Professional Documents
Culture Documents
THUMAKAI:
Burma (Myanmar gamsunga hin Kuki mihem 45,000 tobang ana kichenge.
Townships chena gam kaiho chu: Layshi Township (Map gam or Somra
tracts), Khamti Township, Homalin Township, Tungjang Township chule
Tamu Township (Kabaw Valley) ahiuve. Hiche ho laha chun Denomination
chom chom aumin ahi.
Leiset gallen II kichai 20th April 1946 in Thangkai gam le Kabaw Valley a um
Thadou Kuki Christian jousen kikhopna masapen Songpeh muna abollun
mi 50 val ahiuve. Houbung akhantou to kilhonin 1948 kumin Pu
Ngamkhothang preacher in apangin amahi preacher amasapen jong
ahunghitai. 1946 kumin Thangkai le Kabaw Valley aum Thadou Kuki ho
dingin “Circle” ahung kimutai.
Thuchaina:
Mission chomchom analutjehin, lunggel jong anakibang theitapon,
gamkaikhat le gamkaikhat jong akikhentan, Mission jong akibang theita
poi. Kipana thupha hunglhun hi lhagao lam’a din vangphat umtah ahin,
Denomination chomchom a kikhen najehin kipum khomna aumthei behseh
thei tapoi. Manipur lam’a hunglhung na gamkai-in Kuki Chin Baptist
Asociation (KCBA) atiuvin, Chin Hill akonhung hon Kabaw Valley Thadou
Baptist Association (KVTBA) atiuvin, Baptist cheh ahivang in kikhen telna
aumjinge.
Huhhingna thupha eihin pohpeh u Manipur akon, England akon, Chin Hill
akon Missionary ho abonuvin akigeldoh jinguvin, chule ahin solla houbung
ho chunga jong kipana seithei lou suhmil theilou vin aumjinge.
References:
1. Jubilee Souvenir: Revd Thangkhojam Diamond Jubilee (1922-
1972), December 1972, Khomunmom Village, Homalin Township,
Kuki Chin Baptist Association, 1972.
2. KCBA Silver Jubilee Thusimbu (1958-1983), Kuki Chin Baptist
Association, Maynikong, Homalin, December 23-25, 1983.
3. Revd F A Kin Chin: Golden Jubilee Thusimbu (1937-1987),
Methodist Church Mangdongphai District, Mangdongphai 1986.
4. KVTBA Silver Jubilee Thusimbu (1963-1988), KVTBA Office,
Tamu 1988.
5. Homalin Deanery Anglican Houbung thusim by Revd David T
Haokip, Mandalay 1984.
6. Thankai Area Golden Jubilee: Roman Catholic Mission (1944-
1994), Jubilee Committee, Tamu 1995.
7. KCBA Golden Jubilee Thimbu (1958-2008) Homalin 2008.
Hetding: Hiche article hi KBC Diary (volume one) 1993, Manipur by Pu Alun
Haolai, lekhabu a ding kanajih chu revise hungkibol kit ahi (This article is
extract and revise from KBC Diary (volume one) 1993 of Alun Haolai).