Panginoon, Ikaw ang aming sandigan at kalakasan. Maraming
salamat po sa pag dalisay na ibinibigay ninyo sa aming lahat upang makapag-aral. Salamat po at pinagkalooban ninyo kami ng mga gurong matiyaga at may busilak na puso na handang humubog sa aming isipan sa araw-araw. Salamat po sa aming mga kamag-aral na siyang kumital sa tunay na diwa ng pagkakaibigan.
Salamat din po sa aming mga magulang sa tunay na pagkakaloob sa
amin ng mga aming pangangailangan.
Panginoon bigyan mo po kami ng sapat na lakas katalinuhan at
kaalaman na tahakin ang tamang landas upang matupad namin ang mga pangarap sa buhay. Gabayan ninyo kaming lahat upang malinang ang aming kaisipan at maunawaan ng lubos ang anumang leksiyon na ituturo sa amin ng aming mga guro.
Panginoon, hipuin mo ang aming puso na madama ang kababaang
loob at maging maipagkumbaba na tanggapin ang aming pagkakamali, kasalanan at kahinaan. Gawaran mo po kami ng tamang desisyon sa ikalulugod ng iyong banal na kalooban.
Panginoon, dalisayan mo po ang aming mga puso na magpatawad ng
naaayon sa iyong kadakilaan. Bigyan mo po kami ng matibay na paninindigan upang itakwil ang kasamaan sa anumang tukso.
Panginoon salamat po sa patuloy na biyayang ipinagkaloob sa amin.
Salamat sa patuloy ninyong pagbibigay ng pagkakataon upang malaman namin ang dahilan ng aming pag-iral. Tulungan mo po kami na maghari sa aming mga puso’t isipan ang pag-ibig na tatalos sa aming guro, kamag-aral at mga magulang.
Panginoon ito ang aming hinihiling sa iyong dakilang pangalan.