SYNOD MISSION BOARD CHANCHIN

I. Thuhmahruai:-
Kum 1891 khan Rev William Williams, Welsh Calvinistic Methodist chuan Mizoram a rawn tlawh
a. Hei hi Mizorama Chanchin Tha meichher chhit tanna atan hma laknaah chhinchhiah tlak a ni. Rev William
Williams-a report atangin Sapram, Leeds khuaa Robert Arthinton chuan The Indian Aborigines Mission
Arthinton Aborigines Mission tia hriat lar) chu a din a. Chu Mission kaltlang chuan Mizorama ChanchinTha
rawn thlen hmasa bertute JH Lorrain (Pu Buanga) leh FW Savidge (Sapupa) te chu 11th January, 1894
khan Mizoram an rawn thleng a. He ni hi kan kohhran chuan Chanchintha thlen ni tiin kan hre lar ber a.
Hemi te hi Baptist Missionary Society hnuaia thawkin Chhim lamah an phei a.
31st August, 1897 khan Mizoram Presbyterian kohhran rawn dintu tak tak, Rev DE Jones chuan
Mizoram a rawn lut a. Chanchin Tha a rawn hril ta a ni. Hemi ni hi Ramthar Ni tiin kan serh ta nghe nghe
a. Chuta tang chuan Chanchin Tha chuan bu rawn khuarin Mizo zingah Khuma leh Khara chu ringtu hmasa
ber an ni ta a. 25th June 1899 khan baptisma an chang. Chuta tang chuan Chanchin Tha mei chuan Zoram
dung leh vang a hrut chhuak a, Harhna ropui tak tak thlengin kum 50 chhung lek chuan Mizo zawng zawng
chu Kristian kan lo ni ta a ni. Kum 1968-ah Sap Missionary te chuan Mizoram an chhuahsan a, chumi hnu
chuan Mizoram Presbyterian Kohhrante chu mahni kea dingin Chanchin Tha hril hna an thawk ta a ni.
II. Rawngbawl Tanna :-
Mizo Kristian hmasa te chuan an Chanchin Tha hriat chu an ngawihbo pui mai thei lova, kum 1910
khan Mizo tlangval 3 - Vanzika, Savawma leh Thangchhingpuia te chuan Manipur Senvawn lamah Chanchin
Tha an hril tan a. Kum 1911-ah Hrangvunga, Bunghmun khua chu Tripura lamah Chanchin Tha hril turin a
chhuak ve leh thung a. Chutiang chuan Chanchin Tha avanga mi thahnem ngai an lo chhuak zel a, Manipur
ramah te, Haflong ramah te leh Burma ramah te an kal a. Kohhran leh leh Mission enkawl turin Synod
Standing Committee siam a ni a.
Kum 1953 khan Mission hna bik enkawl turin Synod Mission Committee (SMC) chu a lo piang
leh ta a. Upa Vanchuanga, Mission Veng chu Voluntary-in he Synod Mission Committee Secretary hmasa
ber hi a ni nghe nghe. Kum 1961 khan Synod Mission Committee chu Synod Mission Board tih a lo ni
leh ta a, Hei hi tun thlenga kan Synod hnuaia Mission lam hna enkawl bertu lo pian chhuah dan chu a ni.
Rev VL Zaithanga chu kum 1966-ah Full-time Secretary hna chelh tura ruat a ni.(A hma zawng chuan
Committee secretary tia hriat a ni)
Synod Mission Board chuan 1961-a Board puitling a lo nih atangin Thil tum (Goal) puitling tak a
nei a. Chungte chu -
1) Lal Isua chanchin la hre lote hnena hrilh darh
2) Ringtharte chawikan leh tihchak
3) Kohhran lo ding thar zelte chu mahnia intodelh, mahnia inrelbawl thei leh Chanchin Tha hril
darh thei tura buatsaih,
4) Kohhran leh leh pawl dangte nena thawh ho.

Chumi hnu atang chuan Synod Mission Board chuan mumal lehzualin hma a la zel a, rawngbawlna
atana kohhranho thawhlawm pawhin pun lam a pan nasa hle. Hetiangin :-
1932 .................................................. 26.00
1942................................................... 840.00
1952................................................... 758.00
1962................................................... 13,896.00
1972................................................... 1,43,203.00
1982................................................... 20,93,891.00
1992................................................... 3,01,65,006.00
2002................................................... 11,25,19,256.00
2007................................................... 19,02,96,368.00
 Ringthar kan neih dan hi lo chhui leh lawk ila -

KUM THAWKTU ZAT RINGTHAR ZAT THAWKTU 1-IN

RINGTHAR A MAN ZAT

1974 68 132 1.94

1984 327 1239 3.79
1994 836 2423 2.89
2004 1350 5196 3.85
2007 1515 5850 3.86

-------------------------

MANIPUR FIELD
Thawh \an kum 1967 1967
Pastor Bial zat 9 8
Kohhran 49 48
Branch Church 9 9
Fellowship 10 10
Missionary 28 27
Short Term Missionary 47 24
Field Worker 23+8 24
Thawktu zawng zawng 119 107
Ring thar 226(Jan-jul 08) 140
Kristian zawng zawng 6179 5454
Budget (2007 2008) Rs. 1,17,60,200.00

JH Lorrain leh FW Savidge ten Mizoram an rawn luh tuma an thurualpui, Rev William
Petigrew chuan 6th Feb 1894 khan Manipur-ah hian Chanchin Tha a hril a. A awm achin kum 2-ah
January 1896 khan Meitei pakhat Angon Porom Singh chuan baptisma a chang a. Kum 1910 khan
Mizoram atangin Missionary W.Robert-an Mizo Kristiante- (Vanzika, Savawma leh Thangchhingpuia te)
hruaiin Manipur-ah hian rawng an bawl a. 1962-ah Tuithaphai Presbytery-in Meitei zinga evangelist hna
thawk turin Saikot atangin L.Tombi Singh an tir bawk. 1965 khan Tuithaphai Presbytery-in Moirang
Mission Compound hmun hi Rs 2000/-a leiin Meitei zinga rawngbawlna beihpui an thlak tan ta a. 1967
khan SMB Secretary, Rev VL Zaithanga chu Manipur Ramthar hmun tlawha kalin SMB chuan hemi atang
hian kut a thlak tan ta a, 1971 atang chuan Meitei Christian Fellowship neih a lo ni ta a ni.

Manipur-ah hian kum 40 lai rawng kan lo bawl tawh a.Meitei Kristian 7960 emaw kan nei
thei a, Barak Area ai chuan an \hahnem deuh. Kan thawh dan tlangpui chu Chanchin |ha hril (Direct &
Indirect Evangelism) a ni ber. Pathian thu hrilin Tirhkohten an thawk reng a. Pastor-ten an biala ringtu
awm tawhte enkawl pahin thu an hril zel bawk a. Heng b^kah hian Chanchin |ha hril Beihpui (Gospel
Campaign & Crusade) an buatsaih bawk \hin a ni.