REZOS

SANTOS
OLOFI

OLOFIN LOKUÁ, OWIDÓ, OWIDÓ,

LADÉ, LADE KETE TE ODUN UESI,
ADIFAFUN OLODUMARE, ATI AFOKOYERI.

ODUÁ

ODUÁ OBA EGGUN, ODUDUWA ERU AYE,

ODUDUWA AWANI OLORUN,
UNFUMI ALADÉ OBATOORÁ OGBONI.

OLORUN

ALAFIA KUBURU KOKEIBERÉ ABANKIYI

SUMAJANA SALA MALEKUN, BELE KÚN SALAMÁ
AOLONÚ KOKEIBERE, ECHUBBI ASHE BOGBO FUMINI

TE PIDO LA BENDICION, TE SALUDO Y DESEO MUCHO QUE LO MALO SE VAYA,

OH GRAN PODER ABRE LA PUERTA DE LA SUERTE PARA QUE SOBRE MI ECHUBI CAIGA
TODA.

ORI

ORI NIKAN, LO TO ALASAN BA OKU, BI NO BA LOWO

ORI NI ORO FUN, ORI MI IWO NI, RI MO BIMO, ORI NI ORO FUN
ORI NI IWO NI, IRE GBOGNO TI MO BA NI LAYE ORI NI ORO FUN
ORI NI IWO NI.

ELEGUA

LARELLE, AQUILOYO, AGUAROTENTEONÚ

APAGURA, ACAMASESE
ARELETUSE, ABAMULA, OMUBATA
OCOLOOFOFO, OCOLOÑIÑI, TONICÁNOFO, OMOOROGÚN, ELLÓNA
ALÁYIQUÍ, AYUBA.

ELEWA ESHU ALAWANA, NIKOKO ORI BIYA, BARA TENTEONU, OMANIKO MANIKO
NDOLO,
IKU YELEDDE, BARA KIYELU, ESHU AFRA, AGGO LAROYE, ELEWA.

OGÚN

OGÚN, NAKAÑILE, OGÚN, COBÚ, ALGÉREOGUO, OGÚN LLUMUSU, OGÚN FINAMALÚ

ENGUELELLEEIN
ANDALORO, ÉCUM, FEYÚ, TANA GUARAGURU, OSIBÍRIQUÍ, ALALÚA, AYUBA.

OGGUN ARERE, OGGUN SUSULONA, OGGUN FINAMALU, ALA JERIOWO, OGGUN KOBUN
KOBUN, OGGUN SHIBIRIKI, OGGUN KUDAKUE, OKE ALAWADDE.

OCHOSI

OCHOSI ODEMATA, ONIBEBÉ AYUBA

OZUN

OZUN, GÁGÁLABUOSU, OZUN, OMODUBULE, OZUN ADÍOLE, OZUN EDIOMA ARICÚ

BABAAGUA.

OZUN, OLODDUMARE, DURANGANGA LAGBOSI, OLOFI DIDDE.

OBATALA

OBATALÁ, OBATAOISA, OBATALLANO, OBIRIGUALANO, CATIOQUE OCUNÍ ALLÉ

COFI-EDENU BABAMÍ ALLÁGUNA LELLIBO GÉCUA BABÁ ODUMILA ODU AREMÚ
OZABALLÍOLODU BABAMÍ AYUBA

OBBATALA, BIRILIWA, ALIWALANO, YAKUTO KABO, KABO OGBE, DEDERE LABORU,

DEDERE LAGBOSHISHE, TO BALORI MERIDILOGGUN, JEKUA BABA, JEKUA OBBATALA.

OLOKUN

IBA OLOKUN FE MI LO'RE. IBA OLOKUN OMO RE WA SE FUN OYIO.

OLOKUN NU NI O SI O KI E LU RE YE TORAY. BOMI TAAFI. BEMI TAAFI.
OLOKUN NI'KA LE. MOYUGBA. ASHE.

CHANGO

OLUECO AZASAIN, CHRÉ ADACHÉ COCONÓJÍCOCONÓJÍ

OMÓALADÚFÉTINICHEREBINU, OLÚOSÓ BOGUÓ, ALLALÚ COSÓ, AYUBA

KABO KABIOSI SHANGO, ELUEKO ASI OZAIN, LUBBE BARA LUBBE, OBBA KOSO KISIEKO,
AYA AYIKI, OBBA TILEMI, KABO KABIOSI SHANGO.

BELLIS

BELLI ORÓ ARARÁ AINÁ CAÍNDE IDEÚ, AYUBA

ORISAOCO

ORISAOCO, ICÚ, AFEFÉ, AROGODÓ, GAILOTIGUARO AYUBA

ARGAYU

AGALLUSOLÁQUINIBA, QUINIBASOGÚN, ALLARORO QUINIBACO EGÚEMINILLO ÉTALÁ

BOYUBADAGUA AYUBA

INLE

INLE, ABATA, ONSEMAOLÉ- GUENÍ, ALÁGANAO OREGUECÚM, AYUBACOICOTO,

AYUBA, ALLANO, AYUBA

OZAIN

OZAÍN AGUENILLÍ TIVÍ LAGUODÍN LLEÉRA SAQUERÉQUERÉMELLE MELLE IESECÁN,

MALLE ELESEOMO, ARUBO- GUANGUARALCOCO- IONA, BOGUÓ EGUÉ, AYUBA.

BABALU AYE

BABALUAYE ORIGIMEN AGUABITASÉ IBA ELENISE AGRONICA JECUA BABA

MI UBI BAGADO ORISCHA JECUA MI FIEDEMU

YEGUA

YEGUA OMASO OLOCACA UNTODA FUN OBBAGUAYO

OYA YANZA

OYÁ ALLEGUÉ, ALLILODÁA, OBINILLAGUÓ, OGUIDIMULE OBITICÓ OBINÍ

CHOCOTOCUENCUÉN TALÓCUERÍOYÁ, OYÁYUMUSE AYUBA

JEKUA JEY, YANZA BINI, OBBINI DODO, AKATAJERI JEY JEY, JEKUA OYA.
YEMAYA

ACHEREREREREEE YLLAMILATEO, YEMAYÁ AZAYABÍCOLOCUM IBÚ AGANÁ

DEDEGUATOLOCUM- OCOBÁLLIREO ARABAILÚLAOMÍ COFIEDENU ILLA MÍ
AYUBA

IYA MI LATEO, ALA BARUGBO OMI IYA MI, ABOYO OGDAN IYA MI, YETUM YETUM,
KUEKUEYE, ASARAYAGBI OLOKUM MI, PARIWO MI, SHOKOSHOKO MI, MOTUMBAO,
YEMAYA, FIEDDENO IYA MI, OMIO YEMAYA.

DADA

ABURO DADA, OMÚCULLALE, AYUBA BAÑANI

OSHUN

OCHÚN MORILLELLEO OBINÍOROABEBEOROOZÚN, UONI COLALEQUÉ

UONICOLALELLÍ ILLAMÍ, COLLÚ SOUM, LLEYÉ CARI GUAÑARI, OGALÉCUASE ODU IBÚ
AÑA, AYUBA

OSHUN MORIYEYEO, AGBE YIMORO, APANGANIDDE, EKIMALE ODDUM, AKILADDE OKE,

IGBU WAÑALE WAÑALE, ABURUKU MASO, OSHUN MORIYEYEO.

ORULA

ORULA ELERÍ IPÍN, IRÉ KEJI OLODUMARE

ONATUMO AGBEDEBEYO ALAPA SIYAN IWI ODUDUWA
ASHÉ ISHE MINÍ, ORULA SOMO
ORULA IBORU, ORULA IBOYÁ, ORULA IBOSHESHÉ

IROSO BATRUPON

IROSON TRUPON IROSON TUTO

ABAREMI KOYO WAN WADORO
IFA YOKAFAN YEMAYA OBADORO
AWO IRE BAYEMI SHANGO
AWO MARO ELEDE AFOFO
LOKUNYODE WAWA
YERE ABEBE LAGE IFA

ODDÍ MEYI

ODDÍ ASHAMA ARUMA KODIMA IKU,

KODIMA SHUKURU, KURU KIELE BITI,
BITI, KOGOBALE NI ABITÍ, ADIFAFUN AYE,
OMO ONÍ YEGAN, AKODDIE ALEBBO,
ADIFAFUN ESHU, OLOKUN, IROKO,
ARABBA, OGGUN, CHANGO, ORÍ.

OKUMAMBO

OKUMAMBO BOGBO ARAYE

SHANGO BOWO KUMAMBO ABO
KUMBAMBO BOROKO KUMAMBO
LAESE SEKENDA.

Nota: Todos los día 3 golpes en el suelo y luego pasándolo por la cabeza ir diciendo el
rezo.