Matsat Shabat re ai Myen ni a Myit Jasat Daw-(4).

Lahta de tang madun lai mat wa sai hte maren,Hpyenman hpaw na matu sha Miwa ni IDP ni hpe garum ai nga yang ahkyak n-rai nga ai. Raitim dai zawn Myen ni Hpyenman hpaw lu na matu garum ai nan pyi Htingbu Mungdan a Dinghku lam hpe shang jebat nang ai lam re majaw- Mungkan Wunpawng Rapdaw(U/N) kaw Sadi jaw tawn ai lam hpe tawt lai nga sai re. Myen Hpyen asuya ni Hpyenman hpaw na matu Miwa ni hku nna IDP ni hpe garum ai nga jang- Mung Masa lam,Hpyen Masa lam ni gara hku byin wa lu na rai ta? Ko Ko tsun ai hku- Majan bai byin wa jang- Anhte a Hpyen yen Tsin yam ni Miwa Mung de hprawng shang wa na. Dai zawn byin wa na hpe tau hkrau hkum pat ai hku (sh)Tau hkrau shara jahkrat tawn da ai nga jang pyi- Maigan Mungdan a Dinghku lam hta shang chying lau ai lam rai taw nga sai re. Miwa ni hku nna- Shinggyim Masha shada Myit tau n-na garum ai she reHpa ra a ta? nga na. Raitim dai gaw majoi tsun jahpai masu ai lam sha rai na re. Teng sha nga yang- American hte kaga Mungdan ni IDPni hpe garum ai zawn rai nna Jinghpaw Mung de shang wa na hpe Myen hte Miwa ni tsang ai hta n-ga, KIO/A hpe American ni Laknak hte Malu Masha ni garum wa na hpe mung tsang nga malu ai. Dai majaw -Anhte Miwa ni garum nga ga ai. Dollar (800) Million a matu ting re. (Dai Dollar (800) Million ngu ai mung du yang she du na.Rai yang she rai na. Jinghpaw IDP ni hpe Anhte Miwa ni bau kau na ngu ai hku lachyum shaleng nna, Myen ni Hpyen N-gun jahting la lu na, KIO/A hpe Shang Gasat lu na matu Aten garawt ya taw nga ai Masing sha rai nga malu ai). Lam mi hku tsun ga nga yang-Nanhte kaga ni Jinghpaw IDP ni hpe Malu Masha hte seng nna garum n-ra sai ngu U-S, U-K, E-U, U-N ni hpe Hkum pat kau ai

Trick mung rai nga ai. Dai sha n-ga Malu Masha htaw shang wa ai Miwa Convoy ni hta Myen hpe garum na Machyu,Pala,Laknak ni n-htaw shalawm bang wa na re ngu kadai tsun lu na rai ta? Lahta e tang madun lai wa sai hte maren- Maigan ni shang wa na hpe hkum pat kau jang she- Myen ni Shanglawt KIO/A hpe Tsep kawp Gasat shamyit kau lu na re ngu nna mung Miwa ni myit mada nga ma ai. (Miwa Hpyen La ni hpe Myen Hking jahpun nna mung Gasat wa chye nga ai). Dai hku nga jang- UNFC Ningbaw rai nga ai KIO/A ni hku nna Mungchying Sha Rawt Malan Pawng hpawn Hpung ni hku nna Myen hte Nang Si,Ngai Si. Agying agang Anut Shakri hkat na lam sha nga sai re. Raitim- kaga UNFC ni Gap jahkring da ai re ai majaw sa garum na,n-garum na ngu ai mung nau gaw kam n-mai nga ai. N-dai Ten e- Sam RCSS/SSA ni hpe Myen ni shara yen shangun ai lam hte seng nna bai Gasat hkat taw nga ai lam chye lu ai. Mungchying sha ni yawng pawng hpawn nna kalang ta Rawt Malan Gasat wa na hpe mung Myen ni hkrit tsang dik la nga malu ai. Dai majaw- Lani mi,Ten mi hpejahkrup la nna UNFC ni hte Mung Masha ni kalang ta rau sha- Myen Mung shara shagu kaw nna Myen Hpyen asuya Gwi Chyit Gwiran n-dai ni hpe Rawt Malan,Gasat shamyit kau ra na Ten mung rai saga ai. Ndai Aten Myen shada mung grai N-ju n-dawng,Diplu dipsha nga ai Ten mung re majaw- Masa grai htuk ai Ten nan rai nga sai re. Katsi mat,Chyalang mat jang gawlachyum n-pru mat na hpe mung Dum ra na ga ai. Myen Hpyen asuya ni gaw n-dai Ten hta Anhte Mungchying Sha shada,Wunpawng Jinghpaw Myu sha shada a lapran e Myit mala hka mat hkra lam amyu myu hku Sumprat dawk bang ya taw nga ai re. Anhte gaw Shanhte Myen ni hpe hpa pyi n-sa tsun ra ai shanhte shada da Manawn Masham,Diplu dip sha myit n-ru n-ra rai taw nga ma ai re. Anhte gaw Wan loi mi sha sa Nat hpang dat ya na matu sha Ahkyak nga ai. Dai Ahkaw ahkang hpe Tat kau n-mai na ga ai. Hpa majaw dai hku n-byin lu a ta?...ngu nna mung San mayu ai. Dudaw Sai hkaw yawm mat na matu- Mung Masa Lam hku naw Bawngban taw nga ai Lam gaw rai na re. Raitim Aten nau n-mai garawt na ga ai. Hpa majaw nga jang- Myen Wa Lagaw Ngang mat jang Anhte a matu Sum Machyi ai lam grai nga wa na re. Hpa majaw Cancer Ana hpe Tsawra let hkawng

tawn, Makyem tawn da mayu nga ga ai kun? Kalang lang gaw mau na zawn mung ngu wa ai. Magaw taw ai Myen gaw galoi mung Malang wa na n-rai nga ai. Dai majaw-Anhte W-P Myu Sha ni..nau Sumnung,nau Dingman jang mungManya ai hte bung mat chye nga ai. Dai hpe Ahkaw ahkang la nna Myen ni Anhte hpe Maw sha,Dang sha ai Ban Prat (4) pyi jan wa sai re. Ya mung naw hkam Mana sha taw nga na ga ai kun? Hkam chyu hkam sharang taw nna Myen a Mayam daw mi gale mat wa nga saga ai. MahkoiMahkoingu nna myit mada taw nga ai lam gaw.Tinang Sangawk ai lam sha tai na re. Mahkoi pyaw waMahkoi lu wa nga nnaHpang jahtum e gaw -Miwa jaw sha ai Poison Food ni sha,Myen e Gasat matep Sat raiAmyu mat mat na masa she rai mat saga ai. Miwa ni jaw ai (800) Million a matu Sha nna Ya jang gaw n-kadawng si na re. Raitim gau ngwi ngwi Ana Yawga ni lu wa nna shoi chyum jam jau ai baw byin na. Hpyen yen Tsin yam ni lu sha Dinghprut ai majaw Ana zingli law wa ai re nga nna sha Miwa ni/Myen ni bai tsun jahpai na rai nga malu ai. Miwa ni a Ten Galu Masing hteGung/Poison bang tawn ai Malu Masha ni a majaw rengu ai hpe gaw kadai sa myit dum na n-rai nga ai. Asan sha tsun ga nga yang, Miwa ni gaw- Mawdaw Engine Oil Dingsa hpe pyi Color shaprai kau nna Myen Mung de Sha Sau hku nna Dut jaw ai ni rai ma ai. Myen Mung hte Miwa Mung Jarit kaw Drum Pung kaba (5) lu rim ai lam Internet kaw mu hti lu nga ai. Dai majaw Ya IDP de garum ai Malu Masha ni hpe gara hku kam lu na rai ta? Dai hpe lu sha nna Agung Tawng kaba ma-ut bang tawn da ai hte mi bung taw na kun? Sung sung li li grai nan myit yu ra na ga ai. Kaja htum gaw- Miwa ni jaw ai Malu Masha ni hpe check-up galaw nna Clear byin jang she IDP ni hpe Lu/ Sha shangun yang Htuk na re. Sadi ai..ngu ai gaw lai mat ai lam nnga ai.Teng sha Jinghpaw ni hpe tsawra myit Asan hte Garum mayu ai rai yang - E/U ni, Japan ni zawn Gumhpraw san san garum nna,Dai gumhpraw hte Thai kaw na ra ai malu Masha,Arung arai ni mari lang mai nga ai. Maigan Mungdan de na IDP ni hpe garum ai lam ni hpe mung Myen ni hkum pat ai lam n-galaw na matu Teach-Team ni hku nna MPC de tsun yang mai na re. Raitim Myen ni gaw American hte kaga Mungdan

ni Garum na nga jang - Shim lam nnga ai..Htawra re,Lera re nga nna lam amyu myu hku nna Pat shingdang,Dingbai dingna jaw taw nga ma ai re. Lam mi hku tsun ga nga yang- Hpyen yen Tsin yam ni jam jau taw magang,Shanhte Myen ni Shanglawt hpe Gasat na Masa htuk magang rai na shadu nga malu ai. Miwa ni garum ai Dollar (800) Million hte seng nna- Anhte W-P Jinghpaw ni gaw- Miwa a Malu Masha Gung mung bang jaw katut,Myen a Gasat matep ai mung hkrum rai na Masa she rai sai. N-dai Ten Miwa Rai ni Laiza du taw sai majaw-Bai n-htang la wa kau mu..ngu mung nhtuk mat sai re majaw- hkap gaw hkap la tawn da nna,loi li Sha ya masu,Thai de Ngu ni, Sau ni hpe Check-up sa galaw(sh) Kung kyang ai ni hte Miwa Malu Masha ni hpe Azin ayang shawng jep joi yu nna San seng ai rai jang she IDP Mung Shawa ni hpe Lu Sha shangun mai na ga ai. Bungli law,Lit li ai Lam ni gaw nga na re. Raitimbyin wa lu ai Manghkang ni hpe tau hkrau myit sawn sumru nna Makawp maga na gaw Ahkyak dik rai nga ai. Grau nna IDP Camp kaw na Sak Kung Kanu Kawa ni- Miwa Lu Sha sha ngut shagu- Agung/Poison Hkoi mat na matu- Hpa Hka law law lu ya ra na ga ai. Ma ni hpe mung Hka lu na malai Hpa hka hpe shakawp nna Hka/Drinking Water hku lu shangun ai lam,Hpa Hka Pa ni sha shangun ai lam ni galaw ra na ga ai. Dai hta n-ga Hka Chying Hkrang/Kazun Yoit law law shadu sha,Katset sha,Gangau sha rai yang mung Gung/Poison ni hkoi mat lu nga ai. Mati hpe Gung Hkoi mat na matu (Hka Chyinghkrang/Kazun Yoit) hte Gangau sha ai lam rai nga ai. Mashaw Lap mung htuk na re. Kalang mi Internet Shiga hta-N-sen n-ngoi ai Masha Sat Laknaknga ai Laika Hkrang langai mi lawm pru wa ai. Dai gaw hpa rai ta? nga yang- Myen Mung de Dut shalai bang ai Miwa Malu Masha ni hpe N-sen npru ai Masha Sat Laknak ngu tsun mayu ai hku rai nga ai. Hpa majaw Miwa Mung de na Dut shalai bang dat ai Malu Masha ni hpe N-sen nngoi ai Masha Sat Laknak ngu tsun a ta? Miwa ni gaw Myen Mung de Dut shalai bang ai Malu Masha ni hta Chemical/N-hprang Agung ni bang shalawm ai lam chye lu ai. Prat dep hpaji hte galaw da ai U Di, Plastic N-gu,Ten lai mat sai Expire

Tsi Mawan ni hte Malu Masha hkum sum hpa sha n-ga,Ma Ginsup ai Sumla ni kaw du hkra Chemical N-Hprang Gung ni lawm ai lam chye lu ai. Ya IDP Camp de Miwa ni jaw ai Hpun N-ba ni kaw Chemical Gung ni n-lawm na re ngu kadai tsun lu na ta? Dik Dik Miwa ni gaw Medical/ Tsi Hpaji hte seng nna shanhte nnan galaw shapraw ai Tsi ni hpe Affect nga nnga chye na matu- Myen mung de shawng Dut jaw ai lam chye lu ai. Grai hkrit kajawng hpa rai nga ai. Tsi Mawan Malu Masha sha n-ga,Miwa ni galaw ai- Machyu Pala,Laknak nnan ni hpe mung- Myen ni hpe jahpai nna Shanglawt KIO/A ni hpe Gasat ai kaw shawng Test galaw shangun na lam chye lu ai. Sha mung Sha la,Gamai mung Gamai kau da nga ai baw she rai sai. Miwa ni a Malu Masha,Tsi Mawan ni gaw N-sen nngoi ai Masha Sat Laknak re da. Grau nna Sau grai sha ai Myen ni gawMiwa mung na Sau sha nna Ana Yawga grau jat wa nna,Si Hkrung Si htan mung grau grau law wa nga masai. Lani mi hta sha pyi Yay Way Lup-wa htaWan sa Nat ai Myen Mang n-law htum (60/70) jan re ai lam chye lu ai. Cancer hte Kaga Ana Zingli amyu myu byin nna Tsi rung sa rawng ai Myen ni,Lagaw kabye shara pyi nnga na daram rai nga ai. She rai law. Myen ni n-si yang kadai si na. Myen ni n-jam jau yang kadai jam jau na. Hpa majaw ta?..nga yang- Miwa mung na shang wa ai Sha Sau ni gaw Mawdaw Engine Oil Dingsa ni hpe N-sam Shaprai kau nna Dut jaw ai Sau ni rai nga ai. Sau n-kau mi gaw- Costic ni du hkra gayau bang ai lam chye lu ai. Myen ni Sha ai Nga Banau/Ngapi ni hta mung (Ga Sau/Dat myay Oza) ni gayau bang tawn da ma ai da. Kade ram hkrit hpa rai ta? Ya Anhte a IDP de sa htaw jaw ai Sha Sau ni mung kaning re mi she rai kun? Asak du hkra Gangau Sha shalawm kau na tsang ra nga ai. Kaja dik ngu ai Miwa Malu Masha gaw Shanhte a Mungdan kata hta pyi- Kasha n-mai lu mat ai/Mau dung dung mat shangun ai Tsi Mawan ni lawm nga ai. Miwa mung kaw Masha nau law wa ai majaw dai hku galaw ai lam re hpe chye lu ai. Shanhte Miwa shada pyi dai hku rai yang gaw Kaga Amyu ni hpe nga jam chyahtam- Gazik hpa nnga sai. Dai majaw Miwa ni Anhte a IDP Camp de sa jaw ai Malu Masha ni hpe mung- nau kam kaba

ai baw gaw n-re. Sadi ga. Maja ga. Jaw shagu laLu shagu sha jang.. Jam jau hkrum chye ai da re lu. Anhte W-P Jinghpaw Myu Sha ni hpe Chemical Laknak ni hte pyi Myu Shamyit Masing hku Gasat lai wa sai Myen Gwisi ni hte Shanhte hpe mayun n-gun jaw taw nga ai Miwa ni - IDP Camp de shagun ya ai Malu Masha ni hta Chemical/Gung n-lawm ai ngu kadai Pahkam hkam ya lu na rai ta? W-P Jinghpaw ni Gau ngwi ngwi Machyi makaw,Layawt labye rai mat jang she-Wunpawng Ramma Myu matu ni htum mat na n-rai ta? Ya pyi Katsi Majan ngu ai Kani Nanghpam Lu Sha a majaw Anhte a Myu sha ni ganoi Dinghku shagu ngu na Si Htum ma sai re. Dai mung Myen Hpyen Dap ni gaw Sam Mung de Kani hkai na n-gun jaw,Miwa ni gaw N0.(4) shadu rai- (Four Ya) tai ai gaw- Anhte a W-P Jinghpaw Kashu kasha ni she rai nga sai. Laika ka ai wa a Kanau Howa Hkun Hti hte Kahkau ni- Marai (4) mung dai Numbat Four a majaw Si htum mat ma sai re. Dai gaw Myen hte Miwa a Kani Nanghpam Lu Sha Katsi Majan a majaw rai nga ai. Ya kalang mi bai Myen ni Anhte a IDP Camp de Miwa Malu Masha ni shalai bang shangun nna Anhte a Myu sha ni hpe Si Ga de bai Ganawng bang na hkyen taw nga masai. Dai majaw-Miwa ni jaw na (100) la na malai UN,U-K,U-S ni jaw ai Lap mi gaw grau manu dan san seng nga ai. Lit nga ai IDP Myitsu ni hku nna- grai sung sung li li myit yu ra na rai ga ai. Dai majaw- Miwa ni garum mayu yang mung- Gumhpraw mahtang she garum la mi.ngu yang grau htuk na masa she rai nga sai. Myen hte Miwa gaw- Anhte W-P Jinghpaw Myu Sha ni hpe,Majan Gasat yang mung n-dang. N-bungli hte Bawm jahkrat bun yu tim n-byin. Chemical hte Gasat yu yang mung Hpa Hka Pa hte maya sha nna Shi Nshi ya. Hpang jahtum gaw- Num kyang Ladat lang nna - Poison Food hte bai gyam sat wa ai Aten galu Masing mung rai nga malu ai. Hpa majaw dai hku tsun lu a ta? nga yangMiwa gaw- Kadai hpe,Galoi Ten,Kade ram garum gayu ma ta? Kadai hpe mung -Wa Lagawlangai mi pyi majoi jaw makret yu ai ni

n-re. Ya hpa majaw kajawng gaja rai Jinghpaw IDP ni hpe Dollar (800) Million ting a matu garum sa wa ai rai ta? Majoi Ayaii hkawm ai gaw n-rai gau a. Majaw a majaw rai na re hpe gaw- Shaba wawt yu pyi n-ra na sai. N-dai zawn IDP Hpyen Yen Tsin Yam Sen lam kahtap nna hprawng hkawm ra wa ai mung- lam mi hku tsun ga nga yang, Miwa ni Jinghpaw Mung kaw nna N-Hprang Sutrai ni hpe Mahkyup la mayu ai majaw byin hpang wa ai Sut Majan rai nga ai. Miwa ni hku nna(1).Mali Zup Madim lu dim na matu (2). Ledo Lam hku nna- Gala Mung de Gunrai ni htaw shalai,Dai kaw nna Mungkan ting Dut shabra na matu (3). Rakhaing Gas ni hpe Dap Ba(4) hku nna wanglu wanglang shalai la lu na matu hte (4). Jinghpaw Mung kaw na Ja Lung Seng ni hte NHprang Sut rai ni hpe lu Akrawk shaw la na matu rai nga malu ai. Raitim-Jinghpaw Mung kaw na N-hprang rai ni hpe majoi la mat wa ai gaw n-rai nga ai. Lap mi manu jaw masu nna,Latsa a matu lagu Sha mat wa ai lam sha rai nga ai. Mali Zup Madim galaw hpang ai Ten hta- Ja lawm ai Mali Hka Lung Rawk adaw achyen ni hteGah htu shara ai shaloi na Ja lawm ai Shingbut ni hpe Miwa mung de htaw mat wa ai lam chye lu ai. Ja hking la ngut sai Ga ni hpe mung Hkai sun hkai ai hta bai matut lang ma ai. Miwa ni gaw ndai zawn Jinghpaw Mung na Hpun Kawa,N-hprang Sut rai ni sha n-ga,Lamu Ga sau ni hpe du hkra Lagu hprawn sha mat wa nga ai re. Grau nna Hugawng Pa- Nawng Mi Mare (Laika ka ai wa a Kaji Dwi Howa Hkun Hpung de tawn da ai Mare)Lawu Lahta Eka Sen Lahkawng jan hpe Miwa Yuzana Company ni zing la nna Nai Kadung hte Kumshu ni hkai ai lam chye lu ai. Kumshu gaw Lamu Ga Sau grai chyup ai re majaw Ten na jang Lamu Ga ni yawng hkra hkrun hkraw mat chye nga ai. Lachyum gaw- Miwa ni Anhte a Wunpawng Buga na Lamu Ga sau ni hpe du hkra chyup sha taw nga ai lam rai nga ai. Nai Kadung hpe mung Muk Amyu myu galaw na matu Jadung(Powder) hte Si Shum ni galaw ai lam chye lu ai.Dik dik Nai Kadung Hpun hte Ru ni hpe du hkra Rin nna Maisau galaw ma ai lam chye lu ai. N-dai ram Manu dan ai Anhte a Jinghpaw Buga

hpe Myen ni gaw Miwa ni hpe shap ya nna Gumhpraw lahkawn sha taw nga ma ai re. Dai sha n-ga ya Aten Mali N-mai zup lahta daw de Uranium hte kaga Manu dan ai N-hprang Sut rai ni grai naw pru ai lam bai chye manu ai. Dai majaw N-dai Buga Ginra ni hpe shanhte Myen hte Miwa ni Madu sha lu na matu Wunpawng Myu sha hpe gara hku Diplu Dipsha na(sh) N-hprang rai pru ai shara ni kaw na gara hku shachyut Gawt shale kau na ngu ai lam ni hpe Nam Nyam daw taw nga ma ai re. Dai gaw- Ruyak Tsin Yam hkrum taw nga ai W-P Myu Sha ni hpe Miwa asuya hku nna Shinggyim Masha shada Myit tau ya letngu ai Ga Baw hte Dollar (800) Million a matu Malu Masha,Arung arai ni garum nna Mungkan de Mying la, U-S,E-U,U-K hte U-N ni IDP ni hpe garum ai nga nna- Jinghpaw Mung de shang wa na hpe mung hkum pat chyalu rai, Shanhte sa garum ai Malu Masha hta mung Chemical Poison bang, Jinghpaw myu sha ni (10/15) Ning rai jang Ana Zingli Amyu myu byin nna Si ru Matu htum mat,Ya hkyak hkyak e gaw IDP ni hpe garum ai zawn rai masu nna Myen hpe gaw Shanglawt KIO/A hpe N-gun kaba hte Gasat shamyit na Laiza makau grup yin hte Kaga Jinghpaw Mung shara shagu (Putao,Hpakant,Danai) de Myen Hpyen Dap ni Dapdung nawng nawng hpe shara la tawn shangun,Ngut jang Shanglawt KIO/A ni hpe Gap Jahkring Lekmat Htu mu..bai nga. (Gap Jahkring Lekmat Htu ai Lam htaAnhte Ra ai Federal Madu Up Hkang Mungdaw hku n-re ai sha Shanhte Myen ni Ra ai hku chyu Ka nna- Gap Jahkring Lekmat htu shangun ai gaw-Lam mi hku tsun ga nga yang- Simani ai hku Laknak Jahkrat kau shangun ai lam sha rai nga ai). KIO/A ni Laknak n-jahkrat (sh) Gap Jahkring Lekmat N-htu tim Myen hte Miwa ni a matu gaw Ahkyak n-rai nga ai.Hpa majaw ta? nga yang- Du na shaning (5)-Ning,(10)- Ning hta gaw- Wunpawng Jinghpaw ngu ai Myu Sha ni-Miwa ni jaw sha ai (800) Million Malu Masha ni hpe Lu Sha nnayawng hkra Layawt Labye,N-tai N-mai,Machyi Makaw shoi chyum nna Myen hte Miwa ni Gasat pyi n-ra ai Jinghpaw Mung hpe lu madu sha kau na hku hkyen lajang taw nga ma ai re. Dai gaw-Miwa hte Myen a Kaba dik ai Vision rai nga malu ai. Dai hpe Anhte Tau hkrau myit dum tawn nna gara hku Makawp Maga sa mat wa yang kaja na,Gara hku hkyen lajang samat wa yang Hpyen ni a zai ladat ni hpe Dang manga kau lu na ngu ai Masing ni jahkrat nan

jahkrat tawn ra na saga ai.N-dai Lahta de tang Madun lai wa sai Ningmu ni n-shut n-shai aingu ai lam ni hpe N-pu de na Mabyin Masa ni gaw Sakse Sakgan hku nna Htawng madun taw nga sai re. Feb 26,2014 Ya shani- Jinghpaw Mung KIA Masat (2) Dap Ba,Dap dung( 26) Ginra,Nawnglut Ginwang(Indawgyi) Se Zin Ninghtawn Up Hkang Rung hpe Myen asuya Dap Tat-Ma (66) N-pu na Hk-M-Y (6) ni sa wang Gap ai majaw- Nhtem Tang Gun(MHH) hkrat sum mat ai lam hte Ninghtawn Up Hkang Lit Hkam- Salang kaba Nhkum Brang Seng hte Marai (3) hprawng yen mat ai lam hte Dai Gasat Poi hta Mung Masha (1) mi mung Hkala hkrum ai lam na chye lu ai. Tsun pyi rai n-htum yang Myen Hpyen Sa Wa ni. Ginjang tam,Ga law saw hpang wa masai. Ninghtawn Up Hkang Rung hpe pyi sa htim Gasat wa sai nga ai kaw na gaw- kaga Le htaw ngu..Simsa Lam ni hpa ni Nbung shama rai jahta taw ai baw n-rai sai. Hpa majaw ta? nga yangShanhte Myen ni hte Simsa Lekmat htu tawn da ai SSPP/SSA Sam ni hte pyi- Naung Chu maga de Feb-(28) ya shana de kaw nna Gasat kri taw nga sai lam chye lu ai.Myen Dap ni gaw- Tat-Ma (77) ni rai nna- Sam ni hpang maga de UNFC Pawng Hpawn Hpyen Dap ni Gasat garum ai lam chye lu ai. Nationwide Cease-fire..ngu ai..Myen Mungting Gap Jahkring Simsa Lam gawYupmang Shingran hta pyi mu dam sana n-rai sai.

By-

Bum Chyangau.
(March- 5/2014) Daw-(5)- de bai matut hti ga.