Lalauman

(inspiration as a noun)

Wala pareho ang tawo

Nga may ara sang lalauman

Sa eskwelahan man ukon

Sa matag-adlaw nga tanan

May ara sang lain-lain nga bayhon

Naga abot sa lain lain nga tion

Ang lalauman ang naga ganyat sa aton

Nga magpangikasog sa pagpanglakaton

Ako ang naga agda sa inyo

Dali na, kag mag pamati kamo

Hinun-anon sang pamatan-on

Nga wala sang halo nga pagkatikalon

Sang una pa nga panahon

Mejo linghod pa akon paminsaron

Wala ako naka inchindi sang mayo

Kung ngaa may yara hambog nga mga tawo

 May tawo nga hambog sa iya nga kina-alam

Matyag nya siya lang insakto kag may na masngaan

May tawo man nga hambog sa pwesto

Indi niya matugyan sa iban ang pagpang-gobyerno

Indi ko man ina mahangpan tanan

Simple lang man ang akon nga nabal-an

Indi ninyo ako mapunggan

Kung sukna ko ang kamatu-uran

Nagapati gid ako sang una nga ang tawo wala sang indi kaya

Kaya naton mag padala sang amo sa iban nga planeta

Kaya naton mag pabalik sang nag untat nga regal

Indi ta kinahanglan, lalauman nga indi makita sang mata

Apang, ako ang nag sala

Kay nakita ko ang gahum niya

Dumduman pa ninyo si Frank kag Yolanda?

Diin didto ang ikasarang ang tawo?

Pagkatapos sang amo to ka grabe nga mga bagyo

Ako ang nakapanumdum dala ginhawa sang madalum

Posible bala nga indi gali kaya sang tawo

Magpangabuhi kung wala sang bugay sang Makagagahum

Bilang isa ka estudyante ang akon lalauman

 Amo ang pagpangikasog sang akon mga ginikanan

Nahibalu-an ko ang ila pag pangabudlay

Amo na ngaa gina sunud ko ila mga pangabay

Syempre indi man madula bilang inspirasyon

Isa ka personalidad nga importante para sa akon

Sin-o pa bi kundi ang Makaako nga makagagahum

Sa iya mga bugay malab-ot naton ang tanan nga handum

Hindi sa akon uso mag samba sa akon selpon

Akon nainchindihan nga ini bagay lamang

Wala gyapon may makapyirdi

Sa pamilya nga upod panyapon kung gab-i

Bilang isa ka abyan, lain gid ya akon tropa!

Mas manami ang barkada nga wala naga lakwatsa

Lain gid man gali kung may handum ang barkada

Indi mo ma asi-asi ang dedikasyon nila

Tanan kami may mga malayo handum

Ang isa sa amon ang ma doctor, and isa ma nars

Gusto ko ya nga magpanabang

Ang mga napig-os akon nga buligan

Ako mismo nagahandum mangin isa ka inspirasyon

Amo ni ang rason nga-a ako ang mahinalungon

 Sa tanan-tanan ko nga mga buluhaton

Sa balay man ukon sa akon pagpanglakaton

Tanan ini nagsugud lang gid sang akon nahangpan

Tawo lang ako pareho sang iban.

Indi dapat nga mangin matinaas-taason

Kay ang Ginoo lang ang dapat sambahon.

Madamo nga salamat sa inyo pagkari

Kag kung sa akon binalaybay daw indi kamo pagpati

Labi kag labaw sa tanan Pangadi lang ang akon

mabalos

Kay ang akon inspirasyon wala na sang iban kundi ang Diyos.