RRN: ______

Date Initial REVIEWER REGISTRATION

Distributed
Returned
NUMBER: _____________
Entered
Assessed

Text: Jude
This document is a draft version of
translated work being done by the Bible
Society of Botswana (BSB). It has been
distributed for review purposes only
and has not been finalized or approved
by a United Bible Societies consultant.
This review copy remains the property
of BSB and should be returned to the
Shekgalagari Bible Translation Project
(SBTP) office once review notes have
been added.

It can be returned by post to:

Shekgalagari Bible Translation

Project
PO Box 286, Kang, Botswana
It can also be delivered to the SBTP
office, which is located next to the PEP
store in Kang.

If neither of these options is possible

for you, please contact the SBTP office
at +267 75244237 or email
ShekgalagariBTProject@gmail.com to
make other arrangements.

RRN: ______
BSB - Review SBTP Page 3 of 5

Text Comments

1 Nna Juta mothanka waga Jesu Keresete, le

monawe waga Jakobe, ke kwalela mba ba
bijhwe ke Morimo, mba ba ratywa ke Morimo
Tate, le mba ba sireletswe ke Jesu Keresete:
2 A mauzwejhoborogko, kagiso le loratyo bi rule

zeno gka ledodo.

Katholo baarutying ba mano.
3 Ritsala jhe ri ratyegago, le ha ntswa iye ke bata
go le kwalela gka pologko ye he kopaneego, iye
ke bona go le bothogkwa go le kwalela go le
kgotyhajha gore le lwele tyumelo ye nkile ya
newa baitshepi gamogongwe. 4 Gka gore batyho
bangwe mba katholo yabo sale e kwalwe
bogologolo iye ba itshukulela mo gotjhwe gka
shephiri. Ke batyho mba ha ba ze Morimo, mba
ba hetyola bopelothomoshi jhwa Morimo wetjho
gka go bo riha teta ya boityaolo, le go gana Jesu
Keresete, Monyi wetjho le Morena wetjho yo
meengwe.
5 Le ha le see le ze bilo ze, ke bata go le

gagkolola gkaho Morena nkile a golola batyho

ba Iseraele gkaho go jhwa mo lehatsheng la
Egepeto, mbe mojhwa a bolaa bothe mba iye ba
sha rumele. 6 Le baengele mba ha iye ba
tshegetsa maemo abo a tyaolo, mbe ba siya
borulo jhwabo, Morimo iye wa ba baya mo
lehelong le le lehihi. O ba goleshile gka
rikeetane jha shennela ruri, o ba bee leatji le
letyona la katholo. 7 Gka tsela ye e tjhwana le
ye, meze ya Sotoma le Gomora le meze ye e
mo tyikologong yayo, ye batyho bayo iye be
ineela mboagkeng le go thakanena rigkobo gka
mokgwa wo isi wa tholego heri jhwaagka
baengele nkile ba riha, le bona ba da go boga
gka kothao ya molelo wo o sha rimego.
8 Gka tsela ye e tjhwana le ye gatshi, batyho

mba, iye be na le rityoro jhe iye ri riha gore ba

leohele mebele yabo, be nyatsa tyaolo ya
Morimo, be be be bola rithapa kgathanong le
baengele mba ba galalelago. 9 Le ha e le
moengele yo motyona Mikaele, ha isi a rihe she
ha e ganejhana le riabolo gka shetyotyo sha ga

RRN: ______
BSB - Review SBTP Page 4 of 5

Text Comments

Moshe. Ha isi a de a bole rithapa kgathanong

nae, mbe a mo raya a re: Morena a go
gagkalele! 10 Mbe batyho mba, ba bola rithapa
kgathanong le shengwe le shengwe she ha ba
she raloganye. Mbe bilo ze ba bi ze gka tholego,
jhwaagka ripholoholo jhe ha ri na thaloganyo,
too ke bilo ze bi ba shenago. 11 A tathego yabo
wee! Gka gore iye ba gatya mo rikgatyong jhaga
Kaine. Gka ntha ya mari iye ba ineela
moolatyong wo Baalame iye a o riha, mbe ba
shwela mo tsuulolong yaga Kora. 12 Batyho mba
ba njhe jhwaagka ripari mbigyong zeno za
bokopano. Ha ba rajhwe ke rithong go gya
lenye, ba tjhwana le balisi mba ba inota be na
bongwe. Ba tjhwana le maru a si na maze, owa
a hogkwa ke pheho. Ba tjhwana le bithare za
lethabula ze ha bi ume maungo, ze bi shwile go
shwa, ze iye za kumulwa gka rityitya. 13 Ba
tjhwana le makhubu a lewate, gko rityiho jhabo
jhe ri mashwe ri tutu jhwaagka letjhulo. Ba
tjhwana le rinyeleri jhe ri kailago, ba ba bewe mo
lehihing le le shihi gka bo sha helego.
14 Enoke, kokomana ya bosupa go jhwa go

Atame, nkile a porofita a re: Bona, Morena o da

go da le baitshepi bagwe mba ba biketyeketye.
15 O da go athola batyho bothe, go ba sekisejha

rityiho jhabo jhe ri mashwe jhe iye ba ri riha, le

mahogko owa a mashwe owa batyho mba ha ba
ze Morimo ba baleohi iye ba a bola kgathanong
nae.
16 Batyho mba ba rula be ngongorega, le go

kgala mba bangwe, be latyela rikeletso jhabo jhe

ri bosula, be ipelahajha gka bo bona, be bola
bilo ze binte gka mba bangwe gore ba bone she
ba she batago.
Kgotyhajho le tyebogo
17 Mbe le gagkoloshelwe, ritsala jhe ri ratyegago,
mahogko owa iye la a jhwelwa ke baaposetole
ba Morena wetjho Jesu Keresete bogologolo.
18 Iye ba le jhwela ba re: Gka malatji a bohelo

go da go riha le basodi mba ba da go latyela

rikeletso jhabo jhe ri bosula. 19 Ke batyho mba
ba nere rikgaogano mbatyhong, mba ba laolwa
ke rikeletso jhabo jha shenama, ba si na Moya.
20 Mbe nena, ritsala jhe ri ratyegago, le itjoge mo

RRN: ______
BSB - Review SBTP Page 5 of 5

Text Comments

tyumelong yeno ye e boitshepo, le rapele gka

Moya wo o Boitshepo. 21 Le rule mo loratyong
lwa Morimo, ha le ntse le emee
mauzwejhoborogko a Morena wetjho Jesu
Keresete go le naya botjhelo jho bo sha helego.
22 Le rihe kutswejhoborogko go mba ba na le

ripelaelo, 23 bologka mba bangwe gka go ba

shwatyola moolelong. Mbe mo go bangwe le
supe kutswejhoborogko ye e kopanye le poiho,
mbe le thowe biaparo zabo ze iye za kgothelwa
ke nama.
Tshegohajho
24 Mbe ona wo o nonohile go le babalela gore le
shegka la kgotjwa, le go le emisa ha pele ga
kgalalelo yawo, le si na molatyo le gka
boityumelo jho botyona, 25 go Morimo wo
mowongwe, Mbologki wetjho gka Jesu Keresete,
Morena wetjho, go rihe kgalalelo, todo, tyhatya,
le tyaolo, pele ga metha yothe, le hombe le gka
bo sha helego! Amen.

RRN: ______