4th November, 2010

Synfocity=317 www.mizoramsynod.org
 Khawvel Sunday School Ni
November 7 (Pathianni) hi Khawvel Sunday School Ni a ni a. Khawvel Sunday School Ni hi Dr. George W. Bailey,
Tabernacle Presbyterian Church, Philadelphia Kohhran Upa rawt chhuah a ni a. Kum 1907-a World’s Sunday School
Association Convention Rome-a neih tumah leh kum 1910-a Washington-a Convention neih tuma an sawihona
bawhzuiin Kum 1910 May 22 atang khan Khawvel Sunday School Ni hi hman tan a ni. Khawvel Sunday School Ni
hmasa ber programme hi tawng chi hrang hrang za chuanga lehlin a niin copy maktaduai tam tak Khawvel ram hrang
hrangah thawn darh a ni. Mizoramah chuan Khawvel Sunday School Ni hi kum 1944 atang khan serh tan a ni a. Kum
1949 atangin Khawvel Sunday School Ni chu Thupui neiin November Pathianni hmasa berah hman thin a ni ta a ni.
Mizoram Presbyterian Kohhran chuan hetiang hian thupui an zirho ang.
 Puitling - Pathian Thu Zir Hlawkna leh Tangkaina by Upa Prof. Lalthantluanga
 Naupang - Korea rama Kristiante Tihduhdahna by Upa Zonunmawia
 Synod 2010 chhim turte
Korea Mission Association India (KMAI) chuan Mizoram Synod tlawh an duh thu leh Synod Inkhawmpui 2010 a lo tel an
duh thu an rawn thlen a, mi 4 lai rawn intirh an tum a ni. Christian Reform Church in North America (CRCNA)-a Director
of Canadian Ministry hnen atangin Synod 2010 hmang tura lo kal a duh thu dawn a ni bawk.
 Zin
 Rev. Lalhmangaiha, Finance Officer chu October 11 - 14 chhung khan Church of Christ in Thailand (CCT) General
Assembly, Bangkok-ah a tel. October 8 khan Aizawl chhuahsanin October 16 khan a lo kir leh a ni.
 Pu Saidinga Sailo, Supervisor of Schools chuan November 6 - 9 chhung hian Cachar Tlangram Nozatilla-a School
hmun enfiah turin a kal ang.
 Synod Office Building thar hawn
Synod Office Building thar sak mek chu peih thawkhat a ni ta a, November 11 (Ningani) chawhnu dar 2:00-ah Synod
Moderator Rev. C. Chawnglianan a hawng ang.
 Kristian Thalai Pawl
 Kum 2010 KTP General Conference rorela thu lut ‘Krismas leh kumthar vuakvet hi thianghlim zawka thalaiten kan
hman theih nan CKTP atangin ram pum huapa inzirtir ni rawh se’ tih leh ‘Ram pum huapin Krismas hman dan inzirtirna
neih ni rawh se’ tih chu Central KTP Committee chuan bawhzuiin hemi puala hmalakna pakhat atan November 5
(Zirtawpni) zan hian Krismas Carol Service, Chaltlang Kohhran Centenary Hall-ah Central KTP chuan an buatsaih dawn
a ni. Carol Service-ah hian zaithiam lar tak tak mi 23 leh Synod Choir-ten hun an hmang ang a, Upa Lalrinmuana, CKTP
Genreral Secretary hnen atangin Pathian Thuchah ngaihthlak a ni ang. Zaithiam thenkhatten Krismas leh kumthar
vuakveta hun an hman tum dan leh thalaite infuih tharna leh sawmna hun an hmang bawk ang.
Programme hi Video Live Recording neih tur a ni a, hei hi ram pumah Cable TV hotute ngenin tih chhuah leh tum a ni a,
mimal lei duh tan pawh buatsaih tum a ni.
Central KTP chuan Krismas leh kumthar vuakvetah thalaiten thianghlim zawka hun an hman theih nan Kohhran chhung
tinte hnenah Ngenna Thuziak an sem mek a, la lam ve lo Bialten Synod Office-ah a rang lama ngaihven tur a ni.
December 6 (Thawhtanni) zan Branch Inkhawma Thuziak zirtur an thawnchhuak tawh a, December 14 & 16 zan hian
Biak In thleng phalo te leh khawlaia hun hmang thinten Pathian thuchah leh Pathian fakna hla an lo ngaihthlak theih
nan hmun hnihah Open Air Concert buatsaih an tum bawk.
 November 8 (Thawhtanni) zan hian ITI Veng Bial huapin ITI Veng GSA Field-ah Member Hlate Hnuhhnaih
programme hman a ni dawn a, Synod Choir-te an zai ang a, November 11 (Ningani) hian Synod Office Building thar
hawnnaah an zai leh bawk ang.
 Music
November 4 & 5 hian Hnahthial Kohhranah Khuangvuak Seminar neih mek a ni a, seminar neihpui tur hian
Pu Lalromawia, Music Instructor leh Upa Thanghuta, Dam veng te an kal.
 Susamachar Prasaran Programme
November 7 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable atangin
hetiang hian tihchhuah a ni ang : Group/Choir - Masihi Sangati - Dawrpui Kohhran - ‘Jana He Kya’, Sermon - D.P.
Chhingvunga - ‘Agape/Prem’, Group/Choir - Masihi Sangati - Mission Vengthlang Kohhran - ‘Mere Guma Hon Ko’,
Group/Choir - Masihi Sangati - Phunchawng Kohhran, Stuti Geet - "Mukti Dilaye Yeshu Naam".
 Kohhran Golden Jubilee

Synfocity=317 1
 November 5 (Zirtawpni) hian Chhinga Veng Presbyterian Kohhran chuan an Kohhran Golden Jubilee lawm nan Jubilee
Ruai, Kohhran chhungah leh Presbyterian Hospital, Durtlanga damlote tan an buatsaih ang. Jubilee lawmna hi
September 28 atang khan tan tawh a ni a, programme hrang hrang Pathian Biak Inkhawm leh Biak In pawn lamah te
siam a ni a. Jubilee Revival Camping te, Presbyterian Hospital puala thisen pek te, Jubilee Free Clinic te, Inneih that
runpui te leh Jubilee Exhibition te buatsaih chhoh mek zel a ni. Jubilee lawmna programme hian November 7
(Pathianni) thleng a awh ang.
 ATC News
Rev. Lalrosiama leh Rev. Lalchungnunga, Lecturer Aizawl Theological College-te chu November thla atangin Asst.
Professor-a hlan kai an ni.
 Synod Mission Board
Karbi Anglong Field, Koilamati-a Mission School chu High School-a upgrade SMB-in a phalsak a, Januanry 2011
atangin tan tur a ni. Tin, Hamren-a Mission School-ah pawh Class X hawn remtih a ni.

 DTI tanpui
Discipleship Training Institute (DTI) ten sum lama an indaihlohna phuhruk nan Synod-ah tanpuina an dil angin
Rs. 50,000/- pek tura tih a ni a, Partnership Committee-ten an lo bawhzui ang.
 Hna hmu thar
Synod Infromation & Publicity Department hnuaia thawk turin heng ahnuaia mite hi lak thar an ni a, November 15
(Thawhtanni) hmain an hna hi zawm tura tih an ni :
1) Recording Assistant
Vanlalhruaia Chinzah s/o J.N. Thangkima, Mission Veng
2) Editing Assistant
Lalruatsaka s/o R.D. Johana, Bethlehem
3) Cameraman
Peter Lalanpuia s/o Khalhliana Ralte,
Mission Vengthlang

Kum khat (October 2011 thleng) chhunga Waiting list turin heng mite hi dah an ni -
1) Recording Assistant - H.Laltanpuia, Saron veng
2) Editing Assistant - P.C.Lalnuntluanga, Chanmari West
3) Cameraman - David Lalruattluanga,Mission Vengthlang
 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
 November 5 (Zirtawpni) Zan - Chhinga Veng Kohhran (Golden Jubilee programme)
 November 6 (Inrinni) Zan - Tuikhuahtlang Kohhran
 November 7 (Pathianni) Zan - Mission Veng Kohhran

HRIATTIRNA
Synod Multipurpose Training Centre, Mission Vengthlang, Aizawl-ah a hnuaia Trade-ah te hian Training hawn a ni leh dawn a, a
hnuaia hming ziak hnenah hian Kohhran Lehkha thil telin dilna thehluh theih a ni e :
1. Tailoring (MIpa) - Seat 20
2. Tailoring (hmeichhia) - Seat 40
3. Shoe-making (Mipa) - Seat 5
 Zir hun chhung : January 17 - December 15, 2011
 Dil theih hun chhung : December 14, 2010
 Interview neih hun : December 16, 2010; 10:00 a.m.
 Interview neihna hmun : Synod Multipurpose Training Centre, Mission Vengthlang
 Zir tura lakte chu Stipen Rs. 300/- thla tin pek an ni ang.

Rev. F. Lalrinnunga,
Programme Director,
Synod Multipurpose Training Centre
ADVERTISEMENT
Synod Mission Board chuan kum 2011 chhunga thawk turin Contract Missionary. category hrang hrang (Evangelist, Evangelist
Teacher, Staff Nurse, Health Worker, Puanthui Zirtirtu) a la thar leh dawn a, dil duh chuan a hnuaia tarlan ang hian dil theih a ni :
1. Dilna chu plain paper-ah Secretary, Synod Mission Board, Synod Office address-a ziakin, November 25, 2010 (Ningani) tlai dar
4:00 thlengin Synod Mission Board Office-ah theh luh tur a ni a; hun tiam hnu lama dilna thehluh chu pawm a ni lovang.
2. Dilnaah chuan mahni bio-data chiang taka ziak tur a ni a; mahni lawina Kohhran lehkha leh thiamna tilang thei document
(marksheet, certificate etc.) kim takin thil tel bawk tur a ni. Heng hi thil tel a nih loh chuan dilna chu pawm a ni lo vang.
3. November 29, 2010 (Thawhtanni) dar 10:30 a.m. - ah Synod Office-ah personal interview neih tur a ni.
Synfocity=317 2
4. Diltu chu kum 18 - 35 inkar a ni tur a ni.

Secretary,
Synod Mission Board
Synod Office, Aizawl
Contact no. 0389 2325899

MSSU Hriattirna
Kumin 2011 Naupang Sunday School Zirlaibu Syllabus peih fel a ni a, Bial leh Kohhran hman tur MSSU Department-ah lam theih a ni.
Rev. Zosangliana Colney,
Executive Secretary

………………………………………………….............................................................................................................................

4th November, 2010

Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=317 3