11th November, 2010

Synfocity=318 www.mizoramsynod.org
 Synod Moderator-in Jail tlawh
Synod Moderator Rev. C. Chawngliana chuan November 7 (Pathianni) chawhnu khan Central Jail, Tanhril a tlawh.
Central Jail Chapel-ah Pathian biak Inkhawm neih a ni a, inkhawm hi Tanhril Bialtu Pastor, Rev. R. Lalhmingthangan a
kaihruai a. Moderator Rev. C. Chawngliana hian He hmunah hian Lalpa chu a awm tih thupui hmangin Pathian
thuchah a sawi a, “Tân in chhunga kan awm hian chhantu, tanpuitu kan mamawhin ka ring a, harsatna kan chunga lo
thleng thin hian kan rilru a tibuai hle thinin ka ring. Thinlung damna, thlarau damna, nun hahchawlhna tak tak chu
mihringah ni lovin, Chhandamtu Lal Isua-ah chauh hian hmuh tur a awm a ni”, tiin Jail tângte chu a chah a. Synod
Moderator hian Central Jail-a tangten Krismas leh Kum thar Ruai an thehna tur Synod Relief Fund atangin Rs. 10,000/-
(Singkhat) a hlan nghal a. Moderator hi Mizoram Synod Choir ten tawiawmin zaia rawngbawlna an nei bawk a ni.
Central Jail Kohhran Chairman Report danin Central Jail-ah hian Nilai zan apiangin Sermon inkhawm an nei thin a,
Zirtawp zanah sharing leh tawngtairualna hun an hmang thin bawk. Pawn lam mi ten an Kohhranah thahnemngai taka
rawngbawlna an nei thrin chu lawmawm a tih thu a sawi a. Kohhran hoten englai pawha tawngtainaah theihnghilh lova
an tana dil sak reng turin a chah bawk a ni.
 Synod Executive Committee Vawi 230-na
Synod Executive Committee vawi 230-na, ni 3 chhung awh tur chu November 9 atang khan Pi Zaii Hall, Synod
Conference Centre-ah an thukhawm tan a, kum thar (2010)-a SEC thutkhawm tum thumna a ni.
SEC Meeting hi Synod Moderator Rev. C. Chawnglianan kaihruaiin hunserh a hmang a, hming lamna neih zawhah
Synod Secretary report ngaihthlak a ni a. Synod Secretary Upa Vanlalhuma chuan Synod Department hrang hrang
rawngbawlna chanchin report a pe a, Synod Office building thar, kum 2007 atanga sak tan chu peih thawkhat a ni tawh
a, November 11 (Ningani), chawhnu dar 2:00-a hawn tura ruahman a nih thu leh Synod Office sak nana senso tawh
zawng zawng chu Rs. 5,22,80,518/- a nih thu te, SEC thutkhawm vawi 229-na leh SE C 230-na inkarah Inneih thiatna
(Marriage Revocation Certificates mi 150 hnenah pek chhuah a ni a, Nupui/pasal neih leh phalna
(Re-marriage Licence) mi 185 hnenah pek chhuah a nih thu report a pe bawk. Rev. Zosangliana Colney, Finance
Officer-in Finance Report pein April 2010 atanga October 2010 chhunga Synod sum dinhmun hetiang a ni:-
 Pastoral-ah Rs. 18,70,27,433
 Budget la phak lohna : Rs. 10,45,96,567
 Mission-ah Rs. 14,83,14,779
 Budget la phak lohna : Rs. 15,39,58,921
 Sum hmuh zawng zawng: Rs. 33,53,42,212 a ni a
 Budget pumpui la phak lohna: Rs. 25,85,55,488 a ni.
Tun tum SEC rorelnaah hian member 135 zinga 119 an tel thei a, thu ngaihtuah tur chhawpchhuah (agenda) 75 an nei
a. An thurel tur chhawpchhuah zingah Synod Finance Manager chungchang, Synod sum vawn dan leh endik dan tun
aia fel zawka kalpui dan tur, Synod Information & Publicity (Synfo) dinhmun enthatna, Media-in a tha lo zawnga kan nun
a kaihhruai dan zirchianna, ATC dinhmun enthat, Missionary Training College, MDTC hmuna sawn chungchang,
Commercial Gas Cylinder leh Buhfaitham bukna chungchang, Synod Partnership Committee siam dan enthat thu, Rev.
William Graham-a Team ten Aizawl-a Revival Festival huaihawt sak tura min ngenna,
Presbyterian Mizo Church (USA)-in Pastor an dilna, PCI General Assembly 2012 thlenna tur ruat, Zawllaidi (Grape
Wine) chungchang leh Mizoram Synod Choir Silver Jubilee lawm chungchang tihte a tel a ni. SEC 230-na hi Synod
calendar-a ruahman lawkah chuan Nov. 11 thleng tur a ni a, Synod Office thar hlanna avanga meeting chawlh a nih
avangin Nov. 12 (Zirtawpni) thlenga pawhsei leh a ni.
 Synod Office Building thar hawn
Vawiin (Nov. 11) chawhnu dar 2:00 hian Synod Office Building thar hlanna inkhawm neih a ni a, Synod Moderator
Rev. C. Chawnglianan Pathian hnenah a hlan a ni.
Synod Office Building thar hlanna inkhawm hi Rev. Vanlalzuata, Senior Executive Secretary-in a kaihruai a,
Rev. Zosangliana Colney, Executive Secretary i/c Property leh Dr. Lalbiakmawia Ngente (Architech) hnen atangin
Reports ngaihthlak a ni a. Rev. Zosangliana Colney chuan Synod Office Building neih chhoh dan, Synod building neih
hmasak ber atanga tun thlenga an din chhoh dan te sawiin tuna office building thar hi Synod Inkhawmpui 2005 thurel,
Synod Executive Committee (SEC) bawhzui tura tih, SEC 206:37-in Plan & Estimate siam tura
Property Committee kuta a dah atangin hma lak tan a nih thu a sawi a. Ni 7.7.2007, zing dar 7:00 khan Synod Office
Building thar tur Lungphum chu Synod Moderator Rev. Vanlalchhungan a phum thu leh hmalak chhoh zel dan report a
pe a ni.
Dr. Lalbiakmawia Ngente hnen atangin hetiang hian Technical Report ngaihthlak a ni bawk : Synod Office Building
thuthmun (ground coverage) hi 4,980 Sq ft a ni a. A inpui zau zawng hi 78’x 60’ a ni. Khawchhak lam sirah hian
Emergency Exit leh Inthiarna hmun atan 10’x 30’ a awm bawk. A chhawng awm zat hi chhawng ruk – ground floor,
basement leh a chunglam chhawng li a ni. A pumpui chhuat (total floor area) hi 29,880 Sq ft a ni. Ground coverage hi
Synfocity=318 1
 13.8% a ni a, Floor Area Ratio (F.A.R) hi 0.79 a ni. Inchung sang lam hi 11’ zel a ruahman a ni a, a hnuai ber atanga a
chung inchhun (roof truss) innghahna hi 66’ a sang a ni. Inchung hi 35º a awih a siam a niin, a pumpui san zawng hi 80’
a ni.
Office chhungah hian Synod hotute tan bik pindan hran siam a ni a; Synod Officers’ Room leh Committee Room hrang
hrang pathum a awm bawk. A dang zawng hi chu open office system a kalpui a ni.
Ni 2.11.2010 thlenga Synod Office Building thar atana senso zawng zawng chu Rs 522,80,518.00 a ni. Amaherawh chu
insak hna hi kalpui mek zel ala nih avangin senso pawh engemaw zat la awm tura ngaih a ni.
Moderator Rev. C. Chawnglianan Office building thar hawngin Hlanna & Thuchah a sawi a, Mizoram Synod Choir ten
tum hnih hla an rem bawk. Upa Vanlalhuma, Secretary (Sr.) in lawmthu sawina hun hmangin Rev. Lalchaman
malsawmnain hun a khar a ni. Synod Office thar hlanna inkhawmah hian mi sawmte an kal tha hle a, Office tualzawla
awm chin zawng pawh mi 750 zet an tling a ni.
 Music
Music Department buatsaih Kristian Chhungkaw Hla & Inneih Hla Inphuahsiak-a Participation Prize chu December 15,
2010 thleng hian a sem dawn a, hun tiam chhunga lam lote chu pek an ni tawh lovang.
 Pastor Refreshers’ Course
November 15 - 20 chhung hian Serampore College-ah Pastors’ Refreshers Course neih a ni dawn a, Refreshers’
Course bei tur hian Pastor thawk rei tawh deuhte thlan thin an ni. Tun tum atana Pastor thlanchhuahte chu :
1. Rev. F. Laltlanthanga, Ramhlun North 6. Rev. Biaksailova, Lamka, Manipur
2. Rev. Lalsangbera, Kulikawn 7. Rev. V. Lalkima, Kawlkulh
3. Rev. Lalbiakvulmawia, Chhinga Veng 8. Rev. Lallungmuana, Khawruhlian
4. Rev. Vansawma, Mission Veng 9. Rev. R.S. Rokima, Durtlang
5. Rev. B. Sangthanga, ITI 10. Rev. Vanlalnunmawia Zawngte, Serchhip
 Social Front
November 13 (Inrinni) nilengin Mamit Hmunsam Kohhranah Mamit khawtlang huapin Land Reforms Seminar neih a ni
dawn a, seminare neihpui tur hian Dr. Robert S. Halliday, Social Front Coordinator; Pu John Lalhruaitluanga, Social
Front Asst. Coordinator leh Upa R.K. Thanga, Mission Veng te an kal ang. Inrinni zan atanga Pathianni (Nov. 14) zan
thleng hian Dr. Robert S. Halliday, Social Front Coordinator hovin ‘Sex, HIV & Media Campaign’ neih zui a ni ang.
 Kohhran Hmeichhia
November 12 - 15 chhung hian Khuangleng Bial huapin Khuangleng Kohhranah Leadership Training & Kristian
Chhungkaw Campaign neih a ni dawn a, training neihpui tur hian Central Kohhran Hmeichhe hruaitu - Pi Liankimi, Pi
Chalziki leh Pi Biakengi (Committee Members) te an kal ang. November 12 - 15 chhung vek hian Vaphai Bial huapin
Vaphai Kohhranah Leadership Training & Kristian Chhungkaw Campaign neih a ni dawn a, training neihpui tur hian
Central Kohhran Hmeichhe hruaitu - Pi K. Lalbiakzami, Pi Haumawii leh Pi Lalsawmliani (Committee Members) te an
kal ang.
 Kristian Thalai Pawl
Presbyterian Youth Fellowship (PYF) chuan November 11 - 14 chhung hian ‘Workshop on Ecology & Youth’, Mawtnum,
Nongpoh, Ribhoi Synod-ah an buatsaih dawn a, nimin (Nov. 10) khan KTP Mizoram Unit atanga palai turte Upa C.
Vanlalvuana, PYF Asst. Leader hovin an chhuak a, an vaiin mi 56 an kal a ni.
Workshop-ah hian Upa Dr. Lalnundanga, Chaltlang South chu Resource Person pakhat atan ruat a ni a, a paper
buatsaih ‘Effects of Ecological Imbalances - A major Concern’ tih an zirho dawn a. Workshop chhung hian Khatla Bial
Zaipawlte tum hnih an zai bawk ang.
 Synod Mission Board
 November 7 (Pathianni) khan Assam Field hnuaia Guwahati Bialah ringthar 16 leh Dibrugarh Bialah ringthar 3 ten
Baptisma an chang thar a. Siliguri Mission Field hnuaia Sikarpur-ah kumin chhung hian kan Kohhrana lo lut ringthar 30
an nei tawh bawk.
 Pi C. Lalhmangaihzuali (41) kan chan ta
Synod Mission Board rawngbawlna Home Mission North hnuaia Synod Home Mission School, Hruiduk-a Headmistress
ni lai Pi C. Lalhmangaihzuali (41) chu tukin (Nov. 11) zing lam dar 12:30 khan Presbyterian Hospital, Durtlangah
Cancer natnain a thi a, a pasal Pu Lalchawiliana (Hruiduk hmuna Evangelist ni mek) leh a fate pathum a kalsan a ni.
Pi C. Lalhmangaihzuali hi kum 1969 ah lo piangin zirna lamah HSLC thleng a zo a. Kum 1989 khan Synod Mission
Board hnuaiah Evangelist Teacher-in a lut a, Luseicherra, Marpara, Tuipuibari II leh Hruidukah te a lo thawk kual tawh a
ni.
Pi C. Lalhmangaihzuali hi an inpui Hunthar Vengah vawiin (Nov. 11) hian Synod Mission Board Secretary
Rev. Lalchhuanmawian a vui ang a, Synod Mission Board Secretary Upa R. Lalmalsawman Pi C. Lalhmangaihzuali
chanchin a sawi ang.
 Susamachar Prasaran Programme
November 14 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable
atangin hetiang hian tihchhuah a ni ang : Group/Choir - Masihi Sangati - Dawrpui Kohhran - "Teri Jay Jay kar",
Sermon - S.B. Gurung - "Yeesu Kaun Hai", Group/Choir - Masihi Sangati - Aizawl EFCI Choir 'Hum Gayenge',
Group/Choir - Masihi Sangati - "Tuidam Kohhran", Stuti Geet - "Prarthana Ke Sunne Wale".
 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
Synfocity=318 2
  November 14 (Pathianni) Chawhma - Sumsuih Kohhran (Centenary Programme)
Chawhnu - Hmuifang Kohhran
Zan - Khatla South Kohhran

HRIATTIRNA
Synod Multipurpose Training Centre, Mission Vengthlang, Aizawl-ah a hnuaia Trade-ah te hian Training hawn a ni leh dawn a, a
hnuaia hming ziak hnenah hian Kohhran Lehkha thil telin dilna thehluh theih a ni e :
1. Tailoring (MIpa) - Seat 20
2. Tailoring (hmeichhia) - Seat 40
3. Shoe-making (Mipa) - Seat 5
 Zir hun chhung : January 17 - December 15, 2011
 Dil theih hun chhung : December 14, 2010
 Interview neih hun : December 16, 2010; 10:00 a.m.
 Interview neihna hmun : Synod Multipurpose Training Centre, Mission Vengthlang
 Zir tura lakte chu Stipen Rs. 300/- thla tin pek an ni ang.

Rev. F. Lalrinnunga,
Programme Director,
Synod Multipurpose Training Centre

ADVERTISEMENT
Synod Mission Board chuan kum 2011 chhunga thawk turin Contract Missionary. category hrang hrang (Evangelist, Evangelist
Teacher, Staff Nurse, Health Worker, Puanthui Zirtirtu) a la thar leh dawn a, dil duh chuan a hnuaia tarlan ang hian dil theih a ni :
1. Dilna chu plain paper-ah Secretary, Synod Mission Board, Synod Office address-a ziakin, November 25, 2010 (Ningani) tlai dar
4:00 thlengin Synod Mission Board Office-ah theh luh tur a ni a; hun tiam hnu lama dilna thehluh chu pawm a ni lovang.
2. Dilnaah chuan mahni bio-data chiang taka ziak tur a ni a; mahni lawina Kohhran lehkha leh thiamna tilang thei document
(marksheet, certificate etc.) kim takin thil tel bawk tur a ni. Heng hi thil tel a nih loh chuan dilna chu pawm a ni lo vang.
3. November 29, 2010 (Thawhtanni) dar 10:30 a.m. - ah Synod Office-ah personal interview neih tur a ni.
4. Diltu chu kum 18 - 35 inkar a ni tur a ni.

Secretary,
Synod Mission Board
Synod Office, Aizawl
Contact no. 0389 2325899

………………………………………………….............................................................................................................................

11th November, 2010

Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=318 3