SANTACRUZAN

An Santacruzan sarong pagsasa-imahen kan paglalakbay ni Reyna Elena, ina kan

makapangyahirang Emperador na si Constantino, sa pag-anap kan Banal na Krus kan satong
Kagurangnang Jesucristo. Pirang taon na ang nakaagi, dinalaw si Constantino nin sarong panaginip na
kun sain sya tighahagadan ki tabang na magduman sa sarong digmaan tanganing makilaban sa ngaran
kan Banal na Krus. Siya nakipaglaban asin nadaog nya an saiyang mga kaiwal asin ang saiyang
kapangganahan an naging paagi tangani sya maging sarong Kristyano. Siya an naging enot na
Kristyanong Emperador sa kasaysayan.
Ang mga pangyaring ini an naging inspirasyon kan saiyang ina na si Reyna Elena na anapon ang
banal na Krus. Sa banal na lugar, an Jerusalem, nakua kan reyna an banal na krus asin napatunayan na
ini man nanggad totoo dahil sa mga himala na ginibo kaini asin ini ibinalik sa Roma.
Bilang pagselebrar kan tagumpay ni Reyna Elena sa saiyang misyon, sinda nagsasagibo nin sarong
prusisyon nagpapahiling kan paglakbay, paghanap asin pagkakua ni Reyna Elena kan Banal na Krus, iyo
inaapod ngunyan na SANTACRUZAN.
Kaiba sa prusisyon an mga minasunod:

MGA KARAKTER NA MINAREPRESENTAR KAN SATONG KRISTIYANONG PAGTUBOD:

A. AETAS – Saindang tigrerepresentar an tribong Aeta kan Pilipinas na may maiitom na kulay kan
balat.
B. CERIALES – nirerepresentar nin tulong lalaki; an duwa may darang kandiala asin ang saro, may
darang krus.
C. ANGELS – ini an mga aking babae na nakasulog nin puting bestida asin pakpak nganing maging
simbolo kan imahen nin mga anghel.

D. REYNA (Biblical Characters)

1. REYNA BANDERADA
Sarong babaeng nakasulog nin pulang bado asin may darang triangulong bandera. Siya
nagsisimbolo kan pag-abot kan Kristyanismo sa Pilipinas dara kan mga Espanyol.

2. REYNA SHEBA
Siya an reyna na nagbisita sa hadeng si Solomon asin namangha sa saiyang kadunongan,
kapangyarihan asin kayamanan. May dara siyang baul nin mga alahas.
 AN MGA BABAENG PIGRURUMDOM ASIN PINAGTATAWANG ONRA SA BAGONG TIPAN:

3. TRES MARIAS: Mary Magdalene

Siya may darang pahamot. Siya an babaeng naghugas kan bitis ni Hesus.
4. TRES MARIAS: Mary Cleofas
Si Maria na ina ni Jaime. May darang bote nin lana.
5. TRES MARIAS: Virgin Mary
Si Maria, an ina ni Hesus. May dara syang panyo na nagsisimbolo kan saiyang pagmundo.
6. SANTA PHOTINA
Siya an babaeng samaritana na nakipag olay kay Hesus. Minasirbi siyang pagirumdom na an
kaligtasan bako sanang para sa mga hudiyo kundi para sa gabos na tawo.
7. SANTA VERONICA
An babaeng naherak asin pinunasan an pandok ni Hesus kan telang kapot nya habang
pinapasan kan Kagurangnan an Saiyang krus pasiring sa Golgota. Kan ipinunas nya an tela,
milagrong naimprenta an pandok ni Hesus digdi. Siya ay may darang telang may imahen kan
pandok ni Hesucristo.
8. CLEOPATRA
Saiyang pigrerepresentar an bantog asin pamosong udiyan na aktibong paraon kan Egipto

E. MARIANS – sinda naman an walong aki na may sulog na halabang bestidang kulay puti asin may
darang mga letra an kada saro tanganing mabuo ang ngaran na “AVE MARIA”.

F. REYNA (MARIAN TITLES)

AN IBA IBANG TITULO ASIN PERSONIPIKASYON NI BIRHEN MARIA:

9. REYNA JUSTICIA
Siya an personipikasyon ni Maria bilang salming nin hustisya. Huli ta nasasalming saiya an
pagkaperpekto kan Kagurangnan, na saiyang aking si Hesus.

10. REYNA DEL SANTISIMO ROSARIO

Siya igwang darang sarong dakulang Rosario na nagsisimbolo kay Maria.

11. REYNA ABOGADA

Siya sarong pagsasatawo ni Maria, midbid bilang tagapagtanggol kan mga pobre,
nagagabatan asin mga inaapi. Itom an saiyan bado asin may dara syang dakulang libro.

12. REYNA DELA PAZ

Si inang Maria, nakikimaherak sato na ipikit ta an satong mga mata sa kinabanon na bagay
dangan an Diyos sana an hilngon nganing makamtan an katoninongan sa kinaban.

13. REYNA DE LOS SANTOS

Siya igwang darang simbolo kan korona kan mga santos asin santas.
14. REYNA DELAS FLORES
An pinagpala na si Maria tigkokoronahan nin magagayon na burak na syang nagtao saiya kan
ngarang Reyna dela Flores. Siya may darang burak na nagsisimbolo nin pagkababae.

15. ROSA MYSTICA

Sinisimbolo nya an katauhan ni Maria bilang pinakamagayon na nilalang kan Diyos na
inaapod na “Rosas na nagin tawo”, sya natatangi asin pinili para sa hardin kan Diyos. Siya
may darang sarong tumpos nin burak na rosas.

16. REYNA DEL CIELO

Siya an katauhan ni Maria na Reyna nin Langit huli sa aki nyang si Hesus, hade kan Israel asin
kan sanlibutan. Siya may darang sarong tungkos nin puting rosas.

17. REYNA DE LAS VIRGINES

An maliwanag na halimbawa ni Maria nagsisimbolo asin nagpupuri sa gabos na daraga sa
mundo. Siya may darang burak na lily.

18. REYNA DE LOS ANGELES

Siya may darang sarong tungkos nin puting burak asin may kaibang mga anghel sa kataed
nya.

19. REYNA DE LAS ESTRELLAS

Saiyang ipinapahiling na si Maria pinagpala sa gabos na babae asin igwa sanang natatanging
lugar kaiba kan mga bitoon. Sya may darang simbolo nin bitoon.

AN TULONG PERSONIPIKASYON NI HELENA

20. REYNA EMPERATRIZ

Sya sarong representasyon kan sarong katauhan ni Santa Helena na nagsisimbolo kan
titolong itinao sa saiya kan saiyang aki na si Constantino, an Augusta na boot sabihon
emperatriz o inang reyna.

21. REYNA HELENA

Saro man siyang representasyon kan katauhan ni Helena na nagsisimbulo kang saiyang
pagiging sarong reyna. Siya ang sinasabing nakahanap asin nagdara kan tunay na krus
pabalik sa Roma kaya igwa siyang darang sadit na krus na minasimbolo kaini.

22. SANTA HELENA

An odyan na miyembro kan prusisyon. Siya ang nagrerepresenta sa mismong Santa Helena
na nakahanap kan tunay na krus na sinisimbolo nin sarong crucifix na saiyang dara. Kaiba
nya an sarong aking lalaki na nagrerepresenta man sa saiyang aki na si Emperor Constantine.