Ing katutuan sasabian ku kekayu ; tumangis kayu at
lungkut , oneng tumula ya ing yatu , lungkut kayu , oneng miyaluan tula ing lungkut yu. Juan 16:20 (Bapu maria...)
1-2. Makanyan mu naman kekayu ; malungkut kayu
ngeni , oneng pakikitan da kayung pasibayu , at mikatmuan la king tula ding pusu , e na adayu ning ninu man ing tula yu. Juan 16:21 (Bapu maria...)
1-3. King kamamaranunan na nitang paminyag abak ,
minta la ding babai king kutkutan , darala na ing pabanglung sidia na. Luke 24:1 (Bapu maria...)
1-4. Kabud-abud minayun masikan. Tinipa ya ing
metung a anghel ning Ginu iba’t banua ; peparagus ne ing batung takap ning kutkutan at liklukan ne. Mateo 28:2 (Bapu maria...) 1-5. Migsalita ya ing anghel karing aduang babai. Ngana , “ E kayu tatakut. Balu ku king pamintuan ye i Jesus a pinaku ra king krus , ala ne keti ; sinubli neng mebie , antimu ing sinabi na , munta kayu at lawan ye ing lugal a pabilian da kang Jesus.” Mateo 28:5-6 (Bapu maria...)
1-6. Ala nayu keti ; sinubli neng mebie! Ganakan yu
itang sinabi na kekayu kanitang atyu ya pa Galilea. Luke 24:6 (Bapu maria...)
1-7. Ngeni , mamalagua kayung mako at sabian yu
karing alagad na king sinubli neng mebie at muna ya kekayu karin Galilea. Akit ye karin. Tandanan yu ing sinabi ku kekayu. Mateo 28:7 (Bapu maria...)
1-8. Inya memalagua lang meko king kutkutan. Miyabe
ing takut ampon ing tula da at pupulayi lang minta karing alagad. Mateo 28:8 (Bapu maria...) 1-9. Nganang Jesus , “ Aku ing pamaniublingmebie at ing bie. Ing maniwala kanaku , agyang mate ya , mie yang pasibayu ; Juan 11:25 (Bapu maria...)
1-10. At ing ninu mang mabibie at maniwala kanaku e
mate kapilan man. Juan 11:26 (Bapu maria...)
2-1. Kaybat na nita , tiki nalang Jesus king lual na ning
siudad. Karas da Betania , tinas na la ding gamat na at binendisyunan na la. Luke 24:50 (Bapu maria...)
2-2. Lepitan nalang Jesus at ngana karela , “ Miyabie
kanaku ing sablang kayupayan karin banua at keti king yatu.” Mateo 28:18 (Bapu maria...)
2-3. Anya munta kayu at gawan yulang alagad ku ding
sablang bansa. Mateo 28:19 (Bapu maria...) 2-4. Binyagan yula king lagyu ning Ibpa at ning Anak at ning Banal a Espiritu. Mateo 28:19 (Bapu maria...)
2-5. Ituru yulang tupad king sablang inutus ku kekayu.
Mateo 28:20 (Bapu maria...)
2-6. Miligtas ya ing ninumang maniwala at pabinyag.
Mark 16:16 (Bapu maria...)
2-7. Oneng miparusan ya ing ninu mang e maniwala.
Mark 16:16 (Bapu maria...)
2-8. Tandanan yu kayabe yuku kapilanman angga king
kawakasan na ning panaun. Mateo 28:20 (Bapu maria...)
2-9. Kaybat nang asabi iti , mitas ya banua kabang
makalawe la kang Jesus at pinpanan ne ning biga king panimanman da. Acts 1:9 (Bapu maria...) 2-10. Kaybat nang migsalita karela , mitas ya banua ing Ginung Jesus , at linukluk ya king banda nang wanan ning Dios. Mark 16:19 (Bapu maria...)
3-1. Inyang miras ing aldo ning Pentecoste , makatipun
la ding sablang talasalpantaya king metung a lugal. Acts 2:1 (Bapu maria...)
3-2. Kabud-abud mika alingongo a menibat king banua a
balamu biung na ning masikan a angin. Kitmuan ne ing bale nung nu la pakalukluk. Acts 2:2 (Bapu maria...)
3-3. Kaybat na nita , ikit da lang mikakalat ding bala mu
dakal a dilang api at mika atin ya kareti king tulid naning balang katau. Acts 2:3 (Bapu maria...) 3-4. Mikatmuan la ngan king Banal a Espiritu. Megumpisa lang magsalita karing miyayaliwang amanu , agpang king binie na karela ning Espiritu.
Acts 2:4 , 11 (Bapu maria...)
3-5. Ating Judio kanita karin Jerusalem ; talasamba la king dios at menibatan la karing miyayaliwang bansa na ning yatu. Acts 2:5 (Bapu maria...)
3-6. Kanita tinalakad ya i Pedro at ding labing metung a
apostol , at migsalita yang masikan karing tau Acts 2:14 (Bapu maria...)
3-7. Pekibat ng Pedrokarela , “ Sumisi kayu at
painggulut karing kekayung kasalanan , ing metung at metung kekayu , at pabinyag kayu king lagyu nang Jesu Cristo ba lang mipatawaran ding kekayung kasalanan at tanggapan ye ing Banal a Espiritu.” Acts 2:28 (Bapu maria....)
3-8. Meniwala la ring keraklan karing aral na , at
tinggap da ing sinabi na at pepabinyag la. Kanita mu ring aldong ita angga lang atlung libu katau ding miragdag king kabilangan da.
Acts 2:41 (Bapu maria...)
3-9.Ipadala me ing kekang Espiritu bang ibayu ing itsura ning yatu. Pentecost Alleluia (Bapu maria...)
3-10. Datang ka Espiritu Santo , katmuan mulang tula
reng maniwala keka , at pisanmetungan mula king api ning kekang lugud. Pentecost Alleluia (Bapu maria...) Ing kapat a misteryu ning ligaya, “ Ing pamiuli ra banua ding Anghel kang Birhen Maria kaladua at katawan”
4-1. Ing kakung pakamalan kaku sinabi na : “Tara sinta
ku , tuki na ka kaku. Songs 2:10 (Bapu maria...)
4-2. Linipas na ing panaun ning dimla , ing uran
tinuknang na. Song 2:11 (Bapu maria...)
4-3. Anti ka king patipati a salasalikut ka ring siwang da
ring batu.
Songs 2:14 (Bapu maria...)
4-4. Kanita mibuklat ya ing Templo ning Dios karin
banua at ikit ke ing Kaban ning Kasunduan na. Sinalisi ing kidlap , duldul , ing masikan a alingongo , ing ayun , at minuran dakal a yelu. Rev 11:19 (Bapu maria...) 4-5. Kanita linto ya king banua ing metung a makapagmulalang tanda : metung yang babaing makaimalan king aldo. Rev 12:1 (Bapu maria...)
4-6. Makatuklu babo ning bulan. At atin yang labing
aduang batuin ing koronang atyu king buntuk na. Rev 12:1 (Bapu maria...)
4-7. Ing prinsesa king palasyu manuknangan ala yang
kalupa king lagu na ; ing imalan nang susulud megawa king gintung sinulad. King malagu nang susulud a imalan makanyan deng king ari tairan.
Psalm 45:13-14 (Bapu maria...)
4-8. “Anak ko , miyabie keka ing bendisyun ning
Kakataskatasan a Dios. Binendisyunan na kang maygit karing sablang babai ning yatu. “ Judith 13:18 (Bapu maria...) 4-9. E malyaring makalingwan kapilan man karing tau ing kapanaligan mu king Dios neng gaganakan da ing upaya na ning Dios. Judith 13:19 (Bapu maria...)
4-10. Ika ing ligaya na ning Jerusalem , ing babaing
bayani ning Israel , ing pagmaragul da reng kabalen tamu! Judith 15:9 (Bapu maria...)
Ing kalimang misteryu ning ligaya,
“ Ing panga-korona na banwa ning Birhen Maria anting Reyna ning banwa at yatu”
5-1. Ninu iting daratang a balamu ing aldo a saslag neng
abak? Malagu yang anti ing bulan ampon ing aldo maslag.
Song 6:10 (Bapu maria...)
5-2. Mengari ya king aldo a saslag king Templo ning Kakataskatasan ; Mengari ya karing sampagang rosas king kapanaunan da ; Sir. 50:7-8 (Bapu maria...)
5-3. Anti ku king metung a Sampaga ning Sharon ,
metung a tanaman a liryu a tutubu king libis ning bunduk. Songs 2:1 (Bapu maria...)
5-4. Atyu karing asyas a biga ing kakung tronu. Lelang
na ku bayu pa megumpisa ing panaun , at manatili ku king kapilan pa man. Sir. 24:4 , 9 (Bapu maria...)
5-5. Lumapit ko kaku ikong magnasa kaku , at karing
bunga ku magpakabsi kayu.
Sir 24:19 (Bapu maria...)
5-6. Anti ing tanaman a ubas dakal ku suli , at malagu la.
Aganak yuku anti ing pulut a mayumu maygit king pulut-panilan. Sir 24:17 , 20 (Bapu maria...)
5-7.“Ngeni , kakung anak , makiramdam kayu kaku ,
daptan u ing sasabian ku at magtagumpe kayu. Makiramdam kayu at magpakabiasa at e kayu magpabaya.” Proverbs 8:32-33 (Bapu maria...)
5-8. Tumula ya ing taung kaku makiramdam , itang aldo-