Mung masa hta, Karai Kasang up bausin ya ai mung masa nga ai zawn, Karai Kasang nchye

lawm ai mung masa lahkawng a shai hkat ai lam hpe sawk sagawn dinglik maram masam lu ai
daram mi tang madun dat lu ai.
Karai Kasang nchye lawm ai mung masa gaw dinghta ga ntsa hta hkik hkam ai zawn re kum la
loili mi nga masu tim, ngang kang grin ai teng man lam hpe shabyin shatai lu ai nrai, Karai
Kasang up bausin ai mung masa gaw shinggyim myit hku sawn dat ai shaloi hkrat sum ai zawn
rai tim, tara rap ra ai lam, teng man ai lam, akyu ara pri manen ai lam, masha law law a matu
galai shai kau ya lu ai lam ni hpe shabyin ya nga ai.

Mahte laika Daw kaba 5: 33

Nanhte chyawm gaw, shi a mungdan hte shi a ding hpring ai lam hpe shawng
tam nga mu; shaloi dai nlang nanhte hpe kahtap jaw na ma rin dai. 34 Dai rai
nna, hpawt ni na matu myit hkum tsang myit ; hpawt ni gaw shi a matu ru tsang
na ra ai.Dai ni na ru tsang ai gaw, dai ni na matu ram nga ai. Kasai Kasang gaw
ndai Mahte laika Daw kaba 5: 33 hte shi hpan da ai shyinggyim masha yawng hpe shadum
jahprang da nga ai, Shyinggyim masha myit tsang ai gaw Karai Kasang a man hta Kaman sha
rai nga ai.
Kaga mungkan mung dan a lam hpe ga shadawn la hkra rai nna tsun na lam n-nga ai, anhte
Jinghpaw Wunpawng sha ni a mung masa byin nga kum la hte anhte myu sha kata hta Myen
mung dan a mung masa gam maka tsawm htap wa hkra anhte Wunpawng sha ni ram ram yak
hkyak ai lam hpe hkam kau ra nga ga ai. Anhte Wunpawng sha ni hpe Karai Kasang lata la ai
amyu ni re ngu nna Hpung sara kaba law law sakse hkam ai lam hpe jawm myit yu ga, anhte
Wunpawng myu sha ni gaw Tsa Dan wa a hpang nhkan ai amyu ni re hte maren Myen mung
dan kata hta 2008 ning gaw da tara hpe aja awa ning hkap shingla wa ai majaw Jinghpaw
mung ting hpyen nbungli she gashoi rai nna anhte Wunpawng myu sha ni hpe gasat shamyit wa
hkra hkam shingla ai gaw dai ni du hkra rai nga ai.
Myen hpyen dap gap sharu bun ai bawm ni hpe gadai wa dang hti na, rai tim Myen mung dan
ting mai kaja ai lam de du wa lu na matu Wunpawng sha ni hkrap ngu hkrap ngoi ai hte asak
sum hkam nna arang bang kau ai gaw Ishare ela amyu sha ni arang bang ai hte bung nga ai.
Dai majaw Myawk gadu ai nsen, Bawm Kaba kapaw gadu ai nsen gaw Shingyim masha ni hpe
jahkrit shama ai nsen rai tim, Karai Kasang a hpung shingkang hpe ntawt lai lu ai.
Shyinggyim masha ni gaw daini na lam hpe mung hkrit tsang, du wa na aten hpe mung hkrit
tsang, nbyin shi ai hpe mung hkrit tsang ai ni rai nga ga ai. Rai tim Karai kasang gaw Mahte
laika Daw kaba 5: 33 hte, dai shinggyim masha ni hkrit tsang nga ai lam yawng hpe shadum
jahprang da nga ai. Bungli grai kyin dum, grai galaw dum ai gaw anhte shinggyim masha ni re,
rai tim bungli teng teng shabyin ai gaw Karai Kasang she re.

Lak nak hpung nkau mi hte NLD ni hkrum zup bawng ban
KNU ninggawn amu madu Slg.Koi Htu Win tsun ai hta NLD hte simsa lam hte seng ai shawng
lam masing ni hta gara hku galaw sa wa lu na ngu ai hpe jahkrup ai lam RFA shi ga dap hta
tang madun tawn ai kaw nna chye lu ai. Hpa majaw ndai zawn hkrum zup ra ai lam hta, NLD
hku nna simsa lam hpe madung shakut na re ngu ga sadi tawn da ai hpe ahkyak madung mu lu ai
majaw ya na zawn hkrum zup bawng ban ai lam hpe RFA shiga dap de tsun ai.
Shi tsun ai hta NLD hku nna mung dan a ning pawt ninghpang gaw da tara hpe gram lajang na
lam, simsa lam hpe mung madun tawn nna hparan sa wa na lam hpe tsun ai majaw mung, anhte
tang madun ai NCA lam hpe mung NLD hku nna hkap la ai majaw anhte maga de myit tsang ai
lam hpa n-nga ga ai.

Dai hkrum zup zahpawng hta, NLD kaw na U Win Thing,U Han Ta Myint, KNU salang ni
salang Saw Koi Htu Win, ABSDF salang ni, U Myu Win, PNLO kaw na salang. U Khun Myint
Htun, CNF kaw na Salang U Nan Lin Htan hte ALP kaw na Jan Mya Yazalin ni shang lawm ai
lam RFA shi ga dap kaw tsun da ai.

Ra lata poi dang la tim Makan lam ma hkra hpe dang kau ai nre
Ra lata poi dang ai ngu ai gaw shinggyim masha ni jawm myit hkrum, shing nrai mung chying
mung shawa masha ni mahkoi mi rai kun ngu ai myit shau shi shap ai kata hta lata gari gawa rai
nna mahkret shalaw dat ai majaw dai mahkret shalaw dat ai maga de Amat law mat ai majaw
dang la kau ai rai sai. Mung dan a makan bungli hpe dang la kau ai nrai nga ai, nkam yang nang
myit su salang wa mung dinglik maram yu ga! Myen mung asuya galaw na bungli mung shi
hkrai shi nga, Wunpawng Mung Dan Shang Lawt asuya galaw na makan bungli mung shi hte shi
Karai Kasang pri mane ai hku lajang ya na ra ai. Dai hte maren mung masa pati ni, mung chying
dat kasa hpung Civil Societies hte NGOs hpung ni, Wuhpung wuhpawng dingsa ni, ya bai
gahtap paw pru wa na wuhpung wuhpawng ni yawng galaw na bungli hpe Karai Kasang shi nan
lajen ren rai nna bai garan galaw shangun na ra ai.

Ndai asuya lak htak hta simsa lam hte seng ai hpe grai shakut yu ai kaw nna myu sha lak nak
lang hpung (8) gaw NCA ta masat lek mat htu kau ai kaw du hkra galaw dat masai. Maga mi hku
yu ga nga yang, ndai asuya lak htak hta mung kan hpe myi man shatsawm lu na matu ndai NCA
hpe ninggam kasha langai mi shabyin dat ai ngu mu mada ai. Rai tim, NCA hpe lek mat htu ai
majaw mung dan simsa lam teng teng lu na kun ngu ai gaw myit shaushi shap na lam byin nga
ai. Madung gaw

Ra sharawng ai lam bum nga ai kun? Gaw gap sa wa na matu mai na kun? Awng dang lam hpe
mai shabyin na kun?
Ndai lahta na Chart gaw ra lata poi nbyin shi ai aten hta shawng daw na Myen salang ni hte lak
nak lang rawt malan hpung ni a lapran hta jahta ai simsa lam a mabyin hpe tang madun ai lam
rai nna, ya ndai asuya ningnan bai byin pru wa ai masa hta gara hku hkrang bai gale wa na lam
hpe du na ra ai sum tang gadun ni hta bai tang madun mat wa lu na matu matut manoi dinglik
maram masam mat wa na matu mung yaw shada ga ai.

Kayin ramma mahkri shawn hpung hku nna Kayin mung daw ting hte seng ai ramma hkrumra
zuphpawng hpe galaw nna ndai asuya ningnan hpe shanhte asuya hpaw ninghtan dat ai hte rau
mung dan a simsa lam hpe shawng ahkyak madung tawn nna gaw gap galaw mat wa na matu
ndai hkrumra zuphpawng kaw nna tang madun dat manu ai.

Masha ni yawng chye nga ai hte maren Myen mung dan kata hta ya yang simsa lam hpe n-gun
dat taw nga ai lak nak hpung hte rawt malan hpung ni a lapran hta ndai zawn shakut taw nga ai
rai nga ai. Ndai zawn shakut ai lam hta madung hku nna gaw mung dan kata hta simsa lam hpe
shabyin mat wa nna mung chying mung shawa masha ni a nga lu nga mai lam bawng ring masa
hpe n-gun dat galaw mat wa lu na matu madung yaw shada nna galaw nga ai masa rai nga ai.
KNPP woi awn nna Karenni state hta mung ndai zawn mung chying mung shawa masha ni hpe
shang lawm tang madun shangun ai zawn re ni hpe galaw taw nga sai rai nga ai.
Shang lawm hpaji jaw ya ai ni

Global Kachin Network

Kachin Politics Watch and Research Network ( hpung shang hte
hpaji jaw salang ni)