Hagsmunasamtök heimilanna hafa skorað á Katrínu Jakobsdóttur forsætisráðherra að láta vinna rannsóknarskýrslu um það sem gert var eftir hrun
Skipa þarf rannsóknarnefnd til að rannsaka afleiðingar bankahrunsins á heimili landsins
Rannsaka þarf: - Stofnun nýju bankanna og yfirfærslu lánasafna gömlu bankanna til þeirra - Afhendingu stórra eignarhluta í bönkunum til þrotabúa föllnu bankanna - Úrlausnir mála vegna ólöglegra lánaskilmála og framferðis kröfuhafa - Hversu margar fjölskyldur hafa verið sviptar heimilum sínum frá hruninu - Hversu margar fjölskyldur voru hraktar að ósekju út á vonlausan leigumarkað og hver staða húsnæðismála væri núna ef það hefði ekki verið gert - Greiðsluaðlögun hjá umboðsmanni skuldara sem hefur reynst mörgum illa - Ólöglegar vörslusviptingar ökutækja á grundvelli ólöglegra krafna - Skort á samráði við fulltrúa neytenda og samtök þeirra
* Slík rannsókn myndi efla traust almennings á stjórnsýslunni og auka gagnsæi
Samtökin benda enn fremur á að:
- Verðtrygging húsnæðislána er skaðleg og hana er einfalt að afnema - Málsmeðferð við nauðungarsölur og aðfarir brýtur í bága við mannréttindi - Gengistryggð lán hafa ekki enn verið leiðrétt í samræmi við neytendarétt - Úrvinnsla slíkra mála hingað til hefur brotið í bága við stjórnarskrárvarin réttindi neytenda og skuldbindingar Íslands samkvæmt EES-samningnum - Alþingi og dómstólar hafa verið blekkt af málflytjendum fjármálafyrirtækja - Endurskoða þarf þær breytingar sem gerðar voru á vaxtalögum með lögum nr. 151/2010 neytendum í óhag, og stöðva aðfarir á hendur heimilum á meðan
Það er víða pottur brotinn í málefnum neytenda og lántakenda
og staða þeirra gagnvart bönkunum, stjórnsýslunni og dómskerfinu er vægast sagt bágborin.
Þúsundir fjölskyldna þurfa á því að halda að staða þeirra
verði styrkt og að þær njóti verndar fyrir því að lög- og stjórnarskrárvarin réttindi séu brotin á þeim.