Professional Documents
Culture Documents
CHANCHINBU ENKAWLTUTE
Editor
in Chief : Lalnunsanga Fanai (9862120903)
Editor : Chanchinmawia (9615820416)
Jt. Editor : C. Zonunpuia (9862022375)
Cir. Mag. : Lalramzauva Chawngthu (8575462587)
OB i/c : H. Laltharrenga
Vengthlang Branch YMA Chanchinbu Kum : XXIII Vawi : 18 Tahrik Ni : 18 Tomir thla (April) 2014
MIZORAM-AH NU TE NI
Phek
3
Phek
4
Phek
2
LAWRKHAWM
Ruang Thawnchhuak
Ni 16.5.2014 (Zirtawpni)
zingkar khan C. Lalthanmawia
kum 38 Upa Hrangzuala tupa
Mualkawi chu Pi Zasangi In
OB Veng atangin
thawnchhuah a ni.
Website siam tum
Sub-Hqrs. YMA Champhai
chuan hmun dang atanga
awlsam lehzuala midangten an
chet velna an lo hriat zung zung
theih nan website siamtuma
hmalak mek a ni. Karleh lamah
chuan peih fel hman an in beisei.
Lawmthu
Pu R. Zoliana (T-Sec) chuan
Branch in a hman tur Har
Structure min rawn pe a, a
chungah kan lawmhle
Chawimawi
Kan Branch Member
Champhai North MLA Pu TT
Zothansanga (T-Sec) chu nimin
khan Champhai Promoters
Club ten MLA athlan tlin anih
leh Parliamentary Secretary a
nih an lawmpui.
Ni 17.5.2014 (I nrinni)
zingkar khan Branch President
leh Secretary in Pu TT
Zothansanga chu kan veng In-
formation Building cumWait-
ing Shed sak tur a hmalak tawna
te sawipuiin hmalak zel dan
turte an sawiho nghal bawk.
Rawn In report ru le
Pawl 10 leh Pawl 12 pass
zawng zawng te Tv. H.
Lalfakzuala (T-Sec) F.
Laldinthara (V-Sec) C.
Zonunpuia (K-Sec) Robert
Lalmuanpuia (N-Sec) hnenah
mahni Section huam chhunga
mi ah in report tur ani.
MANCHESTER CITY
SUB-HQRS. YMA CHAMPHAI
EXECUTIVE COMMITTEE NEIH A NI
Ni 18 Tomir Thla 2014: Ni 15.5.2014 (Ningani) Zan
dar 7:00 khan Branch Executive Committee neih a ni
a. Committee hi Pu C. Laltanpuia Vice President in
kaihruaiin Pu F. Lalrinmuana, President in Informa-
tion Building cum Waiting Shed sak tura hmalakna
pawh Committee ah report a pe nghal.
Thurel te :
1) YMA Day June 15 chu Sawrkarin June 16 ah a sawn
a, YMA Day hman dan tur hetiang hian rel a ni.
a) Section tinte zingkarah mahni Section
huamchhung thianfai a hnatlang neih tur a ni.
b) YMA Day pual hian Champhai District Hospi-
tal-ah Poor Fund atan Rs. 1000 (sangkhat) leh Run
Mawi a chhungkaw hrang hrangte hnenah Rs. 500
(zanga) leh buhfai pek nise.
c) Branch Executive Member leh Section OB te
thlanmual tharah thingphun hnatlang neih tur a ni a, a
tul ang apiang lo buaipui turin Branch OB te ruat an ni.
2) Sanitation Sub-Committee atanga lehkha lo lut faina
chungchanga Section te inelna a lawmman tur Branch
an rawn dil angin Rs. 5,500 chu pawm a ni.
3) Hnam dang mikhual, Chhiatni/Thatni Fund pe lo
leh ruang hlawmtu neilo ten kuang hman a ngai a nih
chuan Puitling kuangah Rs. 3000 leh naupang kuangah
Rs. 2000 in an lei thin ang.
4) Foreigner te hnena In hmun lo ram hralh
chungchang ngaihtuah a ni a, Foreigner rinhlelh
Vengchhunga In hmun lo ram lei nia hriat chu Branch
OB ten lo zirchiang sela, a tul angin hma lo la se an ti.
New Saron Veng a In-te thiah tan a ni
Ni 15.5.2014 (Ningani) atang khan Vengthlang leh
Kanan huam chhung leitawlha In rel la dingte thiah hna
thawh tan a ni. Tarlan tawh angin District Disaster Man-
agement Authority (DDMA) in Vengthlang leh Kanan Veng
lei tawlha In rel la dingte thiah hna thawk tura Sub-Hqrs.
YMA kuta dah angin Sub-Hqrs. YMA chuan theihtawp
chhuahin hma a la mek a, In thiah harsa zual 4 te thiat tura
Aizawla mithiam chah chhuah Romawia leh a hote chuan
nimin atang khan In thiah hna hi an thawk tan a, In thiah
hna hi mi 10-in tan thawk mek a ni.
Thlahna Hun Hmang
Govt. GMHSS Principal Upa
Vanlalhruaia Sailo (K-Sec) chu
ni 13.5.2014 (Thawhlehni)
khan a thawhpui ten thlanna
hun an hmang a. Upa Hruaia
hi Facebook lama Champhai
Thalai inkawmna Champhai
Blog-ah pawh uitu a nghah hle.
Khaw Chhuanawm
Champhai DFO Vanlal-
chuailova chuan thuchhuah
siamin kum 2014 chhunga
Champhai District chhunga
ram tikang lo khua a tarlang a,
Champhai District ah hian ram
tikang lo khua 32 awmin
Champhai huam chhungah -
Kelkang, Dilkawn leh Buang,
Khawzawl huam chhungah -
Arro leh Tualpui, Kawlkulh
huam chhungah Kawlkulh,
Dulte, Hliappui, Saichal,
Changzawl, Pawlrang,
Chhawrtui, Puilo leh
Vanchengpui; Khawhai huam
chhungah - Riangtlei,
Vangtlang, Lungtan leh
Chalrang; Khawbung huam
chhungah - Leithum, Vanzau,
Khuangleng, Zawlsei,
Khuangthing, Lianpui, Sesih,
Leisenzo, Vangchhia leh
Sazep; Farkawn huam
chhungah Khankawn, Thekpui
leh Chawngtui E ten ram an
tikang lo tih a tarlang.
Social Audit
Ni 20.5.2014 (Thawhlehni)
chawhma dar 10 hian
Vengthlang a Ni 100 inhlawh
(Job Card ) nei zawng zawngte
Social Audit neih tura ruahman
a ni a, J ob Card nei ten ngaih
pawimawh a kal theuh turin
kan in hriattir a ni e.
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21
YMA Palai SEMTUTE
Vanapa Section : CB Lal biakdika, Saidingliana, Vanlalchhuanga,
Lawmsangzela, C. Vanlalhriata, Lalruatpuia, Lalrindika, Lalhratpuia, ZD
Zorinpuii, ZD Lallawmzuala
Neuva Section : K. Zoramchhani , Vanlalruatzel a, Lalbuatsai ha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Rotluangpuia, Henry Mawia, Lalhmingsanga,
Lalruatsanga, Vanlalpeka, Lalhrilmawia,
Hunawl hman that
BRANCH HRUAITUTE
President : F. Lalrinmuana 9856793450
Vice President : C. Laltanpuia 9615021656
Secretary : H. Laltharrenga 9856782358
Asst.Secretary : C. Lalthanpuia 9862657366
Treasurer : H. Lalthanmawia 9862936734
Fin. Secretary : F. Vanlalliana 9615558817
Tunkar chu, leimin
atanga Lok Sabha result
puanin min chiahpiah a, rilru
sukthlek a danglam khawp
mai. Lok Sabha result hi chu
ram pumah BJP an chak hle
tih hi sawi tur awm ber chu a
ni awm e. Leimin lam hi i han
hrut nawn teh ang.
Thal khati zat kha
hmalakna tur a awm a.
Furpui thlen dawn a ruaia
kan ngaihsak leh ta vut vut
mai hi a mawh vak lo. Han
dem tur kan zawng dawn a
nih chuan dem tur hi chu an
awm na meuh ang. Disaster
management lam sorkar leh
YMA in kan kalpui dan erawh
hi chu ngaituah chian deuh a
ngai a ni. Disaster manage-
ment lamah hi chuan tihdam
aiin inven a tha zawk tih hi
kan thupui lem lo niin a lang.
Chhiatrupna kan dan theih
hauh loh leh, inrin lawkna
pawh awm lo hi chu pumpelh
theih a nih lova, mahse thleng
thei ngei ngei hi kan
ngaihthah deuh em? Zir tur
kan ngah hle mai. Chhiatna
thlen hma chu kan mawh a ni
tawh love kan ti a nih chuan,
chhiatna thlen hmaa kan him
theihna tur ngaihtuah pawl
tal hi chu kan mamawh lo
maw?
Furin min hmuak a,
kawlphe atanga ruah-thim-
pui thlengin kan hmachhawn
leh tan a. Ruah a sur tak tak
ang a, nikuma Champhai
khawpui kan buai leh nuai
nuai mai ang em? Kan
vanduaina hi a thleng nawn
tawh lo turah beisei teh ang.
ENGE I NGAIHHLUT?
- Lalfakzuala Hmar
Mihring chuan ngaihhlut zawng te, ngaihsan zawng te kan nei theuh a,
kan ngaihhlut leh ngaihsan zawng chu a in ang lo thin khawp mai. Lehkha zirlai
kan nih chuan kan ngaihhlut leh ngaihsan chu kan thil tum leh kan nih tum ten
nasa takin a hril a ni. Kan ngaihsan zawng nilo chu tuman nih kan tum ngai lo.
Mihring pangai chuan duhthusam kan nei theuh a, kan duhthusam ang a awm kan
chak a, kan tum thin bawk a ni.
Mahni duhthusam tihlawhtling thei te hi khawvela mi vannei ber te zinga
mi an ni awm e. kan thil tum leh nih tum ah hlawhtlin kan tum chuan thawhrim a
ngai thin a ni. Thawhrimna atanga hlawhtling te hlawhtlinna chu anmahni chauh
nilo midang te pawhin an hlawhtlinna kan ngaihhlut pui thin a ni. Hlawhtlinna
chuan thawhrimna a keng tel tlat a ni. Eng hna pawh ni se, rinawm taka thawkrim
te hi keichuan ka ngaisang in ka ngaihlu ani.
Khawvela mi hlawhtling langsar tak tak te hi an hlawhtlinna kawngzawh
ah hian hlawhchhamna vawi tamtak an lo tawk ve fo tawh thin a, hlawhtlin kan
duh chuan hlawhchhamna hi kan hlau tur a ni lo, hlawhchhamna vawi tamtak lo
paltlang tawh tu chuan hlawhtlinna hlut zia a hria a, mi hlawhtling ni tur chuan
hlawhchham kan hlauhna aiin hlawhtlin kan duhna chu a sang zawk tur a ni.
Vawiinni a hlawhchham kan ni thei mahse kan hlawhchhamna chuan min ti
beidawng tur ani lo a, nakina kan hlawhtlinna tur kha kan nun ah a buk a rit zawk
tlat tur a ni. Hlawhchhamna leh hlawhtlinna chahbi hi tu te pawhin kan nun ah
hian kan kawl vek a ni. Hlawhchhamna vawi tam tak lo patlang tawh, mahse
beiseina nei tlat te hi keichuan ka ngaihlu hle a ni.
Walt Disney-a chu Kansas khawpui a chanchinbu pakhat a thawhna ah
chuan a cartoon lemziah te avangin idea engmah neilo tiin an lo hnualsuat a,
MGM studio ah ngei pawh hian Mickey Mouse hi hmeichhia ten an hlauh an rin
avangin tihlan an lo phalsak tawh lo a ni. Mahse beidawng lova a thil tum ah a
chian tlat avangin vawiinni ah chuan Mickey Mouse te chu hmeichhia te lawm
em em a lo ni ta reng a, Walt Disney Studios te phei chu Hollywood a lian ber
leh lar ber alo ni ta ani. Kan thil tum ah hian kan chiang tur a ni a, rilru mumal tak
pu in tumruhna lian tak kan neih chuan hlawhtlinna hi kan hma a awm a ni a,
engkawng pawh zawh dawn se la, mahni tum a chiang mi tumruh tak te hi keichuan
ka ngaihlu hle a ni.
Mihring nun a hlawhtlinna tak tak pe thei tu chu engkim siamtu leh neitu
Pathian a ni tiin keini Kristian te chuan rinna nghet tak kan nei a ni. Kristian nun
chu a ngil reng thei lo a, khawvela kan awm chhung chuan harsatna leh buaina te
hi kan tawh ve a ngai fo thin a ni. Isua Krista ringtute kan vanneihna chu harsatna
leh buaina karah pawh kan hnena awm reng, Amah ko tu te chhang a tanpui thei tu
kan nei reng hi a ni. Kristianna leh beidawnna hi thil kal kawp thei a ni lo a,
Kristianna leh thatchhiatna hi a in millo a, kristian te leh rilru mumal neilo,
khawvel ah pawh tum bul fuk neilo hi a dik theilo ani. Pathian ringtute chuan kan
thlarau vanram kaltir hi kan tum a ni a, chumi tur pawh chuan kan damchhung
nun kan uluk in Pathian duhzawng in nun kan tum thin. Chutiang bawk chuan
khawvelah mi hlawhtling nih kan tum chuan goal mumal tak neiin thawhrimna,
beiseina, tumruhna leh min siamtu Pathian hre rengin hma lam kan pan tur a ni.
Pathian hmantlak mi hlawhtling te hi keichuan ka ngaihlu hle ani.
Nang tute nge I ngaihsan a, eng thil nge I ngaihhlut ve le?
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA
Zofate hmasawnna ngaihtuah
VANAPA SECTION
Leader :Pu R. Lalnunpuia
Asst Leader :Tv. C. Lalremruata
Secretary :Pu PC Lalngaihtuahkima
Asst Secy :Pu V. Laldinthara
Treasurer :Tv Christopher
Chawngthanmawia
Fin.Secretary:Tv. Lalramzauva Chawngthu
YMA Thuvawn : YMA chu tanpui ngaite tanpuitu a ni
YMA Palai SEMTUTE
Taitesena Section : J onathan Lalnuntluanga, J oseph Malsawmtluanga,
Lalhriatrenga, Lalramdina, Lalbiaksanga, Lalrohlua, Lalremsanga, F. Lalrinawma,
Lalnunnemi, Lalnunzira, Vanlalduhawma, Benjamin Lalrintluanga
YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira
Leimin chungchang kan tarlan te
hi i lo hre ve tawh ngai em?
@ Leimin hi lung, lei leh chirh, a
chhuk zawnga a a tawlh hi a ni.
@ Chirh tawlh hi chu leihnuaia tui
a tam avangin a thleng thin.
Hetiang hi awihah a thleng duh hle
a, khuarel chhiatna kan tih ang hi
a ni. Champhai phei chuan he
khuarel chhiatna, chirh tawlh hi a
hmun ngaiah vawi hnih kan thlentir
thei dawn niin a lang!
@ Lei mi n hi ramkang avanga
ramngaw chereuna hmun te,
mihri ng l ei lung kan khawi h
danglam tawh, ruahtui dawng tha
si-ah a awm duh tl angpui a.
Mizoramah chuan kan lei a la ngheh
loh avangin leilung han khawih
danglam hlek chuan leimin a insiam
hma hle a ni.
@ Leimin leh chirh tawlh hian
chhiatna a thlen nasa thei khawp
mai. Mihring chennaa a thlen phei
chuan thi leh hliam an tam thei hle.
@ America-ah khuan kum tin
leimin avang hian cheng
tluklehdingawn 3.5 vel chu senral
thin a ni a, mi 25-50 chuang an thi
ziah bawk.
@ Kum 2011 khan Brazil khawpui
Rio de Janeiro-ah leimin a thleng
a, mi 600 ngawtin nunna an chan.
@ Leimin hi kan chenna lei chauh
hi a tuartu a ni law, Sikeisen leh
Chawngmawii ah te pawh hian
leimin a l o nsa thei hle nii n
mithiamte chuan an sawi.
@ Khawvela leimin nasat ber nia
ngaih chuan St.Helen tlang kan
tum kha a ni a. Hemi tuma leimin
kha rut khawm ta ila, lei leh lung
maktaduai 250 vel ruh theih a awm
awm e. He leimin hian Highway a
lei dawh 9 a tichhia a, kawng mel
14 a tihchhiat bakah Norh Fork
Toutle lui phei chu a hnawhping der
a ni.
@ Leimin hi awitlanah thleng ta se,
a tawlh chak zawng chu darkar
khata mel 10 vel a ni a, darkar
khata mel 35 vel a ni thei bawk.
I hria em ? BARCELONA VS ATLETICO MADRID
Sawmtei Pa
English Premier League lam kan kalsan fel tawh a, chawlhni hmasa lamah
advance takin the Sky Blues-te kan lawmpui tawh anih kha. Premier League ah
ro an rel a, kum thum chhungin nomawi vawihnih an chawi. An lawmpui awm a,
an sum ngah leh player te thawhrimna hrim hrim vang pawhin champion hi an
phu. Tling zo talo Liverpool te pawh a tawp thlenga match ti hmuhnawmtu an ni
a, a pawimawh huna an chak zo ta lo erawh a pawi an ti reng tawh ang. Tun aia tha
zawkin an rawn intuai thar turah ngai ila.....Tunah erawh chuan Spain lam kan
hawi tawh ang.
A hma pawhin kan sawi tawh a, La liga kumtawp inum a hmuhnawm dawn
kan ti. Kan sawi dik. Zaninah hian a nawlpui chu khelzo dawn chauh mahse,
nomawi erawh chu nizan khan an chawi tawh. Tuna i chhiar mek lai pawh hian
tunge champion i hre tawh ngei ang. Nou Camp lamah nomawi an chhawp sa
anga, hmundang ngaihsak a ngai miah lo. A chhan chu he hmuna inkhel tur pahnih
Barcelona leh Atletico Madrid te pahniha chak zawk zawk hian an chawidawn
chiang a ni. Hmundang thilthlengin a tibuai pha tawh lo a, Real madrid chak leh
chakloh lamin kawngro a su tawh hek lo. Vawi 22 champion tawh Barcelona hian
kumin bikah hian khelh 37 ah 27 chakin vawi 5 an draw a, vawi 5 an chaklo bawk.
Point 86 an hmu mek. Anni tan hian champion tur chuan chak ngei ngei a ngai,
draw a tawk zo lo. An dinhmun hi khirh zawk viauin lang mahse an chanthatna
vethung chu anmahni khelmualah ngei an khel dawn tlat. An chak anih chuan an
khelhpui Atletico nen hian point 89 hmu ve ve in head to head a an that zawk
dawn miau avangin an champion dawn a ni. La Liga bikah chuan point inangah
Head to Head an en hmasa a ni. Goal difference pawh nise Barcelona an cham-
pion tho ang. An sang fal lutuk.
Vawi 9 lai La Liga nomawi lo chawi tawhtu Atletico Madrid vethung hian
vawi 37 khelh tawhah 28 an chak a, vawi 5 an draw a, vawi 4 chauh an chaklo
bawk. Point 89 hmuin League hmahruaitu an ni a, a tawp thleng a Barcelona leh
Real madrid te aia dinhmun sang zawka an awm thei hi an fakawm thlawt a ni. A
vawi 10-na atana champion thei turin chak chu sawiloh draw pawh a tawk a, an
dinhmun hi a thazawk ang chuan a ngaihtheih. Mahse sawi tawh angin an khelhna
tur hi Barcelona khelmual Nou Camp a ni mauh mai a, draw ringawt pawh thil
awlai tak a ni lemlo ang.
La Liga bikah hian kum 1951 hnu ah hetianga a tawpni a table a chungber
pahnih ten champion inchuh a an inkhelh hi a thlen leh vawikhatna tur a ni a, a kar
a khat vang vang hle mai. Ngaihhlut leh nghahhlelh pawh a hlawh viau ang. Atletico
hian hei bak hi Champions League Final hmachhawn tur an la nei bawk a, chu
erawh chu Spanish Giant tho, Real Madrid nen a ni vethung. Hetiang hmachhawn
tur hi la nei tho mahse, nizana an match ah hian theihtawp an chhuahlo phal hauh
lovang. Barcelona tan zawk hi chuan kuminah chuan hei bak hi hmachhawp an
nei tawh lo. An talna viau ang, chak mamawh zawk anni tlat a, chak tur chuan goal
thun an ngai chiang a, thun tumin an nawrna khawp ang le. Barcelona-in goal
mamawh lutuk tak mai a football an khel tluka thlir manhla hi a awm kher dawn
emni....Chutih laiin kumin bikah chuan defence khauh bera sawi hial Atletico
Madrid lam hian draw ringawt pawh a tawk tih hre ran chungin an khel ngei bawk
ang. He thu i chhiar lai hi chuan chanchin engkim i hre tawh ngei ang le.....
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA
Published, Edited and Printed by Chanchinmawia for and on behalf of Vengthlang Branch YMA
AK-47
NEUVA SECTION
Leader:Pu K. Lalfakzuala
Asst Leader:Pu Lalfamkima Varte
Secretary:Tv C Zorammuana
Asst Secretary:Pu Biakremtluanga
Treasurer:Pu Lalthlamuana
Fin.Secretary:Nl. Lalparmawii Colney
TAITESENA SECTION
Leader:Pu T. Daniela
Asst Leader:Pu H. Lalrammuana
Secretary:Tv Lalhmachhuana Fanai
Asst Secretary:Tv Vanlalrinawma
Treasurer:Nl H Ramengmawii
Fin.Secretary:Tv. Zaikunga Ralte
KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Pu LH Lawmkunga
Asst Secretary:Tv. Zothanmawia
Treasurer:Pu Lalthangmawia
Fin.Secretary:Pu Zohmingthanga
YMA Kumpuan : Ram Leh Hnam Humhalh Branch Kumpuan : Fai Kum
Lawrkhawm
J Ka
Puithuna bihchianna!:
Puithuna leh thilmak kan tih thenkhatte hi engnge maw an lo nih chiah le?
Tlem i han belchiang teh ang.
Sar zam: Sar a zam hi chuan Mizote chuan tualthi an awm dawn niin kan
ngai deuh em ni kha? Sar zam kan tih hian chhumin ni emaw thla, a biala a zam hual
a ni a, thla bik hi han sawi ta ila. Sar zam kan tih hi thla engin boruaka tui hu awm
a chhun tleu atanga chhimbal ang deuh, a biala insiam hi a ni a. Thla bikah phei hi
chuan a tam lo khawp mai. A chhan chu zanah chuan a eng a tlem a, chuvangin a
lang chiang lutuk thei lo.
Shooting star: Shooting star hmuh chuan 'wish' siam ila, a hlawhtling thin
kan ti a. Van thengrengah hian lung thlawk, meteor an tih a tam a. Boruaka chak
taka thlawk an nih avang hian an bulhnaia boruak kha a tisa a, an alh ta mai thin.
Shooting star hi chang la, minute 15 danah 'wish' i siam thei ngei ang.
Rimawi thathna:
Rimawi hi thil tha tak a lo nih hi, han ti ila, rimawi avanga lar, mihring tling lo
khawpa tla chhe ta hi sawi tur an tam hle a. Mizo zingah phei chuan rimawi lama
lar, zu heh thar thut te hi kan ngah thei hle mai! Mahse rimawi hrim hrim hian
thatna erawh a nei ngah khawp mai. Ohio State University in a zirchianna an neihah
chuan ICU a damlo awmte chu an rimawi ngainat ber ngaihthlaktir an ni a, an awm
nawm lohna chu a chhawk nasa thei hle. A tangkaina chu han hre ve teh le.
Thil ei a titlem: Hardee restaurant-ah chuan jazz an tiri thin a, light dul
ruih hnuaiah he restaurant a chawlte chuan zanriah an ei ta a. Zirchiannain a
tarlan dan chuan he restaurant-a
chawl 18% chuan thil an ei tlem
phah. Rimawi 'mood' deuh hian
kan thil ei teuh tur hi a veng thei
tlat nia.
Rimawi hian kan insawrbing
theihna a tichak bawk a.
Insawrbing ngai em emah hian in-
strumental music an tih ang chi
ngaithla tel ila, a insawrbing theih
bik tih hi mithiamte hmuh chhuah
a ni tlat mai. Rimawi ngaihnawm
deuh hi minute 30 chhung ngaithla
la, i thisen kal vel chu nasa takin
a tidam thei a ni. Kan lungphu pawh hi rimawi chuan nasa takin a dik lo tur a veng
thei bawk a ni. Hahdamna min thlen ti ila a dik ber ang.
A huhova zai hian mi a tihlim bawk. British-a zirchianna a neihah chuan
zaipawla tel mi 375 an zirchiang a, an hmuh chhuah chu zaipawla telte hi solo-a kal
ai chuan an hlim zawk tih hi a ni a, zaipawlte hi an inpawh bawk a, team spirit an
tih ang hi an nei tha duh bik.
Rimawi thiam hi eizawnna atan i hmang a nih loh chuan a hlawkna i hre lo
maithei. Mahse rimawi i tum thin hian awmze thui tak a nei a. Naupang lai atanga
rimawi tum thin hian an len hnuah an thluak a tichak. Thluak pangngai aiin thutlukna
siam kawngah te pawh an chak zawk a ni. Tin, rimawi hian naupangah inpawhna a
siam bik bawk.
La Liga
Serie A
Hmangchang
(1) Cotton var hi Soda nen a, tui soa chhum hian
a tivar zual.
(2) Puan i suk a, ruah a sur si a phona rem chang
a awm loh chuan, chhuatah lehkha phah la, chumi
chungah chuan thawmhnaw huh chu pharh la.
Fan chhemtir mai rawh.
(3) Thawmhnawa thisen kai chu, chi tuiah
engemaw chen chiah a sukfai theih a ni.
(4) Aieng leh mawm thawmhnawa kai hi Tooth-
paste hnawih la, suk hmain darkar hnih vel chiah
rawh.
(5) Thir tuiek thawmhnaw a kai chu ser tui
emaw, dawi hnawih a, nisaah rei tak phoin tui
sain a sukfai theih.