Synfocity = 437

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

9th May, 2013

Campus Ministry-in Life Skills Workshop buatsaih May 3 (Zirtawpni) khan nilengin Campus Ministry buatsaih Life Skills of a Teacher tih thupui hmangin Saitual Chhim Veng Presbyterian Kohhran Hall-ah workshop neih a ni a, workshop-ah hian Saitual town area chhung Saitual, Sihfa, Keifang, Rulchawm leh Ruallung khaw chhunga Sawrkar leh Private Elementary school atanga College thlengin mi 214 an tel a ni. Chawhma lam Saitual Pastor Bialtu Rev. John Raldosangan workshop a kaihruai a. Rev. V.L.Krosschhuanmawia, Coordinator, Campus Ministry-in workshop buatsaih a nih dan leh campus ministry rawngbawlna chungchang a sawifiah a. Pu PC Lalngaizuala, SDEO, Saitual chuan thuchah tawi a sawi bawk. Chawhma lamah hian Upa Dr.B.Lalrinsanga, Ramhlun Vengchhak chuan Life Skills of a teacher with special reference to value education tih thupui a sawi a, sawihona tha tak neih zui a ni. Chawhnu lamah Upa Dr. Lalsiamhnuna, Principal, Saitual College-in programme a kaihruai a. Dr. Lalthansangi, New Capital Complex chuan Life Skills of a teacher and dealing with the students tih thupui a sawi a, sawihona tha tak neih leh a ni. Sawihona atanga a lan danin Life Skill Education hi tunlai zirlaite mamawh tak anih avangin zirlaite kum mil zela zirlaia mumal taka dah tha an ti hle a ni. Campus Ministry hi Mizoram Presbyterian Kohhran-in kohhran pawl hrang hrang thliar lo va, zirna ina rawng bawl tura a din a ni a. Ram hmasawnna leh khawtlang nun danglam zelah tleirawl leh thalaite kawng dik kawhhmuhna, kan moral leh ethical values siam thatna leh thiam dik leh dik lo inkawhhmuhna, ram leh hnam tana an mawhphurhna hriattirna hmanrua anih beiseia he rawngbawlna hi din a ni. Zirna inah devotion, Bible study, crusade, camping leh zirlaite nun khawih thil pawimawhte zirpuiin hun an hmang thin a. Students helpline (9856883377) pawh kalpui mek a ni. Darkar 24 chhungin eng hunah pawh biak theih a ni. Hei bakah hian zirlaite counseling an pe thin bawk. May 10 & 11 hian Mamit-ah workshop hi buatsaih leh a ni dawn a, hemi neihpui tur hian Rev. V.L. Krosschhuanmawia, Coordinator, Campus Ministry (Resource person); Dr. Lalthansangi, New Capital Complex (Resource person), Pu Vanlalchhuanga, Electric Veng leh Tv. David Lalruattluanga, Synfo Cameraman te an kal ang. Workshop hi hun hnihah then a ni ang a, chawhma lamah Rev. V. Lalkima, Mamit in programme a kaihruai ang a, Pu Lalrammawia Kawlni, Mamit DEO-in thusawina hun a hmang ang a, Rev. V.L. Krosschhuanmawia paper buatsaih Life Skills of a teacher with special reference to Value Education tih thupui zirho a ni ang a, sawihona hun an hmang bawk ang. Chawhnu programme chu Rev. P.C. Malsawmtluanga, Mamit Hmunsam in a kaihruai ang a, Pu Micky Lalenkawla, Mamit SDEO-in thusawina hun a hmang leh ang a, Dr. lalthansangi paper buatsaih Life Skills of a teacher and dealing with the children tih thupui zirho a ni ang a, sawihona hun hman a ni ang. Campus Ministry hian kumin chhungin Champhai, Kolasib leh Serchhip-ah te workshop hi buatsaih leh an tum bawk. Pastor Induction May 12 (Pathianni) hian heng hmunah te hian Pastor Induction neih a ni ang : S.n. Hming Awmna tur Induct-tu tur 1. Rev. H. Lalrinawma Kawlkulh Rev. Lalzuithanga, Executive Secretary 2. Rev. Lalengzika Bilkhawthlir Rev. P.C. Pachhunga, Executive Secretary 3. Rev. K. Laltlanhlua N. Vanlaiphai Rev. Lalramliana Pachuau, Moderator Synod Relief Fund atangin tanpuina pe w May 4 - 6 khan Vaphai leh Saikhumphai Kohhran tlawhin Rev. Vanlalzuata, Senior Executive Secretary leh Upa F. Lalremthanga, Music Coordinator te an kal a, Synod Relief Fund atangin Sekhumphai khuaa in kang tuar chhungkaw 37 hnenah tanpuina Rs. 1,37,000/- Synod hmingin an hlan a, hliam tuar mi 6 hnenah Rs. 12,000/- an hlan bawk. w May 4 (Inrinni) khan Chhim Bial Adminstrative Secretary Rev.F.Lalrinnunga chuan Nghalimlui khua a in kang tuar chhungkaw 17 hnenah Synod Relief Fund atangin tanpuina Rs. 51,000/- Synod hmingin a hlan. Pastors Retreat 2013 May 14 - 17 chhung hian Mizoram Presbyterian Church Synod hnuaia Pastor-te pualin Aizawl Theological College (ATC)-ah Intuaitharna (Retreat) neih a ni ang. Pastor-te intuaitharna, Pastors Retreat hi kum khat dana neih thin a ni a, Pastor thawklai leh pension tawhte, ram chhung leh pawna mite tel vek tura beisei an ni thin. Tun tumah hian Thupui atan Berampu Tha tih an hmang ang. Programme kimchang phek hnungah tarlan a ni. Zin May 3 - 13 chhung hian Presbyterian Ladies College, Sydney, Australia 125th Anniversary hmanpui turin Rev. Zosangliana Colney, Director, Synod Multipurpose Training Centre a kal. FM Lunglei Radio-ah Hruaina Eng programme thar Synod Information & Publicity Department hmalaknain May 2 khan Lunglei FM Radio programme-a tih chhuah turin Hruaina Eng programme lei fel a ni a, hemi buaipui hian Dr. Robert S. Halliday, Superintendent & Synfo Coordinator; Pu C. Zohmingliana leh Lalruatsaka (Synfo) te an kal. Lunglei FM radio station atang hian May 10, 2013 (Zirtawpni) zan 7:30 - 8:00 apiangin Hruaina eng programme tih chhuah thin a ni dawn a, hetah hian kohhran chanchin thar leh programme dang dang tih chhuah thin a ni ang. Phek lehlamah programme tarlan a ni. Kristian Thalai Pawl w Association for Voluntary Blood Donation (AVBD) te ngenna angin CKTP chuan May thla atang hian Thisen Pek dan tur ruahmanna Blood Donation Calendar a siam a, May thla chhung hian Aizawl Civil Hospital-ah Armed Veng Bial (Branch 4) leh Chhinga Veng Bial (Branch 4) ten an pe ang a, Synod Hospital-ah Dawrpui Bial (Branch 3) leh Electric Veng Bial (Branch 3) ten thisen an pe ang. w Central KTP committee chuan Kum 2014 KTP Gen. Conference/Diamond Jubilee pual Hla Bu buatsaih tha a ti a. Hla thawh duh tan July 15, 2013 aia tlai lovah CKTP Office-ah theh luh tur a ni. Hla phuahtu chanchin tawi, a hla phuah chanchin tawi leh a phuahtu contact no. chiang taka ziak lan tur a ni bawk. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

w Synod Choir member Nl. Lalhmangaihi (Sini), Dawrpui Vengthar chu Pro. Pastor Vanlalchhunga s/o Rev. Vanlalzuata nen May 10 (Zirtawpni) chawhnu dar 1:00 hian Mission Veng Kohhran Biak Inah an innei dawn a, Synod Choir-in inneih inkhawmah hian hla an remsak ang. Nl. Lalhmangaihi aiawh tur hi Search Committee-in a ngaihtuah ang. 1 MSSU w May 11 (Inrinni) hian Sihphir Venghlun Kohhranah Sunday School Zirtirtu Training neih a ni dawn a, training neihpui tur hian Pu John Lalhruaitluanga, MSSU Asst. Coordinator; Upa K. Vanlalnghaka, Ramhlun East leh Upa F. Zakhuma, Selesih (MSSU Trainers) te an kal ang a, zan Pathian biak inkhawmah Upa F. Zakhuman Fanau enkawl (child evangelism) chungchang thuchah a sawi ang. w May 11 (Inrinni) hian Maubawk Sikul Veng Kohhranah Sunday School Zirtirtu Training neih a ni dawn a, training neihpui tur hian T. Upa Lalthahluna Ralte, MSSU Asst. Coordinator; Upa B. Lalhmunliana, Bethlehem Venglai leh Pu H. Lalvulliana, Ramhlun Venglai (MSSU Trainers) te an kal ang a, zan Pathian biak inkhawmah T. Upa Lalthahluna Ralte-in Fanau enkawl (child evangelism) chungchang thuchah a sawi ang. Kohhran Hmeichhia w May 10 (Zirtawpni) hian Venghnuai Bial huapin Venghnuai Kohhranah Leadership Training neih a ni dawn a, hemi neihpui tur hian Central Kohhran Hmeichhe hruaitu Pi C. Lalhmangaihi, Chairman leh Pi Zopari, Committee Member-te an kal ang. w May 11 (Inrinni) hian ITI Veng Bial huapin ITI Veng Kohhranah Leadership Training neih a ni dawn a, training neihpui tur hian Central Kohhran Hmeichhe hruaitu Pi Laltlanmawii, Ex-Chairman leh Pi K. Vanlallawmi, Committee Member-te an kal ang. Literature Nite & Campaign May 11 & 12 hian Lungpho Kohhranah Literature Nite & Campaign neih a ni dawn a, hemi neihpui tur hian Pu Lalniliana, Synod Bookroom Manager leh Tv. Lalzarmawia, Sales Promoter te an kal ang. May 11 (Inrinni) zanah Literature Nite an hmang ang a, May 12 (Pathianni) ah Literature Campaign neih a ni ang. Synod Bookroom hian Kohhran leh KTP Branch hrang hrangah Literature Nite & Campaign hi a buatsaih thin a, Synod Bookroom lehkhabu leh bungruate man tlawm zawka lei theih turin phochhuah thin a ni. Family Guidance & Counselling Centre May 3 - 5 khan Thentlang Kohhranah Kristian Chhungkaw Seminar & Campaign neih a ni a, hemi neihpui tur hian Rev. R. Lalhmingthanga, FG&CC Director leh Rev. R. Lalengzauva, FG&CC Committee Member te an kal. Synod Hospital-ah Surgeon thar Synod Hospital, Durtlang chuan Surgeon thar Dr. C. Lalhmangaihzuala S/o Upa C. Lallunghnema, Mission Vengthlang chu a la thar a, Dr. C. Lalhmangaihzuala hi Thawhtanni-ah Fraser's Clinic, Mission Vengah a thu thin ang a, Nilaini leh Ninganiah Millennium Centre Clinic-ah a thu thin ang. Hruaina Eng FM Radio & TV Programme w MAY 10 (FM Zoawi Aizawl @ 7:30 p.m.) : Choir : Tuikual Kohhran Zaipawl - Lalpa thlipui a tleh chiam a, Sihphir Kohhran Zaipawl - Lungaihna hual velin, Thuchah : C. Lalhriatpuia - Dik tak zelin, Group : Vohbik - Hosana, Solo : Joseph Zaihmingthanga Hremhmun Panin w MAY 10 (FM Lunglei @ 7:30 p.m.) : Choir : Mizoram Synod Choir - Min Kalsan Lo, Thuchah : Rev. Lalramliana Pachuau - Hruaina Eng hawnna, Zaipawl : Bethlehem Bial Zaipawl - Inkhawmpui Tiak Tawh Ngai Lohna, News tawi, Solo : Lalduhsaki - Aw Lal Pathian, Lalduhsaki - Van ruahtui, Choir : Presbyterian Choir, Lunglei - Thilmak Chhui sen loh w MAY 12 (TV Programme @ 3:00 p.m. : Choir : Mission Veng Pastor Bial Zalpawl - Gilead-ah, Discussion : Career Chungchang, Group : Kneeling band Ka thupui ber, Playback : Dawrpui KTP - Lehlam atangin Susamachar Prasaran Programme MAY 12 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Govt Complex Kohhran - Anugrah Karii, Group/Choir/Solo : Chawnpui Vengthlang Kohhran Mere Gunah, Sermon : Rev.Vanlalbela - Parmesuar ka vachan zivit hai, Group/Choir/Solo : Ramhlun North Masihi Sangati, Group/Choir/Solo : Republic Vengthlang Masihi Sangati Moderator Programme Synod Moderator Rev. Lalramliana Pachuau chuan tunkar tawpah hetiang hian hun a hmang ang : May 11 (Inrinni) - Aizawl to N. Vanlaiphai May 12 (Pathianni) - N. Vanlaiphai Bialtu Pastor Induction May 13 (Thawhtanni) - N. Vanlaiphai to Aizawl May 14 - 17 - Pastor Retreat, ATC Westminster Abbey thuinchhang -Upa Lalzuia Colney lehlin I hneh thei - VLC Vanlalhriatrenga lehlin Tihduhdah tuar mekte fuihna leh thlamuanna thuchah - By Rev. Lalchhandama Kohhran chanchin - By Darchhawna Rinna leh chhandamna Abraham Lincoln - By Upa C. Lalrintluanga Krista palai - Rev. Challiana lehlin A new idea - By K. Sapdanga Hmeithai fa te te si - By C. Lalhmangaihtluangi Mizo Year book 2013 - By Lalremruata Khiangte 3 in 1: Photoshop leh Microsoft Excel - By Lalngaiha Ralte Thlahleinga zan Thinglubul - By Lalpekkima Indian Penal Code - By C. Lalsawmliana Rs. Rs. Rs. Rs. Rs. Rs. Rs. Rs. Rs. Rs. Rs. Rs. Rs. Rs. 60 150 80 50 50 100 100 150 150 160 180 200 150 300
Contd,..

SYNOD BOOKROOM BOOK NEWS FOR THE MONTH OF MAY 2013

1. 2. 3. 4. 5. 6. 7. 8. 9. 10. 11. 12. 13. 14.

Synfocity =
mail us at : mzsynfo@gmail.com; mizoramsynod@gmail.com - Phone - 2314648

SynodInformation Information& &Publicity PublicityDepartment, Department,Synod SynodOffice Office(Third (ThirdFloor), Floor),Mission MissionVeng, Veng,Aizawl Aizawl Synod

Contd,..

Synod Information & Publicity Department, Synod Office (Third Floor), Mission Veng, Aizawl

Synod Social Front Helpline: 9089777129; 9856883377

Mail us at : mzsynfo@gmail.com, mizoramsynod@gmail.com Synod Information & Publicity Phone - 2314648

Synf o