W-astong kain nating lahat ang tumpak na panuntunan,

Ang sundin ng bawat tao upang buhay uminam.

A-ting sundin ang atas ng kalusugang edukasyon

Upang itong katauhan ay wagas na maahon.

S-undin natin ang aralin ng agham at teknolohiya

Iwasan ang mga bisyo na dapat ay etsapuwera

T-eknolohiyang sumusulong kaagapay kalusugan

Ang nutrisyong inilalahad ay dapat na sundin

O-o na ngat mayrong gamut ngunit gulay ang katapat;

Ang lakas ng katawan ay sa nutrisyon nakakalap.

N-utrisyong iniwawasto ng agham na umuunlad

Ay aralin nitong bayang alagaan nating ganap.

G-ulay, prutas, mga karne, itlog, gatas na sariwa;

Itong dapat na harapin sa mesang pinagpala.

N-utrisyong wastot angkop sa katawan ay ihandog

Upang itong diwat isip ay lagi nang malulusog
U-pang ating pagyamanin lakas ng mamamayan
Ang nutrisyong tamat sapat ang ihandog sa bayan

T-uparin mo ng nabatid sa pagkain tamat sapat;

Mamamayang malulusog puhunan ng bayang tapat.

R-iwasang pamumuhay ay dulot ng yamang likas,

Kapag itoy nagagamit sa badyet na sumasapat.

I-isang diwa, sang layunin ang bayan ay isusulong;

Patungo sa kaunluran kalusugang bumabalong.

S-a pilang ng ating siyensiya nababatid ang totoo

Kalusugan ay isulong nang lumakas lahat tayo.

Y-amang likas alagaan, pananim at halamanan

Maging gubat, pati ilog, kapatagan, katubigan.

O-limpik na palakasan katawang malulusog,

Masdan iyan at isipin, nutrisyon ang humuhubog.

N-ang ilunsad ang nutrisyon ng agham na nanaliksik,

Dapat pati bayan nakiisa buong kisig.