIAMNA

$$ January thla a players leih theihna hun lo awm turah Manchester United manager Sir Alex Ferguson chuan tumah a lei loh tur thu a sawi. $$ Arsenal player Jack Wilshere chuan January thla hian kum 5 dang leh awm turin Arsenal-ah bawk 20 million in contract a sign leh dawn. English Premier League (Top 10):
(as on 16th December 2012, 8:00am)
Position 1 2 3 4 5 6 7 8 9 10 Club Manchester United Manchester City Chelsea Everton Tottenham WBA Norwich City Arsenal Stoke City Swansea City Played 17 17 16 17 16 16 17 16 17 16 GD 19 18 11 7 4 3 -6 10 2 5 Point 42 36 29 27 26 26 25 24 24 23

Olivet Smile Engvangin nge Krismas hi a vawh em em? Thlasik lai a nih hin avangin! (ho hle mai!!) ----------------------------------------------------------------

A n maw!?
Isua pian lai Bible a kan en chuan, Khawchhak mifingte pathum an ni tih a inziak miah lovang, an thilpek erawh pathum a ni. Isua kha nausen ni lovin, naute a lo ni tawh a, a pian hlimah mai chuan an thleng lo tih a hriat. Lal Herodan nausen a suat pawh khan kum hnih hnuai lam a thah tir a, Isua kha kum a tling tawh hial mai thei. Khualbuk vengtu in Josefa leh Mari a lo thlen duhlo thu a awm miah lo bawk a, bawng inah a piang tih pawh a awm hek lo. Khualbuk an chan loh avangin ran chaw pekna thlengah muttir a ni tih chiah a inziak. Krismas-ah hian thawnthu tam tak Bible-a lang lem lo phuah belh a awm a, a diklo tih erawh tuman an sawi thei lo. Khawchhak mifingte zat an zawh leh che chuan, ka hre lo ti tawh ang che!

Zanin inkhel tur thenkhat: 06:55pm Tottenham vs. Swansea ESPN 09:25pm WBA vs.West Ham ESPN Thawhtan zan Reading vs. Arsenal Inrinni (22nd December) a inkhel tur thenkhat: 06:10pm Wigan vs. Arsenal ESPN 08:25pm Manchester City vs. Reading ESPN 10:55pm Liverpool vs. Fulham ESPN 16th December 2012

Olive Newsletter