You are on page 1of 2

Synfocity = 432

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

3rd April, 2013

Two-Day Regional Workshop on Disaster Management Vawiin (April 2) atang khan Synod Conference Centre, Mission Vengah Presbyterian Church of India buatsaih "TwoDay Regional Workshop on Disaster Management" neih a ni a, India Hmarchhak hmun hrang hrang atangin chhimtu palai 100 vel an kal. Workshop hian April 3 (Nilaini) thleng a awh ang. A ni hmasa berah hian chawhma dar 10-ah hawnna inkhawm neih a ni a, Pu Lal Thanhawla, Mizoram Chief Minister chu Khuallian a ni. Rev. S.I Iawphniaw, PCI Moderator-in inkhawm a kaihruai a, Rev. David T. Lhouvum, PCI Administrative Secretary-in inlawmna leh inhmelhriattirna hun a hmang a. Pi K. Lalliantluangi, PWF Chairmperson-in Bible chhiar leh tawngtaiin hun a hmang a, hemi zawh hian Khuallian Pu Lalthanhawlan Workshop hi hawngin thuchah a sawi nghal a ni. Dr. Robert S. Halliday-an Screen Presentation a nei zui a, thingpui in chawlh hun hman a ni. He Workshop ni hnih awh tur hi session 4-ah then a ni a, mi hrang hrangin thupui thlan bik hmangin Chhiat rupna lo thleng palh chungchang kaihhnawih paper an buatsaihte chu zirho a ni ang a, sawihona neih thin a ni bawk ang. Workshop-a thupui hrang hrang zir turte chu : w Concept of Disaster and Types of Disaster in N.E. India : An overview - Dr. Lalrokima Chenkual, ATI, Aizawl, Mizoram w Disaster : Its Causes, Effects and Carbon Trading - Mr. Satyajit Das, Chief Zonal Officer, CASA, Kolkata w Role and Function of The Local Community in Disaster Management - Dr. Robert S. Halliday, Coordinator, Synfo, Mizoram P.C. Synod w Impact of Development & Emergency Response - Mr. Satyajit Das, (Relief and Rehabilitation) Chief Zonal Officer, CASA, Kolkata Harhna Thlen Ni April 4 (Ningani) kha Harhna Thlen Ni a ni a, kumin hi kum 107-na a ni. Harhna Thlen Ni hi Kohhran hoten ni pawimawha telh ve duhin Assembly nih lai atang tawhin vawi tam tak Synod Inkhawmpuiin a rel a; mahse a passed mai lo va. Hun a kal zel a. 1981 Synod-ah chuan Harhna Thlen Ni chu ni 4 nge ni 9 zawk tih thu-ah uluk zawka chhuia ngaihtuah turin Synod Executive Committee (SEC) chu ruat a ni a. SEC chuan 1982-ah a thlen leh a. 1951 Assembly lo rel tawh dante ngaihthlak a nih hnuin, Zorama Harhna lo thlen hmasakna ni chu April 4, 1906 a ni e, kan ti, tiin an rel ta a ni. Kum tinin April 4-ah Harhna champha lawmna inkhawm hman a lo ni ta a ni. Kum 2006-ah phei chuan Harhna thlen Centenary ropui takin kan lo lawm tawh a ni. Kumin 2013-ah hian Mizoram Presbyterian Kohhran chuan inkhawm tum khat zan inkhawm atan chauh programme a siam a, Harhna tluantling - Pathian nena len dun (Genesis 5:21-24; Mika 6:8) tih thupui an zirho ang. Nilenga hmang duhte tan mahni remchan leh tha tih angin hman theih a ni. Harhna Thlen Ni-ah hian Synod Office Pui leh Synod Department hrang hrang office-te khar a ni ang. SMTC-in Computer Zirzo thlah Synod Multipurpose Training Centre (SMTC) chuan March 28 (Ningani) khan Certificate in Computer Application Course Batch 11-na zir zote thlahna inkhawm an hmang a, Rev. P.C. Pachhunga, Executive Secretary chu Khuallian a ni. SMTC Programme Director Rev. Zosangliana Colney-in inkhawm kaihruaiin SMTC Office Assistant Upa Vanlalhuman report a pe a, Khuallian Rev. P.C. Pachhungan zir chhuakte hnenah Certificates leh lawmman semin thu sawina hun a hmang nghal a. Zir chhuakte aiawhin Tv. R. Lalthianghliman thusawina hun a hmang a, Tv. Andrew Laltlankima a zai bawk. SMTC Computer zirna hi Council for World Mission (CWM) Mission Programme Support Fund atanga kalpui a ni a. October 15, 2007 khan Computer zirna hi hawn tan a ni a, course khat zir hun chhung hi thla 6 chhung zel a ni. Zirna atan hian Registration Fee Rs. 100/- leh monthly fee Rs. 50/- lak a ni a. Tluang taka zir chhuakte hnenah Incentive Prize Rs. 1,200/- zel pek thin a ni bawk. Tun tuma SMTC Computer course batch 11-na zirchhuakte hi mi 26 an ni a, rokhawlhna engemaw avanga zir chhuak thei ta lo mi 4 an awm bawk. SMTC hnuaiah hian Computer Course zirna hawn a nih atangin mi 227-in an zir chhuak tawh a ni. Synod Literature & Publication Board April 5 - 7 hian N.E. Khawdungsei Bial KTP ten Literature Seminar an buatsaih dawn a, hemi hmanpui tur hian Rev. K. Lalpiangthara, SL&PB Editor; Upa H. Ronghaka, SL&PB Jt. Editor; Tv. K. Lalrammuana, SL&PB Office Assistant leh Nl. Zoremi, Soloist te an kal ang. MSSU w April 5 - 7 hian Hortoki Bial huapin Hortoki Kohhranah Sunday School Zirtirtu Training neih a ni dawn a, training neihpui tur hian T. Upa Lalthahluna Ralte, MSSU Asst. Coordinator; Upa Laldingliana Sailo, Ramhlun Venglai leh Pu A. Lalrindika, Sihphir Venglai (MSSU Trainers) te an kal ang. Training bakah hian Inrinni zan atangin Bial chhung Kohhran hrang hrangah Fanau enkawl chungchang thuchah sawiin hun an hmang bawk ang. w April 6 (Inrinni) hian Luangmual Vengthlang Kohhranah Sunday School Zirtirtu Training neih a ni dawn a, training neihpui tur hian Pu John Lalhruaitluanga, MSSU Asst. Coordinator; Upa Hrilthansanga, Mission Vengthlang leh Upa S. Kapzathanga, Armed Veng South (MSSU Trainers) te an kal ang. Zan inkhawmah Upa Hrilthansangan Fanau enkawl chungchang thuchah a sawi ang. Synod Mission Board w Synod Mission Board chuan April 7 (Pathianni) chawhnu hian Chanmari West Kohhran Biak Inah Missionary lak thar mi 19 te tirhchhuahna inkhawm a buatsaih dawn a, Synod Moderator Rev. Lalramliana Pachuau in Tirhchhuahna hun hmangin Fuihna Thuchah a sawi ang. Programme kimchang phek lehlamah tarlan a ni. w April 5 - 16 chhung hian Cachar Tlangram Field tlawh turin Pu H. Ngurkhuma, Mission Promoter leh Pu Vanlalchhuanga, Supervisor of Schools te an kal ang. Kristian Thalai Pawl w April 5 - 6 hian Saikawrdai-ah Bial huap Leadership Training neihpui turin CKTP committee member Tual Upa Lalramdina leh Dr. Julie Remsangpuii te an kal ang. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

w April 6 - 7 hian Kanghmun-ah Bial huap Leadership Training neihpui turin Upa Zothangzuala Chhangte (Treasurer) leh Dr. H. Lalthanzara (Com. Member) te an kal ang. w April 6 (Inrinni) hian Zemabawkah Bial huap Leadership Training neihpui turin Tv. V.L. Muanchhana (Asst. Secretary) a kal ang. w April 11 (Ningani) zanah ITI Branch Leadership Training neihpui turin CKTP Leader Rev. Lalrinmawia a kal ang. w I Love Taiwan Mission Camp 2013 : I Love Taiwan Mission Camp, June 26 July 13, 2013 chhunga Taiwan-a buatsaih turah KTP member kal duhte chu April 10, 2013 aia tlai lovah CKTP Office-ah inhriattir theih a ni. Passport neih sa a ngai a, kalna leh hawna senso mahnia intum tur a ni a, heta tan hian Rs. 50,000 60,000 vel inhuam a ngai ang. A hmuna thlenna, ei leh in leh thil dang chu a thlengtute tum tur a ni. 1 Kohhran Hmeichhia April 4 (Ningani) hian Chanmari Bial huapin Chanmari Kohhranah Leadership Training neih a ni dawn a, training neihpui tur hian Central Kohhran Hmeichhe hruaitu Dr. Vanlalhruaii, Asst. Secretary leh Pi Lalrindiki, Committee Member-te an kal ang. Hruaina Eng FM Radio & TV Programme w APRIL 5 (FM Radio @ 7:30 p.m.) : Choir : Bawngkawn Bial Zaipawl - Isua hnenah ka him ang, Besy Choir - Kawngkharmawiah, Thuchah : Rev. Laldailova - Ring duh lo khuate atanga kan darthlalang, Solo : Bronson Lalfakawma - Beramno, Group : Music for Christ - Lalpa chu ring mai la w APRIL 7 (TV Programme @ 3:00 p.m. : Choir : Republic Bial Zaipawl - Hlimna Zion, Monthly Round-Up : March Thla, Choir : Bethlehem Bial Zaipawl Van Sipai Susamachar Prasaran Programme APRIL 7 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Electric Bial Masihi Sangati Zaipawl 3, Group/Choir/Solo : Sihphir Bial - Me Akhen Apni, Sermon : Rev. Mohanlal Tudu - Yishu papiong Ko Bachane, Group/Choir/Solo : Govt Complex Kohhran - Syon Desh, Group/ Choir/Solo : Vaivakawn Kohhran - Milke Chale Moderator Programme Synod Moderator Rev. Lalramliana Pachuau chuan hetiang hian hun a hmang ang : April 2 & 3 : PCI Seminar, Aizawl April 7 (Pathianni) Chawhnu : Missionary thlah, Chanmari West Biak In

MIZORAM PRESBYTERIAN CHURCH SYNOD 2012 - 2013 HMUHNA LAM KHAIKHAWMNA 1 APRIL 2012 - 31 MARCH 2013
KUMIN 2012 - 2013 DINHMUN
Budget Head Pastoral Mission Total 2012 - 2013 Budget 59,67,67,000 40,82,57,000 1,00,50,24,000 2012 - 2013 chhunga hmuh zawng zawng 64,36,59,045 51,10,61,465 1,15,47,20,510 Budget Khumna 4,68,92,045 10,28,04,465 14,96,96,510

NIKUM 2011 - 2012 NENA KHAIKHINNA


Nikum 2011 - 2012-a hmuh zawng zawng 52,40,74,150 42,17,14,680 94,57,88,830 Nikum hmuh khumna 11,95,84,895 8,93,46,785 20,89,31,680

MISSIONARY TIRHCHHUAH INKHAWM


Programme
A hmun A hun Chairman Tanna Pathian fakna hla sakho Thupuan Tirhchhuah turte chanchin sawi Tirhchhuahna & Thuchah Zaipawl Tawngtaisakna Thutawi sawi Zaipawl Pathian fakna hla sakho Malsawmna : : : : : : : : : : : : : : Chanmari West Kohhran Biak In April 7, 2013 (Pathianni) Chawhnu (Dar 1:30 p.m.) Rev. P.C. Pachhunga Executive Secretary, i/c Mission etc. Chairman Kan velah buh lak tur tam tak an hmin ta e (KHB. 390) Pu Lalbiakenga Fanai Asst. Coordinator, Synod Mission Board Rev. Lalramliana Pachuau, Synod Moderator Chanmari Bial Zaipawl Rev. Lalchhuanmawia, Secretary, Synod Mission Board Tirhchhuahte atangin Chanmari West Kohhran Zaipawl

Synod Social Front Helpline: 9089777129; 9856883377


Mail us at : mzsynfo@gmail.com, mizoramsynod@gmail.com Synod Information & Publicity Phone - 2314648

Synf o