ANO AN TIGSIK?

January 12, 2006 — tanhaga

An tigsik saro nang forma literario na nagpoon kan mga panahon na an mga apoon ta natiripon sa
sarong inaapod na abatayo. Igdi yaon an irinoman, oromawan, karantyawan, kaorogmahan na daing
siring.

Sa abatayo (feasting), namundag an tigsik. Inaapod pa man an tigsik na “kansing”. Kun sa

Ingles, toast. Itataas an baso sa pagtigsik -an uso pa kaidto basong kahoy, gibo sa naga o narra. Sa
aragitong na ini, saro saro natigsik; magsalang pag-omaw, pagkalwag, o pagtuyaw sa anoman na
bagay o kiisay man.

An tigsik bakong simpleng pagtaram. Ini pasilyak i-nginunguso. Ini sarambit (rhyming), parati
mapangisi, may silyab nin dunong asin igdi maanyapan an liksing-isip kan paratigsik. Bako ining
osipon ta halipot sana ini.

An abatayo kumboot magdamlag, sagkod na maboyong nin husto. Kun kasoarin nagrararom an
banggi, an mga paratigsik palingpaling naman, pero orog na marigmat an isip, mahalnas an dila;
sinda matatabil na asin bakong harayo pati mga kababayehan nakikisabatan man sa tirigsikan.

Ano an laman nin mga tigsik? Dawa ano na sana. Basta an importante malatoy ini, may pakol sabi
kaiyan, may lagatob. Pag magayon an tigsik yaon an purusngakan, ngarakngakan, torolodan,
sirikohan. Haros mapatod an hinangos sa harakatak!

An tigsik, pagburat na, nagigin makolor na, sabi kaiyan. Medyo naguuru-usmak na gibo kan
kaburatan.

Magdangog kamo sa nagtitirigsik na mga burat; mapiling-piling sana kamo ta kun kasoarin bururat,
naruluwas an orag!

Ini an magkapirang tigsik nakua ko sa mga paraburat:

TIGSIK: PANDAK
JUNE 29, 2015 1 COMMENT

Tigsik ko ining babaeng pandak na magayon-gayon

Tano daw ta pandak man ang naging ilusyon?
O ha, hilinga kan siya nangugbon,
Dios Mio Perdon, ang luminuwas mga Minions.
Report this ad

Report this ad
BICOL LITERATUREBIKOL POETRYDAILYPOSTMINIONSPOSTADAYRAWITDAWITTIGSIKTULA SA PANDAK

TIGSIK NA BIKOL

MGA TIGSIK: BILBIL, GUWAPO SAKA

DARAGA
MAY 26, 2015 LEAVE A COMMENT

Bilbil
Tigsik ko an saimong bilbil,
Mas dakol pa sa humps sa south vill.
Kawasa kaya an saimong nguso asin ngabil,
Garo na baga rice mill.

Guwapo
Tigsik ko an mga guwapo
Magpaburulong daw kamo sa albularyo.
Ta sa kadakulan magagayon sa palibot ko,
Tano daw ta sa kapwa lalake kamo nagkagusto.

Daraga
Tigsik ko ining daraga
Halaba an buhok asin may kurbada.
Pag nakatalikod garo santa,
Pag atubang daing data.
BICOL POETRYDAILY POSTPOETRYPOSTADAYRAWITDAWITTIGSIKTULA
TIGSIK NA BIKOL

TOLONG TIGSIK
DECEMBER 17, 2013 2 COMMENTS

Tigsik ko an kaogmahan,
pag sa lalawgon mo naheheling, nakakagian.
Dawa anong pagal an namamatean,
Minakusog sagkod pa man.

Tigsik ko an sakong pagkalingaw

Ta ika sana an narurumduman pag ako napupungaw.
Dai ka mawara sa isip ko aru-aldaw,
Maski ngani sa pagturog ko, napupurisaw.

Tigsik ko ining sakong pagkatungka,

Dawa ipirong ang mata, pirit man giraray minabuka.
Matalukbong, matagilid, malitong asin madapla,
ining katre ko, ribong na kun ako mabuhat o mahigda.

BICOL LITERATUREBICOL POETRYDAILY POSTDAILYPOSTKAOGMAHANKUMPAREKURO

KUROLITERARYPAGKALINGAWPAGKATUNGKAPOETRYRAWITDAWITTIGSIKTIGSIKANTULA

TIGSIK NA BIKOL

SI BALTIK ASIN SI ORIG

DECEMBER 1, 2013 LEAVE A COMMENT
Tigsik ko an tawong may baltik,
Dawa daing gibo, abaanang birik-birik.
Dai mo nanggad pagtuyawon, ta an mata manlilisik,
Garo na kalalawgon kan angry bird na intsik.
Tigsik ko ining orig,
Sa laog kang tangkal, sigeng panlupig.
Sa sirungan na bako nang mahamot asin malinig,
Sige-sige pa nanggad an tirig-tirig.

featured photo courtesy of http://www.culut.com/pig-wallpapers-crazy/

BALTIKBICOL LITERATUREBICOL POETRYBICOL SATIREBIKOL POETRYCORRUPTIONDAILY
POSTDAILYPOSTGANIDGREEDKIM SILERIOKUMPAREKURO
KUROORIGPOETRYRAWITDAWITSAKIMSATIRESILING TANGADTIGSIKTIGSIKANTIRIGSIKAN

TIGSIK NA BIKOL

KAN SIYA MAGKA-CRUSH KI MANHID

NOVEMBER 30, 2013 LEAVE A COMMENT

Tigsik ko ang mga babaeng may crush,

Pag parani an lalake, minabungkaras, garo The Flash.
Biyong kinikirilig sabay magba-blush.
Gabos na karibal, ang apod nya ay trash.
Tigsik ko an tawong manhid.
Apektado pati utak na makitid.
Kinudot, Sinapak, Binuntol, dai pa giraray midbid.
Marhay pa kaini putulon an litid.
Credits: Featured photo above courtesy of www.layoutsparks.com.
ADMIRATIONBICOL LITERATUREBIKOL POETRYCRUSHDAILY
POSTDAILYPOSTINFATUATIONKUMPAREKURO
KUROMANHIDPAGHANGAPOETRYRAWITDAWITRELATIONSHIPSECRET LOVESILING TANGADTEENAGE
LOVETIGSIKTIGSIKANTIRIGSIKAN

TIGSIK NA BIKOL

AN URAN ASIN DUYAN

NOVEMBER 26, 2013 LEAVE A COMMENT

Photo Courtesy of http://www.marieskerlphoto.com/blog/portrait-rainy-night/

Sa Banguing Mauran
Tigsik ko an banguing mauranon
Na sinabayan pa ning diklom.
Kataid ta ka sa irarom kan sarong sadit na payong,
Dawa anong lipot kan panahon, nahimbong.
Tigsik ko uran na sinabayan nin kadikloman.
Mantang naglalakaw sa gilid kan dalan.
Dai nanggad natatakot sain man mapaduman,
kun ika nasa kataid ko, daing kaba sa daghan.

Photo courtesy of http://www.flickr.com/photos/buboy1/

Duyan

Tigsik ko an duyan
Nakakahaling pagal paghirihigdaan.
Urog na kung may nagtatabyon,
Saka naghahapihap kan saimong lalawgon.

Ibanan pa ning paghayop kan duros;

Pagpirong nin mata, garo ka pinaparos.
Kusugan ang tabyon, dawa sain makaantos,
Dai kong labot, basta ika kakugos.

Tigsik ko (ngaya) sa buskay,

Aro-aldaw rinuruskay!

Tigsik ko ki Ana,
Nagsakat sa tuba,
Nalislis si saya,
Nahiling si bi-aba!
Tigsik ko sa tigsik,
Si’mong laway,
Nagtataralsik!

Tigsik ko sa susong
Matibo’gong
Abang siram g…..!

Tigsik ko sa mata,
Burahat makahiling,
Idto palan may muting!

Tigsik ko ki Maria,
Bihag an puso ko niya,
Ay, sagkod noarin ako
mahidaw saiya!

Tigsik ko sa orag-oragon!
Maglakaw labay-labayon,
Pinolpog nin mabooton!

Tigsik ko ining kagayonan

Kaining sakong kahampang
Tanganing dai nya malingawan
Sagkod ako magadan.

Tigsik ko an romero
Itinanom ko sa gilid kan tinampo
Ano daw an birtud kaining romero
Ta nagparahiro huli ta igwa na nin bago!