Nang Malsawmna ni ang che....

Kumpuan : Ram leh Hnam Humhalh

*Hun awl hmanthat

*Kristian nundan tha
ngaihsan
*Zofate hmasawnna
ngaihtuah
Estd. : 24. 10. 1994

Pro. Permit No - 25 of 2004

Vol - XVIII Issue No 006, the 14th March, 2015 (Inrinni): Darthlalang Chanchinbu,

Branch YMA,

Serkawn :

Kartin

Chhuak

Phek 1- na

Damlo

YMA THUHLA

Chanchin kan lakkhawm laia kan

vengchhung mi CHS awm te:
1. Lalrinhlua
Sec-IV
2. F. Zothantluanga
Sec-I
3. R.K. Lalrinliana
Sec-I
4. P. Lalhmangaihzuala Sec-IV
Blood Bank Report
Chanchin kan lakkhawm laia CHS
Blood Bank dinhmun chu:-

1. P.A. SYSTEM CHUNGCHANG:

Dt. 3.3.2015 zan khan P.A. System incharge ten committee an
nei a. Convener atan Pu K. Biakthansanga leh Treasurer atan Pu C.
Lalbiakzuala te ruat an ni a. Heng a hnuai tarlan te hi 2015 atana
thupuang tura ruat tharte an ni:
Station I (YPC Hall):
1) Pu Eric Zomuanpuia
2) Tv. P. Lalrimawia
3) Pu K.L. Vanlalnghaka
Station II (Community Hall): 1) Pu R. Lalliantluanga
2) Pu P. Lalruatpuia
3) Tv. Joseph Zoremmawia
P.A. System a thupuan tur nei te chuan ziak ngeia thehluh
thin turin kan inngenin kan in hriattir bawk a ni.
2. KHAWHAR INRIAK:
Upa H. Lalzoliana Sec-V thihna avanga khawhar inriakte:
1. K. Laldinliana
7. Lalrinfela
2. Lalfakawma
8. Joseph V. Lalruatpuia
3. C. Vanengtluanga
9. Lalrampanmawia
4. C. Hmangaihsangzuala 10. Jonathan C. Lalruatkima
5. Charlie Lalnunthara
11. R. Lalrinchhana
6. T. Lalruatpuia
12. Gospel Chanchinmawia
3. DONATION KHAWN CHUNGCHANG:
BNRGSK Hall (Recreation Hall chung) chu VC Serkawn in
SYMA kuta a dah tak avangin a chhunga hman tur thutthleng (Plastic Chair) leh Dawhkan lei nan Exective Committee Member te hnenah
phal ang ang donation in khawn nise tih a ni a. Section tinah a khawn
tura ruat ten an rawn khawn dawn a, committee member te lo inring
turin kan inngen a ni.
4. MEIKAWNG SIAL HNATLANG
Vawiin dar 9:30 hian SYMA ten tlaklam (Aizawl Lamlian)-ah
meikawngsial hnatlang neih tur a ni e. YMA member te tlawmngaia
thawkchhuak turin kan inngen a ni. Serkawn TKP ten blanket suk
hnatlang an nei dawn sia. Member te kan in duhthawh hle a. Executive
Committee members te phei chu kal thei hram turin kan in beisei a ni

A
15

B
20

AB
10

O
21

#
Priskil
Lalrinpuii
d/o
J.
Lalthanchama Sec-I chu kar hmasa
khan Medica Superspeciaity Hospital,
Mukundapur, Kolkata ah in check-up
turin an kal a. Dam tak leh tluang taka
an lo hawn leh thuai theih nan
duhsakna kan hlan e.
#
Vawiin Dt 14.3.2015 (Inrinni)
hian TKP Serkawn Unit chuan Tlawngah Blanket suk hnatlang an nei dawn a.
Kal tum te chu zing 8:30-a chhuak hman
turin
Bus
Turning
Point
ah
innghahkhawm tur a ni.
#
BMP Ramzotlang Unit te chuan
Dt. 9.3.2015 khan Saisih-ah Meikawng
sial hnatlang an nei a. Member 20 vel
an thawkchhuak a ni.
#
Khua a lo thal a, hmun hrang
hrang ah kangmei chhuak neuh neuh a
tam hle a. SYMA Sec-III te chu Fire
Watcher atan ruat a ni a, an ni pawh
kangmei vengin an buai thei hle. Dt
12.3.2015 khan Saisih mawngah
kangmei a chhuak ni a report dawn chu
umzuiin mi tlawmngai sawm chuangte
chu 5:00Pm vel khan kangthelh turin
Saisih mawngah an chhuk thla a.
Vanneihthlak takin kangmei hi a nasat
hmaiin a mit leh hlauh a ni.
#
Nursing School Serkawn-na
GNM Zirlai 15 te chuan Internship ti
zovin tunkar khan Serkawn an
chhuahsan. Serkawn-a an awm
chhunga Khawtlang leh Kohhran a an
tangkaina te avangin kan lawm hle a ni.
#
Rev Sangliankhuma Chinzah
ziak "Mizorama Hnuchham Enkawlna
In Hmasa ber, Baptist Church Orphanage Serkawn Chanchin" tih lehkhabu
chu peihfel a, zawrhchhuak mek a ni a.
BCO chanchin mai bakah fa lak
chungchanga thu bengvarthlak tak tak
leh nun hruaitu thuchah tha tak tak a
awm a ni. A man Rs 50/- chauh a ni e.

LAWMTHU SAWINA
Pu Samson Lianhmingthanga Sec-IV chuan SYMA PA
System a hman tur Extension Board tha tak min pe a.Tin, Consumers Association, Serkawn in Rs. 3500 leh MUP Unit , Serkawn
in Rs.1000 P.A Sytem atan hian Donation an rawn pe bawk. An
chungah SYMA hmingin lawmthu kan sawi a ni.

MELTE LUI HUMHALH

Government of Mizoram under Mizoram Water Supplies
(Control) Act 2004 leh The Mizoram Water Supply (Control) Rules
2006 (with amendments) Rules No.6 hian Serkawn V.C. Area
chhunga Melte Lui hi a humhalh (Reserve) tlat a. mi tupawh he
Lui humhalh huam chhunga mi ti bawlhhlawh emaw tichingpen
zawng a che te chu dan anga hrem theih an ni a. Tin, PHE Department, Government of Mizoram hnen atanga phalna tello chuan
Melte lui humhalh huamchhung ami hi chawi/hman phal a nilo.
sd/H. LALSIAMLIANA
Executive Engineer, PHED
L.W.S. Maintenance Division, Lunglei

SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 006, the14th March, 2015 : Darthlalang Chanchinbu,

Branch YMA,

Serkawn :

Kartin

Chhuak

Phek 2- na

YMA Chhang Pual

Kangmei Chungchang hi...
Chanchin kan lakkhawm lai hian kan
khawtlangah kangmei chhuak a la awm chiah lo nia
hriat a ni a, veng thenawm leh ralkhat hla deuhah te
chuan kangmei a chhuak leh ta duai duai mai a, a
pawi hle tih bak chu sawi theih a tam lo hle a.
Kangmei lakah kan veng kan vanneih kum nge
vanduai kum ni dawn tih hriat a la harsa hle bawk.
Zoram pum kan thlir pawhin thal lai, khawro
laia kangmei kan tihchhuah tam ber hi, in lamah leh
ram lamah pawh fimkhur loh vang te, a pawizia kan
ngaihtuah ngun loh vang te a ni fo thin. Kuminah
pawh khawtlang leh Forest Department lam te,
tlawmngai pawl te pawhin kangmei laka Serkawn
kan him theih nan ruahmanna siamin, Fire Watcher
te pawh inruatin kawng hrang hrangin hma kan han
la leh a. Ruahmanna mai atang hi chuan ram zau
tak, khampang chhengchhe tak tak leh hla tak
thlenga ven hneh a harsa thin hle a, kangmei vangin
kan rohlu, thing leh mau, huan thlai etc tam tak
tunhnaiah pawh kan chan a, in leh lo te thlenga chan
vek theih a ni tih pawh kan hria ang.
Kangmei chungchangah hian Serkawn mi
tumah hi tul lova kangmei chhuahtu ni lo turin leh
helam kawnga midangte zirtirtu ni thei turin kan rilru
siamin kan penchhuak thei dawn lawmni? Faina
kawngah pawh mite ngaihsan leh entawn kan ni thei
a, kangmei chungchangah pawh hian kan ni thei ang
tih a chiang a ni. Kangmeiin kan ram a tihchhiat
nasatziate, khawtlang min tihbuai thinziate hre thar
lehin Serkawn mi tinin kangmei chungchang hi i veiin
a chhuah loh nan kan theihna zawn apiangah hma
i la uar lehzual ang u.
Mimal atanga tanin tunhma aia fimkhur leh
ngai pawimawhtu nih tum ila, mahni chhungkuaah
naupang kan zirtirna etc ah te leh (thalaite tan)
kangthelh tura nidang aia chhuah taihmak thlengin
hma sawn i tum ang u

VC SERKAWN HRIATTIRNA
Khua a lo thal leh ta a. Hmun hrang hrangah
inkang leh mihring nunna hialin a tuar thu hriat a
ni leh ta a. Chuvangin Serkawn khawtlang kengmei
laka kan him theih nan, mi tin, chhungkaw tin, Gas
hman thuah te, Current hman thuah te fimkhur hle
turin kan inngenin, kan inhriattir thar leh a ni.
Tin, Ram kelte pawhin mei kan chhem anih
chuan tha tak a tihlumin kalsan tur a ni a, meibung
pawh tha takaa tihhlum hnuah paih tur a ni.
Fimkhur loh leh inthlahdah avanga ram tikangte
chu na taka hrem an ni ang.
Heng hriattirna kan siamte hi tha taka zawm
turin Serkawn mipui zawng zawngte kan ngen e.
Sd/H. Thanchianga
Secretary,
VC Serkawn ,10th February, 2015

SERKAWN KAWNGCHHUNG
I VAWNG FAI ANG U

BIBLE HI

Kristian kan ni a, Bible hi Kan Thurin Bu a ni

tih chu kan hre theuh ang. A lek chhuak tlem ber ber
te pawhin Pathianni tal chuan kan lek chhuak a,
Serkawnah chuan Bible nei lo chhungkua phei chu kan
awm lo hial awm e. Kan hriat tawh hnu pawh a awm
maithei a, kan la hriat loh te pawh a ni maithei, Bible
chungchang thil thenkhat i han lawrkhawm teh ang.
#
Bible hi khawvela lehkhabu hralhchhuah tam
tawh ber a nih bakah tun dinhmunah hian khawvela
lehkhabu hralh kal ber a ni chiang hle a. Bible hi minute
tin hian bu 50 vel zel hralhchhuah a ni.
#
Bible tih hi Latin tawnga Biblia tih atanga lak
a ni a, lehkhabute tihna emaw lehkhabu infinkhawm
tihna emaw tluk a ni.
#
Bible ziak hun chhung hi BC 1450 atanga 100
AD inkar (kum 1500 chhung) vel niin an sawi.
#
Bible hian Thuhlaril huang chhunga genre chi
hrang hrang, poetry (hlahril), myth (thawhthu),
hrilhlawkna, lehkhathawn, tehkhin thu (parables),
finthuril (philosophy) etc etc zawng zawng a huam/
keng vek niin an sawi thin.
#
Bible-a bu sei ber chu Sam hi a ni a, a tawi ber
chu II Johana hi a ni.
#
Bible hi lehkhabu zawng zawng zingah khawl
(printing press) a chhut chhuah hmasak ber a ni.
#
Thuthlung Hluiah hian Joba hi a upa ber (ziak
hmasak ber) niin an sawi a, BC 1446 vela ziak nia hriat
a ni. Malakia hi Thuthlung Hluia bu naupang ber niin
Isua pian hma kum 100 vel maia ziak kha a ni.
#
Thuthlung Tharah hian Jakoba Lehkhathawn
hi AD 45-na vela ziak, Thuthlung Thar Bu ziak hmasak
ber nia ngaih a ni a, Thupuan hi AD 95-na vela ziak,
Thuthlung Thara bu naupang ber nia hriat a ni thung.
#
Bible ziaktu mi chi hrang hrang, hun hrang
hrang amite hian Bible ziak nan hian tawng chi thum
an hmang a, Hebrew, Aramaic leh Koine Greek te hi
Bible ziak nana an tawng hman te chu an ni.
#
Bible la ula, lo keu hram ula, Bible-ah hian chang
sei ber chu Estheri Bung 8:9 a ni a, chang tawi ber chu
Johana Bung 11:35 a ni.
#
Bible hi khawvel tawng (language) chi hrang
hrang 2000 aia tama lehlin a ni tawh.
#
Ui (dog) tih hi Bible-ah vawi 14 kan hmu a,
sakeibaknei tih hi vawi 55 kan hmu. Ar, zawhte tih vel
hi chu kan hmu chiah lo a nih hmel viau.....
#
Paul-a hian Thuthlung Tharah Bu 14 a ziak a,
Thuthlung Thar Bu 27 zingah a zatve aia tam hi Paula ziak a ni.
Lehkhabu hralhchhuah tam ber, tawng hrang
hranga lehlin tam ber, Pathian Thu Nung, Pathian
thawkkhuma ziak Bible hi khawvela lehkhabu dodal
hlawh nasa ber pawh a ni bawk a. Hal tawk ngun ber,
nuai bo tuma beihna tawng zing ber leh hnial kalh
pawh hlawh ber lehkhabu a ni. Bible hi miten an pawm
nge pawm lo a pawimawh ber lo, miten an ngaihsan
leh san loh chu thu hran ni se, i thiannu/ thianpan a
chhiar ngai leh ngai loh chu thil pawimawh ber a ni
lo. I nunkawng hruaitu a ni em? Taima takin i chhiar
thin em? A thu te i zawm thin em tih kha a pawimawh
em em a ni. Bible hi Pathian thawkkhuma ziak,
Lehkhabu Thianghlim a ni a, Isua Thutak ziakna a ni,
chhiar la, zawm thin ang che....

E Mail: Darthlalang@gmail.com/ WWW.Facebook.com/Darthlalang

Vol - XVII Issue No 006, the 14th March, 2015 : Darthlalang Chanchinbu,

IN EI ZAWH SAN
PHILOSOPHY
Mihringin kan hlauh ber chu in ei zawh
san a ni an tih fiamthu thin hi fiamthu mah nise
dik leh thuk tak niin a lang. Ei zawh san hlauin
kan thawk nitin a. Ei zawhsan hlau reng rengin
kan hun kan hmang ral a ni. Hemi a nih avang
hian he thu tawi hi kan damchhan, kan nun chhan,
kan tah hmasak ber atanga kan thawk hnuhnun
ber ni thlenga kan nun kai hruaitu a tih theih hial
ang.
Lal Solomonan, Tin, thawhrimna zawng
zawng leh themthiamna tinrengte hi thenawm
elrelna avanga lo awm a ni a tih nen pawh hian
mihringin in ei zawhsan kan hlauhnate hi thu in
man tak an ni. Tin, miten min ei zawhsan kan
hlauhna hi van hnuai thil mai pawh ni lo, van
chunga awm thleng khian a huap thei vek hial
bawk ang. Mifate chuan van boruaka satellite
dahna tur pawh an inchuh tan tawh a ni si a!!
IN EI ZAWHSAN HLAUHNA LEH INDOPUI
History bu kan keu chuan industrial
revolution atangin khawvelah hmasawnna a kal
chak chho hle tih kan hmu a. Ram awl, hmun awl,
thil siamna tur leh hralhna tur mamawhna a na
chho a. Ram awl in eizawhsan hlauhna chu ram
leh ram inkarah a na tial tiala. Chu hlauhna chuan
ram chak deuhte inkarah indona a chawk tho a,
indopui a hring chhuaka, a nghawng chu rapthlak
tak a nih kha. Hiroshima leh Ngasaki khuate kha
a tuarna ber an ni zual awm e. Juda hnam nen!!
Indopui pahnih thlen hnua cold war
awmte pawh kha he in ei zawhsan hlauhna
avanga awm chho zel a ni ti ila a sual lo ang. Heng
indopui pahnihte thlen hma a indona hrang
hrangte pawh kha in ei zawhsan hlauhna nen hian
pawh zawn loh theih loh an ni ngei ang.
KAWNGKHAR DANG
Mahse chhiatna ringawt a thlen bik lem lo.
Indopui pahnihna hnua Space exploration (van
boruaka zinna) awm chhote pawh kha he khawvel
leilung mai ni lo, van boruak zau tak maia
thuneihna neih theih loh hlauhna, thuneihna in
ei zawhsan hlauhna avanga lo awm niin a ngaih
theih bawk. Mahse hei ve thung hi chuan
mihringte tan hmasawnna tha tak a thlen thung.
Finna, thiamna rahbi thui tak kan rah theih phaha,
thlaah pawh mihring ten ke hniak kan hnutchhiah
theih phah a nih hi.
In ei zawhsan hlauhna chuan hmasawnna
kawngkhar hrang hrang hawng turin mihringte a
nawr kala. Chu chuan inbiak pawhna tha zawkte
a zawn chhuah tira. Technology lamah
hmasawnna thui tak a thlen a ni. Tun age-ah meuh
chuan khawvel zau tak mai hi a zim ta duk mai a
ni. Khawvel lehlama thil thleng chu lehlamah hriat
ve nghal zel theih a ni ta zel a. Ram hrang hrang
leh hnam hrang hrangte chu midangin an ei
zawhsan hlauin hmasawnna turin kawng hrang
hrangah hma an la a, an thawk a ni.

Branch YMA,

Serkawn :

Kartin

Chhuak

Phek 3- na

THINK GLOBALLY ACT LOCALLY

Khawvel environment chhe zel humhalhna
turin think globally act locally tiin envronment lam
mithiamte chuan hma an la a. He an thupui hi kan
thil sawi lai nen hian han rin zawn ila. In ei zawh san
tuma hnam hrang hrang leh ram hrang hrangte an
thawh sup sup lai leh ei zawhsan nih hlaua an chet
lai hian keini pawh hian kan tlan chhatsan thei lo anga,
kan bihruksan thei hek lo ang. Ei zawhsana kan awm
bik loh nan khawvel pumpui thlira ngaihtuahin (think
globally) ngaihtuahna kan seng a nga, kan
khawtualah chet kan la tur a ni (act globally).
Khawvel kan thlira a dinhmun kan ngaihtuah
chuan (think globally) ei zawhsan hlau reng rengin
hnam chak zawkte chuan hnam chak lo zawkte chu
chimral tumin politics, economics atangtein an bei tih
kan hmu thei ang. Ram leh hnam chak zawkte beihna
laka ram leh hnam chak lo zawkte in chal tauhna leh
inbeihna chu thawnthu ngaihnawm tak ang a ni zel
bawk. Chuti ang dinhmuna ei zawhsana awm lohna
tur pawimawh tak pakhat, chet lak (act locally) theih
dan tur chu ram leh hnam humhalh hi a ni. Ram leh
hnam humhalh duhna chuan thawhrimna, ram tana
tha tur ngaihtuah chhuahna a thlen ngei ngei thin. A
nih loh erawh chuan ei zawhsan, hnam chimral chiah
a thlen thung thin.
Hna tam tak thawh en loha kan en hnam
dangin min thawhsakte pawh hi hnam dangin min ei
zawhsanna chi khat a ni. Ei leh in hmuhna ber min ei
zawh sak si chuan dang char mai kan hmabak lo thei
lo. Kan ram leh kan hnam hi kan humhalh duh a nih
chuan eng hna pawh hi a thianghlim a nih chuan kan
ti mai tur a ni. A nih loh zawngin ei zawhsanin kan
awm thuai dawn si a.
Tunlai khawvela ram changkang US te Europe
ram thenkhat buaina ber chu immigrant -ho, ram dang
atanga an ram pem lutte an ni. An rama hna awmte
an thawk zel si a, an ei zawhsan mai an hlau a ni. An
ram leh hnam chu humhalh ngaiin an hria a tan an la
mek zel bawk a ni. Keini pawhin hei hi kan
hmachhawn ve mek tih kan hriat reng a tha.
YMA motto pawimawh tak pakhat chu
HUNAWL HMAN THAT a ni. Sumin a lei theih loh
kan neih in ang vek chu hun hi a ni. Thiamna leh finna
zau zawk hawna a awm theihna chu hunawl
hmangthate avang a ni tihte hi chu sawi ngai lo a kan
hriat vek a ni. A pawimawh zawka chu kan hunawl
kan hman dan zawkah a ni. Thil tha kan hriat nazawng
hi kan ti peih lo a, midangin an lo ti peih thin si a,
keini chu ei zawhsanin kan awm ta thin a ni! YMA
member kan nih vang ni lo in, hlutna neia siamtuin
min siam avang zawkin hun awl hmanthat hi he
khawvel eng kan hmuh avang hrim hrima kan
mawhphurhna a ni a. Eden anchhia lak ata kan
zalenna tur pakhat a ni bawk.
Sawi tur dang pawh a la awm teuh mai. Mahse
hmun awl dang kan ei zawh zo si chuan a tha dawn si
lo. Ei zawhsana kan awm loha kan beih zel theih nan
ram leh hnam humhalh ila, hun awl hmang tha zel
bawk ila, Darwinan a ruh no no chhuakah-a tihnaah
hian engtik lai mahin kan tlusawp ngai lo anga, kan
ding chang zel zawk angSerkawn fight back!

Thuvawn: YMA chu tanpui ngaite tanpuitu a ni

Vol - XVII Issue No 006, the 14th March, 2015 : Darthlalang Chanchinbu,

Branch YMA,

TUARPUINA
Upa H. Lalzoliana (59) w/o Pi F. Malsawmthangi
Sec-V chuan Dt. 10.3.2015 (Thawhlehni) zing dar 10:20
khan Ropuina Ramah min kalsan ta a. Khawtlang leh
Kohhran rawngbawlnaa mi inpe em em a ni. Pawi kan
tiin kan ui takzet a. A kalsan tak a nupui fanau tu leh fate
leh chhungkhat laina zawng zawng te Pathianin
awmpuiin thlamuan zel rawh se.

LAWMTHU SAWINA
Serkawn Sikulpui H/S chuan tun Matric Exam ah
candidate 11 (sawmpakhat) kan nei ve a, heng ho exam na
atan hian Pi Vanlalruati Ralte hnen atangin thilpek Pen leh
Pencil kan dawnga, a chungah kan lawm hle a ni. Tin,
thahnemngai taka min tawngtai puitute chungah kan lawm
em em a, min tawngtaipui chhunzawm zel turin kan ngen
bawk a che u.
Headmaster & Staff
Serkawn Sikulpui H/S

ADMISSION NOTICE
Kum 2015-2016 Session-a Serkawn Sikulpui (H/S) a
kal tumte chuan Admission form fill-up in 1st April, 2015 aia
tlai lovah a hnuai amite thil telin sikulpui Zirtirtute emaw
Serkawn Sikulpui Managing Committee (SSMC) Secretary
hnenah thehluh tur a ni.
1. Latest Completion Certificate/ Transfer Certificate
2. Birth Certificate Xerox copy (Kal thar turte tan)
Hriat turte:
1. Admission fee: Rs.500
2. Tuition fee Rs 100 pm.Tumkhata pek tlakin Rs. 1000
3. Admission Form copy khat Rs.10
sd/R. BUATSAIHA
Secretary
Serkawn Sikulpui Managing Committee, Serkawn

TUI CONNECTION NEITUTE HRIATTIRNA

Public Health Engineering Department hnen atanga
hriattirna kan hmuh kan han tarlang a ni:
Khua a lo thal leh ta a. Tui Connection pakhat tan
vawikhat sem ah 1000-1200 liter bak kan pe thei rih lo a. Consumer te hriatthiamna kan ngen a. Tin, Consumer te pawh
renchem hram hram turin kan inngen bawk a ni.

SYMA SECTION-V LAWMTHU SAWINA

Pu F. Lalhmingthanga te chhung Sec-V chuan kan
section tan bankhur laih inhlawhfakna min siamsak
avangin an chungah kan lawm em em a ni. sd/Secretary
SYMA Section-V

SIAMTHATNA
th

Darthlalang 7 March, 2014 issue, CHS Press Handout February, 2015-a, Hospital a Mitthi zat -56 tih kha 6 (paruk)
tih zawk tur a ni a. Hospital a naupiang zat-56 tih zawk tur
a ni e.

KANGMEI TICHHUAK LO TURIN

MITIN TEN MAWHPHURHNA
PAWIMAWH TAK KAN NEI
THEUH A NI.

Serkawn :

Kartin

Chhuak

Phek 4- na

INNEIH SAWMNA
Kan fate,
C. Vanlalhruaia
&
PC. Darrokimi (Rote-i)
(d/o PC. Thanghmingliana)
Kohhran dan Puitlinga an Inneihna
thutiam min hriatpui tur leh min lawmpui
turin kan sawm a che u.
A hun : Dt.18.3.2015(Nilaini),11:00 AM
A hmun : BCM Biak In, Haulawng
C. Lalnghilhlova te nupa
Serkawn
Chuauthangpuii
Haulawng, Lalveng

RAN DAMDAWI
IKTHUS MEDICAL STORE
Serkawn Indoor Stadium Opposite ah ran chi hrang hrang damdawi kan
zuar e. Ui, Vawk, Bawng, Ar etc.
vulhtute tan pan theih reng kan ni.

-Prop Mamawia
Darthlalang ti ti
#
Pastor Kv-a Sec-II hi Pu Zabiaka
Sec-I cher lai a nih duh hmel.....
#
Kan Finance Secretary Pu Sanga
(Lawma Pa) Sec-III hian Lungsen ah chuan
K.B. Thansanga a inti.... a phone ah hian
an nu Pi Ro-i hming hi KA THAI tiin a
save....Kan Secretary Pu F. Puia Sec-V ve
thung hi chuan an nu Pi Zothani hming hi
PHE J.E tiin a save... nupuite hming an save
dan a common lo hlawm hle....
#
Pu Khawtea Sec-II hian nula tlangval,
nu leh pate chaw ei ah sawm lovin nuthlawi
pakhat a sawm tih SMS kan dawng. A awmzia
kan hrelo a, a hrechiang duh chuan Pu Rohlua
Sec-II zawhfiah theih a ni...
#
Pu Mahminga Sec-IV in PA ho hman
tur Extension Board a pe hi DEB te pawh
kan lo lawm ve hle. Hetiang a nih chuan a
tlangval laia SMS-a a CK nasat theih zia leh
Frenzo a lunglen theih zia pawh kan sawi
miah lo ang. Pi Maggie phei chu kan hrilh
dawn lo hrim hrim.....
#
Pastor Biakzama Sec-II Assembly lai
khan Pastor Valtea Sec-II nen Farm Venga kal dun an tum a. Pu Valtea a lo nghah lai
takin an kawtah mi Car a rawn ding a,
phone be pahin a lut tawp a, an tlan ve mai
a. Zohnuai peng an thlenin a chuanna motor khalh tupa chu a en chiang a, Pu Valtea
a lo ni hlek lo mai a. Assembly na hmun chu
a thleng ve ta tho niin kan lo hria... Hrechiang
lehzual duh tan Pi Singpari Sec-II zawhfiah
theih a ni...
#
Helaia dah tur hi kan hre tawh lo
lutuk a. A awl remchang ah Pu Zohminga
Sec IV hming kan ziak sual lui leh mai dawn
emawni kan ti deuh...

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies