CHHIMBAL

www.chennaimizo.org
chhimbal10@gmail.com
2 Pages
Free Circulation
Since 1998
AN OFFICIAL ORGAN OF THE CHENNAI MIZO WELFARE ASSOCIATION
VOL. LV ISSUE NO. 53 SUNDAY 22nd October 2017

RECORD SIAMTU COWBOY FC AN THIAM BER

Record breakers: 2011, 2013, 2014, 2017

Cowboy FC chu CMWA Presidents Cup a champion ngun ber an ni ta. Nimin (October 21st) a final hmuhnawm takah
Cowboy FC in 2-1 a Taitesena FC hnehin, CWMA Presidents Cup vawi 9 khelh tawhah vawi 4 an champion na a ni a, anni
aia record nei tha an awm lo. Final ah hian team pahnihin inkhel hmuhnawm min entir a, Chennai Mizo level ang ah chuan
khatiang aia inkhel hmuhnawm leh tang beisei tur a awm bik lo.

Taitesena FC in final bul an tan tha zawk a, ball an chang hnemin an goal nawr a na zawk. Taitesena FC game that lai takin
Cowboy FC in Fredrick-a hmangin goal tha an thun a, he goal thun tura Cowboy FC tlarhma player te ball inpekual leh,
Fredrick-a ball lakluh a mawi ngei mai. Taitesena FC in an siphurh sutna hun tha nei thin mahse first half ah goal dang a luhbelh
lo. Second half-ah midfield battle hmuhnawm kan hmuh chhunzawm. Cowboy FC offside trap tlanpeltu James-a goal mawi tak
hmangin Taitesena FC in an siphurh an sut. Fans an tang a, lehlam lehlamah pressure a sang a, player tha tak takten ball pass
sual leh tihsual an nei nawk mai. Team pahnihte an inhnehtawk mai dawn a a lan tawh hnuah, Cowboy FC tan Ruatfelan
penalty box sir atangin goal a thun leh a, hei hi an champion na goal a ni zui ta a ni.

Final-ah hian Taitesena FC in goal thun theihna chance tha an ngah zawk a, an vanduai tih theih ni mahse, hun pawimawha goal
pawimawh thun thiam Cowboy FC te hi vanneih vanga champion an tih theih loh ang. Tournament chhung zawngin chak zawh
loh vawikhat mah an nei lo a, pool leader an ni a, semi final-ah nikum champion FC Anderson an hneh leh a, final-ah team
inkhairual em em Taitesena FC an hneh bawk. Heng te hi vanneih vang a ni seng lo a, an thiam vang a ni. CMWA Presidents
Cup 2017 ah champion phu an champion e.

Cowboy hmatawngah mahni chauh pawha hnawk tham captain Sanglura an nei a. A thlawptu turin ball thiam leh tlanchak
Fredrick, Rema leh Isaac te an nei bawk. Midfield-ah Best Player Rohlua leh Zuala te ho in tlarhma an chawm bakah tlarhnung
an pui tha a, tlarhnung nise nikum best player Aron-a kaihhruaina hnuaiah Raymond-a leh Hmachhuana te ho an tlang mawh
viau bawk. Tournament chhungin match 5 ah goal 8 thunin goal 2 an chhuah a, hei hi Taitesena FC nen inang chiahin, pet goal
tam ber leh goal chhuah tlem ber record an nei ve ve a ni.

Final hma hian semi final-a chak zo ta lo pahnih, FC Anderson leh Runmawi FC ten pathumna zawnna inkhel hmuhnawm tak
min hmuhtir a. Hun pangngaiah goal 2 ve ve inpein, penalty shootout ah FC Anderson hi 4-2 in an vannei ta zawk a ni.
 2 CHHIMBAL SUNDAY 22nd October 2017

Editorial board PRESIDENTS CUP 2017: Day 2 Results

Editor Semi Finals 1st Match 7th Place Play Off
Lalramenga Hmar Taitesena FC 3 - 0 Runmawi FC Lorrain FC 3 - 0 Godson FC (Walkover)
9940515224 Scorers - Rafael, Albert Lalhlimpuia,
Jt.Editors Nicholas 3rd Place Play Off
Jonathan Lalhmingsanga Yellow card : Dinga (Taitesena FC)
FC Anderson 2 - 2 Runmawi FC
8731021262 Man of the match : Abert Lalhlimpuia
(FC Anderson penalty 4-2 in an chak)
Medals Thanga (Taitesena FC) Scorers FC Anderson : Rindika, Samuela
7358519527 Runmawi FC : Rinhlua, Rinzuala
Lalzidinga Hmar
Semi Finals 2nd Match Yellow card : Ruatpuia (FC Anderson),
Cowboy FC 2 - 1 FC Anderson Chhungtea (FC Anderson)
7845618832 Scorers - Cowboy : Lalremruata, Rohlua Red card : FC Anderson Keeper
Reuben Lalremruatkima FC Anderson : Michael Lalremtluanga Man of the match : Chhungtea (FC
9566008218 Yellow card : Lalremruata (Cowboy Anderson)
Note:-Article, feedback leh NEWS hriat
FC), Hmachhuana (Cowboy FC)
kan neih chuan
Red card : MS Dawngzela (Cowboy
CHHIMBAL10@gmail.com ah engtik laiFC) Final Match
pawh in kan dawng thei reng e. Man of the match : Fredrick (Cowboy COWBOY FC 2 - 1 TAITESENA FC
CMWA INKHAWM FC) Scorers Cowboy FC: Fredrick, Ruatfela
PROGRAMME Taitesena FC: James Lalbeiseia
Dt. 29th October 2017 5th Place Play Off Yellow card : Rafael (Taitesena FC),
Dy Loh Dy 0 - 1MCFC Muanawma (Taitesena FC), Raymond
A Hmun: CSI Wesley Church, Egmore
Yellow card : Michaela (MCFC) Lalremruata (Cowboy FC)
Tan Hun : 03:30 pm Red card : Puipuia (Dy Loh Dy) Man of the match : Rohlua (Cowboy FC)
Man of the match : Jehoa (MCFC)
(Family Sunday)
Chairperson: Pu John Lalnilena Sailo Champions: Cowboy FC
Tantu: Nl. Hlimfelmawii (Velachery) Runners Up : Taitesena FC
Thawhlawm khawntu: 3rd Place : FC Anderson
1. Nathan Lalnunhlua 4th Place : Runmawi FC
2. Emmanuel L Chawngthu 5th Place: MCFC
6th Place: Dy Loh Dy FC
Thawhlawm hlantu: Pi Vanlaldiki 7th Place: Lorrain FC
Hun hmangtu: 8th Place: Godson FC
Pi Lalhlimpuii (Koyambedu)
Rohlua Remruata Michael
Special Items: (Best Player) (Best Goalkeeper) (Top Scorer)
1. Solo: Lalhmangaihzuali
2. Childrens Recitation (Jeremiah Best Player: Rohlua (Cowboy FC)
Saihmingthanga Sailo) Best Goalkeeper: Remruata (Taitesena FC)
3. Daddys Group Voice Top Scorer: Michael PC Lalrinkima (Dy Loh Dy) - 3 goals
Best Fans: Runmawi FC
Receptionists: Fair Play: Lorrain FC
1.Tv. Lalhmachhuana (Choolaimedu)
2. Tv. Zothanpuia (UCA)
3. Nl. Saidingpuii Sailo (MU)
4. Nl. Lalramchuani (MU)
Musicians:
1. Tv. Lalmuanzual Hmar (MCC)
2. Tv. Malsawmdawngzela (Shenoy
Nagar)
3.Tv. Chawnthantluanga (Loyala)
Sound Incharge 1. Tv. PC Michael
Larinkima (Triplicane)
2. Tv. Aron Lalsangbera (Anna Salai)
3. Tv. Reuben Lalremruatkima (MCC)
Hla Hriltu: Nl. V Lalnunmawii (MU)
October 15th inkhawm report
Mipa - 54; Hmeichhia - 30;
Inkhawm zawng zawng - 82
Thawhlawm - Rs. 2,399
Ip - nil
Total - Rs. Best Fans award latu Runmawi FC member te
3 CHHIMBAL SUNDAY 22nd October 2017

HANS ISLAND INCHUHNA CHU !!

Arctic North hla tak, vawt em em maiah khian thliarkar mel chanve bawr vel leka zau, Hans Island a awm a. Kumtluan
deuhthawin vur in a bawh a, vurin a bawh loh lai chuan lungpui lian tak ang a ni leh deuh tawp mai. Leilung hausakna emaw,
hmun mawi leh nuam emaw, ramsa leh sava hlu tak emaw a awm reng reng lo a, mahse kum 1930 bawr vel atang tawh khan
he thliarkar hi Denmark leh Canada sawrkar chuan an la inchuh ve char char mai a ni.
Fiamthu-ah chuan Canadian ho hi chu polite em em mai, motor in a sut palh pawh a motor hnena ngaihdam dil thin an ni e an
ti a. Chutiang bawkin Denmark sawrkar leh Danish ho pawh mi tibuai hmasa ngai lo niin fiamthu ah an sawi thin. Hans Island
pawh hi ram pahnihte thuneihna huamchhungah a awm ve ve avangin an inchuh a ni ve chauh a, ralthuam leh hriam cheleka
indo leh innghirngho zawnga inchuh pawh an ni chiah lo. Dangdai ve tak a ni.
A khat mawi tawkin sipai (marines) te he thliarkarah hian kal in, an ram flag an va phun a. Lehlam sipaite an lo kal ve huna an
in tur zu an dah tel bawk thin. A hnulawkah lehlam lo kal ve lehin anmahni flag an rawn phun a, lehlam sipaite zu in tur tam
tawk hnutchhiahin an kal leh thin a, chutiang reng reng chuan flag inphunchhawk leh zu in tur dahin an inkalchhawk fo mai thin
a ni.
Danish ho hian an zu chhuanvawr Schnapps an dah thin a, flag bakah Welcome to Denmark tih note an dah tel kher zel
bawk. Canadian sipaite pawhin an zu Canadian Club bakah Welcome to Canada tih ziahna note an dah tel thin bawk a ni.
An indo dan hi indo dan hahdam leh pawisawi lo pawl tak a ni ngei awm e.
Kan vice president Pu R Lalvena, IAS te chhungkua chuan Nerkundram, Chennai ah in thar tha tak mai an nei ta. Pu Vena
te hi tunhnai mai khan an in thar ah hian insawn lutin an buai hle mai a, Presidents Cup bawr vela a hmel hmuh chak vanga
lo kal, hmu si lo hrilhhaite pawh kan awm nual niin thu rinawm tak kan dawng nghe nghe a ni.
Pu Vena te chhungkua kan lawmpui a, an in thar hi malsawmna thar nen hlim taka luah turin duhsakna kan hlan e.

Presidents Cup chungchanga lawmthu sawina

Tv H. Lalchawimawia (General Secretary, CMWA)

Kan hriat theuh ang in Presidents Cup 2017 chu kan lo hmang zo leh ta
der mai. Duhthusam in thil kal vek lo mahse Pathian zarah a hlawhtling
hle kan ti thei awm e. He tournament hlawhtlinnna phenah hian mi
thahnemngai tam tak an awm a, an chungah hian lawmthu sawi lo thei
kan ni lo a ni.

A hmasa berin, Presidents Cup 2017 hlawhtlin nan a sum sengtu, sponsor
tu te zawng zawng chungah lawmthu kan sawi a, an tam deuh avangin an
hming sawi vek lo mai ila. Mi thahnemngaite sum thawhkhawm hmang
hian welfare pawisa hmang lo in tluang takin tournament kan siam theih
phah a ni. Hetiang hruaitu, members leh member hlui, CMWA tan a
thahnemngai kan nei hi kan chhuang tak meuh meuh a ni.
Sports Sub-Committee ten theihtawp an chhuahna zarah he tournament
hi hlawhtling takin kan zo thei a, a bik takin kan Sports & Cultural
Secretary Tv. Raymond Lalremruata in pekna zarah ah felfai takin kan
zo thei kan ti thei awm e. Tin, Tv. Michael P.C Lalrinkima chungah hian
lawmthu sawi lo thei kan ni lo. Anin theihtawp a chhuahna zarah ground
hman tur kan hmu thei a, kan mamawh engkim a lo buapui bawk a. A
inpekna a ropuiin a chungah kan van lawm em. Banner nalh tak a min
design saktu Pi Iren Lalnunpuii chungah lawmthu kan sawi bawk e.
A tawp berah chuan, Presidents Cup ti hlawhtling tu players zawng zawng
leh fans lo kal zawng zawngte hnenah thinlung takin lawmthu kan sawi e.
Nangmahni hi he tournament tihlawhtling tu te in ni.
Lawmthu sawi na tur tamtak a awm a, kan sawi vek seng si lova. Sawi
awm tak tak, sawi loh palh kan nei nual ang, in hriatthiamna kan ngen e.
Hun tha min pe a, tournament chhung zawnga min vengtu Pathian chu
fak in awm rawh se.