3/2/2018 Ed Bickert – Wikipedia

Ed Bickert
Edward Isaac „Ed“ Bickert (* 29. November 1932 in Hochfeld
(Manitoba)) is en kanaadsch Jazzgitarrist.

Inholtsverteken
Leven un Wark
Utteknungen
Utwahldiskographie
Weblenken

Leven un Wark
Kört nah sien Geburt truck de Familie nah Vernon, British Columbia.
Obschons sien Öllern hööftsächlich as Farmer un Aaftgördners tätig weern,
speel sien Moder Klaveer un sien Vader Vigelien. As Kind hett Bickert de Ed Bickert mit Fraser MacPherson
eersten Gitarrenakkorde vun sien öllere Bröer lehrt. In de 1940er Johren (Otter Crest, Oregon; 1989)
speel he mit sien Öllern an de Weekenenn’ bi Country-
Tanzveranstaltungen. Nah de Highschool un eenig lüttgere Jobs truck he
1952 nah Toronto, wo he sück all nah wenig Johren, in de he arbeiten dee un Gitarrenstünn nehm, as Gitarrist för de
besten Jazz-Bands in Toronto etableeren kunn.

In de 1960er Johren weer he en vun de eersten Studiomusiker in Ontario. He harr dat to Ansehn brocht dör sien lang
Mitarbeit bi de Upnahmen vun Moe Koffman un Phil Nimmons un so wurr Bickert en vun de Grünnensliddmaaten
vun Rob McConnells Band „Boss Brass“. Bickert heiraadt denn, aber wiel blots selten amerikaansch Musiker nah
Toronto keemen, bleev he to Huus un truck sien Kinner up.

De Früendschap mit den berühmten Jim Hall verdank he en Empfehlung an den olden Bekannten vun Hall, den
Saxophonisten Paul Desmond, de in de 1970er Johren up de Söök nah en Band weer. De beid verstunnen sück gau
good un ok mit den Bassisten Don Thompson, de en Deel vun hör Uptreden in Toronto upnommen hett klappt dat
bestens. Desmonds Begeisterung för de Soli vun sien Gitarristen broch hüm dorto, mit Bickert in Rudy Van Gelders
Studio mit de bekannt Musiker Connie Kay un Ron Carter dat Album Pure Desmond uptonehmen.

Bickert nehm in de 1980er un 1990er eenig Alben mit Rosemary Clooney un anner bekannt Künstlers up. Midden vun
de 1990er Johren is he to Fall kommen un hett sück beid Arms dorbi swoor verletzt. He hett sück dorvan aber ok weer
verhalt und speel bit to’n Anfang vun dat 21. Johrhunnert wieder.

Dör de Verwenden vun en Fender Telecaster kreeg he en warmen, vullen Toon, de hüm vun anner Musikers afheevt.

Utteknungen

https://nds.wikipedia.org/wiki/Ed_Bickert 1/2
3/2/2018 Ed Bickert – Wikipedia

Bickert un Don Thompson kreegen 1980 en Juno Award för hör Album Sackville 4005. Bickert wurr mit sien
Duopartner, den Gitarristen Lorne Lofsky, för dat Album This is New uttekent. 1996 kreeg he den Order of Canada
verlehnt.

Utwahldiskographie
I Wished on the Moon (Concord, 1985)
Third Floor Richard (Concord, 1989)
This Is New (Concord, 1989)

Weblenken
Bio- un Diskografie vn Bickert (http://members.tripod.com/~sardine/bickertbio.html) (engelsch)

Vun „https://nds.wikipedia.org/w/index.php?title=Ed_Bickert&oldid=802153“

Disse Siet is toletzt üm 10:20, 6. Feb. 2018 ännert worrn.

Oproopstatistik

De Text steiht ünner de Lizenz „Creative Commons Attribution/Share-Alike“ praat; tosätzliche Bedingen künnt gellen.
Nipp un nau steiht dat in de Brukerbedingen beschreven.

https://nds.wikipedia.org/wiki/Ed_Bickert 2/2