(Kristian Thalai Pawl, Reiek Branch Diamond Jubilee (1952-2012) Souvenir atanga lak chhuah) REIEK K.T.P.

LEH CENTRAL K.T.P. CHANCHIN BUL Diamond Jubilee Souvenir-a Reiek K.T.P. chanchin (history) kan tar lan theihna atana kan thu lkna hnr, Reiek K.T.P. chanchin lo chhui a, sum leh pai, th leh zung leh ngaihtuahna tam tak lo sng tawhtu kan khaw pa, Pu Isaac Zoliana (tuna Mission Venga khawsa ta) chungah lawmthu kan sawi a. Minute bu hlui mai bka mahni mimal diary lo vawng tha a, kan mi hmasate lo kwma a lo titipui tawh thinna zr zovin kan hna a awlsam phah hle a ni. Reiek K.T.P: Reiek Presbyterian Kohhranah hian kum 1930-1937 vel atang khan Kristian thalaiten a hranga inkhawm an lo nei tawh thin a. He thalai inkhawm rawt chhuaktu leh a kaihruaitu hmasa ber chu Awtawlha (Saidailova Chuaungo) chu a ni a. Zai leh hla zir nan te an hmang tam hle a, arbwm te tahin tuthlawh h te, chemfawng te, hreipui hte an suih a. Thalai inkhawmah hian an thawh khawm thin a, kohhran an pe a, kohhran chuan a zuar leh thin. Pu Ngurchhawna hma lkna: Kum 1948-1949 velah hian Reiek tlangval tam tak chu kohhran dan pawnah an awm a, chutih laia Reiek tlangval fel, zu in ngai lo Ngurchhawna leh a thiante Lalsangliana leh Pachhunga-te chuan Reiek tlangvalte chu an vei ta em em a. Ngurchhawna chuan Bialtu Pastor Rev. Phwka hnenah rawtna a siam ta hial a. Chu a rawtna chu thalaite inkhawmna neihpui a ni a; mahse, Pastor Phwka chuan kohhran nkna intanna bul a ni thin tiin a lo remtihpui lo va. Vawi thum lai rawtna ngai hlir a sawi hnuah chuan Pastor pawh chuan a lo remtihpui ta a. Kum 1951 thleng khan thalai puala inkhawm hi an nei; mahse, a lo zuih ta hle a. Pu Lalthankima hovin: 1952 A.D. khan Reiek Middle School zirtirtu thar Lalthankima Hrahsel hnenah thalai puala inkhawm lo chuai ta chu tihnun leh dan ngaihtuah turin Ngurchhawna chuan a sawi fo va. Lalthankima tuipui zwng tak a lo ni hlauh bawk a, kum 1952-ah thalai puala inkhawm chu an lo tithar leh ta a. Hemi kuma thalai pawl dinna tur hian Pu Ngurchhawna, Pu Lalthankima leh Pu Thantlaia-te kha a bul tumtu an ni a. An zinga mi Pu Ngurchhawna hi la damin tunah Bungkawn Vengtharah a cheng mek a ni. Hetia khaw mal mala thalai pual inkhawm hi Lalthankima chuan a duh tawk ta lo hle a, Mizoram pum huapin a thlir ta zawk a ni. A tir lama Saidailova hova thalai kaihruaitu hmasate kha Reiek thalaite inkaihhruaina kawnga sulsutute an nih avangin tunlai thangtharte tan hian hriat reng atan a tha a, chungte chu 1) 2) 3) 4) 5) Saidailova Chuaungo (Awtawlha) Kawlhlira Rwihte Mama Hauhnar Zotawna Chuaungo Chalhuaia Hauhnar
1

Kum 1952-a Lalthankima hova thalai inkhawm an han rawt chhuah leh chuan Reiek khaw chhung mai thlir lovin Mizoram pum hi Kristian thalaite rawngbawlna chuan a fan chhuak tur niin an hria a, Lalthankima rilruah chuan Mizo Kristian thalaite hian Lal Isua hi Lal leh Chhandamtu a ni tih an hre chiangin an pawm tur a ni. Lal Isua hi Lal leh Chhandamtua an pawm loh chuan Mizo Kristian thalaite hi sum leh pai leh nawmchen ngainatna (materialism) leh mahni ta bik awm lova engkim intwm leh intluk tlnga awm zirtirna (communism) an la ngam dawn lovin a ring a. Tichuan, Mizoram pum huapa khaw tin kohhran thalaite dan pakhat ringa thawhho dan a ngaihtuah a. Chu a ngaihdan tipuitling tur chuan a bei zui zel bawk a. A hming atan Kristian Thalai Pawl tih hi a lo sa diam tawh a. Thupui (motto) atan Rawngbawl tura Chhandam (Saved to Serve) tih hi a lo thlang fel diam bawk a. Bible chng innghahna chu II Timothea 2:3 Krista Isua sipai tha tak angin hrehawm mi tuarpui rawh tih hi a ni a. Mizo Kristian thalaite dan mumal fel tak nena kaihhruai an nih theihna tura a hmalakna chuan hma lam a pan zel a. K.T.P. Conference hmasa ber: Tichuan, April 1952 A.D. chuan Reiek khuaah Kristian Thalai Pawl Conference hmasa ber chu an nei ta a. He Conference hi Reiek Pastor Bial kohhran tinah leh Mizoram pumah Kristian Thalai pawl (Christian Youth Movement) din duhna avanga neih niin a lang. He K.T.P. Conference hmasa ber hmang tur hian heng mite hi an lo kal a 1) 2) 3) 4) 5) 6) 7) 8) 9) Upa Chawngzika, Mission Veng Upa Chalhnuna, Mission Veng Zalawra, Mission Veng Pi Teii (G. Rees Roberts) Rev. Liangkhaia, Mission Veng Miss Chawngpari Chawngthu, Mission Veng Miss Chawngmawii Chawngthu, Mission Veng Zirtirtu Lalchhingpuii, PC Girls School Rev. Owen W. Owen, 1952-a missionary chhuak thar

Ram pumah K.T.P: Lalthankima chuan Reiek K.T.P. Secretary a nihna angin Synod Standing Committee hnenah Mizo Kristian thalaite awmze nei taka kaihhruai an tulzia leh chumi atana Kristian Thalai Pawl din a tulzia chu a thlen ta a. He a lehkha thehluh bawhzuiin Rev. Owen W. Owen chuan Lalthankima chu Aizawlah a ko ta a. Rev. Owen W. Owen hi Theological College-a a zirlai pawhin Kristian thalaite rawngbawlnaah hian a lo phur thinin a lo phusa hle thin a lo ni a. Chuvang chuan, Mizo Kristiante kaihruaia rawngbawl chu a lo phur ru hle a lo ni a. April 22, 1953 A.D. khan Bangla Senah Rev. J.M. Lloyd-a hovin K.T.P. din dan tur chu an ngaihtuah ta a. He inkhawmnaa telte chu Lalthankima te, Rev. Owen W. Owen te, Upa Chalhnuna te, Theological College student Thansiama leh a thiante pahnih an ni a. Rev. J.M. Lloyd chuan Kristian Thalai Pawl chu Rev. Owen W. Owen hova din chu a phalsak ta a. Upa Chalhnuna chuan Lalthankima chu Secretary atan a rawt nghal nghe nghe a. Mahse, ani chu Reiek khuaa awm a nih avangin Secretary hna chu a chelh ta lo. Synod Standing Committee-in Kristian Thalai Pawl din a phalsak tak avangin Lalthankima chu Provisional Constitution lo buatsaih turin a ruat nghal a. He Constitution buatsaih chhung hian hun rei f a awh ve a. A peih hnu chuan Teachers Training School-ah Kristian Thalai Pawl ruangm din turin an inhmukhawm ta a. He

Committee hian Provisional Constitution chu a pawm a. He Constitution hmang hian Kristian Thalai Pawl chu an din ta a. Chuta an hruaitu hmasate chu Chairman Vice Chairman Secretary : : : Rev. Owen W. Owen Lalthankima Zokhumi

Ram pum huap K.T.P. Conference: Heng mite hi hun eng emaw ti chen chu K.T.P. lo kaihruai lailwk tura ruat an ni a. Hei hi 1953 kum tawp a ni. Kum 1954-ah chuan Mizoram pum huapa Kristian Thalai Pawl Conference neih an rawt ta a. September 23-26, 1954 A.D. khan Mission Veng Kohhran chuan a thleng a. Khaw 22 atangin palai 120 an lo kal a. Inrinni zanah Reiek Kristian Thalai Pawl zaipawl an zai a, Lalthankima hla lehlin thar Tlaitla ng mawi kawngkhar hawn hun tur chu panin ka kal mek a ni tih hla thiam takin an sa a. Reiek K.T.P. leh an hla thar chuan a lar phah hle a ni. Pathianni chawhma Pathian biak inkhawmah chuan Lalthankima chuan thupui Chhandamna tulzia (The need for salvation) tih chu a sawi a, thalaite beng a verh hle mai. A sawi zawh hian sawihona neih nghal a ni a, thalaiten sawiho nuam an ti hle a ni. He Conference hian an hruaitu turte an thlang fel a, chungte chu :Chairman Vice Chairman Secretary Assistant Secretary Treasurer Financial Secretary Committee members 1) 2) 3) 4) 5) 6) Miss Denghlunchhungi, Kulikawn Miss Rinkimi, Dawrpui Miss Zokhumi, Mission Veng Tv. Malsawmdawngliana, Mission Veng Tv. Pachhunga, Mission Veng Tv. Thanhnuna, Venghlui : : : : : : Rev. Owen W. Owen Lalthankima, Reiek Miss Saptawni, Mission Veng Vanlalkunga, Dawrpui Veng Mrs. Owen, Mission Veng Miss Thangpuii, Kulikawn

Mission Veng K.T.P. Conference hnu hi chuan Mizoram khaw tin deuh thawah K.T.P. branch chu a ding ta zung zung a. Kum 1955 A.D. Conference lehna turin Dawrpui ruat a ni. Dawrpui Conference-ah hian thupui chu Isua chu Lal a ni tih a ni a. Thupui hi hmun rukah thensawm leh a ni. He Conference hian Dawrpui Middle School-ah ro an rel a. Kristian Thalai Pawl hming Lalthankima lo sak sa thlak chungchang an sawiho va. Mahse, he Conference hian thlak ta lovin tun thleng hian Kristian Thalai Pawl tih hming hi a pu ta zel a ni. Mizorama K.T.P. din chhuaktu Lalthankiman Mizo thalaite a vnthwnna ber chu Mizo thalaite hi kohhran leh khawtlang tan mi hnawksak an ni palh ang tih hi a ni a. Chuvangin, mumal tak leh kawng zwng nei taka thalaite hi kaihhruai an nih theih nan Kristian thalai constitution pawh kohhran constitution huang chhungah siamsak an ni a. Kohhran hruaitute kaihhruaina anga kohhrana rawngbawl tur an ni tih hi an theihnghilh ang tih hi a hlau hle thin.
3

Constitution la awm lo mah se: Kum 1952 April thlaa Reiek khuaa K.T.P. din a nih atang khan 1954 thlengin Lalthankima hi Provisional Secretary a ni reng a. Upa Laichhunga Chhangte chu Chairman anga hman a ni thin. A chang chuan kohhran aiawha an ruat Tual Upa Lalthangzuala Ralte pawh Chairman atan hman a ni fo bawk. Heng hun lai hi chuan Chairman leh Secretary leh Treasurer ruat an ni a, constitution a la awm loh avangin tihdan mumal fel tak a la awm vak lo a ni. 1952 atanga 1954 chhunga min hruaitu hmasate chu heng mite hi an ni :1) 2) 3) 4) 5) 6) 7) Upa Laichhunga Chhangte Tual Upa Lalthangzuala Ralte Lalthankima Hrahsel Zohlira Chhangte Pakunga Ralte Zachhinga Hauhnar Rohmingthanga Khiangte

K.T.P. Constitution awm hma a nih avangin tha an tih ang angin an kalpui a ni ber. K.T.P. inkhawm chu an siam fo va, tawngtai inkhawm leh hla zir nan te hman a ni thin. Mahni rilru sawi nan te, mahni vei zwng sawi nan te pawh an hmang bawk. Constitution duan a ni ta: Kum 1953-a Bangla Sen-a Rev. J.M. Lloyd-a hova an inhmuhkhawm khan Provisional Constitution lo buatsaih turin Lalthankima an ruat kha a kum leh 1954 March thlaa Teachers Training School-a Committee kalkhawm chuan an pawm a, he Provisional Constitution-ah hian Chairman te, Vice Chairman te, Secretary leh Vice Secretary te awm tura ruahman a ni a. Constitution awm hnuah: Kum 1955 A.D. January thla chuan Reiek Kristian Thalai Pawl pawhin hruaitu an thlang ta a. Hei hi Kristian Thalai Pawl inthlan hmasa ber a ni. Chuta hruaitu an thlante chu :Chairman Vice Chairman Secretary Vice Secretary Treasurer Finance Secretary : : : : : : Pakunga Ralte Zohlira Chhangte Isaac Zoliana Hnamte Chalrochhunga Hrahsel Kailiani Ralte Lalzapi Hauhnar

Lalthankima hi Secretary-a thlan a ni zet a; mahse, Central K.T.P-ah Vice Chairman a nih avangin khawtualah chuan Office Bearer-ah tel lovin committee member-ah a awm a ni. Committee member-te: 1) 2) 3) 4) 5) Rohmingthanga Khiangte Zachhinga Hauhnar C.K. Hungliana Lalthankima Hrahsel Tual Upa Lalthangzuala (Kohhran Committee aiawh)

Minute bu a bo: Mizoram buai avangin K.T.P. din tirh atanga kum 1965 A.D. thlenga Minute bu a bo vek a. Chuvangin tawngkaa sawihovin hriat theih ang ang ziah khawm a ni.