ACRIC

Association for Cultural Revival of Indigenous Communities

Pulong para sa Proyekto ng Indigenous Community

Petsa: Pebrero 15, 2019 Oras: 9:00am – 11:00am

Lugar: Buenaventura Garcia Paredes O.P. (BGPOP) Building, 7th Floor, Room 7A,
Unibersidad ng Santo Tomas
Paksa/Layunin: Preparasyon sa Panukalang Proyektong Ipatutupad Para sa Komunidad
na Tutulungan
Mga Dadalo:
1. Aaron Rafael C. Austria (Board of Directors, ACRIC)
2. Ghea Ashley Balagtas (Chief Legal Officer, ACRIC)
3. Ryle T. Ibañez (Program Director, ACRIC)
4. Hans Gabriel K.Irigon (Board of Directors, ACRIC))
5.Joey Bryan A. Pintor (Chief Executive Officer, ACRIC)
6. Kier A. Salem (Secretary, ACRIC)
7. Benn Angelo P. Sarmiento (Chief Financial Officer, ACRIC)

Mga Paksa o Agenda Taong Tatalakay Oras

1. Isang Komunidad ng mga Katutubo na Nais G. Austria 20 minuto
Tulungan

2. Tiyak na Suliranin na Lulutasin Bb. Ogerio 15 minuto

3. Paghahanda ng Proyektong Makatutulong sa G. Pintor 25 minuto

Komunidad
4. Balangkas ng Panukala G. Sarmiento 50 minuto

5. Pangalan ng Proyekto G. Ibañez 10 minuto

 ACRIC
Association for Cultural Revival of Indigenous Communities

Pulong para sa Proyekto ng Indigenous Community

Pebrero 15, 2019, 9:00am – 11:00am
Buenaventura Garcia Paredes O.P. (BGPOP) Building, 7th Floor, Room 7A,
Unibersidad ng Santo Tomas

AGENDA:
1. Isang Komunidad ng mga Katutubo na Nais Tulungan
2. Tiyak na Suliranin na Lulutasin
3. Paghahanda ng Proyektong Makatutulong sa Komunidad
4. Balangkas ng Panukala
5. Pangalan ng Proyekto

NAKADALO:
1. G. Aaron Rafael C. Austria
2. Bb. Ghea Ashley Balagtas
3. G. Ryle T. Ibañez
4. G. Hans Gabriel K. Irigon
5. Bb. Bless Aubrey D. Ogerio
6. G. Joey Bryan A. Pintor
7. G. Kier A. Salem
8. G. Benn Angelo P. Sarmiento

ACTION ITEMS:
1. Nagsimula ang pulong sa ganap na 9:01 ng umaga.
2. Sa pagsisimula ng pulong, kinumpirma ng sekretarya ang mga dumalo sa
pagpupulong.
3. Nauna nang tinalakay ni G. Austria ang pagpili ng isang komunidad ng mga
katutubo na nais tulungan ng organisasyon.
4. Nagkaroon ng iba’t ibang mungkahi ang pangkat ukol dito. Wika ni G. Salem,
maaaring ang mga Lumad ang kanilang tulungan. Sumang-ayon dito si G. Pintor
at Bb. Balagtas sa kadahilanang napapanahon ang samu’t saring isyu patungkol
sa mga Lumad.
5. Tumutol dito si G. Sarmiento sapagkat may isang pangkat nang nakapili ng
komunidad na iyon. Dahil dito, iminungkahi niya na tulungan na lamang ang mga
Badjao. Sumang-ayon dito sina G. Austria, G. Ibañez at G. Salem, ngunit
kinuwestiyon nina G. Irigon at G. Pintor ang patungkol sa suliranin ng komunidad
na kanilang lulutasin.
6. Dahil sa kakulangan ng kaalaman ukol sa isyu ng mga Badjao, nagbigay ng
mungkahi si Bb. Ogerio ukol sa isyu ng mga Ifugao sa Benguet, Baguio.
Nagbigay muna ng mga tanong sina G. Irigon, at G. Pintor patungkol sa suliranin
ng komunidad na maaari nilang lutasin. Pinag-isipan nila ito nang mabuti
hanggang sa napagkasunduan din ng buong organisasyon na ito na ang
kanilang pinal na Indigenous Group na tutulungan.
7. Sa ikalawang bahagi ng pulong, nagwika si Bb. Ogerio ng ilang mga suliranin ng
komunidad na maaaring lutasin ng organisasyon. Ilan dito ay ang isyu ng mga
Ifugao hinggil sa hindi paggalang ng iba sa kanilang kultura sa pamamagitan ng
pagtingin sa kanila bilang mga “palamuti” lamang. Nagbigay pa siya ng isang
halimbawa patungkol sa mga bulul (Rice God) na nililok na anyong tao na may
kaugnayan sa kanilang anito o Diyos na sinasamba ng mga Ifugao, na ginagawa
lamang ng iba bilang pagkakakitaan ng pera at palamuti sa mga bahay. Sinang-
ayunan naman nina G. Irigon, G. Ibañez at G. Salem ang mungkahi ni Bb.
Ogerio.
8. Nagsimula mag-isip ng iba’t ibang solusyon ang pangkat ukol sa paghahanda ng
proyektong makatutulong sa komunidad ng Igorot sa pamumuno ni G. Pintor .
Wika ni G. Sarmiento na may badyet ang DSWD na ₱400,000 hanggang
₱600,000 na maaaring ibahagi para sa proyekto kung iyon ay maaaprubahan.
Tugon ni G. Salem na maaaring magsagawa ng seminars upang ipagbigay-alam
sa taong bayan ang kalagayan ng mga Ifugao, at mabigyan sila ng mga trabaho.
Tutol rito si G. Pintor sa kadahilanang lalayo na ang proyektong minungkahi ni G.
Salem sa paksa ng kultura. Tugon naman ni G. Sarmiento na maaari namang
informercial na ipapalabas sa mga social media sites sa buong bansa ang
magiging proyekto ng organisasyon. Sumang-ayon rito sina G. Irigon, G. Austria,
G. Pintor, Bb. Balagtas at G. Salem sapagkat makatutulong iyon sa pagbibigay
kaalaman at kamalayan sa mga Pilipino. Nais ni Bb. Balagtas na magsagawa ng
fundraiser kung saan ang nalikom na pera ay mapupunta sa pagtulong sa mga
Ifugao. Sabi ni G. Pintor na hindi pera ang kailangan ng mga Ifugao, kundi ang
pagiging malay ng mga tao tungkol sa ginagawa ng iba sa kanilang kultura.
9. Nanguna ni G. Sarmiento sa pagpaplano ng proseso ng kanilang proyekto.
Dagdag niya, upang mas maging mabisa ang kanilang proyekto,
nangangailangang maglagay ng makatotohanang sitwasyon mula sa mga Ifugao.
Sinang-ayunan naman ito nina G. Salem, G. Irigon G. Austria sapagkat
maipapakita ng kanilang proyekto ang kalagayan ng mga Ifugao hinggil sa isyu
sa kanilang kultura. Pinagpatuloy naman ito ni G. Austria sa pamamagitan ng
paglalagay din ng mga animasyon upang maipakita ang posibleng hinaharap ng
mga Ifugao. At sa huling bahagi ng kanilang infomercial, isang nakakamulat na
mensahe ang ipapakita na maaaring makapagpabago sa buhay ng mga Ifugao.
Sinang-ayunan naman ng pangkat ang mungkahi ni G. Austria.
 10. Upang mailagay ang mga nasabing gawain sa aksyon, minungkahi naman ni G.
Irigon na nangangailangang makuhaan ng bidyo ang mga Ifugao upang makuha
ang kanilang kasalukuyang kalagayan sa Benguet. Sa paraang ito, mas
maaantig ang mga manonood sa kanilang makikita. Upang magkaroon ng
mataas na kalidad na bidyo, minungkahi naman ni G. Ibañez na kumuha ng mga
mahuhusay na video editor. Para naman sa iba’t ibang animasyon na mas
makakapagpabuti sa kalidad ng infomercial, ani ni Bb. Balagtas na
nangangailangan iyon ng kagamitan tulad ng mga kompyuter at laptop. Sinang-
ayunan naman ng pangkat ang parehong mungkahi ngunit nagbitiw ng
katanungan si Bb. Ogerio kung paano maikakalat sa buong bansa ang kanilang
proyekto. Tumugon naman si G. Pintor na magkakaroon ng ugnayan at
pagpupulong sa pagitan ng organisasyon at ng iba’t ibang social media sites.
11. Matapos mapagdesisyunan ang balangkas ng proyekto, sunod na pinag-usapan
ng pangkat ang pangalan nito. Iminungkahi ni G. Sarmiento na maging “ISA
(Ifugao sa Alanganin)” ang pangalan ng kanilang proyekto. Sinabi naman ni G.
Irigon na mas mainam kung kumpleto ang pangalan, upang madaling makita ang
layunin ng pangkat sa pangalan nito. Wika naman ni G. Ibañez na maging
“MAGKAISA (Maiahon at Galangin ang Kultura at Aksyon ng Ifugao sa
Alanganin)” ang pangalan ng proyekto. Sumang-ayon naman dito ang buong
pangkat.
12. Sa pagtatapos ng pulong, napagkasunduan ng organisasyon na maging
tagapagtaguyod ng komunidad ng mga Ifugao sa pamamagitan ng pagbatid sa
iba’t ibang indibidwal patungkol sa paggalang sa kanilang kultura at mga
sagradong gawain.
13. Natapos ang pagpupulong sa ganap na 10:54 ng umaga.

ISKEDYUL NG SUSUNOD NA PULONG:

Iminungkahi ni G. Austria na magkaroon ng pulong sa Pebrero 23, 2019 na
siyang sinang-ayunan naman ng buong pangkat.

INIHANDA NI:

G. KIER A. SALEM
Secretary, ACRIC

BINIGYANG PANSIN NINA:

G. AARON RAFAEL C. AUSTRIA
Board of Directors, ACRIC

Bb. GHEA ASHLEY BALAGTAS

Chief Legal Officer, ACRIC

G. RYLE T. IBAÑEZ
Program Director, ACRIC

G. HANS GABRIEL K. IRIGON

Board of Directors, ACRIC

Bb. BLESS AUBREY D. OGERIO

Production Manager, ACRIC

G. JOEY BRYAN A. PINTOR

Chief Executive Officer, ACRIC

G. BENN ANGELO P. SARMIENTO

Chief Financial Officer, ACRIC
 ACRIC
Association for Cultural Revival of Indigenous Communities

2 Marso 2019

Reynele Bren G. Zafra, PhD

Kalihim
Kagawaran ng Kagalingan at Pagpapaunlad Panlipunan
Maynila

Mahal na Kalihim,

Kapayapaan!

Ang Association for Cultural Revival of Indigenous Communities (ACRIC) ay

isang organisasyon na nais tumulong sa iba’t ibang indigenous communities sa mga
suliraning hinaharap nila. Ilan na sa mga nagawang proyekto ng ACRIC ay ang
fundraising activity para sa mga T’Boli, outreach programs para sa mga Maranao,
sustainable livelihood programs para sa mga Igorot, pangunguna sa pagtaguyod ng
mga bakwit schools para sa mga Lumad, agricultural trainings para sa mga Badjao at
iba pang mga programa, bilang tugon sa mga pangangailangan ng iba't ibang mga
indigenous communities.

Kaugnay ng suliranin na siyang napansin ng organisasyon sa komunidad ng mga

Ifugao, kami’y magsasagawa ng pagkuha ng bidyo sa kanilang komunidad upang
makagawa ng isang infomercial na siyang ipalalabas sa buong Pilipinas, na magbibigay
ng kamalayan sa mga Pilipino hinggil sa konsepto ng kanilang kultura.

Kaugnay nito, kami ay lumiham upang magsumite ng isang panukalang proyekto

para sa komunidad ng mga Ifugao. Ito ay bilang tugon sa inyong panawagan na
tulungan ang mga indigeous communities sa Pilipinas. Kalakip nito ang mga detalye ng
panukalang proyekto ng organisasyon para sa inyong pagpapatibay.

Ang ACRIC ay nagbibigay ng paunang pasalamat para sa inyong pagtugon

Sumasainyo,

Bb. GHEA ASHLEY BALAGTAS

Chief Legal Officer, ACRIC
 MAGKAISA
(Maiahon at Galangin ang Kultura at Adhikain ng Ifugao sa Alangin)

Proponent ng Proyekto
ACRIC (Association for Cultural Revival of Indigenous Communities)
Address: 1057 Sta. Rita St., Malinta, Valenzuela City, Metro Manila.
E-mail: acric2009@acric.org.ph
Telepono: (02) 562-5026

Kategorya ng Proyekto
Infomercial (Informational Commercial)

Petsa at Lugar
Ang panukalang proyektong ito ay tatagal ng apat na linggo. Ito ay magsisimula sa
ikaunang araw ng Mayo at inaasahang matatapos sa ika dalawangpu’t siyam ng Mayo
sa taong 2019. Ang proyektong ito ay itataguyod sa mga kabundukan ng Benguet,
Baguio.

Rasyonal:
Ang mga Ifugao ay isang indigenous group sa Pilipinas, partikular na sa
Benguet, Baguio, na may mayamang kultura. Sa usaping panrelihiyon, sila ay
sumasamba sa iba’t ibang diyos at isa na rito ang tinatawag nilang bulul, ang Diyos ng
kasaganahan. Sa kabila nito, ang bulul ay ginagamit ng ibang tao bilang dekorasyon o
palamuti lamang sa mga kabahayan at bilang pagkakakitaan ng pera, na lubhang
nagpapakita ng kakulangan sa paggalang para sa mga Ifugao. Dahil dito, kailangang
mabigyan ng kaalaman ang mga Pilipino tungkol sa pangyayaring ito upang mabigyan
natin ng paggalang ang kanilang kultura. Mabibigyan ng kaalaman ang mga Pilipino sa
pamamagitan ng pagpapalaganap ng proyektong ito sa buong bansa. Ang proyektong
ito ay dadaan sa mahabang proseso upang ito’y maging matagumpay. Ang
organisasyon ay kukuha ng production team na mamumuno sa pagkuha ng mga bidyo
ukol sa kalagayan ng mga Ifugao. Ang mga makukuhang bidyo ang siyang ipapakita sa
unang bahagi ng infomercial. Sa ikalawang bahagi, ipapakita ang iba’t ibang animasyon
ng mayamang kultura ng mga Ifugao. Sa huling bahagi naman, maglalaman ito ng
makabuluhang pahayag na may layuning itatak sa puso’t isipan ng mga Pilipino ang
mensahe. Upang makita ng buong Pilipinas ang infomercial, ang organisasyon ay
makikipag-ugnayan sa iba’t ibang social media sites upang ipalabas ito sa kanilang
websites.

Ayon kay Rosalita Manlangit ng PIA-NCCA (Luzon Cultural Promotions), "Dapat

nating tiyakin ang malawakan na pamamahagi ng kultura at mga pamana, sa paggamit
ng mga malikhain at kultural na mga produkto at sa pagpapanatili ng tradisyonal na
kultura at iba't ibang malikhaing pagpapahayag bilang isang dinamikong bahagi ng
pambansang kultura.”

Ayon naman kay Chief Administrator, Rolando R. Cea ng The National

Commission on Indigenous Peoples (NCIP), "Kailangan natin ipaalam sa ating mga
kapatid na katutubo na may pakialam tayo at nandiyan tayo para sa kanila. Mahalaga
rin na panatilihin natin ang tamang asal, kultura, mga pamana at sining para sa
kapakinabangan ng ating bayan at sa mga susunod na henerasyon.”

Layunin ng Proyekto
1. Magbigay kaalaman tungkol sa kalagayan ng kultura ng mga Ifugao at sa
kakulangan sa paggalang dito
2. Pahalagahan ng mga tao ang kultura ng mga Ifugao
3. Mapangalagaan at mapanatili ang kultura ng mga Ifugao

Kahalagahan ng Proyekto
Bilang mga kapwa tao, mahalaga sa mga Ifugao na mapag-ingatan ang kanilang
kultura lalo na ang kanilang mga sagradong pinaniniwalaan. Layunin ng proyektong ito
na imulat ang mga Pilipino ukol sa kahalagahan ng kasagraduhan ng kanilang kultura at
sa kanilang bulul na maaaring magresolba sa isyu hinggil sa hindi paggalang dito. Sa
kamalayan na maibabahagi ng proyektong ito, mapagtatanto ng mga Pilipino na hindi
nararapat na gawing hanapbuhay o basta palamuti lamang ang kultura ng mga Ifugao.
Bagkus, ito ay dapat iginagalang sapagkat ito ay bahagi ng kanilang iniingatan na
kasaysayan pati na rin ng kanilang mayamang kultura.

Balangkas ng Panukala (Project Plan)

Unang linggo Ang ACRIC ay magkakaroon ng
pagpupulong patungkol sa paggawa ng
infomercial. Ang bawat kasapi ay mag-
iisip ng mga makabuluhang konsepto na
maaaring gamitin para sa nasabing
panukala. Napag-desisyunan din ng
ACRIC na ang mga kasapi nito ang
mangunguna sa nasabing infomercial.
Pagkatapos makapag-desisyon ukol sa
konseptong nais gamitin, ilalaan din ang
panahong ito para sa konseptwalisasyon
ng infomercial. Ang ACRIC ay
maghahanap ng gayak na lugar kung
saan maaaring gawin ang shooting ng
nasabing infomercial.
 Ikalawang linggo Ang pagsasagawa ng aktwal na
infomercial ay sisimulan na. Ang
production team ay maghahanda din ng
mga pagkain para sa mga gaganap sa
nasabing infomercial.

Ikatlong linggo Pagkatapos kuhaan ng bidyo ang mga

napiling lugar at mga gumanap, sisimulan
na ang pag-edit ng mga ito na siyang
pagtutulungan ng lahat ng mga miyembro
na inatasan dito. Dito rin gagawin ang
mga animasyon na kakailanganin para sa
ikalawang bahagi ng bidyo.

Ikaapat na linggo Upang maisakatuparan na maibahagi

ang nasabing infomercial, ipapalabas ito
bilang isang advertisment sa Youtube at
iba't ibang social media sites gaya ng
Facebook, Instagram at Twitter.

Kagamitan ng Proyekto
● Camera
● Tripod
● Extra Memory Cards
● Computer / Laptop

Gastusin ng Proyekto
Ang organisasyon ay may nakalaang badyet na ₱400,000 hanggang ₱600,000
para sa proyektong infomercial.

Gastusin Presyo ng Gastusin

Production Team ₱200,000.00

Pagpapalabas sa mga social media ₱300,000.00

sites

Pagkain ₱40,000.00

Pamasahe ₱10,000.00

Bayad sa mga gaganap ₱50,000.00

PINAGTIBAY NINA:

G. KIER A. SALEM
Secretary, ACRIC

G. AARON RAFAEL C. AUSTRIA

Board of Directors, ACRIC

Bb. GHEA ASHLEY BALAGTAS

Chief Legal Officer, ACRIC

G. RYLE T. IBAÑEZ
Program Director, ACRIC

G. HANS GABRIEL K. IRIGON

Board of Directors, ACRIC

Bb. BLESS AUBREY D. OGERIO

Production Manager, ACRIC

G. JOEY BRYAN A. PINTOR

Chief Executive Officer, ACRIC

G. BENN ANGELO P. SARMIENTO

Chief Financial Officer, ACRIC