Pangurus (Mat.
28:19) Nagakompisal Ako
Pangurus nga Ginagmay:
Tungod sa timaan sa Santa Krus (agtang)
Sa among mga kaaway (baba)
Bawion mo kami, Ginoong Dios namo (dughan)
Amahan Namo( Mat. 6:9-13)
Amahan Namo nga anaa sa mga langit,
Pagdayegon ang imong ngalan, umabot
kanamo ang
Imong gingharian, matuman ang imong
pagbuot, dinhi sa yuta maingon sa langit.
Ang kalan-on namo sa matag adlaw, ihatag
kanamo karong adlawa; pasayloa kami sa
among mga sala, ingon nga nagapasaylo kami
sa mga nakasala kanamo; ug dili mo kami
itugyan sa mga panulay, hinonoa luwasa kami
sa dautan. Amen.
Maghimaya ka Maria (Lk. 1:28 and 4;
Konselyo sa Efeso)
Maghimaya ka Maria, puno ka sa grasya, ang
Ginoo anaa kanimo, bulahan ka sa mga
babaye nga tanan ug bulahan ang bunga sa
tiyan mo nga si Jesus.
Santa Maria, inahan sa Dios, iampo mo kaming
mga makasasala, karon ug sa takna sa among
kamatayon. Amen.
Himaya sa Amahan
Himaya sa Amahan, ug sa Anak, ug sa Espiritu
Santo; maingon sa sinugdan, karon ug sa
gihapon, hangtod sa kahangturan. Amen.
Akto sa Paghinulsol
Ginoo kong Jesu-Cristo, nagabasul ako sa
akong mga sala nga tanan; Sa tibuok kong
kasingkasing kay nahigugma ako kanimo
labaw sa tanan. Busa nagasaad ako og malig-
on nga dili na makasala pag-usab. Likayan ko
na ang mga kahigayonan sa pagpakasala.
Amen.
Unsaon Pagkompisal
Bendisyoni ako, Padre, kay ako nakasala.
Sukad sa akong pagkompisal… n aka tuig
(bulan) karon pa ako ka balik ug pangumpisal.
Ang mga sala ko mao kini…
Mao ra kadto,Padre (Human sa pagsugid sa
sala, maminaw sa pari ug unya pangadye-on
ang Ako sa Paghinulsol (Ginoo kong Jesu-
Cristo).
Nagakompisal ako sa Dios nga makagagahom
sa tanan ug kaninyo, mga igsoon, nga
nakalapas ako ug dako uyamot sa hunahuna,
sa pulong, sa buhat ug sa wala pagbuhat sa
kinahanglan buhaton (tampokon ang dughan
sa makatulo) kay akong sala, akong sala,
akong dakong sala. Busa nangamuyo ako
kang Santa Maria kanunayng Ulay, sa tanang
mga Angel ug mga Santos, ug kaninyo mga
igsoon, aron inyo akong i-ampo, sa Ginoo nga
atong Dios. Amen.
Ang Credo sa Mga Apostoles (Mga Artikulo)
1. Nagatoo ako sa Dios nga Amahan, ang
makagagahom sa tanan. Magbubuhat sa langit
ug sa yuta.
2. Nagatoo ako kang Jesu-Cristo, ang iyang
bugtong Anak, atong Ginoo.
3. Gipanamkon siya sa lalang sa Espiritu Santo
ug natawo gikan ni Maria nga Ulay.
4. Nag-antus siya sa sugo ni Poncio Pilato,
gilansang sa krus, namatay ug gilubong.
5. Mikunsad siya sa empiyerno. Sa ikatulong
adlaw nabanhaw siya.
6. Misaka siya sa langit, ug nagalingkod sa tuo
sa Dios, ang Amahan nga makagagahom sa
tanan.
7. Mobalik siya aron paghukom sa mga buhi ug
sa mga minatay.
8. Nagatuo ako sa Espiritu Santo.
9. Sa Santos ug Katoliko mga Simbahan.
10. Sa panag-ambit sa mga Santos nga tanan.
11. Sa pasaylo sa mga sala,
12. Sa pagkabanhaw sa lawas ug sa
kinabuhang walay katapusan. Amen.