Synfocity = 650

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 1 st September, 2017

1 Ramthar Ni
August 31, 2017 (Ningani) kha Ramthar Ni a ni a, Mizoram Presbyterian Kohhran chuan kumin (2017) Ramthar Ni
pual hian tum khat inkhawm atan programme a siam a, thupui chu 'Chanchin Tha hi hril rawh u' (Mk 16 : 14 - 16) tih
a ni a, hei hi Kohhran tinah zirho a ni.
Synod Ramthar Board-in Rev. Zosaphluia, (Rev. David Evan Jones) Mizorama rawngbawltura a lo thlen ni Aug. 31
chu Ramthar Ni atana hman ni se ti-a a rawt chu kum 1972 Synod Inkhawmpui chuan pawmin kum 1973 atang khan
Aug. 31 hi Ramthar Ni atan kan la hmang ta zel a ni.
1 Beihrual Thla
Beihrual thla kan lo thleng leh ta a, September 1, 2017 atang hian Kohhran hrang hrangin Beihrual thupui kan zirho
leh dawn a ni. September 1 - 10 chhung hian 'Ramthar Hapta' hman a ni ang a, September 24 - 29 chhung hian
'Kristian Chhungkaw Hapta' hman a ni ang a. September 24-ah 'Nu leh Pa Ni leh Kristian Chhungkaw Ni' hman a ni
bawk ang.
Beihrual hi kum 1918 June thla atanga hman tan a ni a, kum 1925 atangin September thlaah neih thin a ni ta a, kum
1947 atangin Nilai Zan Thupui Bu leh Beihrual Thupui hi bu khata siam tan a ni.
1 Finance
Sept. 2 & 3, 2017 chhung hian Phullen Bialah Finance Campaign neih a ni dawn a, hemi hunah hian Rev. P.C
Pachhunga, Executive Secretary leh Upa. P.C Vanlalrova, O/A te an kal ang.
1 Mission Board
Aug. 31 - Sept 3, 2017 chhung hian Champhai Kahrawt Bialah Ramthar Campaign neih a ni dawn a, hemi hunah
hian Dr. Robert S. Halliday, Coordinator, SMB leh Pu Lallawmnakima Hmar, Ramthar Chanchinbu Circulation Man-
ager te an kal.
1 Aizawl Theological College
w Aug. 12 - 15, 2017 chhung khan Senate of Serampore College (University) Course pakhat Science and Reli-
gions chungchang zirhona Serampore College-ah neih a ni a, hemi hunah hian Rev. Andrew H. Lalthanliana a kal.
w Aug. 13, 2017 khan Chennai-ah NCCI buatsaih Seminar on Gender Equality neih a ni a, hemi hunah hian Prof.
Lalnghakthuami a kal a 'Human Sexuality chungchanga Calvina zirtirna' tih a sawi a ni.
1 Synod Higher Secondary School ten Crusade an nei
Aug. 25, 2017 (Zirtawpni) khan Synod Higher Secondary School chuan Mission Vengthlang Kohhran Biak Inah
Crusade an nei a. Speaker Rev. Zoramsanga niin, thupui chu "Thalaite leh tunlai khawvel" tih a ni.
Crusade hi chhawng thuma kalpui a ni a. Chhawng khatna hi chawhma dar 9:30am ah tanin Upa Lalthapuia, Vice
Chairman, Devotion Sub-Committee-in a kaihruai a, Speaker hnen atangin thuchah ngaihthlak a ni. Chhawng hnihna
hi dar 11:00am ah tanin Pi Zirkungi, Vice Principal-in a kaihruai a, Speaker hnen atangin thuchah ngaihthlak a ni a.
Chhawng thumna hi Pu Lalvena Hnamte Principal-in kaihruaiin Speaker hnen atangin thuchah ngaihthlak leh a ni.
Synod Higher Secondary School hian kum tinin Crusade hi an buatsaih thin a, thawktute leh zirlaite'n an hlawkpui
thin hle a ni.
1 Bookroom
w Aug. 21, 2017 (Thawhtanni) zan khan Khawzawl Vengthar Branch sawmnain Synod Bookroom chuan Literature
Week hawnna a hmanpui a, Synod Bookroom Hqtrs atangin Pu Lalniliana, Manager leh Upa Lalzarmawia, Sales
Promoter te an kal. Week hawnna hun hman a nih bakah Literature Campaign hun hman zui nghal a ni. Literature
Week pual hian Synod Bookroom chuan an bungruate karkhat chhung 10% discount in special sale an nei a ni.
w Aug. 21, 2017 (Thawhtanni) zan khan Model Veng Branch KTP sawmnain Literature Nite an hmanpui a, Pu
Lalhruaitluanga Ralte, Synod Press Manager-in thuchah a sawi a, inkhawm banah special sale neih zui nghal a ni.
w Aug. 28, 2017 (Thawhtanni) khan Synod Bookroom Bulding thar Bawngkawn Biak In hnuaia a mi chu Synod
Executive Secretary, Rev. P.C. Pachhunga'n a hawng.
Hawnna inkhawm hi Bialtu Pastor G. Chhunthuama'n a kaihruai a, PRESCOM General Manager Upa R. Lalmalsawma'n
report a pe a, Bawngkawn Kohhran aiawhin Upa C. Lalbiakthanga'n thusawina a nei bawk a, chumi zawhah Bookroom
building thar chu mitin dawr theih turin Rev. P.C. Pachhunga'n a hawng a, Lehkhabu lei hmasa bertu chu Upa
Rotluanga, Bawngkawn Kohhran a ni.
Synod Bookroom rawngbawlna lo thang zelah Synod Bookroom Bawngkawn Branch chu a hmunin a zawh tawh loh
avangin PRESCOM lam leh Bawngkawn Kohhran Committee te remtihna-in Bawngkawn Kohhran Biak In hnuai
pumpui hi Synod Bookroom luah turin ruahman a ni a. April 2017 atangin Bookroom sak hna chu tan a ni a, ni 140
hnuah luah theih a peih fel a ni ta a. He Bookroom thar hi a dung 45ft a sei, a vang 19 ft a ni a, Rs. 14,00,000/- (cheng
nuai sawmpali) seng a sak a ni.
1 Synod Moderator-in Social Front Lehkhabu 2 a tlangzarh
Aug. 28, 2017 chawhnu dar 1:00 khan Pi Zaii Hall, Synod Conference Centre-ah Synod Social Front lehkhabu
pahnih - 'Zuin Mizote min nghawng dan zir chianna' leh 'Political Education Seminar paper' chu Synod Moderator
Rev. Lalzuithanga'n a tlangzarh.
Lehkhabu tlangzarh inkhawm hi Rev. B. Sangthanga, Executive Secretary i/c Social Front in a kaihruai a, Upa H.
Lalhmingmawia, Social Front Coordinator-in lehkhabu an buatsaih dan te a sawi a, Synod Moderator Rev.
www.mizoramsynod.org

Lalzuithanga'n lehkhabu te hi tlangzarhin thusawina hun a hmang. The Jugglers te an zai a, Upa Lalzuithanga, Zu
Research Team Convener leh Political Education Paper ziaktu Pu Lalthlamuana Ralte ten thusawina hun an hmang
leh bawk a, Rev. B. Sangthanga'n lawmthu sawina hun hmangin hun tawp a khar a ni.
Kum 2015 khan Synod Social Front hian Zu leh ruihhloin Mizote min nghawng dan zir chianna a lo nei tawh a.
Kohhran 267 hnen atang chauha chhanna dawn a nih avangin he zir chianna hi tihchhuah a ni ta lo. Committee
chuan hma thar la lehin belhchian dawl leh rintlak tak tur neih tumin hma a la leh a. Study Team, Investigator leh
Tabulator te inruatin Research Form mumal taka an siam hnuah hma lak zui a ni a, an peih fel hnuah Synod Social
Front Exe. Committee-in lo ennawn leh-in, June 2017 khan peih fel a ni ta a ni.
Contd,..
 Synod Information & Publicity Department, Synod Office (Third Floor), Mission Veng, Aizawl

1 Kristian Thalai Pawl

Sept. 2 & 3, 2017 chhung hian kum 2018 KTP General Conference thlenna tur inbuatsaihna enpuiin West Phailengah
Upa Zonunmawia, Central KTP General Secretary, T.Upa Ngurhmingliana, Central KTP Asst. Leader leh Committee
member Upa Rosangliana leh T.Upa Ricky Lalrammawia Ralte te an kal ang.
1 Revival
Synod Revival Speaker te hetiang hian Camping/Crusade neiin hun an hmang/ang:
Aug. 19 - Oct. 1, 2017 R. Zaihmingthanga, Speaker Lungtan Kohhran Camping
Sept. 1 - 17, 2017 C. Ramtharnghaka, Speaker Ngur Kohhran Camping
Sept. 3 - 15, 2017 R. Lalrinsanga, Speaker Bungzung Kohhran Camping
1 Campus Ministry
Aug. 30, 2017 (Nilaini) khan Presbyterian English School, Lengpuiah Awareness Campaign neiin Director Rev.
Lalchungnunga leh Counsellor Tv. Lalhmunzauva Tlau te an kal.
1 Presbyterian Bible School Farewell and Dedication
August 25, 2017 khan Presbyterian Bible School chuan 40th Batch Farewell & Dedication Programme Pi Zaii Hall,
Synod Conference Centre-ah an hmang.
Programme hi Synod Moderator Rev. Lalzuithanga'n a kaihruai a, Bible chhiar leh tawngtaina te a hman zawhin Rev.
Dr. P.B. Lalmalsawma'n inlawmna leh inhmelhriattirna hun a hmang a. PBS Principal Rev. Lalneihvura'n reports a pe.
Rev. B. Sangthanga, Executive Secretary i/c PBS in zirchhuakte hnenah certificate a hlan a, Pi Lianthangpuii hnen
atangin Pathian fakna hla ngaihthlak a ni.
Moderator-in zirlaite hlanna leh thuchah a sawi a, zirlai titha te leh Class kal kimte hnenah Rev. H. Remthanga,
Synod Finance Officer in lawmman a hlan a, Pu C. Awithanga Award pawh Pu C. Awithanga chhungten hlanna an
nei bawk. Rev. F. Lalrinnunga, PBS Committee Member-in zirlaite tawngtaisakna a nei a, zirlai aiawh atangin
thusawi ngaihthlak a ni bawk. PBS Choir te an zai leh a, Rev. Hmingdailova'n lawmthu sawina hun hmangin chair-
man in malsawmnain inkhawm a tin a ni.
PBS-ah hian a din tirh atangin tun thleng hian zirlai 1942 an awm tawh a, chung zinga 1635 chu an passed a ni. Tun
batch 40-naah hian zirlai 67 an awm a, 61 passed-in exam lo 6 an awm. Exam-a titha zual pathumna thlengin
lawmman Rs.1000/-, Rs.700/-, Rs.500/- hlan an ni a, chungte chu:-
1st - Henry Lalrinliana S/o C. Zohmingthanga, Hmar Veng Kohhran, Kolasib
2nd - Imanuel Lalrinhlui D/o R. Engmawia, East Lungdar Venghlun Kohhran
3rd - Vanlalhmangaihzuali D/o Rohmingthanga, Reiek Kohhran
Session 40-na zirlai zingah hian kai kim 23 lai an awm a, an hnenah lawmman Rs.500/- theuh hlan a ni. Kum 2014
atang khan Final Exam-a Christian Theology leh Kohhran Inrelbawlna (Church Administration) & PCI Danpui (PCI
Constitution) subject-a mark hmu sang berte hnenah Pu C. Awithanga Award hlan thin an ni a, award hian pawisa fai
Rs.1000/- a keng tel a ni.
Award dawngtute chu:-
1. Kristian Theology - Andrew Thanglianzela S/o R. Lalhriattira, Zemabawk North Kohhran
2. Kohhran Inrelbawlna & PCI Danpui - Imanuel Lalrinhlui D/o R. Engmawia, East Lungdar Venghlun Kohhran.
1 Synod-in Lungleia Cosmetic dawr kang chhawmdawlna a pe
Aug. 24, 2017 (Ningani) zana Lunglei Electric Veng a Upa Lalrohlua te Cosmetic dawr chu a kan avangin chhawmdawlna
atan Rev. R. C. Lalnghakliana, Administrative Secretary, Synod Office, Lunglei chuan Rs. 6000/- ( cheng sangruk)
Synod hmingin a hlan. Upa Lalrohlua te dawr kangah hian bungrua cheng nuaih 80 man hu vel a kang ral a ni.
1 Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua Pek chhan Chhungkaw zat Chhawmdawlna pek zat
1. Lengpui Leimin tuar 3 Rs. 20,000/-
2. Thuampui Vengthar Kohhran,Leimin tuar Rs. 40,000/-
TOTAL Rs. 60,000/-
1 Zin
Aug. 28 - Sept. 1, 2017 chhung hian Shillong-ah Dan pui enthatu Sub-Committee leh PCI Working Committee neiin
Rev. Lalramliana Pachuau, Senior Executive Secretary a kal.
1 Hruaina Eng FM Radio & TV Programme
w SEPTEMBER 1, 2017 (FM ZOAWI AIZAWL @ 7:30 P.M.):
Solo - Sangtea - Nang chauh hi, Zaipawl - Luangmual Kohhran Zaipawl - ka zui ang che, Thusawi - Dr. Baby
Zirnunsangi - Cancer chungchang, Zaipawl - Zemabawk Pastor Bial - Kan khawvel ni a kin hunah, Solo - Joel
Vanlalchhuanga - Lalpa
w SEPTEMBER 1, 2017 (FM LUNGLEI @ 7:30 P.M.):
Solo - Sangtea - Nang chauh hi, Zaipawl - Luangmual Kohhran Zaipawl - ka zui ang che, Thusawi - Dr. Baby
Zirnunsangi - Cancer chungchang, Zaipawl - Zemabawk Pastor Bial - Kan khawvel ni a kin hunah, Solo - Joel
Vanlalchhuanga - Lalpa
1 Susamachar Prasaran Programme
SEPTEMBER 3, 2017 (Pathianni) 5:00 pm. :
Group/Choir/Solo : Chhinga Vengthlang - Yedi koy-i, Group/Choir/Solo : Chawnpui Kohhran - Thandi Howe,
Sermon : Rev. David Lalramliana Ralte, Group/Choir/Solo : Govt Complex Kohhran - Syon Desh, Group/Choir/
Solo : Venghnuai Kohhran - Milkar Hamm
1 SEPTEMBER 3, 2017 (Tv Programme) @ 4:00 - 6:00, 8:00 - 9:00 p.m) :
Weekly Round Up, KTP Aizawl East Presbytery Meet 2017, Hranghluite Pual : Rev. Dr. Zaihmingthanga
1 Moderator Programme
Sept. 2, 2017 Inrinni Chawhma Khawhai Venglai Kohhran Khawhai South Bial
Sept. 2, 2017 Inrinni Zan Khawhai Vengchung Kohhran Khawhai South Bial
Sept. 3, 2017 Pathianni Chawhma Khawhai Venglai Kohhran Khawhai South Bial
Sept. 3, 2017 Pathianni Zan Khawhai South Kohhran Khawhai South Bial
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students Helpline :mizoramsynod@gmail.com
9856883377
Synod Information & Publicity
Phone - 2314648 Synfo