ESTAMBOL 23 NISAN 5770 7 AVRIL 2010 ANYO 5 NUMERO 62

TROKAMIENTO EN LA ADMINISTRASION
DE MUESTRA KOMUNIDAD
KAREN GERSON SARHON / ESTAMBOL
karensarhon@gmail.com

E
l Sr. Silvyo Ovadya termino sus
6 anyos de lavoro komo prezi-
dente de muestra komunidad
Un ombre muy muy intelijente,
muy muy kapache, yeno de enerji-
ya, mansevo i dinamiko: estos son
unos kuantos adjektivos ke pueden
deskrivir el prezidente de la komuni-
dad judia de Turkiya en los dalkavos
sesh anyos, Silvyo Ovadya. Para mi
la dicha “el guerko kito el pie i el lo
metio” es muy djusto para darvos
una idea de komo de persona es.
Desde ke vino al ofisio en Junio
2004, no uvo dingun aspekto de los
problemes de la komunidad ke no
metio mano. Kon su perspikasidad
en los echos ekonomikos metio
munchas kozas en regla. Tomo parte
kaji en todas las aktividades de la ko-
munidad. En un periodo ke fue yeno
de problemes politikos i ekonomikos
i tambien kuando uvo aktos de
terrorismo, el supo salir a bash kon
todo. Lavoro de dia i de noche por
muestra komunidad sin dingun inte-
El Sr. Silvyo Ovadya politika del pais fue de denunsyar a
06
reso personal, siempre pensando en KEMAL ZARKON
el provecho de la komunidad. la palavra “toleransya”. Esto siempre
Ay munchos anyos ke konosko a termino sus sesh fue dicho por la autoridades del pais; Mis Keridas
Silvyo Ovadya, desde kuando eramos anyos de lavoro komo ke “los Otomanos siempre fueron to- Lavaderas
muy mansevos en el Amical, un klub lerantes de sus minoridades”. Bueno,
prezidente de la
11
de mansevos, i despues kuando el akeya epoka ya eskapo. Agora es un HERNAN R. FISSE
estava enkavesando el periodiko komunidad Judia de pais muevo i demokratiko i mozo-
Şalom. Es grasias a el ke mi grupo tros semos todos Turkos, iguales en
Los Pasharos Sefaradis pudo kitar
Turkiya frente la ley. Alora ke es esta palavra
Terremoto en
Chile
los CDs ke kito asta agora, porke el “toleransya”? Ke izimos ke mos van

14
kreyo en mozotros i en la muzika sion, el tambien esta konsiente ke a “tolerar”? “No keremos tolerans- ELIYA R. KARMONA
ke estamos aziendo. Siempre mos todo modo de transmision de los ya, keremos igualdad” fue el motto

enkorajo a azer muevas kozas. I
siguro ke es grasias a el ke se pudo
avrir muestro Sentro Sefaradi aki en
Estambol, koza ke yo solo veia en
mis es.huenyos! Silvyo Ovadya ama
la kultura i la istoria. El da muncha
importansa a la dokumentasion i a
los archivos. Tiene ideas kreativas,
elementos de muestra kultura topo
fin en esta jenerasion muestra. I es-
tamos de akordo kon el ke devemos
de azer lo mas posivle para arekojer
i dokumentar lo ke puedemos antes
de perder todo, para ke las jenera-
siones sigientes tengan a lo manko
este material ke aze parte de sus
17
politiko ke propajo Silvyo Ovadya en El Sekreto
frente las autoridades. Lo aplaudiso Enterado
de korason por aver tenido el koraje
de dizir esto a kada okazyon, en kada
programa de television i en kada
COYA DELEVI
18
19
Sultanahmet
entrevista de los periodikos.
Munchas grasias Silvyo Ovadya
por aver dado tanto de tu tiempo

intelijentes i aplikavles. Le plaze
koleksyonar todo modo de koza ke
pertenese espesialmente a la istoria
de muestra komunidad. Komo se-
mos miembros de la mizma jenera-
identidad etnika.
Yo no kero avlar muncho de su
aspekto politiko, porke sovre esto ya
se eskrivyo muncho, ma solo kero
dizirvos esto: su motto en la arena
24
COYA DELEVI
i de tu enerjiya a mozotros i siguro
ke tu echo no se eskapo. La kultura Getto de Varsovia
i muestro Sentro te asperamos kon
impasiensia. Tu partisipasion solo
puede adelantarmos… SALOM GAZETES‹’nin ücretsiz ekidir
02 23 NISAN 5 7 7 0 - 7 A V R I L 2 0 1 0
EL PONTE
Introduksyon de la segunda edisyon
reestrukturada i enrekesida del
DIKSYONARYO JUDEO-ESPANYOL - TURKO
KLARA PERAHYA / ESTAMBOL
klaraperahya@ttmail.com
“Uno de los rasgos mas evidentes
es la enorme variedad del
Judeoespañol... Una diversidad
que no impedia que, fuera cual
fuera su variedad dialectal, todos
se entendieran entre si”.
(Prof. Dr. Jacob Hassan, z”l)
Multiples lenguistos dizen ke no egziste avla
enteramente pura. Esto es una verdad inkontes-
tavle. Personalmente, kreo ke no egziste linguas a
este grado meskladas a otros idyomas kel “Judeo-
Espanyol” i el “Yiddish”.
Bazada sovre una matriz kastilyana, la lingua
sefardi no solo kontyene palavras de munchas otras
linguas, ma en vezes tambyen palavras “ibridas”
echas eyas mizmas de dos o tres idyomas, komo:
“boyadear” byervo kompuesto de una raiz turka
kon un sufikso terminal espanyol, “azlahalia”
palavra trilengue echa de una raiz ebrea, un sufikso
turko i la marka feminina espanyol “a”.
Todo komo el Yiddish, el Judeo-Espanyol tyene
una partikularidad kaji unika, el fue el lenguaje de un
puevlo sin tyerra propya, en konstante migrasyon i
ansi kontinualmente ekspozado a diversas influensas
ajenas ke se introduzyeron en su tekstura.
Arrankado desde la fin de la epoka medyeval
al “Espanyol de la Peninsula Iberika”, transmetido
de jenerasyon a jenerasyon de una manera empi-
rika, sin otoridad akademika a su kavesa, el Judeo-
Espanyol es una lingua ke durante multiples anyos
evoluo de una manera enteramente otonoma.
Aunke numerozos grandes livros fueron eskritos
en este idyoma, el fue kaji syempre transmetido
oralmente, de boka a oreja, kon palavras en vezes
mal oidas o mal entendidas, sin pasar por kualkyer
ensenyansa metodika.
Desde el 16/17en siglo asta el empesijo del
20en, los kontaktos fueron raros entre los desen-
dyentes de los ke fueron ekspulzados en 1492 i el
payis ke un tyempo fue la patria de sus antepasa-
dos, ma a ningun momento (partikularmente asta el
empesijo del venten siglo) los “sefaradim” no aban-
donaron sus lingua etnika, a ningun momento eyos
no pudyeron kortar el kordon ombilikal ke los ata
afektivamente a la Peninsula Iberika.
Fakto kuryozo, aunke se trata de una lingua ke
kontinualmente se enrikesyo de palavras muevas,
no uvo kaji nunka grande eliminasyon de las anti-
guas. En el Judeo-Espanyol, lo vyejo i lo muevo,
los arkaizmos i los neolojizmos biven en perfekta
armonia. Por kontra, en kada payis ande los djud-
yos ekspulzados avian topado refujyo durante sus
peregrinasyones, este mizmo idyoma evoluo de una
manera un poko diferente. El evoluo no solo en el
tyempo, komo es el kavzo por todas las linguas, ma
tambyen en el espasyo, segun el lugar ande era o es
ainda avlado.
Es la razon por la kuala, transmetido sin el kon-
trol metodiko de una ensenyansa eskolarya, el
Judeo-Espanyol no se prezenta a mozotros komo
una avla syempre la mizma, ma komo un lenguaje
kaji multiforme, en el kual los klivajes sosyo-kultura-
les i sovre todo jeografikos, djugaron grande rolo.
Mizmo las diferentes sivdades de un mizmo payis,
tyenen kada una, sus manera propya de avlar, sus
palavrikas i sus lokusyones.
Esto no impide ke en ke lugar del mundo ke
sea, enkontramos en la avla Sefardi, kuatro puntos
komunes kaji permanentes:
1) Mizma baza Kastilyana.
2) Invariavlemente, prezensya en grande kuanti-
dad de vokablos “Ebreo-Arameanos”, “Turkos (ansi
ke los komponentes arabos i persanos de la lingua
turka)” , “Portugezes”, “Italyanos”, “Fransezes”,
“Gregos”, “Arabo-Ispanikos” ets... ets...
3) Kostumbre muy frekuente de adjuntar un pre-
fikso o un sufikso Espanyol a los byervos tomados
de linguas ajenas, komo si para muestros avuelos:
“ispanizar una palavra” sinyifikava un poko “djudai-
zarla”.
Durante su evolusyon, el Judeo-Espanyol guadro
todo lo ke muestros avuelos le avian transmetido.
Ainda oy en dia, se topa en esta lingua los mizmos
refranes, ansi ke los mizmos ofemizmos, egzorsiz-
mos, perifrazis, antifrazis ets... los kualos konstituen
el tronko de la avla Sefardi.
Esto dicho, la lingua Sefardi tuvo tres grandes
momentos:
A) Segun el Prof. David Bunis, en el 11en siglo,
(en la Peninsula Iberika); “Introduksyon de palavras
Ebreas”.
B) Despues de la ekspulsyon de Espanya: De una
parte, “largas peregrinasyones de syertos reskapa-
dos” a traves la Evropa i ansi avyertura a diferentes
influensas lenguistikas, partikularmente latinas. De
otra vanda, establesimyento de munchos otros
egzilados en diversos lugares del Imperyo Otomano,
ande progresivamente, a partir del 16en siglo, uvo
“una grande introdukyon de byervos Turkos”, a un
ritmo de mas a mas frekuente.
C) Verso la fin del siglo 19 (despues del establesi-
myento de las eskolas de la Aliansa, [Alliance Israelite
Universelle] en diferentes sivdades del Norte de la
Afrika, ansi ke en Andrinopla, Estambol i los payi-
zes Balkanikos): “introduksyon masiva de palavras
Fransezas kaji syempre ispanizadas”.
Un punto muy importante ke no kale deshar
en el olvido es ke, durante los anyos pretos del
Galud, el Judeo-Espanyol, malgrado la mesklatina
de su vokabularyo, fue para los sefaradim, todo
komo el Yidish fue para los ashkenazim, no solo un
medyo de komunikasyon, ma tambyen un djenero
de “afirmasyon de sus apartenensya al Djudaizmo”.
Los byervos tomados del Ebreo, kon sus kontenido
afektivo, tyenen ainda oy en dia, un impakto psiko-
lojiko konsideravle sovre los lokutores Djudyos… Se
puede mizmo pensar ke si el Kastilyano es la matriz
linguistika de muestra avla, el Ebreo, el, es su matriz
espiritual.
Sin tener la mizma influensa sentimental kel
Ebreo, la importansa de las palavras Turkas intro-
duzidas en el idyoma de muestros antepasados,
fue tambyen muy grande. A este propozito deve-
mos notar ke kaji todos los infinitivos de los verbos
Turkos ke entraron en muestra avla, fueron i son
ainda otomatikamente ispanizados en remplasan-
do el sufikso orijinal “-MEK/-MAK” por el sufikso
Espanyol “-EAR/-DEAR”: <kullanmak devino kulla-
near (emplear)>, <yetişmek devino yetishear
(alkansar)>, ets... ets...
De otra parte, munchas palavras tomadas de
esta lingua fueron mas o menos alteradas i nom-
brozas fueron desformadas por kavza de una
negra pronunsyasyon, ansi <kutu> fue trokado
en <kuti>, <mühür en muur>, ets...Otras fue-
ron remodeladas komo <Yük yeri ke se troko
en yukri>; <tenderüz en tendriz>, ets... Mizmo
los substantivos i adjektivos Turkos ke entraron
intaktos en muestra avla, fueron ispanizados al
feminino i al plural, en adjustando una “a” o un “s”:
<una soba /dos sobaS>, ets.
La mizma ispanizasyon se ve tambyen en mun-
chos byervos tomados del Ebreo, a los kualos pre-
fiksos o sufiksos espanyoles fueron adjuntados, lo
ke dyo nasimyento a muevas palavras. Del substan-
tivo mazal muestros avuelos izyeron el adjektivo
<mazalozo/za> i el substantivo <desmazala-
myento> ets.
Mos akontese mizmo de enkontrar no solo pala-
vras turkas o ebreas modifikadas kon prefiksos o
sufiksos espanyoles, ma tambyen palavras sefardis
echas de una raiz ebrea kon un sufikso turko sin
ninguna kontribusyon espanyola, tal: <benadamlik,
purimlik, ets...
Durante la primera mitad del 19en siglo (afuera
las personas de una klasa sosyal superyor) el nivel
kultural de la klasa sosyal medyana no era muy
alto; munchas mujeres eran kaji analfabetas i sus
aktividades se limitavan a kumplir kargas familyales.
Ma kon la instalasyon de las eskolas de la Aliansa,
la situasyon troko enteramente. Uvo entonses, no
solo aprentisaje de un muevo idyoma, ma tambyen
de una mueva manera de pensar. La konosensya de
la “eskritura latina” i “del fransez” dyo inevitavlemen-
te a munchos de muestros avuelos, la posivilidad
de meldar livros ajenos i de tener ansi una vizyon
muncho mas ancha del mundo. Muevos sujetos
de refleksyon i de konversasyon entraron entonses
en la vida de muestros nonos i nonas, ke nesesita-
van un vokabularyo muncho mas riko en palavras
abstraktas, las kualas naturalmente fueron toma-
das de la lingua Franseza sovre la kuala repozava
sus mueva kultura, palavras ke fueron a sus torno
(segun la vyeja tradisyon de muestros avuelos) ispa-
nizadas otomatikamente komo lo fueron munchos
byervos tomados del Turko o del Ebreo.

La introduksyon de byervos fransezes en la avla
de la klasa sosyal medyana verso la fin del siglo 19
es un fakto kaji istoriko ke no puedemos nyegar i
ke devemos akseptar komo akseptamos la prezen-
sya perfektamente komprensivle de palavras turkas
despues de 500 anyos de vida sovre las tyerras oto-
manas.
Oy en dia, la influensa franseza se aze en vezes
sentir mizmo en el senso ke damos a algunas pala-
vras. Para munchos sefardim de Turkia “koraje” sin-
yifika aktualmente “bravura” segun la eksplikasyon
ke mos dan los diksyonaryos fransezes. El diksyo-
naryo Espanyol, el, mos da dos sinyifikasyones dife-
rentes: 1) “bravura”, i 2) “ravya”, ”kolora”. Al pareser,
muestros avuelos tambyen utilizavan estas dos
sinyifikasyones.
Un otro vokablo ke munchos sefaradim de
Estambol emplean kon la semantika Franseza, es
“entretyempo”, al kual damos la sinyifikasyon de
“myentras” o de “en el intervalo de...” . En mi entor-
no, no tengo nunka oyido utilizar el vokablo “entre-
tyempo” en el senso de “primavera o otonyo”,
komo lo eskriven los diksyonaryos Espanyoles.
Kale de mezmo notar ke (syempre en Estambol)
munchos lokutores emplean uzualmente el “o”
final para markar el maskulino i la “a” final para el
feminino. En Espanya i mizmo en Salonika se dize;
<un artista> mizmo kuando se trata de un ombre;
por kontra en Estambol (segun una chika enkuesta
ke izimos serka de varyos amigos) munchos dizen
<un artisto / una artista>.
Notaremos tambyen ke konformamente a la
gramatika espanyol, los adjektivos ke terminan kon
“al” o “ar” no toman al singular la marka feminina
“a”, por egzempyo en Espanya se dize; “La asamblea
jeneral”... (esta regla es fakultativamente aplikada en
el Judeo-Espanyol).
En el Judeo-Espanyol se enkontra tambyen
munchas palavras tomadas o muy serkanas del
Italyano komo: alora, iskonto, reushita, rengras-
yar ets...ets... lo ke es komprensivle visto ke des-
pues de sus ekspulzyon de Espanya, munchos djud-
yos se instalaron en varias sivdades de este payis.
Muestros avuelos trokaron munchas vezes el “J”
kastilyano (ke aktualmente se melda “h” en Espanya)
en “dj.”, lo ke mos da la fonetika italyana de algu-
nas palavras, dizimos “djurar <it.’ giurare> i no
“jurar”<esp. j(h)urar>”, “djusto <it. giusto> i no
“justo <esp>” ets....
Tambyen la mas parte de muestros avuelos
tenian el uzo de dezir “selebrita <it’.celebrita>
i no selebridad <esp. celebridad>, “amabilita
<it’.> i no amabilidad <esp.>, “realita <it.’> i no
realidad <esp.>) ets... Es solo desde una o dos
dekadas, ke syertas personas empesaron a adoptar
el “dad ” final Espanyol. Oy en dia las dos formas
son igualmente empleadas.
Esto dicho, konstatamos en la avla Sefardi de
Estambol, la utilizasyon de numerozos vokablos
Portugezes; dezimos, “alfinete i no alfiler”, ets... lo
ke es tambyen komprensivle visto la proksimidad de
los dos payizes İberikos.
Utilizamos el verbo “ferir <port’> i no “herir
<esp.>” , “forka <port’.> i no horca <esp>”,
“mofo <por’t.> i no moho <esp.>, “bafo <port’.>
i no vaho <esp.>”, ets... ets...
De mezmo utilizamos “ensender <esp.
encender> i tambyen asender <port. acen-
der>”, “titulo <esp.> / titolo <it.’>”, “suspiro
<esp.> /sospiro <it’> ”, “lengua<esp> /lingua
<it.>” “objeto <esp.>/objekto <it’ objecto.>”,
“sorprender<esp.> / surprender <port.>”, ets...
Komo eksplikar esta doble elokusyon de una
EL PONTE
mizma palavra, kaji similar la una a la otra porke
todas las dos son de orijen latina? Es ke esto pro-
vyene de una simple influensa linguistika de la avla
de los payizes limitrofes ande muestros antepa-
sados bivyeron despues de sus ekspulsyon de
Espanya? O byen es ke se trata de palavras relativa-
mente resentes, enteramente muevas, introduzidas
en la avla Sefardi durante el periodo de la Diaspora?
De otra parte no kale olvidar ke la pronunsyas-
yon de munchas palavras fue alterada por una
transmisyon ekskluzivamente oral, i tambyen deve-
mos syempre tener en tino ke la lingua Espanyol
de la Peninsula Iberika, eya mizma, fue sometida
a una grande mutasyon en el 16en siglo, kuando
muestros ansestros no se topavan mas aya.
No tenemos la kompetensya nesesarya para
responder a estas kestyones ma markimos en toda
simplisita estas “kaji imperseptibles diferensyas”
segun el estado prezente de muestro idyoma en
komparasyon kon diksyonaryos Espanyoles igual-
mente aktuales
Mizmo el Kastilyano de la Edad Medya, ke es
la baza del Djudeo-Espanyol, sufrio de varyas
modifikasyones en la avla ke mos transmetyeron
muestros padres i madres; munchos lokutores rem-
plasaron el “i” de varios byervos iberikos en “e”,
se ve kon la mizma frekuensa “indikar i endikar”
, “indiferensya i endiferensya”. Mos akontese de
meter la partikula “ar” delantre munchos verbos ke
en la Peninsula Iberika empesan kon un “r” komo
“ravyar/arravyar”, “resivir/arresivir”, “rebashar/
arrebashar” ets...ets...
De otra parte, en algunos kavzos, suprimimos,
de una manera totalmente irregular, la letra inisyal
“d” de syertos byervos espanyoles; ansi utilizamos
igualmente “despedasar i espedasar”, “desma-
yarse i esmayarse”, “despegar i espegar”, ets...
Aktualmente utilizamos las dos formas. Tambyen
(partikularmente en Estambol) remplasamos enve-
zes el “n” por un “m” (nozotros/mozotros, nuez/
muez ets...)
En el idyoma sefardi se ve de mezmo la prezen-
sya de:
Metatezes: (verde devino vedre), (perder
devino pedrer), (guardar devino guadrar), (akor-
darse devino akodrarse) ets.
Inversyones de letras: En munchos vokablos
el “b” iberiko troko definitivamente en “v”. En la
avla sefardi: (acabar <esp.> devino akavar <jud.
esp.>), (abrigo <esp.> troko en avrigo <jud.esp.>),
(sobrar <esp.> en sovrar <jud.esp.>) ets...
Vise versa, en syertos vokablos el “v” troko en
“b”: (vivir <esp.> devino bivir <jud.esp.>), (convite
<esp.> devino kombite <jud.esp.>), ets...
De mezmo, syertos “u” trokaron en “v” o en
“b”: (causa <esp.> devino kavza <jud.esp.>),
(ausentarse <esp.> devino absentarse <jud.esp.>)
ets..ets..
Devemos en mizmo tyempo tomar en konside-
rasyon ke en el korso de los anyos, varias palavras
no fueron mas empleadas en la avla kotidyana de
la Espanya Iberika. Por kontra eyas fueron kon-
servadas en la avla sefardi. Utilizamos “adovar i
no solo reparar”; “entender i no komprender/
<esp. comprender>”, “empesar i no komensar
<esp. comenzar>, ets...ets...
No mos olvidaremos ke en el siglo “16”, despues
de la ekspulsyon de los djudyos, uvo una grande
mutasyon de la lingua Espanyol ke muestros avuelos
no konosyeron. Ansi guadrimos multiples voka-
blos ke no figuran en los diksyonaryos espanyoles
kontemporeanos, lo ke rende la analizis del Judeo-
Espanyol bastante difisil para personas sin formas-
23 NISAN 5770 - 7 AVRIL 2010 03
yon espesyal, porke no se puede egzaktamente
saver si un verbo o un substantivo de konsonansya
latina ke no figura en el vokabularyo Iberiko aktual,
ma ke mozotros sefaradim utilizamos oy en dia, es
un byervo ke muestros antepasados tomaron del
espanyol del kinzen siglo o byen si el fue adoptado
ulteryoramente, durante sus peregrinasyones en
otros payizes de kultura latina, komo es el kavzo del
verbo “reushir” ke no figura en los aktuales leksikos
ordinaryos de Espanya, lo ke mos aze pensar ke
provyene de la lingua Franseza <réussir> o byen
Italyana <riuscire>.
Devemos tambyen tener en tino ke en desparte
de los arkaizmos ke persisten en muestra avla i de
la alterasyon fonetika de varias palavras, munchos
byervos ke pudimos konservar fonetikamente
intaktos, pyedreron eyos un poko de sus sinyifikas-
yon inisyal. Uvo komo un arresvalamyento del senso
de algunas palavras. Por egzempyo: en Estambol
“eskapar tyene prinsipalmente el senso de ter-
minar i no espesyalmente de salvarse”; “lavrar
(labrar) es el sinonimo de brodar i no de kultivar la
tyerra o darle forma” komo dizen los diksyonaryos
Espanyoles; “konstipado sinyifika <ke tyene difikul-
tades intestinales> i no <ke esta esfriado>; tambyen
“materya ke sinyifika en Espanya <sustansya de la
kuala son echas la kozas> tyene en la avla sefardi de
Estambol el senso de <pus> (irin) ets....ets....
En desparte de esto, ay palavras iberikas a las
kualas (todo en konservando sus senso inisyal)
adjuntimos munchas vezes una mueva sinyifikasyon,
komo es el kavzo del adjektivo <espeso>, el kual
todo en guadrando su senso primitivo de “kom-
pakto”, tomo tambyen en la avla sefardi de muestra
sivdad un senso figurativo ke es utilizado para kali-
fikar una persona eksesivamente metikuloza. O byen
<tesher> (tejer) ke segun los diksyonaryos espanyo-
les, sinyifika “entrelasar ilos fleksibles en el buto de
azer un panyo“, sinyifikasyon a la kuala fue adjun-
tado (de la parte de muestros padres) un muevo
senso ke es “azer las kozas kon lentor“>. ets..ets...
Ansi fue, por ansi dezir, fraguada una mueva
lingua parsyalmente multilengue, ke inkontestavle-
mente deriva del Espanyol Iberiko, ma ke kontyene
igualmente en su tekstura “fragmentos de varios
otros idiomas”.
En este eskopo, mos esforsimos (en la mezura
de muestras posibilidades i sovre baza de diksyonar-
yos unikamente kontemporeanos) de markar todo
lo ke (debasho varias otras influensas) desferensya
oy en dia el Djudeo-Espanyol de la lingua ke es
aktualmente utilizada en la Peninsula Iberika.
El prezente lavoro no tyene ninguna pretensyon
etimolojika. El es simplemente un esforso de no des-
har murir la lingua ke mos fue deshada por muestros
avuelos en markando tambyen las modifikasyones
ke eya somporto en el korso de su evolusyon.
Izimos figurar la doble pronunsyasyon de un
mizmo byervo del kual la una parese yevar en eya la
influensa de una otra lingua Latina, komo “sirkuns-
tansa <esp. circunstancya>/ sirkonstansya <it.
circostansa>”, “soportar <esp.>/ suportar<port.>”
ets...
De mezmo, metimos al lado de kada palavra ke
mos vyene de la avla Turka, su ekivalente en Judeo-
Espanyol.
Tambyen mos esforsimos de anotar los sino-
nimos de varias otras palavras ansi ke diferentes
ekspresyones o lokusyones espesifikamente Judeo-
Espanyolas.
Desde mas de un siglo, todos predizen su muer-
te iminente, ma oy en dia el syempre bive i kon un
chiko esforso, puedra kontinuar a bivir ainda mun-
04 23 NISAN 5 7 7 0 - 7 A V R I L 2 0 1 0
LO KE MELDAVAN MUESTROS PADRES
EL TELEGRAFO EDISYON DE MARTES. VOLUM SINKENO No. 2 26 Sivan 5652/21 Junyo 1892

Ekspozisyon de nuevas envensyones

RIFAT BIRMIZRAHI / ESTAMBOL
rifat@bmed.com.tr MONTANYA
ARTIFISYEL
El 1 de Julyo proksimo se Entre las kuryozidades ke figu-
avrira en Paris basho el ran en la ekspozisyon de Chicago,
kontan fraguar tambyen una mon-
patronisyo de los ministros
tanya artifisyel, no chika, pero byen
de komersyo, de la endustriya grande i emfonente.
i dela agrikultura, una Una orijinalidad entre tantas!
ekspozisyon enternasyonal Esta montanya repozara sovre
de nuevas envensyones. Esta 4 pyes de fyerro. Su eskeleto sera
tambyen de fyerro, i lo todo kuvyer-
ekspozisyon sera enstalada
to kon tyerra i kon algunos pinyas-
en el vasto palasyo de las kos para darle el aspekto djusto de
makinas. una montanya. Yervas i arvoles seran
sembrados en algunas partes, ade-
mas, un kamino de fyerro sovre el
Lo Ke Meldavan
Muestros Padres
kual se resvalara un treno elektriko,
partira del pye dela montanya asta la
PASTOR DE PERROS
Entre los nuevos ofisyos ke se konkresyeron ultimamente en Berlino,
punta.
Un livro maraviyozo konta tambyen akel del pastor de perros, lo mas de las kazas poseyan
Para kualo se puedra utilizar el
ke kontyene artikolos de estos animales empleyados seya a la kasa, seya komo guardiyanes.
enteryor bastante vasto de esta
de diversas gazetas ke Basto a un mizeravle de proponerse a una kaza por pasear kada
imansa montanya? Esta demanda
meldavan muestros diya 3 o 4 oras a su valutozo perro por ver en pokos diyas, munchas
ya se izyeron los amerikanos antes
kazas konfiyarle sus perros kada diya kon una chika paga. Este mizera-
padres; artikolos ke nozotros la tuvyeramos formula-
vle topo ansi su pan en azyendose pagar 10 santimos por kada perro
tradusidos al Turko i al do. Eyos tyenen la entisyon de azer
al diya. El numero de estos animales ke paseya es agora tan grande
Ingles kon los orijinal- del enteryor una espesya de geruta
ke, no abastesyendo a su tareya, se vido ovligado de redjuntarse un
es en Judeo-Espanyol. (mağara) muy semejante alas grotas
pastor ayudante.
naturales ke se renkontran en la
Syerto, munchos otros nesesitozos sigyeran el eshemplo del enven-
natura, i en la kual seran fraguados
Para enkomendar, eskrivi a: tador de este nuevo ofisyo de pastor de perros.
kitabevi@salom.com.tr o enkomenda tambyen nidos onde moraran algu-
de: www.gozlemkitap.com nos sortes de animales salvajes.

Ser sefaradi sin verguensa oy

en dia en muestro payis
GABRIEL BENATAR / ISRAEL
Desde muncho tiempo
esto konstatando kon muncho
regreto, un fenomeno ke esta
indo i pujando: Kero avlar del
anti-sefaradismo.
Ke seya al seno de las medias
o ke seya ariento de tekstos di-
versos ke tokan a la sinyifikasion
del biervo “sefaradi”, ay una
tendensia anti-sefaradi komo
ke fuera estos ultimos kulpavles
de todos los males i eskandales
ke tuvieron lugar estos ultimos
anyos en Israel.
Este biervo esta sovresa-
liendo de mas en mas komo
palavra de rebasho de mues-
tra komunidad. En fakto esto
se puede remarkar en la vida
de kada dia onde este biervo
“sefaradi” esta inchendo los
medios de komunikasion i es
muncho empleado entre las
diferentes fraksiones de la po-
pulasion tambien.
A la fin del kuento, ken so-
mos mozotros ke mos konside-
ramos komo veros sefaradim.
Savemos muy bien, de padre
a ijo, ke somos los verdaderos
desendientes de los ke fueron
arondjados de Espanya i ke ansi
keremos kedar, mismo si en
muestra jenerasion, la utiliza-
sion del judeo-espanyol esta
menguando de manera sinyi-
fikativa.
Solo los desendientes de
los arondjados de Espanya se
pueden konsiderar komo los
verdaderos sefaradim. No es un
sekreto por dingunos i sovre-
todo por el ke konose un poko
de muestra istoria, para saver
ke al seno de muestro puevlo
egziste 3 tendensias:
a- la tendensia ashkenazi
b- la tendensia sefaradi
c- la tendensia mizrahi
Todos konosen la egzisten-
sia de estos tres grupos, pero
es mas fasil de alavar al primer
grupo i arebashar a los otros. El
ke no es Askhenazi es otoma-
tikamente echado en el sako
sefaradi, ke seyan orijinarios de
paises komo Iran, Afganistan,
Gresia i otros i mas serka de
mozotros a los imigrantes de
Etiopa ke munchos ya los kon-
sideran komo sefaradim.
Esta situasion esta indo
i pujando mas i mas en las
konsensias de la povlasion, i
seguramente no es djusto. Lo
ke no devemos absolutamente
achetar es ke mos manchen la
onor, komo ya lo izieron en el
pasado porke en la sosiedad de
muestro payis no azen la dife-
rensia entre las diferentes apar-
tenensias. Esto es un manko de
konosensia ke devemos azer
sovresalir. Esta situasion, por lo
menos estranya, ya mos yevo
en un kalejon sin salida.
Otro aspekto de esta situa-
sion es el silensio i la kayades de
muestros representantes.

Tenemos En Frente Dos Kaminos
MOSE GROSMAN / ESTAMBOL
grosman@gmail.com
Mued Alegre… Pesah Alegre!...
Lo esperamos el Pesah kon grande despa-
sensya i kuando mos ariva, asta ke aboltamos
la kara, ya empesa a aparejarse para ir i mos
kreyemos, ke mos esta prometyendo ke mos
va vijitar muy munchos anyos.
Ande estan los muedes de Pesah de al tye-
mpo? De ande lo se? De las gazetikas ke apare-
siyan en akeyos tyempos. La yena emosyon ke
se meldava en akeyas eskritas mos kitava una
fotografiya de la komunitad Judia de antes.
Kada anyo se eskriviya por la matsa… Kada
pendola eran eksperes de la matsa ke kitaron
akel anyo… I guay si esta kemada i dura… Yo
tambyen tengo eskrivido mis opinyones sovre
la matsa dizeremos trenta anyos antes…
Despues mos davan a entender kualo es
Pesah... Kon los byervos del grande eskrivano
David Fresko, el primer Sosyalisto del mundo
ke era Moshe Rabenu, mos aviya deshado una
ley entera djusta ke se la aviya entregado El
Santo Bendicho El…
Ya lo saverash keridos lektores. Es esta ley
bendicha ke izo bivir al Judio unos tres mil i
kinyentos anyos, sin pedrerse entre los tye-
mpos de la istorya i esta ley bendicha es ke
mos dyo las kuedras para ke puedamos dirijir
el dezatamyento de los anyudos ke mos estan
salyendo en frente, en las kuatro partes del
mundo.
Tengo meldado ke un eskrivano Alman en
el anyo 1555 aviya dicho: “El D’… para pue-
der amostrar su egzistenya lo va azer bivir al
Judio, todo el tyempo ke egziste el mundo.
Si ya es ke tenemos una garansiya semejan-
te no ay de espantar de nada.
Pesah es la istorya del empesijo de esta
egzistensya del Judio ke va tener lugar en
todo el tyempo de la egzistensya del mundo.
Entre munchas solo esto ya basta para
topar repuesta a la demanda “Kualo kere
dizir Judio?” Esta demanda la tengo oyido
unas vezes de los mansevikos muestros. Una
demanda ke se esta fingando al korason komo
un kuchiyo…
Esta demanda esta mostrando ke peryimos
unas valores… Peryimos la erensya de mues-
tras madres i muestros padres, peryimos la
erensya de Moshe Rabenu, peryimos la eren-
sya de Rabbi Nisim Behar, peryimos los ojos i
mos syegimos en pensando ke mos estamos
adelantando…
El Judio ande kere o ande la afito ke biva.
Kuala es la lingua del Judio? Es el Ebreo…
El Judio avlo otras dos linguas… El Yidish i
el Judeo Espanyol… Komo se esta vyendo
Baruh Ashem somos i rikos de linguas. Por
siguro ke kale ke mos ambezemos i el Inglez
o el Espanyol moderno. Ma… El Judio avla en
Ebreo… El Judio avla el Yidish, el Judio avla el
Judeo Espanyol…
EL KANTON DE MOSE
Me akodro unos kuantos anyos antes, el
dor miyo se averguensava de avlar el Judeo
Espanyol. El Judeo Espanyol era un grande
insulto. I no kijimos ke muestros ijos avlen o
se ambezen el Judeo Espanyol… Las eskolas
Judias eran muy leshos de pueder ambezar la
lingua Ebrea despues de la dirijensa del Rabbi
Dr. David Markus… Verdad dizir ke fuimos un
dor de lokos i bovos i Shudullahes… Un dor
yeno de inyorensa.
I kualo mos trusho esta inyorensa? Una
manseves ke te esta demandando: “Ke kere
dizir Judio?” I aki mos esta salyendo enfrente
una inyorensa enpardonavle de los dirijentes
de nuestra komunitad i no estan tomando
alos elevos Judios alas eskolas Judias ke no
estan puedyendo pagar el koste anual.
En estas kondisyones kualo mos nasyo?
Unos mansevos ke mos estan demandando
“Ke kere dizir Judio?” I detras una asimilasyon
preta, ke se komporto komo moda, i mos
ampesimos a eskapar en kayendomos a un
pozo ke no tyene dip.
Peryimos las linguas ke avlavan muestras
nonikas, peryimos i la una eskola ke kedo
entre munchas, peryimos i la tradisyon… I ansi
se peryo el Judaismo.
Kreygo ke ya vos akodrash. En la Kula,
viyamos unas mezas kon manteles blankos, i
gritavan los vendedores Judios dizeremos en
Pesah: “Ayde Sharope Blanko!...” Sharope kon
portokal, Sharope kon vanilya i mas puede
ser…
Agora somos orozos de topar karne kasher,
gayina kasher… Ma!... El presyo de este kas-
herut esta desrepozando las aldikeras. El pres-
23 NISAN 5770 - 7 AVRIL 2010 05
yo dela karne esta un dopyo i el presyo dela
gayina esta dos dopyos.
Vos dire, lo ke se…. Este kasherut, kon
estos presyos no esta kaminando. Egziste
munchos, ke en egzistyendo una koza
a una lira no la keren merkar a dos o en
egzistyendo a una lira no la keren merkar a
tres. En pensando la kriza ekonomika ke mos
topamos se puede entender mas presto lo
ke se esta pasando i tambyen si no egzistiya
la kriza ekonomika deke ke merken una koza
por tres liras, ke se esta vendyendo a una lira?
Esto kale enderecharlo muy presto. La karne
kasher por siguro ke va tener una diferensya
ma esta diferensya no kale ke seyga dopyos…
En vinyendo al espital Judio ke ay unos
kuantos anyos ke esta trasando la mezma
politika ekonomika delas eskolas Judias, en no
tomando alos hazinos ke no pueden pagar i
en mezmo tyempo demandando ayudos dela
djente para pueder mirar alos proves mas
mijor!...
Malorozamente i esto es una kulpa delos
dirijentes de muestra komunitad, komo la
desizyion ke aviyan tomado para las eskolas
Judias. Tuvimos la onor de ser envitados por
la administrasyon del espital Judio i me asi-
guraron ke, ningun Judio hazino ke no esta
puedyendo pagar no se va arondjar dela puer-
ta i se va akseptar komo antes.
Deke kere la vyeja mas bivir? Para mas ver
i oyir!... Kaminando i avlando. Vamos a ver i
vamos a oyir…
Me esta vinyendo a los ojos Moshe
Rabenu en tenyendo en la mano los Dyez
Komandamyentos… Kere dizir La ley madre de
todas las leyes del mundo… I oyendo el pue-
vlo Israel, los dos primeros komandamyentos
de la boz del Kriyador del Mundo… Una boz
muy fuerte ke mi puevlo no la esta puedyen-
do sintir… Puede ser del espanto de una
fuersa ke no se puede alkansar. La boz diziya:
“Annohi A’ Eloeha” …
Judio, si keres bivir komo nasites. Kale ke te
ates a tu ley. Si es ke estas egzistyendo miles
de anyos i vas a egzistir… Kale ke te ates i ala
tradisyon de tu madre. A lo manko ambezate,
ken sos. Tu identidad te va ayudar i en la savi-
duriya. Te kero dar i un egzempyo El Rabbi Dr.
David Markus… (1870-1944), El era un rabino
i era tambyen un doktor de filozofiya. El es el
aklarador del Judasimo de Turkiya en la epoka
Otomana i en la epoka de Atatürk ke grasyas al
D’ ayinda la estamos bivyendo.
Komo lo dishimos en ampesando:
Lo esperamos el Pesah kon grande despa-
sensya i kuando mos ariva, asta ke aboltamos
la kara, ya empesa a aparejarse para ir, i mos
kreyemos, ke mos esta prometyendo ke mos
va vijitar muy munchos anyos.
Kuando me meti a eskrivir estas linyas,
empesi a pensar loke meldatesh porke tene-
mos en frente dos kaminos o una ruina o un
arebivimyento.
Mued Alegre… Pesah Alegre!...
06 23 NISAN 5 7 7 0 - 7 A V R I L 2 0 1 0
Mis Keridas Lavaderas
En serka tyempo antes empeso
a djugar la pyesa nombrada
“Neler Oluyor Hayatta”, en el
Göztepe Kültür Derneği. I por
la primera noche, ke es la GALA,
estavamos envitados yo kon
mi espoza, porke en este teatro
estava tomando rolo mi ijika la
chikitika (44).
Shabat la noche ke estamos
entrando al teatro, supito mos
aresiven unas kuantas dammas
por dizirmos: “Byenvenida”.
Entre las dammas mos kortan
el kamino dos sinyoras i kon
amistad grande la una me
apanya i me dize: “Kemal
abi, la eskriturya de alkavo ke
eskrivites en El Amaneser (La
Zapatera), ya la meldimos i mos
plazyo muncho, yo la guadri
por rekuerdo”. La otra me dize:
“Kemal abi, mira ke eskrivites
una eskriturya muy ermoza;
de ande estas topando estas
kozas por eskrivir? Tanto me
plazyo la eskriturya kon la foto
endjuntos, me la guadri. Te
rogamos i las dos ke syempre ke
eskrivas, nunka no te entraves
de eskrivir. I estas dos sinyoras
ke son amigitas de mis 2 ijikas
(Jale i Tuna) se yaman de mezmo
nombre Lizet (koinsidensya
- ermozo enkontro). La una
es espoza del prezidente de
Göztepe Kültür Derneği, i la
otra es una fina elementa de la
Komunita alta (Gran Rabinato
- Hahambaşılık-). Ama las
alkunyas no vos puedo dizir
porke me espanto no me afite
alguna koza.
En kurto el teatro ermozo ya se
eskapo, tomimos kamino para
kaza, enterval me dize mi espoza:
“Azeles una byenfezensya a
estas ijikas, tanto ke te estan
demandando ke eskrivas a El
Amaneser”. I yo le dishe:”Ya no
me kedo mas nada de eskrivir,
kualo ke eskriva?” Me responde
mi espoza: “Ayde Sami, tu ya
topas, pensate un poko a la
ondura, vas a ver komo vas a
topar algunas kozas de eskrivir”.
I yo unos dos diyas pensando
kualo ke aga, supito me vino una
koza bien enteresante i byen
riyente. I esta es la eskriturya
mueva:
REKUERDOS
KEMAL ZARKON / ESTAMBOL
kemalzrkn@gmail.com Esta uzansa de lavarme mi madre a mi no
vos vash a kreyer ama vos avlo verdad, tomo
un tyempo fina la semana ke me va kazar. No
B yen savido ke todas las kreaturas son muy
valutozas para sus madres (tambyen i para
sus padres). I yo era un ijiko muy valutozo para
entyendash yerrado, kuando me lavava mi
madre, era yo aryentro de la payla de chinko, i
eya me lavava solo la kavesa, la tripa, la espalda
mi madre (de b”m) , ama si komo yo era en chiko
i los brasos. Las pyernas kon los pyezes me
muy timid, entravado, ushi mana, tente no me
los lavava yo. Kere dizir esta kestyon tomo un
tokes, no me espartiya del lado de mi madre.
tyempo de 28 anyos.
En la sivdad miya (Kuzguncuk) aviya syertas
Vino tyempo ke me apalavraron, me espo-
personas ke se nombravan kon sus sovrenom-
zaron kon mi novya Bellosh. I al kavo de una
bres. Una sinyora byen konosida de nombre
semana o 10 diyas antes de la boda, la apanyo mi
spesial, Ester la Alta, teniya munchas kreaturas,
madre a mi novya i le disho: “Mira presyada, fina
un de sus ijos se yamava
oy en diya a este novyo
Pato (Pepo), amigo de
tuyo ke lo estas vyendo,
mi padre (de b”m). I una
kada Vyernes lo lavi i lo
de sus ijas se nombrava
almiskli yo, ma agora ke
Rashel la Alta. El marido
ya estash para
de esta mujer era nom-
kazar, este dover te
brado Albert el Büfedji,
lo esto transferando a
garson del bufe del
ti. A partir de agora, las
vapor ke iva i viniya de
tadres de vyernes lo vas
Kuzguncuk a Eminönü.
a lavar tu.” Por siguro ka
Despues ke se izo reti-
de la novya boz no ay, ni
rado del vapor, marido i
si ni no ni ke mande, solo
mujer avyeron una butika
mi novya se sonriyo un
de bakkal. Esta sinyora
poko, komo kerer dizir:
Rashel la Alta era ermoza,
“Guay por lo ke mos vino
henoza, mostroza, kara
a la kavesa, esto se tyene
riyente. Tambyen furyo-
visto?”
za, gritalona, inyervoza,
Kazimos en el
pletoza i un poko ban-
luzyo kal de mi sivdad
dolera, komo bandida.
(Kuzguncuk). I morimos
Dinguno no puediya
en una kaza en Kadiköy,
diskutir fasilmente kon
ariva mi ermana, i en el
eya porke topava la belá.
etaj del antre mozotros.
Kaji kada diya de vyer- n m is 2
do ko (Mi padre kon mi madre
nes mi madre me tomava La foto ke estash vyen tyempo kedaron en Kuzguncuk.)
45 ), es ke da da de l
de la mano i el bogo a la chikitikas (47-
de la payla mi Enterval mos nasyo mis
otra mano i mos ivamos ke me lavava aryentro
espoza Bello sh . 2 ijikas i despues de
al banyo de las mujeres.
morar 3 anyos en esta
Por siguro ke yo era muy
kaza, kon el apoyo de un
chiko ama a poko a poko ya empesi a azerme
amigo muestro, mos transferimos a Caddebostan
grandiziko. Kon mi madre entrimos al banyo,
(1965). Por siguro ke de las kazas kon kalorifer no
mos desvistimos asigun es el menester; entrimos
tenemos ni haber. Estamos kon sobas de peham
al salon kayente, mozos ke mos vamos asentar
(karvon/kimur) i gas. Mi kerida espoza Bellosh ke
al lado de la kurna, supito mos sale en frente
tomo el dover de lavarme kada vyernes aryentro
esta sinyora Rashel la Alta, amostrandome a mi i
la payla, kontinuo asta el anyo 1978. Kere dizir 16
dizyendole a mi madre: “Camila, esto kualo es? ya
anyos. El Dio mos ayudo i merkimos la kaza ke
esta mansevo grande, dainda lo vas a traer aki?”
moramos oy en el 1976. Asperimos ke se eskape
Mi madre le responde: “Asi te veya sana, Rashel,
de fraguarse i pasimos. El diya ke pasimos a la
tu perye kudyado, Samiko dainda es muy chiko,
kaza mueva, me apanyo mi espoza i me disho:
guay de mi, no se entyende de nada, i tu agora
“Mira Sami, tu madre te lavo 28 anyos. I yo te lavi
tapatela la yelada i avrite la kayente.”
16 anyos. Agora grasyas ya moramos en kaza kon
Rashel la Alta kon inyervos: “Se muryeran las
kalorifer i todo kayente. A partir de agora, este
vakas, ya se abasto, Camila, este ijo tuyo ya esta
dover te lo esto transferando a ti, tu komo keres
kaji edad de Bar Mitzva! Kitalo de aki, va lavalo i
lavate.” I le dishe: “Munchas grasyas i te remer-
yevatelo presto afuera antes ke se rompan los
sio de alma i de korason por la favor ke me izites
inyervos.”
fin agora.”
Mi madre no pudo insistir demaziya, prestamen-
Keridos lektores, delantre de vozotros le digo
te me lavo en un kanton i me kito afuera. I en lo ke
un Mersi muy muy grande a mis keridas lavade-
arivimos a kaza me dize: “Ijo de la madre, el banyo
ras, a mi madre i a mi kerida espoza Bellosh, ke
de las mujeres malorozamente ya eskapo. Despues
tenga todo bueno en la vida i syempre ke este
de agora, komo kada vez te va lavar en kaza.”
alegre i gustoza kon toda la famiya. Amen.
 AMANESER KON ARTE
Lado kon lado kon la ensenyante
Betsy Sullam Halfon
En un dia de Febrero mos embarkimos de Kabatas (empesijo del Bosfor), kon mi 3
tablos al olyo, para bordear la kosta Asiatika, en direksion de Marmara, a la isla
Prinkipo (Büyükada), ande ivamos a pasar el enverano.
Sin esperar ver los rayos apareser en el sielo, un sol briyando mos akompanyo fina
Büyük Ada, la luzya isla, suvenir de mi adultez.
La direktrisa de “La Kaza de Kultura i Arte” Sibel Akkasoğlu, ke organiza
konferansias, konsertos i ekspozisiones, mos invito a ekspozar. Fue una
okazion para enkontrar Betsy, ke no avia konosido. Le demandi si keria
prezentarse i la topi muy interesante.
ESTI SAUL / ESTAMBOL
estisaul2@gmail.com
Puedes presentarte, Betsy?
Nasi en 1974 en Estambol.
De ke me konosko el arte me
entereso, la pintura, la skulp-
tura, ets. Konosi el arte de la
skulptura en 1992, estudiando
en la Universidad de Marmara, la
Fakultad de Bellos Artes.
Mi edukasion se termino en la
mizma Universita donde estudyi
asta ke tomi mi doktorado.
Mi vida artistika fue una vida
akademika. Ambezando a mi
torno el arte a los estudiantes,
kreando ovras, partisipando a
ekspozisiones.
En 2008 mi ekspozision par-
tikular “Makinalaşma Süreci 2”
(El Proseso de Makinizasyon
2) tuvo lugar en Galata
Schneidertempel en Estambol, i
en la de alkavo “Adalı Sanatçıların
Buluşması” (Topadura de los
Artistas de la Isla), tuve la okazion
de konoserte. Portanto, tus ovras
las konosiya
i las topava muy partikulares.
Tienes un rekuerdo de
kontarmos?
Me avia ido a Israel a vijitar una
amiga en el anyo 1996. La chanta
en la espalda, keriya asistir a los
simposios de skulptura. Me suvi
akel dia de enverano en un oto-
bus, sola debasho del sol keman-
do, para Ashkalon. Pensando
ande me iva kedar, ke iva azer i
bushkando el lugar del simpo-
sium, me topi al bodre de mar.
Avansandome entre nuves de
polvo, apersivi artistos vinidos de
23 NISAN 5770 - 7 AVRIL 2010
07
En tu pasion del arte, la imajinasion,
la kreativita, fuites influensada?
Si estash emprenyados de arte, sovre todo kon la
instruksion akademika, la filosofia del arte, la mitolojia,
ets., esto todo aze una kontribusion a la kreativita.
Azen topar muevas ideas, amostran kaminos muevos.
Sea una demonstrasion de teatro o su dekor, un filmo,
todo influensa. Es direktamente proporsionado kon la
imajinasion i la kreativita, alimenta el artisto.
El empleo del material, la realizasion de formas i el
tiempo (la durasion) en la kreasion de la ovra no son
limitados, son variables.
La istoria del arte kon sus artistos egzemplarios
pudieron influensarmos. Camille Claudel es mi
artista preferada. Su atadijo al arte, kombatiendo la
sovrebiviensa, sus grandes sakrifisios i su amor por
el arte.
diferentes payises, tayando blokes skulptura. Komo afito?
de piedras grandes. Kaminando
En 2006, despues de eskapar
entre los paviyones, me pensi por
los estudios de Doktorado en
ke razon yo no esto lavorando
Yeditepe, fui nomada i desin-
aki...
yada en el kuadro de “Asistente
En este momento djusto,
Profesora”.
enkontri un profesor de mi eskola
Desde 10 anyos, tengo la karga
i despues un otro profesor.
de ensenyar i suivar la influensa de
Sorprendidos de verme, se
kada estudiante i sus propias vidas
alegraron i me abrasaron, kon el
interior.
guste de ver una kara konosida,
i aya mizmo me propozaron de
Emile Zola dize: “El arte no se
lavorar endjuntos. Mis dezeos se
puede manifestar si no ay la
realizaron, en un kanton empesi
verdad en el”.
a tayar un chiko blok de piedra.
Oy esta ovra esta en la kaza de un Si, siguro. El artisto, sigun lo
artisto Israeliano. ke resiente o lo ke pensa, la ovra
kreada reflekta su verdad.
En la Universita de Yeditepe
Siempre en fiestas i alegrias.
ensenyas el ramo de la
Pesah Sameah.
08 23 NISAN 5 7 7 0 - 7 A V R I L 2 0 1 0
AKTUALIDADES

U
na Aktividad muy importante en Casa de Sefarad en Cordoba a la fin
de este mez: Keremos darvos el anunsio ke mos embiyaron muestros
keridos amigos de Cordoba, Rosana i Sebastian. Por la primera vez
en la istoria muestra se estan anunsiando los nombres de los judios ke fueron
kemados durante la Inkizisyon. Estos nombres se van a eskrivir en las paredes de
las kayes en Cordoba i tambien en la Casa de Sefarad. Este jesto ke va komemorar
a muestros antepasados ke fueron kemados va tambien immortalizar a sus
nombres, sus “nefesh” en las paredes de sus pais. Grasias Rosana i Sebastian por
este lavoro muy muy importante al nombre de la umanidad.

UNA ENTORCHA (FLAMBEAU) DE LA TORA:
EL RAV NAFTULI KATS KOHEN -2
TRASLEDADO DEL EBREO POR:
MOSHE SHEMUEL PALACCI
(kontinuando del mez pasado…)
Ribi Naftali kedo en kaza del
Gevir unos kuantos anyos komo si
fuera un myembro de la famiya.
Adelanto en la Tora i dyo sinyales
ke el sera en el avenir un savyo
renomado.
Kuando ya alkanso a la edad
de 18 anyos, el Gevir ke tenia una
ija de mesma edad, le disho a el
manseviko ke su veluntad es de
tomarlo por yerno. Ribi Naftali no
refuzo la demanda de el ombre ke
lo salvo de la muerte, lo mamparo,
lo mantuvo i lo konsidero komo su
propyo ijo. Izyeron un kontrato de
espozoryo entre eyos. El Gevir le
dyo una kamareta para ke more,
estudye la Tora kon trankilidad
sigun su dezeo i si santedad.
Pasando un syerto tyempo,
kijo ver el Gevir la manera ke se
esta rijendo Ribi Naftali en lo ke
esta asolado en su kamareta. Vino
a şus eskondidas a ver lo ke se
pasa por el burako de el kavenado.
Estremesyon le tomo a el, de ver a
Ribi Naftali, echado en basho, kon
manos i pyes espandidos, yorando
i rogando:
“Yo no tengo la posibilidad de
arepintirme. El salvo mi alma de
la muerte, toda mi sensya en la
Tora, a el le revyene. Vos rogo ke
desh vuestro konsentimyento i
no me forsesh a repintirme de la
promesa ke yo di.” Kon estos byer-
vos el yorava i esklamava. I kuanto
mas se enkanto el Gevir de ver ke
no avia ninguno en la kamareta.
Desidyo de estar kayado un syer-
to tyempo por ver lo ke va afitar.
A el dia sigyente, a la mesma
ora, fue a las eskondidas i vido
la mesma shena de un dia antes.
Ansi kontinuo muncho tyempo
i no puedyendo kayarse, le rogo
de Ribi Naftali de eksplikarle lo ke
se esta pasando. Vyendo ke ya se
deskuvryo su sekreto kon myedo
(espanto) avlo i disho: “De el dia ke
izimos el kontrato de espozoryo,
en mesma ora, estan vinyendo mis
jenitores de el mundo ande repo-
zan, dizyendome ke esta mucha-
cha no es mi kostiya i ke rompa mi
promesa. Vyendo ke yo no kero
baldar mi palavra no estan kedan-
do de vinir dia por dia.” El Gevir
oyendo estas palavras salyentes de
boka de derechedad, kon muncha
ansya i angustya le respondyo: “Yo
veyo ke de los syelos no me topa-
ron meresyente a tener un yerno
koma ti. No konvyene de vinir
kontra las dichas de djente santa.
El Kriador ke aze los kazamyentos,
El dara a kada uno el mazal ke le
pertenese.”
Sovre esto, arazgaron el kontra-
to de espozoryo. Chorros de lagri-
mas koryeron de ojos de todos los
dos. Kon boz de yoro, rogo Ribi
Naftali de el Baal Abayit, ke le kite
el kuento de todo lo ke gasto por
salvarlo, lo ke le kosto su mante-
nimyento i otros gastes ke izo por
el entervalo de tantos anyos ke
estuvo morando en su kaza fin el
grosh de alkavo. Le respondyo el
Gevir: “Si no tuve el meresimyen-
to de tener un yerno semejante,
tengo la konsolasyon ke pude abri-
gar en mi kaza un Tsadik komo ti.”
Ribi Naftali ensistyo a ke le kite el
kuento i el Gevir no tenyendo otro
remedyo i le prezento el papel
de los gastes. Ribi Naftali sinyo el
papel i le rogo de remeterlo a su
ija. Por siguro ke el oy no poseda
nada. Kon tyempo El Kriador lo va
apiyadar i le va pagar a su buen
azedor su devda en moneda, visto
ke el kudyo moral no es posivle
de reglarle. Lo bendisho a ke El
Kriador le apareje a su ija un novyo
bueno i pertenesyente. La bendis-
yon no tadro por afirmarse i se les
prezento un mansevo bueno i de
famiya onorada. Ribi Naftali salyo
a su kamino, tambyen i el topo a
su kostiya, sigun la veluntad de
sus jenitores ke repozavan en Gan
Eden. Su nombre se engrandesyo
ARTIKOLOS
en la Tora i su fama se espandyo
entre sus ermanos Djudyos. El fue
yamado a la sivdad de Pozna por
inchir el posto de Av Bet Din i Gran
Rabino de la sivdad.
Pasando unos kuantos anyos,
el yerno de el Gevir se espartyo
de la kaza de su esfuegro, por ir
a morar en la sivdad de Pozna.
Avriyo ayi una botika de beverajes
i adelanto en su echo. Despues
de anyos ke ya se izyeron konos-
yentes de sus muevo entorno,
fue la mujer a el Mikve (Tevila) ke
se topava en la otra punta de la
sivdad. A la torna, ke la ora ya era
atadrada, paso por ayi un gran-
de de la armada, kon fuersa la
arevato, la travo aryento de su
karosa i se la yevo a su palasyo.
La buena mujer de el espanto se
dezmayo. En vyendo el estado de
eya, la yevo a una kamareta, serro
la puerta kon yave, para ke eya
vinyendose en si, no eche gritos
i le salga en medyo su mala echa.
Pasando un syerto tyempo, eya
vino en si, kon lagrimas amargas
se metyo a rogar a El Kriador, a
ke la eskape de este mal akon-
tesimyeto. En esto el mal azedor
entro a la kamareta, por kumplir
su dezeo negro. Eya, entre si, se
desido de echarse a la muerte por
no enkonarse. Sopito le vino un
endjenyo al meoyo. Le demando
ke le trayga una bevyenda fuerte
para vinir en si. I el, para topar
grasya en ojos de la ke arevato,
sin tomar el palto, koryo a merkar
un buen vino. La mujer savyen-
do la distensya de la botika de su
marido a el lugar ande se topa
eya, visto ke era la sola botika de
beverajes, izo kuento ke eya ya va
alkansar a fuir de la mano de akel
rasha. Pensando ke los soldados
no la veyan i la apanyen se vistyo
el palto i el chapeyo de el mal aze-
dor, salto de la tarasa i nes de El
Kriador, no tuvo ningun mal. Salyo
de la guerta al kamino i koryen-
do kon toda su fuersa, arivo a la
botika de su marido.
Vyendola kon vistimyenta de
soldado, no topo ke pensar. Eya
le konto la mala dezgrasya ke le
akontesyo, i nes de el Patron Del
Mundo fue lo ke pudo salvarse. A
el marido le entro punchon en el
korason, malgrado ke ya konosiya
su onestedad, el selo le izo fuir el
meoyo i de akel momento aparto
su kama. Al dia, vino akel rasha i
se metyo a bever. NIHNAS YAYIN
YATSA SOD (Kuando entra el vino,
23 NISAN 5770 - 7 AVRIL 2010 09
sale el sekreto). Kon la kara preta
se metyo a kontar, komo pudo
enganyarlo una mujer Djudia i
djugarle este djugo. I por komblo
de mal, le tomo el palto, ande
tenia kuzido por aryento, toda su
moneda. Malgrado esto el pun-
chon no le estava dando repozo.
Ansi paso un syerto tyempo.
Eya le djurava a lo mas sakro komo
eya estava en su onestedad i lim-
pyeza, ma el no estava topando
repozo de meoyo. A la fin, desi-
daron todos los dos, de ir a el
Haham, kontarle sus konflikto, i
rijirsen sigun kortara el el djuzgo.
Trusheron la kestyon delantre de
el Av Bet Din Ribi Naftali Kats, el
Gran Rabino de la sivdad.
Kuando el oyo de boka de el
marido i de la mujer el pasaje,
torno a el marido i le disho: “Yo
do testiguo por esta mujer, ke
eya es limpya i onorada. Yo so
devdor a tu esfuegro el padre de
esta mujer, i kreyo ke mi eskrita ke
afirmi se topa en su mano. Traeme
akel papel i verash ke la suma ke
yo afirmi, es igual a el montante
ke topatesh en el palto de el mal
azedor.” Kuando trusheron el
papel afirmado por el Rav, a sus
grande enkanto, vyeron ke la suma
de la devda, era la mesma de la
moneda ke toparon kuzida en el
palto. Kontinuo el Rav a avlarles:
“Sepash, ke este mal azedor, es el
guardian ke me yevava a la kapitala
para ke me djuzgen; i la moneda
es lo ke le dyo vuestro padre para
eskaparme de su mano. La angust-
ya ke eya tuvo, es por perdonansa
de el apreto ke yo pasi en el tye-
mpo ke yo estuve apalavrado kon
eya; i mis paryentes ke repozan
en Gan Eden me ovligaron a ke yo
rompa este angajamyento. I lo ke
tu te ansyeyates, es por la kulpa ke
tu apartates tu lecho de la mujer
ke te fue aparejada de el dia ke tu
nasites. I agora todo ya esta byen
klaro, ke todo esto fue de parte
de el Kriador, ke Paga a el ombre
sigun sus echas i sigun el fruto de
su komporto. Tornavos a vuestra
kaza kon alegria i kontinuesh a
bivir kon amistad komo de antes.
De akel dia en delantre, pujo la
kerensya de el marido a su mujer
setenta tantos i bivyeron orozos i
rikos, kon repozo i abondansa. Sus
desendyentes fueron derechos i
bendichos, azyen gloria a sus jeni-
tores.
Teksto tomado de el livro:
TIFERET ATSADIKIM
10 23 NISAN 5 7 7 0 - 7 A V R I L 2 0 1 0
REKUERDOS

“Una lagrima, una riza”- LO KE MOS KONTA RIVKA

poder en el partido komunisto
en Sofia, no kijo irse endjuntos
kon sus djenitores. I es ansina ke
los dos ermanos se espartieron i
no se avlavan uno kon el otro.
Paso tyempo, Samuel salio de
la Bulgaria, partio a Eretz Israel,
deshando su ermano detras. Las
famiyas enkontraron munchas
difikultades en veniendo a Israel
i tenian situasiones i kondisio-
nes duros para akomodarsen.
Tambien el Estado de
Israel, el rezin nasido
estado, ke avia sali-
do de la Gerra de
la Independensya,
tuvo kondisiones
gravas ekono-
mikas. Ansi los
muevos imigran-
tes tuvieron de
luchar kada dia
para topar kazas,
No teniendo munchas paras,
Shmuel merko un bilieto barato i
a la tadre se fue a la sala de kon-
serto, asperando ke el kantador
apareska.
Shmuel de vista rekonosio
su ermano, aprovecho ke la
audensia empeso kon el aplozo,
i tuvo el animo de apresurarse
en koriendo detras de la shena
para bushkar a Leon. Por siguro
la reunion inesperada era muy
grande i muy esmoviente. Leon
no pudo akomodarse de vinir
vijitar la famiya porke su orkes-
tra tuvo un orario muy okupado
este mismo dia. Malorozamente
en este poko tiempo los dos
ermanos no podrian enchike-
zer o enderechar las diferensias
entre eyos i la reunion no les
trusho demaziado endjuntos.
Tan serka, tan leshos. Desde

Levkov
RIVKA ABIRY / HAIFA en Bulgaria i venir bivir en Eretz
Israel.
Estonses un buen dia, mi
papu el Pamukchi kon toda su
para topar lavoro,
para apoyar i sostenir
sus famiyas i darse la
pena de akomodarse en
sus patria.
Ma aunke munchos anyos
pasaron, la famiya Levy entera
no se desho de bushkar kon
kandela a Leon; dezeavan a
toparlo, a enkontrarse kon el,
ma no reusheron. Fue dicho ke
Leon avia salido de Sofia, fue
este enkontro el kontakto uniko
entre eyos estava solamente
kon el telefono i kartas posta-
les. De esta manera un dia Leon
le eskrivio ke le propozaron de
bivir en Berlin, donde topo un
lavoro ekselente kon su orkestra.
Despues una vez mas avia una
kayadez entre los dos, asta en
1989, kuando kayo la muraya,
Shmuel reusho a partir a Berlin
i de konvenser a su ermano, ke
mas no lavorava, i ke bivia soliko,

K uando las puertas del

Estado de Israel se avrie-
ron, una onda de djudios trusho
famiya, se dechizo de partir a
Eretz Israel. La famiya era gran-
a bivir en Rusia i estudiava ayi
muzika...
de venir a morar en Israel.
Onde pensash ke se pueden
de, kon munchas kreaturas, En 1975, Shmuel kaminando enkontrar en dias estos los dos
48,000 imigrantes de la Bulgaria un dia entre las kalejas de Tel ermanos?
munchos djenitores. Ma kero
a Israel. Este egzodo era enor- Aviv, vido un avizo ke atiro su Estan okupando endjuntos
kontarles ke en esta grande
me i akontensio despues de la atension, anunsiando una orkes- una i la mesma kamareta en un
famiya, las relasiones entre los
Sigunda Gerra Mundial, kuan- tra rusa ke devia venir a Tel Aviv. kaza de djente avansados en
dos ermanos, Shmuel i Leon,
do los komunistos en Bulgaria El mejor de este anunsio era la anyos i son aedados, Shmuel
nunka no eran muy fraternal, i
tomaron el kontrol del governo foto i el nombre del artisto i ala- ensenyando Tanah i Leon la per-
a esta ora se izieron peor, por
Bulgaro. Miles i miles de judios vado kantador Levkov, ke nasio sona ke organiza los programas
modo ke Shmuel keria partir a
se dechizaron en un kurto perio- en la Bulgaria, ke agora bivia de englenear los rezidentes
Eretz Israel, i Leon komo komu-
do de tiempo de salir de sus en Rusia i ke avia estudiado en mayores.
nisto grande, ke tenia una pozi-
sivdades, de deshar sus kazas Moskova el Bel Kanto. La sangre no se aze agua.
sion importante i sentral del

SAVIDURIAS PROVERBIOS SERBOS

DE BULGARIA  Un indjusto puede enganyar a 10 djustos.  El tyempo aze todo olvidar, seyga la tristeza
topadas en los Arshivos de komo i la alegria.
 La moneda es un pasharo ke syempre bola.
Bulgaria i arekojidas por
 La muerte aze despareser todas las ansyas.
 Las devdas asemejan a los mikrobes ke
MİCHAEL HALEVY /
destruyen el kuerpo umano.  El minuto ke se pyerde no puede ser ganado.
HAMBURG
 Sin solidaridad no se puede obtener libertad.  La pasensya puede romper mizmo una puerta
de fyerro.
 El mundo es la morada del puevlo i geinam
Mos permetimos de trokar la [infyerno] es la morada de akeyos ke danyan la  El ke da kon una mano resive dos.
ortografia para ke se pueda
primera morada.
entender mijor.  Yo para ti, tu para mi i El Kriador para todos.
Redaksion de El Amaneser  Al djoveno le gusta lo nuevo - al vyejo, lo vyejo

!
R A S H
TERREMOTO EN CHILE
HERNÁN R. FISSE / SANTIAGO DE CHILE
zejelchile@gmail.com
Shema Israel, Shema Israel !!! Ansina me
salia el grito de arientro del garon i de la alma
kuando akontesio el terretemblo en Chile, el 27
de Febrero de este anyo. Kon mi mujer Miriam
moramos en un apartamento del piso 10 de
un batimento muevo de la sivdad de Santiago,
ke merkimos antes sinko mezes. Engajé mos
metimos debasho de la puerta de entrada, sin
charukas, i sentiamos komo todo se meneava
embasho, arriva, las paredes, paresia estruision
del mundo. Flamas kontra flamas, los bibelós se
azian siniza, un grande espejo se patladeo en
mil pedasos. No saviamos kualo mos dava mas
angustia, el bruido o ke todo se meneava komo
en un vapor. Fue una vedradera tortura de
mas de dos puntikos, ama en el korason se izo
komo de dos oras. Pensi ke me muria, porke
un pedaso del batimento me vendria enriva de
la kavesa o seria arondjado al dip de la eskalera
de emerjensia. Dio mio adjideate de mozotros!!!
Bezi a mi mujer, komo un adiyo i le dishe ke
la keria muncho.
Esto akontesio a las tres i media de la
demanyana de un dia de shabat. Mi ija Dafne
mos avia kombidado a ensender las kande-
las i dezir las berahots en su apartamento. Le
refuzimos porke keriamos meternos temprano
a la kama; era muestra primera semana de
lavoro despues de tener unas ermozas vakan-
sas de ventidos dias en diferentes kantones
del Sud de Chile i de Argentina. Vimos un poko
de television, ke amostrava el Festival de la
Kansion de Viña del Mar, ke trusho afamados
artistas del mundo entero, komo Paul Anka,
Raphael, Arjona, i amatimos la luz. Unos pun-
tikos despues de las tres me alevanti para ir al
banyo, estava empesando a durmirme, otruna
AKTUALIDADES
vez, kuando vino el terretemblo.
Grasias al Dio estamos bivos, mi madre i las
famiyas de mis dos ijas no les akontesio dingun
danyo de importansia, porke moran en aparta-
mentos. Tenemos amigos ke se les izo kepazé
arientro de las kazas, kon televisiones furlada-
das leshos o puertas i ventanas travadas. Lo
mas negro le akontesio a una kamarada arkitek-
ta de lavoro de Miriam i su famiya, kuando la
mar les yevo la kaza de la playa en un lugar
yamado La Pesca, al lado de Iloca, donde las
aguas entraron kilometros. Alkansaron a fuyir al
tepé de una montanya.
Esto eskriviendo este artikolo el 3 de Marso
para ke se publike en El Amaneser en el mez
de Avril. Ainda los asensores de muestro bati-
mento no estan kaminando i no tenemos gas
para gizar. La luz kada nada se amata. La uni-
versidad donde lavoro tuvo munchos danyos,
los komputadores embasho i los telefones
mudos. Ay sivdades de Chile kon grandes
danyos, komo Curico, Constitucion, Talca,
Concepcion i otras ke se topan en el bodre de
la mar, ke sufrieron indemas el maremoto, ke
va a kostar los ojos de la kara para alevantarlas.
Avian kazas antikas de grande valor istoriko i
patrimonial, ke venian los turistas a vijitar, ke
se pedrieron para syempre.
Es muy triste ke esto akontesio kuando
Chile se aparejava para fiestar sus 200 anyos
de vida, konosido komo el Bicentenario. Un
pais muy djoven ke aze grandes esforsos por
deshar atras la povreza del puevlo i arivar kon
un gran developamiento a donde se topan los
del primer mundo. Oy es konosido komo uno
de los grandes eksportadores de produktos de
la mineria komo el kovre, asero, ansina komo
la seluloza para las fabrikas de papel, farina de
pishkado, kon sus kuatro mil kilometros de
bodre de mar, la fruta mas gostoza de todas,
los vinos i mil i una otras kozas. Tengo grande
11
23 NISAN 5770 - 7 AVRIL 2010
GOBIERNO DE CHILE
MINISTERIO DE
OBRAS PUBLICAS
konfiensa i kreyo ke otruna vez Chile podra
kontinuar adelante, kon la intelijensia i el esfor-
so de la djente.
Aze sinkuenta anyos, sufrimos el terretemblo
i el maremoto mas fuerte ke asta agora egziste,
kon olas de dodje metros ke se yevaron por
entero el puerto de Corral, a 850 kilometros al
sud de Santiago. Esto fue un dia de alhad, el 22
de Mayo de 1960, i en la sivdad de Valdivia a lo
manko desharon este mundo sinko mil perso-
nas. La intensidad fue de 9.5 grados en le eskala
de Richter, el de agora fue de 8.8 El pais kedo
partido en dos, una mitad alevantada i la otra
embasho. Oy Valdivia es uno de los lugares mas
lindos del mundo, kon miles de turistas ke lo viji-
tan kada nada i donde las personas mas aedadas
amostran las feridas ke desho el terretemblo, ke
ainda se ven en la sivdad.
Turkia, de mismo, es tierra de munchos
terretemblos. Mi padre me kontava de uno
muy grande ke se paso en Erzincan, en el
mez de Disiembre de 1939 i ke los muertos
pasaron los trenta mil. Komo el mundo estava
en gerra, no atiro la atension komo se devia.
En Bolu en el anyo 1944 akontesio otro terre-
temblo ke desho a lo manko vente mil “hasarli
bina” (batimentos averiados). El de Kocaeli en
1999 lo meldi en las gazetas de akeyos anyos.
Kuando mi padre i mi madre arivaron a Chile
en 1949 tenian haber lo ke eran los terretem-
blos i no les vino de novedad, ama el espanto
kuando akontesia uno, nunka lo desharon de
sintir i gritavan el Shema Israel.
Turkanos i chilenos tenemos munchas kozas
ermozas i gostozas ke mos azen muy paresi-
dos, ansina komo una “kultura de los terretem-
blos”, ke viene de munchos anyos atras, ama
no le do a dinguno en el mundo uno de eyos
(ni a los enemigos). Ainda tengo el korason
en la boka, eskriviendo para los amigos de El
Amaneser, i las pachas ainda me bailan solas.
12 EL KANTON DE LA LINGUA
23 NISAN 5 7 7 0 - 7 A V R I L 2 0 1 0

Mos Ambezaremos El Alfabeto Rashi

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.

HET 11 ZAYIN 10 ZAYIN 9 VAV 8 HE 7 DALET 6 GIMEL 5 GIMEL 4 BET 3 BET 2 ALEF 1

H J Z U/O A D CH/DJ G V B A

SAMEH 22 NUN 21 NUN 20 MEM 19 MEM 18 LAMED 17 KAF/HAF 16 KAF/HAF 15 YOD 14 YOD 13 TET 12

S N FINAL N M FINAL M I K/H FINAL K/H Y I/E T

TAV 33 SHIN 32 RESH 31 KOF 30 TSADIK 29 TSADIK 28 FE 27 FE 26 PE 25 PE 24 AYIN 23

T SH R K TS FINAL TS F FINAL F P FINAL P A

Es ovligo grande de vijitar al hazino

“Meam Loez”, Perashat de “Vayera”, daf (pajina) 206

Transliterado por: Yehuda HATSVI, Tel Aviv / hatsvi@netvision.net.il

Ladinokomunita / http://groups.yahoo.com/group/Ladinokomunita - mesaje/ 31779-31780

Un platiko despues de Purim

YEHUDA HATSVI / HERZELIA
Hatsvi@netvision.net.il ke ansi es el dover. Malgrado todas mis eskuzas i kavritiko”, mos dan a saver ke
Biva... djustifikasiones sovre “despues “Un kavritiko, lo merko mi
de Purim platikos”, vos akodro padre por dos aspros por dos
Verdad es ke la djente se bur- Mordehay manda i dize ke en Yerushalayim (i en otras “levanim”.
lan de akeyos ke trayen platikos todo djidyo ke se avize, sivdades ke eran entornadas kon “Levanim” tambien (en
despues de Purim. Ma, a mi me en Adar katorze i kinze muraya), el Purim se fiesta OY (15 ebreo) sinyifika “blankos”.
ambezaron de viejo ke “en la ke miren bien de bever. de Adar), kon grande alegria, i Komo vesh: “Purim paso, a
meza del rey bien kave una boga- Biva... kon un sovrenombre majestuozo: Pesah paryo”...
cha”, i si te dan algun platiko, “Shushan Purim”. Ke tengash todos dias buenos
afilu despues de Purim - toma! Komo vos digo lo aresh Agora, sovre el “aspro”. Aspro i klaros!
Entonses, espero ke ayinda vos i a El mucho loaresh, en un biervo en grego ke sinyifika
agradara meldar aki unas kuan- sus maraviyas kontaresh “blanko”, i de ayi deriva el nombre
tas linyas de una de las komplas porke son kozas de dover. de una moneda chika ke pasava
(koplas) de Purim. Biva... entre los merkaderes en Gresia i
Las sigientes sesh estrofas en otras partes de los balkanes,
son de una kompla eskrita por Enkomenda esta regla antes kaje 200 anyos.
Yaakov Uziel, en el tiempo del en memorias bien tenerla, Ay una dicha ke mos akonseja
sultan Abdul Aziz, imprimida en kon partido de azerla kon un djugo de palavras:
la imprimeria de Saadi Halevi, en ke ansi es el dover. “Guadra el aspro blanko
Salonik, en el anyo 5626 (1866): Biva.. para algun dia preto”, Has
vehalila.
Kon ayuda del Dio alto Aspros (*) dar kon las dos Entonses, en la kompla de
ke mos aga nada falto manos Purim mos dizen:
lo alavo i lo kanto a proves vuestros ermanos; “Aspros dar kon las dos
ke le tenemos de dever. siendo son muestros ermanos manos, a proves vuestros
Biva el rey, biva el Dio kombidaldos a bever. ermanos”.
bivan todos los djidyos. Biva...
*** A el “aspro” lo topamos tam-
Todos djuntos alavemos bien en el kante muy konosido de
porke mucho le devemos (*) Ke son los Aspros?, i ke PESAH.
despues de esto - beveremos tienen ke ver kon Pesah? - En una de las versiones de “El

KANTON DE BIBLIOGRAFIA SEFARDI
MICHAEL HALÉVY/ HAMBURG
mihalevy@alice-dsl.net
Lingua
• KOEN-SARANO, Matilda,
Diksionario Ladino-Ebreo /
Ebreo-Ladino, Kaza Editora
S Zack, Yerushalayim 2009-
2010, sin ISBN.
INFO: www.zack.co.il
Istoria
• BAKI, Rifat N., The Saga of a
Friendship. Asa Kent Jennings
and The American Friends of
Turkey, Libra Kiptap 4, Istanbul
[2009], ISBN: 978-605-89306-3-4
INFO: librakitap@gmail.com
Göz­lem Ga­ze­te­ci­lik
Ba­s›n ve Ya­y›n A.fi.
ad›­na sa­hi­bi: YA­KUP BA­RO­KAS
Ya­y›n Tü­rü: Yayg›n Süreli
• CENTROPA / CASA
SEPHARAD (eds.), Chronicle
of a World Destroyed, The
rediscovered photo albums of
a Belgrade Sephardic Family.
INFO: www.centropa.org
• SURHONE, Lambert M. et
al., Necdet Kent, Betascript
Publishing, Mauritius 2010,
ISBN: 978-613-0-37410-5
Sorumlu Yaz› ‹flleri Müdürü: Katk›da Bulunanlar:
Ifl›k Sivil Karakoç Gad Nassi
Christine H. Lochow Drüke
Yay›n Yönetmeni: Roz Kohen Drohobyczer
Karen Gerson fiarhon
Koordinatör: Dizgi-Grafik Tasar›m:
Güler Orgun Semra Sevinç
BIBLIOGRAFIA 23 NISAN 5770 - 7 AVRIL 2010 13
• MILLER, P. Miller et al.,
40
Dönmeh, Alphascript
Publishing, Mauritius 2010,
ISBN: 978-613-0-27643-0
• ROMANISTIK IN GESCHICHTE
UND GEGENWART XV, 2, 2009,
Hamburg, ISSN 0947-0565
Michael Studemund-Halévy,
Die Wiener Sefarden und
die deutschsprachige
Romanistik, pp. 227-244 [Los
Revistas sefarditas de Vyena i la shkola
romanistiks almana]
• ESTREYA, num. 2, 2009, Sha-
lom, Sofia; INFO: laestreya@
abv.bg
Victoria Meshulam, I shall not desert
the Synagogue (bulg.), pp. 4-9
Yulina Dadova, Rabbi Dr. Marcus
Ehrenpreis Between East and West
(bulg.), pp. 38- 47
Vladimir Paunovsky, Consecration of
the Central Sofia Synagogue Press
Chronicle (bulg.), pp. 48-60
Yuliana Farhi, Jewish Marriage
(bulg.), pp. 64-80
• ARCHIVES JUIVES 42/2,
Paris 2009, ISSN: 0003-9837
RENCONTRES ASHKÉNAZES-
SÉFARADES: Ruth Toledano-
Attias, L’image des Juifs
séfarades en France au XIXe
siècle; Philippe Landau, À
l’origine de la tradition séfarade
à Paris. Les juifs du rite portuga-
is aux XVIIIe et XIXe siècles
Yönetim Yeri: fiALOM’UN ÜCRETS‹Z EK‹D‹R. /// Merkez Tel: 0212 - 231 92 82 Faks: 0212 - 231 92 83
Atiye Sokak, Polar Apt. 12/6
Teflvikiye - ‹stanbul
Abonamiento: abone@salom.com.tr
Bas›ld›€› Yer: Artikolos publikados en El Amaneser refletan las opinyones personales de sus otor, i son enteramente i
Turkuaz Matbaac›l›k solamente a su responsabilidad. La reproduksyon total o parsyal de estos artikolos es permetida kon la
Yay›nc›l›k A.fi.
kondisyon de mensyonar su manadero i el nombre del otor.
Keresteciler Sitesi, Fatih Cad.
Selvi Sok. No:18
Merter-‹stanbul PARA ABONARSE ➨ posta elektronika: elamaneser@gmail.com
14 17 ADAR 57 7 0 - 3 M A R S O 2 0 1 0
Muestro amigo Moşe Grosman tuvo la maraviyoza idea de transliterar un romansiko eskrito por el grande
maestro Eliya R. Karmona. Vos estamos dando el romansiko entero en una vez en esperando ke vos
gustara i ke muestro amigo lo ara esto a mas kuruto.
El Sekreto Enterado
KAPITOLO 1
Uno delos afamados bankyeros de
Paris, era en el 1879 el Sr. Anri Broshi,
onde mas parte delos echos delos
chikos eznafes se aziyan en su banka,
situada en la kaleja de las bankas.
En una manyana del 15 Febrayo
1880, Sr. Anri Broshi era asentado en
su fotolyo meldando un jurnal kuan-
do el moso entrava ala kamareta en
dizyendole:
- Un payizano ke deve ser korta-
dor de lenya en una shara, dezeya
vervos.
- Ke echo tengo yo kon un korta-
dor de lenya? demando el bankyero.
- No se, el me avla de un tono
muy seryozo i me disho: “Dizilde a
vuestro amo ke me resiva sin falta
por su propyo entereso”.
Esta repuesta metiya en penseryo
a Sr. Anri ke despues de djuzgar las
palavras del moso algunos segondos
le diziya:
- Azeldo entrar!.. Veremos ke
koza es?
El moso se retirava i un punto
despues retornava kon el kazalino
endjuntos.
Este ultimo entrava ala kamareta
en saludando a i se asentava en una
siya, antes ke el bankyero le mostra-
ra lugar de asentar.
Apenas el moso se retirava ke
Mishel, ansi era el nombre del kaza-
lino, tomava la palavra en estos
terminos:
- Esto siguro ke mi vijita vos ariya
un poko enkantar, una ves ke vos no
me konosesh; i ke yo no vos konosi-
ya fin antes dos mezes…
Estos dos byervos: “dos mezes”
harvavan el korason de Sr. Anri
komo una fuerte kuchiyada, estos
dos byervos aziyan akodrar a Sr. Anri
munchos males i sin azerse del todo
entender ke pensava al alguna koza,
el le demando:
- Me puedes dizir kual es el esko-
po de vuestra vinida?
- No vos espantesh Sr. Anri, el
eskopo de mi vijita es muy semple,
mi ijo vyene de eskapar sus estudyos
en la eskola superyor, i vine rogar-
vos ke lo tomesh komo kontable en
vuestra banka.
- Se ve komo sosh un semple
payizano i no tenesh konosensya
sovre los echos de plasa, no savesh
komo ay kareza en estos diyas.
UN ROMANSIKO DE ELIYA KARMONA
- Si ay kriza o si no ay kriza, poko
me emporta, vos devesh tomar a
mi ijo en vuestra banka… Ovligar
vos puedo Sr. Anri kuando vos ago
akodrar la vijita ke izitesh antes dos
mezes en la shara para ovligarvos a
ke tomesh a mi ijo en vuestra banka.
- No esto entendyendo lo ke vos
keresh dizir.
- Ya estash entendyendo ma
no vos konvyene akodrarvos, i
byen, eskarvad vuestra memorya i
toparesh muy presto ke antes dos
mezes, una demanyana de alhad
vinitesh a paseyarvos a mi shara kon
vuestro asosyado Sr. Moris Doran, i
en el momento ke vos paresyo ke
ninguno aviya ayi, travatesh vuestro
kuchiyo i degoyatesh al dezdichado
komo degoyar un kodrero.
La kolor de kara del bankyero se
empesava a demudarse i Mishel kon-
tinuava:
- En akel momento yo estava
fotografeyando a un pasharo ke
aviya ensima del arvole i sin kererlo,
la fotografiya mostro tambyen la
forma ke estava degoyando a vues-
tro asosyado…. Esta fotografiya la
tengo yo guadrada, i si yo keriya, la
entregava del primer momento. Ma
mi eskopo no es ni de azervos mal
ni de tomar vengansa, mi eskopo es
de adelantar a mi ijo, i es en vuestra
banka ke se puede adelantar.
- Ke edad tyene vuestro ijo?
- 24 anyos.
- Byen trayeldo aki manyana.
- Grasyas Sr. Anri, puedesh estar
siguro ke vuestro sekreto no sera
nunka deskuvrido.
Mishel se levantava i lo saludava i
Anri kedado solo, empesava a pensar
en esklamando entre si:
- Anke al ijo yo lo va tomar en la
banka, este mizeravle Mishel tyene
syempre una arma para vengarse de
mi, i si la okazyon se prezenta, el lo
puedra azer. El solo remedyo ke ay
es de kitarlo a este del mundo i kale
azerlo a todo presyo porke este, en
kada momento me va demandar
ogmentasyon ala mezada de su ijo.
Kale viyugarme i en presto.
KAPITOLO 2
Antes de kontinuar a ver la vengan-
sa ke Sr. Anri se esta aparejando a azer
sovre el kazalino Mishel, nos vamos a
atrivir a eskrivirvos un poko sovre Sr.
Moris Doran, el ke degoyo Sr. Anri.
Moris Doran era el asosyado de Sr.
Anri, ma sin kapital… Sr. Anri teniya
muncha moneda. Moris konosiya el
ofisyo de bankerlik i si komo eran los
dos muy amigos, se aviyan asosyado.
El echo prosperava de diya en diya
i en menos de dos anyos, eyos gana-
van una emportante suma.
Sr. Moris tenyendo yena konfiyensa
en su asosyado, tomava kada mes lo
ke teniya menester para gastar i el
resto lo deshava en la banka, kon idea
de tener algun diya, un buen kapital.
Nuestro Sr. Anri pensando ke
algun diya su asosyado se iva azer
patron de moneda i puedriya avrir
una banka por si, keriya desbarasarse
de el, avyendo embezado i el ofisyo,
despartirse de la asosyasyon, el no lo
puediya porke teniya kontrato por 5
anyos, i el se pensava ke forma azer.
Despues de muncho pensar, el
topa el remedyo i sin avlar nada a
ninguno, envito un alhad demanya-
na a su asosyado a irsen paseyar en
djuntos.
El se lo yevava de parte la shara
de Mishel el guertelano i en un
momento le paresyo ke no aviya nin-
guno ayi, travo kuchiyo i lo degoyo
en deshandolo ayi muerto, i avlando
allado del muerto el kuchiyo des-
paresiya sin kreyerse ke ninguno lo
aviya atinado.
Esta operasyon eskapada el
retornava a su kaza repozado, mos-
trandose komo ke nada no uvyera
akontesido.
Kuando la nuvedad dela muerte
de Moris Doran fue konosida Sr. Anri
Broshi se mostro muy esmovido ala
aparensya i yamando ala bivda le
mostro los kuentos delas muezes
alas kashkaras, le dyo 17.000 Frankos
ala bivda i la kito de en medyo.
Esto eskapado el empeso a kon-
tinuar su negosyo komo si nada no
uvyera akontesido. I todas las bushki-
das dela polisiya kedavan sin sukseso.
Porka el solo ke aviya visto este kri-
men era Mishel, i el no lo deskuvriya
kon idea de azer empyegar a su ijo
en la banka de Sr. Anri i asigurarle de
esta manera un buen avenir.
KAPITOLO 3
Mishel retornava de onde el
bankyero kon grande alegriya, el
se kontentava mijor de empye-
gar a su ijo ke de ir denonsyar a
Anri por el asasinato ke aviya echo.
Denonsyasyon ke avriya para el nin-
gun provecho.
Retornando en kaza su ijo Alfredo
lo esperava kon despasensya, i kuan-
do su padre le komuniko la nuvedad
su nuevo empyego Alfredo se alegro
bastante i su padre kontinuo la kon-
versasyon en dizyendo:
- Mira Alfredo, si vites ke el
empyego ke te va dar es sin empor-
tansa, apunto demisyonas, Anri
Broshi es ovligado de tenerte por
empyegado porke ay un misteryo ke
lo ovliga por konsiguensa, kale ke te
tenga.
- Deshame entrar me are lugar,
disho el ijo. Entrare yo ayi, el resto es
mi echo.
- No es ansi Alfredo, te va meter
al koryente de un echo porke ten-
gas una arma para kontradizir a tu
patron. Este mizeravle, syempre en
syendo bankyero es un matador de
su propyo asosyado. Ke esta foto-
grafiya ke yo te va mostrar agora,
es el retrato ke mostra la forma ke
lo mato, i ke el azardo me trusho a
ke lo fotografeyara, en el momento
ke keriya fotografeyar a un pasharo.
Esto todo, yo te lo esto deskuvryen-
do porke si algun diya me muero, el
mizeravle konvensido ke tu no saves
nada te puede konjedyar. Kon esta
fotografiya enseralo en un kuti de
teneke i va enteralo ala guerta, porke
en este mizeravle no tengo mun-
cha konfiensa. Akel ke se permete a
matar a su asosyado por entereso,
puede ser kapachi se azer toda sorte
malisya i ken save si el no bushkara a
rovarte esta fotografiya kon algunos
endjenyos ke el bushkara de topar.
El ijo sintiya kon atansyon loke su
padre le diziya, i kedava enkantado
de ver ke manera un bankyero se
permetera a kometer un semejante
krimen.
Tomando la fotografiya, Alfredo
koryo onde un tenekeci, izo serarla
limpyamente adyentro de un kuti
de teneke ke se izo fabrikar, i akeya
mesma tadre izo una onda foya i lo
entero ayi.
Esta operasyon eskapada, Alfredo
paso la nochada kon grande des-
pasensya i el diya sigyente, de muy
temprano, el fue ala banka.
Sr. Anri Broshi le izo un kalorozo
resivo, le dyo en vista un empyego
de kontavle en prometyendole de
darle una mezada emportante.

KAPITOLO 4
Nuestros lektores se akodraran por
siguro la fuerte kolora ke Anri Broshi
aviya tomado kuando el kazalino
Mishel le aviya mostrado la fotografi-
ya i la manera ke el aviya pensado de
vengarse de Mishel por destruir esta
fotografiya retrato ke metiya kada diya
su vida en perikolo.
El arivo de Alfredo, komo empye-
gado ala banka, lo aziya mas muncho
inyervar i en kada ves ke lo viya, el se
inyervava mas muncho, sin pueder
topar un remedyo para desbarasarse.
Un anyo se pasava ansi, i nuestro
Sr. Anri era ovligado de pujar kada
dos mezes la mezada de Alfredo
sovre la demanda echa de Mishel,
ke viniya kada dos mezes afedentar-
lo i amenazarlo.Un diya Sr. Anri era
asentado en su fotolyo i meldava un
jurnal. Subito, sus ojos enkontraron el
chiko entrefileto sigyente:
“Un Endendyo Misteryozo”
“Anoche serka medya noche, un
ensendyo misteryozo se deklaro en
la kaza No. 37 dela kaleja Popinkor.
La kaza entera se kemo sin saver de
onde vino el fuego. Todos los abitan-
tes de esta kaza se kemaron bivos.
La polisiya syempre en azyendo
grandes bushkidas, no pudo topar
komo provino este fuego”
Nuestro famozo Anri, meldo dos
vezes este artikolo kon atansyon i
despues de meter su kavesa sovre
sus dos brasos i pensar bastante, el
disho entre si:
- Na un buen remedyo para ven-
garme i yo tambyen. Yo puedo muy
byen meter la kaza de Mishel en
fuego tanto mas ke el mora enmed-
yo de una shara i si yo parvengo a
eskonderme dela tadre en algun
lugar ke no me pueden ver fasil-
mente, yo puedre meter el fuego a
medya noche, i retirarme sin ke nin-
guno deranje.
Esta rezolusyon tomada, el la paso
otra ves por su memorya, i se desidyo
a azerlo akeya mesma noche.
- Una operasyon de 5 puntos me
ara salvar la vida i los atagantos de
kada diya.
La desizyon tomada, el salyo pres-
to dela banka, merko de una farmasi-
ya una grande ayuda, se aprovezyono
de medyo kilo de menzina i una
bocha i guadrandola ala aldikera de
detras del pantolon se dirijo de parte
la shara antes ke la noche eskuresera.
Una ves ayi, el topo muy presto
un lugariko para eskonderse entre
dos arvoles, espero kon grande des-
pasensya el arivo dela nochada, i kon
grande dezespero el pudo esperar
asta las oras onze i medya.
- Agora no ay ninguno ke me va
ver, esklamo el en levantandose.
El incho la ayuda de menzin, se
dirijo de parte la kaza de Mishel,
arufyo la menzina en todas las partes
ke enkontro i kuando no le kedo
mas ensendyo un kibrit, enflamo la
UN ROMANSIKO DE ELIYA KARMONA
menzina en munchos lugares i se
retiro en koryendo.
La kaza de Mishel era en tavla. I a
punto la kaza entera se empesava a
enflamar.
Los dezdichados moradores de
adyentro empesando resintir kayen-
tor se despertavan en vista i vyendo
la kaza en flamas, no aziyan otro ke
bushkar a savlar las almas.
Kon grande difikultad Mishel i su
La kaza de Mishel
ijo saltavan por la ventana, i orde-
navan a sus mujer de saltar tambyen,
ke eyos la apanyavan a sus brasos.
Eyos se firiyan un poko, ma las
firidas eran pasajeras, i kon sanglutos
de yoros, viyan sus kaza kemar ente-
ramente.
La polisiya akoriya en vista. Ma
malorozamente no toparon ke mane-
ra este fuego se aviya deklarado.
Ni la kaza, ni la mobilya eran asigu-
radas, dos razones, ke no desidavan
suspechar ke Mishel aviya echado el
fuego.
- Tenesh suspechos en algun ini-
migo? Demando el kapo de polisiya.
- En ninguno, respondyo Mishel.
- Alora, a kualo atribuir el fuego?
- No se Sinyor.
El komisaryo de polisiya empeso
a rodear el doredor dela kaza i a su
grande enkanto en el kampo de afue-
ra dela kaza, una bocha golyendo a
menzin i una ayuda…
- Agora se entendyo ke uvo echa-
dor de fuego, esklamo el komisaryo.
Egzaminado byen la ayuda de las-
tik i se vido ensima la ayuda las eskri-
turyas semejantes:
“ Farmasiya Santral, 13 Bulvar
Barbes, Paris.”
- Na un buen sinyal para apanyar
el echador del fuego. Si el farmasyen
se akorda ken merko esta ayuda. Yo
vo bushkar i esto siguro ke vo topar.
KAPITOLO 5
Antes de kontinuar adelantre de
nuestra istorya vayamos un poko si
vos plaze, ala kaza de Madam Dosilina
Doran, La bivda del asosyado Sr. Moris
Doran i ver un poko loke se esta
pasando ayi..
Kuando eya aviya resivido los
17.000 Frankos ke el mizeravle Anri
le aviya dado sin kererlo mesmo, eya
aviya pensado de servirse de esta
moneda por ententar un proseso al
asosyado de su marido i demandarle
los kuentos en regla.
Espantandose no seya ke perdyera
la moneda a el proseso eya se kon-
tento kon tomar la moneda i bushkar
a adelantar su ijika Doromeya ke la
teniya en la eskola.
Doromeya teniya 17 anyos i le
mankava un anyo para eskapar la
eskola, si la madre se desidava a azer
todos los gastes por el eskapamyento
del estudyo de su ija, ya saven ke gas-
tar i no ganar aze apokar la moneda. I
es esto loke arivava ala desdichada de
Dosolina.
De una parte eya aziya los gastes
de kaza, de otra parte aziya los gas-
tes dela eskola de su ija. I en este
entervalo de un anyo, la moneda
abashava ala mitad i se empesava
a espantar ke se iva eskapar por
entero.
Portanto la Sinyorita Dorotea aziya
apasensyar a su madre en dizyendole:
- Mama, es agora ke deves tener
un poko otro de pasensya, una ves ke
ya eskapi la eskola, yo puedre topar
algun empyego, i ansi biveremos
kontentes.
- Empyego? Tan presto no se
puede topar.
- Ya lo vas a ver mama, yo me va
prezentar onde Sr. Anri Broshi pro-
pyo, le va dizir ke ya eskapi los estu-
dyos i le vo rogar ke me tome por
empyegada.
- Agora razonates djusto, este
mizeravle no mos kere ver ni en la
kara, te va tomar a ti por empyega-
da?!...
- Si me refuzo, lo va ovligar i vas a
ver komo va reushir…
- Yo no kreyo, i es mijor si miras
otro lugar.
- Danyo ay de aprovar? Yo lo va
azer.
- Aprova.
Dorotea se vistyo el solo vistido
limpyo ke teniya i se fue a ver al vyejo
asosyado de su padre, konvensida ke
iva reushir en su rogativa.
17 ADAR 5770 - 3 MARSO 2010 15
KAPITOLO 6
Kuando la manyana del fuego
dela kaza del kazalino, el komisaryo
se aviya retirado, Mishel se empeso
a sonriyir i adresandose a su ijo, le
disho:
- Dime veremos, tu ke sos man-
sevo del filik i estudyado, me puedes
dizir ken es el echador del fuego en
nuestra kaza?
- De onde puedo saver?
- Portanto yo se ken es?!..
- Si ya saves ken es, deke no lo
deskuvrites ala polisiya?
- Porke no me konvyene, porke tu
empyego sera anulado.
- Ke relasyon tyene mi emyego
kon el echador del kundak?
- El echador del kundak es tu amo
propyo Sr. Anri Broshi, i kuando yo
lo va deskuvrir, akel va eskapar kon la
moneda, i tu kedaras sin echo…
- Kualo ovligo a Anri Broshi a
kemarmos la kaza?
- Para destruyir la fotografiya tam-
byen. I una ves la fotografiya destru-
yida, el va eskapar del peligro, i te va
konjedyar el diya ke kere.
- Esto se yama endevinar, respon-
dyo Alfredo.
- Lo vas a ver, vas a ver ke despues
de pokos diyas, el famozo bankyero
ke konosemos va bushkar a konjede-
yarte, en topando algun preteksto.
- Si esto ariva, vo dizir ke sos pro-
feta, ma… kale ke seya ke la sangre
dela muerte ke kometyo este mize-
ravle esta dolasheyando para tomar
vengansa.
- Djustamente, el va estar konven-
sido ke la fotografiya ya se kemo i si
este mizeravle permeterse a rondjar-
te de su banka, guay de el.
- Desha veremos…
KAPITOLO 7
Kuatro diyas se pasavan del akon-
tesimyento del fuego, Alfredo entrava
komo de uzo la manyana ala banka, i
si komo la noche no aviya durmido, el
entrava un poko tadre.
Sr. Anri, ke del primer diya del
fuego ya estava bushkando un pre-
teksto para echar a Alfredo de su
empyego, profitava de esta okazyon
dela tadriya, i apenas entrava Alfredo
ala banka, su amo lo resiviya kon kara
bruta en dizyendole:
- Alfredo estas muy haragan en tu
echo, kon una semejante haraganud
a mi no me konvyene un empyegado.
- Pardon Sinyor, es por la primera
ves ke vine tadre, i kreyo ke ya deve
ser eskuzavle.
- No!..No!.. Frankamente dizirvos,
no esto del todo kontente de vuestro
lavoro i me veo ovligado de konjede-
yarvos.
Esta repuesta izo en vista akodrar
a Alfredo loke su padre aviya ende-
vinado. I el respondyo de un tono
burlesko.
- Me parese ke tan fasil no se
16 17 ADAR 57 7 0 - 3 M A R S O 2 0 1 0
rondja a un empyegado sin pensar las
konsiguensas ke puede aver.
- Ke konsiguensas puede aver? Te
vas a ir a otra banka, por azerme la
konkerensya?
- No Sr. Anri, no… Konsiguensas
otras.
- Va!... Yo no me espanto de
nada, yo so patron de mi echo, a
ken kero mando i a ken kero deten-
go.
Alfredo se aserko de su amo, i en
el oyido le disho:
- Sosh patron de vuestro echo,
ma… la fotografiya bive ayinda, no se
kemo!!..
- Yo no te esto echando, res-
pondyo Anri kon kolora, ma te esto
akavidando ke deves ser aktivo en tu
lavoro. Toma tu lugar i no me res-
pondas mas.
Alfredo se sonriyo i fue asentarse
en su lugar kuando subito, el moso
dela banka viniya a enformar su amo
ke una sinyorita dezeava verlo.
- No te disho komo se yama?
- Si, eya se yama Dorotea Doran.
- Dorotea Doran!... Esklamo Anri a
bos basha. La ija de mi asosyado por
siguro ke estaran en la mizerya i ke
vendriya demandar algun ayudo, no
devo dar porke no sospeche alguna
koza.
- Azelda entrar, disho el, de un
tono yelado.
El moso se fue, i algunos segon-
dos despues Dorotea entrava ala
banka en
saludando a Sr. Anri i dizyendole:
- Me vash a eskuzar Sinyor, si vine
deranjarvos. Kon vuestra bendisyon
ya eskapi la eskola i vine rogarvos,
si es posivle de darme un empyego
en vuestra banka. Akodradvos dela
buendad de mi defunto padre, i
azedme i un poko de buendad en
mi favor. Los 17.000 Frankos ke mos
tuvitesh akordado ya se esparesyeron
i estamos sufriyendo en la mizerya.
Vos rogo tener piyadad.
- Ken vos disho ke gastesh ala
lokura? La moneda ke yo vos di, pue-
diyash mantenervos munchos anyos.
- La mas parte las gastimos para
mis estudyos.
- Poko me emporta, las krizas de
estos diyas no permeten a ninguno
a tomar nuevos empyegados, i me
desplaze a dizirvos no vos puedo
resivir.
Dorotea no deskorajava a esta
repuesta i kontinuava:
- Me parese ke tenesh i un dever
de ayudo. Esta siya ke vos estash
asentado es la siya de mi padre ke
vos tuvo rendido munchos servisyos,
akodradvos de el i azed en konsi-
guensa, porke me parese ke tenesh
un dever.
- Yo no tengo dever de azer nada,
i te rogo Madmuazel de no deran-
jarme mas. Vos prometo ke si algun
diya avera algun posto vakante, vos
avizare en vista.
- Esta repuesta no mos arta Sr.
Anri, yo kero un empyego.
UN ROMANSIKO DE ELIYA KARMONA
- Regreto ke no vos puedo dar
Madmuazel.
- Ma kale ke me desh!..
- Muncha espesura no se kere, si
aviya empyego ya vos dava.
- Sr. Anri, yo no mevo de aki. Kale
ke me desh un empyego.
El mizeravle bankyero no respon-
dyo mas i apreto un sone, el moso
aparesyo, i de tono muy orgolyozo le
ordeno:
- Kitad esta demuazel afuera!...
Este orden aziya esmovir a
Dorotea. Esklamava a bos alta:
- No tenesh menester de
rondjarme, yo me vo… Este
komporto ke vos estash tenyendo,
vos va kostar muy karo. Esta siya ke
vos estash asentado, es la siya de
mi padre, i es yo ke me va asentar
ayi en esklamando mis derechos. Al
vermos Sr. Anri!..
Eya saliya dela kamareta muy
emosyonada i yorando.
KAPITOLO 8
Del primer momento ke Dorotea
entrava ala kamareta de Sr. Anri, los
I era ala novya ke esperavan kon grande despasensya
ojos de Alfredo aviyan enkontrado
i su korason empesava a batir sin
kererlo. Sintyendo kon atansyon la
konversasyon ke aziya kon su amo,
el entyende byen presto ke esta
sinyorita era la ija del asosyado de
su amo, asosyado ke este mizeravle
aviya matado i ke el era el pose dela
fotografiya.
Apenas Dorotea saludada i se reti-
ra ke Alfredo se levantava de su lugar
i kon algun preteksto saliya afuera i
koriya detras dela demuazel kuando
ya estava en la kaye, aserkandose kon
respekto, el le diziya:
- Pardon Madmuazel, vos rogo
sintirme kon atansyon.
- Ken sosh vos?
- No tengo tyempo de darvos
ni mi nombre ni mi profesyon, sinti
vuestra konversasyon kon Sr. Anri,
tomi a kompasyon vuestra situasyon
i kero ayudarvos.
- Ma vos rogo dizirme ken sosh
vos?
- No ay tyempo Madmuazel, el
mizeravle mos puede ver i su empye-
gado, dadme vuestro adereso, ala
tadre yo ire a vervos.
- Kaleja Rokroa No. 13, me topo el
diya entero en kaza.
- Grasyas Madmuazel, al vermos
ala tadre ala ora 6.
I Alfredo se esparesiya komo un
relampago i iva asentarse de nuevo a
su lugar, sin azerse del todo ver por
ninguno ke aviya salido afuera.
Kon grande despasensya el espe-
rava venir la tadrada i kuando la ora
5 sonava, el tomava kon adjile el
chapeyo, saliya afuera i se dirijava de
parte la kaleja ke la ija del bankyer
muerto le aviya endikado.
KAPITOLO 9
El jesto ke Alfredo aviya echo por
aserkar de Dorotea i avlarle akeyos
byervos ke nuestros lektores ya lo
vyeron, metiya en grande embara-
so i enkanto ala Sinyorita Dorotea.
Eya no topava a kualo atribuir el
aserkamyento de este mansevo, i no
topava ningun sujeto para pensar al
randevu ke este mansevo le dava.
Retornando a kaza, eya kontava
a su madre la kolora ke tomo kon el
asosyado de su padre i el enkontro
ke tuvo kon el mansevo ke no kono-
siya, i ke iva venir akeya tadre a kaza.
- No kale ser muy kuryoza en
la vida, diziya la madre, una ves ke
este joven prometyo ke ya va venir
ala tadre, sin desesperar, esperalo i
vamos a ver loke es. La muerte de
tu padre es un misteryo ke un diya
al otro, va salir enmedyo, tengamos
pasensya.
I madre i ija, se tomavan a
pasensyar de parte a parte.
- Por unos kuantos diyas otros, ya
tenemos de komer, diziya la madre,
el Dio kale ke mos apiyade ke el
tyene kuydado por todos partikular-
mente de nozotros, djente sin kulpa
i sin pekado.
La ora de la pared harvava las 12, i
madre i ija se asentavan a komer.
La komida eskapada, la madre se
echava un poko a repozar i Dorotea
tomando un livro de romanso i
empesava a meldar, terivle kuydado
de echar de ves en kuando los ojos
en la ora por ver arivar las oras 6.
Ala grande alegriya dela Sinyorita
Dorotea, djusto en el momento
ke la ora dela pared harvava sinko i
medya, harvavan tambyen el sone
dela puerta de la kaye. Dorotea koriya
por avrir, i es su grande alegriya, viya
entrar a Alfredo ke la saludava kon
muncho respekto.
- Seyash byen venido Sinyor,
disho eya, vos asiguro ke me meti-
tesh en grande dezespero fin vervos
venir, no savyendo a kualo atribuir
vuestra vijita.
- Agora lo vash a saver
Madmuazel. Vuestra madre ya esta
en kaza?
- Si Sinyor,
- Azedme plazer i prezentamelda.
- Vos veyo ke estash muy apre-
surozo, antrad Sinyor. Todo vyene a
torno de rolo.
Alfredo entro ala kaza, Dorotea lo
yevo al salon de resepsyon onde la
madre
Madam Doselina ya estava espe-
rando.
- Vos prezento ala Sinyora ke
dezeyash konoser, disho Dorotea de
un tono muy simpatiko.
- Tengo el plazer de konoserla,
disho Alfredo, en bezandole la mano.
I el Sinyor asento al lugar ke
Madam Doselina le mostrava.
- Me vash eskuzar Madam, si me
permeti a venir deranjarvos, kreyo ke
va ser por byen.
- A verdad dizirvos, disho Madam
Doselina, nos metemos en grande
penseryo.
- No tengash nada a pensar

Madam, agora vash a saver todo, ma
antes de avlar, me prezentare ken
so yo? Yo me yamo Alfred… So el ijo
de un semple kazalino, ma estudyi
en una grande eskola i puedo servir
para kualunke banka, komo lo esto
en la banka de Sr. Anri. Oy demanya-
na kuando vuestra ija vino ala banka
a emplorar un empyego del mizera-
vle de mi amo, yo remarki el orgolyo
de mi amo i no lo pude somportar,
porke konosko munchos sekretos ke
ovligaran a mi amo a tomar ala ija de
su asosyado komo empyegada. De
otra parte, apenas enkontri a vuestra
ija ke eya me sempatizo muncho i el
dezeyar de renderle un servisyo, me
vino en vista i es por esto ke vine aki.
- Ke servisyo mos puedesh render
vos? Tenesh alguna enfluensa sovre
vuestro amo a ovligarlo a ke la tome
por empyegada?
- No ay menester de esto, dizime
vos rogo, konosesh al matador de
vuestro marido?
- Si lo konosiya, lo entregariya ala
djustisya.
- Si vos, no lo konosesh, yo lo
konosko.
- I deke no avlatesh fin agora?
- Munchas esplikasyones no me
demandesh. Yo konosko el matador
de vuestro marido, i el diya ke vues-
tra ija sera mi novya yo lo denonsyare
en vista!..
- Admetamos ke mi ija devyendra
vuestra novya, kon ke provas pue-
desh mostrar vos ke el matador es
tal o tal persona?
- Kon una palavra vos vash a
konvenser Madam, puedo kontar-
me vuestro yerno? No tengo negra
pozisyon, i si el sekreto es deskuvri-
do, es vuestra ija i yo ke devinidmos
los patrones dela banka de Sr. Anri
Broshi.
- Vo lo prometo Sr. Alfredo. Dizde
este momento Dorotea vos apartyene.
- I eya ya esta kontente? deman-
do Alfredo en mirando a Dorotea
kon sonriza.
- Los ordenes de mi madre son
syempre egzekutidos, respondyo
Dorotea.
- E… Byen Madam Doselina, yo
no tengo madre, i vos seresh mi
madre i biveresh syempre kontente
alado de vuestra ija, kuando el mata-
dor de vuestro marido ya vo lo vo
dizir, ma devesh guadrar el sekreto,
fin ke lo denonsyo porke el mizeravle
puede fuir.
- A esto puedesh estar siguro.
- E byen, el matador de vuestro
marido es su asosyado propyo Anri
Broshi.
- Esto ya lo entendi yo disde
muncho tyempo ma no tengo pro-
vas ala mano.
- Las provas estan en mi Madam,
amanyana propyo, vos veresh el
resultado.
- Dizde este momento, vos
seresh nuestro ijo i puedesh kali-
fikarme de madre, i byen, komo ijo
UN ROMANSIKO DE ELIYA KARMONA
kerensyozo no keresh deskuvrirme el
sekreto de este misteryo?
- Me espanto ke, komo mujeres
no lo deskuvrash.
- Puediyas estar siguro kerido ijo.
- Una ves ansi, te kontare mama!
El diya ke Sr. Anri Broshi estava
matando a su asosyado, mi padre
estava fotografeyando un pasharo
ke aviya en un arvol. La matansa de
vuestro marido se aziya detras del
arvole i en travando la fotografiya
se fotografeyo tambyen Anri Broshi
degoyando a su asosyado i se ve
klaro en la fotografiya.
- Ken tyene esta fotografiya?
- Yo propyo.
- I deke no lo denonsyates fin
agora?
- El me merko en tomandome
komo su empyegado kon una fuerte
suma al mes.
Dorotea kon Alfredo
- Kere dizir, ke el ya tyene avizo
de la koza.
- Djustamente, El fue mesmo
asta bushkar a kemar mi kaza porke
se kemara la fotografiya tambyen.
Ma no reusho porke la fotografiya
la aviya enterado no seya ke me la
rovara.
- I agora ke kontash azer?
- Denonsyarlo en vista ala polisiya,
solamente, konto sovre vuestra pro-
meta de devinir vuestro yerno.
- Puedesh estar siguro.
- Una ves ansi no pedrash tyem-
po, yo me vo… Al vermos, manyana
demanyana demanyana…
I Alfredo saludando a su esfuegra
i a su futur novya, saludava i se reti-
rava.
KAPITOLO 10
Kuando el komisaryo se aviya
retirado del lugar del fuego dela kaza
de Mishel el aviya tenido kuydado
de tomar la ayuda ke aviya topado
i la bocha de menzina. El se iva a
su kuerpo de guardiya, i apenas se
asentava en su siya, mandava, en
vista a un adjente de polisiya i envi-
tava serka de el al patron dela far-
masiya santral un syerto Sr. Antuan
Dotroa.
Sr. Antuan Dotroa, no topava de
pensar en vyendose envitado delan-
tre el komisaryo. No savyendo a
kualo suspechar esta yamada.
El egzekutiya apunto este orden i
se iva serka el komisaryo, este ultimo
le aziya un kalorozo resivo lo asenta-
va a su lado en dizyendole:
- Vos vo rogar de ekskuzarme del
deranjo ke vos kavzo mi envitasyon
ma esto siguro ke puedesh ser de
grande utilita.
- Esto dispuesto a servirvos
Sinyor.
El komisaryo metyo la mano en
su aldikera kito la ayuda i en mos-
trandola le demanda:
- Esta ayuda es salida de vues-
tra farmasiya, vos puedesh akodrar
kuando la venditesh, i a ken?
Sr. Antuan egzamino la ayuda i
respondyo:
- Esta ayuda es la sola ayuda ke
me aviya kedado de este djenero en
la butika. Dizde dos mezes ke eya
estava en un kanton onde me se
aziya una ansya, ayer djustamente
uno de mis kliyentes, el bankyero Sr.
Anri Broshi vino demandarme una
ayuda semejante i yo se la vendi.
- Alado de esta ayuda no vos
merko nada?
- Un poko de menzina.
- En esta bocha la metitesh la
menzina? Disho el komisaryo en
mostrando la bocha ke aviya topado
en el fuego.
- Djustamente Sinyor, en esta
mesma redoma.
- Grasyas. Eskuzadme ke vos
deranji. Sosh libero de partir.
Antuan se retiro, i el komisaryo se
metyo a pensar en dizyendo entre si:
- Ya apanyi el kemador de esta
kaza, ma… un bankyer ke entereso
puede tener para kemar la kaza de
un kazalino?!...
El komisaryo pensava ansi, kuan-
do un adjente veniya enformarlo ke
el kazalino ke se le kemo la kaza kon
su ijo, dezeyavan verlo.
- Azeldos entrar, disho el komisar-
yo, yo tambyen dezeyava verlos.
Padre i ijo entravan ala kamareta
del komisaryo i este ultimo los resivi-
ya en esklamando:
- Ya topi el ke kemo vuestra
kaza!!...
- Muy siguro ke es Sr. Anri Broshi.
- Djustamente, esklamo el komi-
saryo, ma, de onde lo savesh? Kero
ke digas en vista i ke me eksplikes
tambyen ke echo tyene este bankyer
FIN
Kompuesto por:
Eliya R. KARMONA
Editado por: Eliya GAYUS
İstanbul, 1930
17 ADAR 5770 - 3 MARSO 2010 17
kon un kazalino komo ti?
- Echad una ojada a esta foto-
grafiya, ya vash a entender el resto,
disho el ijo en mostrandole el portre-
to ke nuestros lektores ya konosen
- Ya entendi, respondyo el komi-
saryo en egzaminandola. El matador
de Moris Doran ke estamos bus-
hkando dizde tanto tyempo, es este
mizeravle?
- Djustamente.
- I deke no avertitesh la polisiya
en su tyempo?
- No savesh, komo mi padre es
un ombre ala vyeja i se espanta de
los kriminales no le agan mal…
- I agora deke venitesh?
- Porke mos espantimos ke alkavo
seremos responsavles, este mizeravle
mos kemo oy la kaza, manyana mos
puede azer otro mal.
- Onde mora Sr. Anri Broshi?
- En el Bulvar Voltaire, No. 32
Medya ora despues, Sr. Anri
Broshi era arestado, i despues de un
fuerte enterogasyon, el atorgava su
krimen i era kondanado ala giyotin
(matado).
Dos bankyeros eran enkargados
despues a egzaminar los kuentos del
bankyero kondanado, i remarkavan
ke le reviniya una muy grande suma
ala bivda del primer matado.
Doselina kon su ija se apatronavan
de esta fuerte suma i kon el konkur-
so de Alfredo fondavan la vyeja
banka de sus marido i padre Sr. Moris
Doran, banka ke empesava a adelan-
tar los echos disde el primer minuto
de su fondasyon.
Un mes se pasava de esta estor-
ya ke venimos de kontarvos, se
remarkava en el Bulvar Voltaire No.
32 una muchidumbre de djente ke
esperavan kon despasensya… Ke
aviya ayi este diya?
Vo lo diremos por kontentar
vuestra kuryozidad.
Despues de la matansina en la
giyotin del Sr. Anri Broshi la bivda del
muerto se aviya retirado de esta kaza
por bivir kon mas ekonomiya, i esta
abitasyon kedava vaziya. Dosolina la
primera bivda, alkilava esta kaza por
azer la boda de su ija kon Alfredo,
sigun le aviya prometido.
I era ala novya ke esperavan kon
grande despasensya.
La boda teniya lugar akel diya
kon grande pompa i disde este diya,
Doselina, su ija i su yerno biviyan
muy kontentes toda sus vida.
Alfredo kitava a su padre delos
kampos i lo traiya a bivir kon el, onde
pasava su vejes muy alegre i muy
kontente.
Presyo 10 Groshes
Emprimeriya: REKABET
İstanbul, Marpuççular, Salih
Efendi Han
Transliterado Del Rashi por:
Moshe GROSMAN
18 17 ADAR 57 7 0 - 3 M A R S O 2 0 1 0
ARTIKOLOS

Sultanahmet, Sentro en el
Korason de Estambol s komo
is es kr ita s je ne ra lm ente avli de distrikto
En m i ke seriya
ta , la Ku la , Ku zg un djuk, Balat ets... Pens
Gala ros sentros
COYA DELEVI / ESTAMBOL
en a ok az yo n de m ensyonar tambyen ot
una bu tambol...
Entre diversas ovras istorikas, aki
ue st ra siv da d. De sk uvrir poko a poko Es
se deve sitar el Obelisko (Dikilitaş) de m los distriktos,
pr et en do ko no se r perfektamente todos

D
traido de Ejipto por Theodosius No i me
ar un torno en Sultanahmet
I, i famozo por sus Hiyeroglifas. s lo s “k an to ne s” de la Metropol ande nasi
todo
, konosko bastante...
es komo azer una paseada
Tambyen, la Fontana Alemana
o si preferash, un viaje a
(Alman Çeşmesi) arregalada en
engrandesi. Portanto
traverso 3 mil anyos, i ansi kon-
el 19. siglo a Sultan Abdulhamit II,
oser 3 Imperyos. Es el punto de komo el famozo Benjamen de
por Wilhelm II... Ken no tyene sin- fue la morada de la Dinastiya
enkontro de las sivilizasyones Grek, Tudela del dodjen syeklo, o Rabi
tido la fama del Palasyo Topkapı, Otomana durante 400 anyos. Kon
Romana, Bizantina, Otomana i Petachia de Ratisssbon no me
de Ayasofya (Santa Sofia), la la mudansa del Sultan Abdulmecit
Turka. Es el korason de la sivdad vyene bastante porke solo ano-
Meshkita Sultanahmet?... A mi a Dolmabahçe, el Palasyo Topkapı
vyeja. En diferentes partes se taron lo ke vyeron o sintyeron.
opinyon, este distrikto es el lugar fue abandanodo a su suerte asta
ven las trasas de estas sivilizasy- Malorozamente ni un istoryo-
egzakto para empesar a konoser 1924, data de su transformasyon
ones. Kontinuando de la plasa de grafo judyo no uvo entre eyos,
Estambol, porke, komo disho un en muzeo. Se puede vijitar diversos
Sultanahmet verso Beyazıt, por ke los Rabanites los nombramos
eskrivano estranyero (ke no me espasyos enteresantes en el seno
las dos vandas de Çemberlitaş... Romanyot, porke aviya en Bizans
esto akodra el nombre): “…Durante de este domeno.
Manaderos afirman ke aki se topava tambyen munchos aklarados judyos
siglos Sultanahmet fue el sentro Me parese ke es el djusto
el Forum Constantinus, uno de de valor del sekto Karay. El primer
ande bate el puso de la sivdad...” momento de aklarar una koza.
los mas importantes de la epoka. ke ampeso estudyos sovre los jud-
La grande Meshkita Sultanahmet Es muy evidente, en el Sentro ke
Komo prevas de las instalasyones yos de Bizans fue el Prof. Samuel
es konosida komo “Blue Mosque”. estamos vijitando ay una domi-
Bizantinas en estos lugares, men- Kraus de Budapest (1866-1948)”...
Tomo este nombre de la esplendor nasyon de trasas de los Imperyos
syonan las Sisternas Binbirdirek Kontinuaremos, a avlar sovre
del lavoro sin igual de sus fayanses Otomano i espesyalmente
i Maksima del tyempo del Tudela. Asigun seryozos manaderos,
blu. Fue fraguada entre los anyos Bizantino. Konsiderando este fakto
Imperador Theodosius. el Rabino Binyamin mi Tudela es
1609-1616. Es un lugar ke dingun i aprovechandome de syertas bush-
Sultanahmet reelmente es uniko el primer viajador evropeo del
turisto puede neglijar de vijitar. En kidades, me esto permetyendo de
kon su aspekto de Muzeo al aire 12. siglo, ke reusho a aserkarse
el distrikto, el Muzeo de Mozaika, azer aki una chika disertasyon sovre
libre. Eglisyas Bizantinas i Meshkitas, de las frontyeras Oeste de la Kina
mos da la posivilidad de admirar los djudios de la epoka Bizantina. Por
las Murayas de la vyeja sivdad, las (China). Viyajo durante 13 anyos
las famozas mozaikas del Palasyo empesar, kero transferar un pasaje
sisternas i los Palasyos Otomanos kon el eskopo de ambezarse las
Bizantino. Klaro ke no es posivle de del artikolo de muestra amiga, la
son lado kon lado. Es komo la sen- kondisyones de vida de los djudios
konoser i ver todo en unas kuantas presyoza eskrivana i poetesa, Beki L.
teza de las sinko sivilizasyones. Es evropeos i asiatikos. Partyendo
oras. Se deve apartar, por lo menos, Bahar (El Amaneser 47)
el sentro ke pudo konservar su de la Espanya, vijito el Sud de la
un diya espesyal para el Palasyo “Poko savemos sovre los judyos
importansa istorika desde la Epoka Fransya, Italya, Gresya, una partida
Topkapı, si se kere ver una por una del Imperyo Bizantino, ke los judyos
Bizantina. El Hipodromo del dis- del Medyo Oryente i Persya,
todas sus dependensyas. Aki va dar del Imperyo akel tyempo lo nom-
trikto i su derredor troko de nom- arrivando asta la frontyera kineza.
kurtas informasyones sin entrar en bravan UZ-BUZ. El solo Imperyo
bre kon la konkuista de Estambol En su kamino de retorno estuvo en
detalyos... ke duro mas de dyez syeklos, mil
por Fatih Sultan Mehmet en 1453. Ejipto, el Norte de la Afrika i Sisilya.
Antes de entrar por la puerta anyos!.. Komo ke dize nada. Fue i
Se empeso a nombrar komo Myentres estos viajes, vijito i
prinsipal, vemos la remarkavle kontinua a ser investigado, anali-
At Meydanı (Plasa de Kavayos). Constantinople, kapitala bizantina
Fuente “III Ahmet Çeşmesi” ke zado i eskrito por istoryografos de
Djustamente en estos diyas ke esto de la epoka. Binyamin de Tudela,
dyo su nombre al distrikto. Fue diferentes nationalitas en difer-
preparando mi artikolo, ay una en su lavoro Masaot (eskrito en
echa en el reynado de Sultan entes tyempos. Tambyen kontado
ekzpozisyon en el Muzeo Pera de ebreo) esta alavando las rikezas
Ahmet III... En el korso de los anyos por munchos pasajeros, ma todos
Estambol, tratando del “ Ipodrom- del Imperyo Bizantino, las ovras i
se estuvo adjustando muevos estos, apenas si pasa el byervo
At Meydanı”. ermozuras arkitekturales de
aneksos al Palasyo Topkapı ke Judyo. Mizmo los judyos viajadores

Constantinople. Vinyendo a los
djudios ke biviyan en esta sivdad,
no esta muy kontente. Mos
konta sus vida kaji mizeravle, sus
kondisyones de inferyoridad, de
arrebashamyento i maltratamyento
de la parte de los bizantinos, ets...
Es un fakto ke los sentros
akademikos konsideran el Sefer
Masaot komo un importante
lavoro, bazado sovre sitasyones
i nombres otantikos. Portanto,
de otra parte, ay un grupo de
istoryanos ke se aserkan kon
insertitud, kon un syerto dubyo a
diversos relatos de Tudela. Afirman
ke ay yerros en Masaot i ke el autor
munchas vezes no esta objektivo,
o ke probavlemente mensyona
lugares ke no vido personalmente,
lugares ke solamente sintyo sus
nombres i sus egzistensyas...
Keridos lektores, yo no me
konsidero en pozisyon de azer
komentaryo sovre este sujeto ke
me depasa anchamente...
Tornaremos a Sultanahmet...
Naturalmente, no devemos neglijar
de rekonoser los lavoros de
konservasyon de las trasas istorikas
i transformasyones ke se izyeron
despues la proklamasyon de la
Republika Turka. En este kuadro
kero sitar la Eglisya Aya Irini ke
esta aktualmente al orden del diya,
konosyendose mas demaziya grasyas
a los konsyertos en este lugar mistik
i istoriko... Otrun lugar enteresante
es la Sisterna Yerebatan Sarnıcı.
Fue konstruida por el Imperador
Justinyen en el 6. siglo, komo
Sisterna Bazilika. Es una de las
erensyas grandyozas de la epoka
Bizantina. Yo me guadri para el final
el importante edifisyo maestuozo,
achetado universalmente komo
una maraviya: Hagia Sophia, o si
preferash, Ayasofya.
El nombre Hagia Sophia de
esta ovra kolosal sinyifika “Sensya
Divina”. Despues de la konkuista
de Estambol por los Otomanos, se
troko en Ayasofya. En rezumen la
puedemos definir ansi: “Edifisyo
istoriko fraguado komo eglisya
en la era Bizantina, transformado
en meshkita a la segida de 1453 i
La Sisterna Yerebatan Sarnıcı
aktualmente un muzeo famozo.”
No ay una informasyon neta,
definitiva sovre la data de su pri-
mera konstruksyon. Ay probabili-
dades ke fue ampesada en 360 D.C,
por el Imperador Constantinus,
kompletada por su ijo Constantinus
II i destruida en un fuego. La fra-
gua aktual en grande dimensyones,
fue echa myentres el reynado del
Imperador Justinyanus I i terminada
en 5 anyos, en 537. Justinyanus,
enfrente la vizyon maestuoza, la
komparo al Beit Hamikdash, Templo
konsiderado el mas grande asta akel
tyempo. Dizen ke el Imperador se
esklamo: “Shelomo, Shelomo, ya te
depasi a ti!”
Aki avriremos una paranteza...
Al pareser syertos de los sover-
enos Bizantinos eran obsedados
por la majestia del Templo de
Yerushalayim. Tengo meldado
sovre el Imperador Basileios ke
reyno entre los anyos 867-886
i es supozado aver fondado la
Dinastiya Masedonyana. Basileios
teniya una obsesyon: la grandor,
mas espesyalmente la valor del Beit
Hamikdash i kompararlo kon la Hagia
Sophia. Ordeno a un savyo djudio
de bushkar la preva ke la Hagia
Sophia aviya kostado mas muncho.
A la fin de kuentos i heshbones
interminavles, se topo ke el Beit
Hamikdash aviya kostado demaziya
en oro... Naturalmente el Imperador
Bizantino no kedo muy kontente de
esta konkluzyon!
El interyor de Ayasofya reflekta
toda la esplendor del Arte
Bizantino kon las mozaikas, el
marmol kolorido, las plakas de
marfil, ets... Manaderos afirman ke
grandes kantidades de oro i plata
empleadas en las dekorasyones,
fueron sakeadas por los soldados
kruzados en el empesijo del 13.
siglo i malorozamente no se pueden
admirar oy.
No esto muy sigura de pueder
sitar aki todos los lugares istorikos
o turistikos del distrikto. Ay otros
muzeos i domenos de pueder ver.
Esto deshando a los pasajeros i viji-
tadores el plazer de azer sus propias
deskuvyertas.
ARTIKOLOS
EN SUPLEMENTO...
Todo lo ke se eskrivyo por
Estambol asta oy es poko. Se publiko
nombrozos lavoros sovre diferentes
aspektos de la sivdad, diversas
vizyones. Serkamente, se adjusto aki,
un muevo livro intitulado “Estambol,
Sultan de las Tyerras i las Mares”.
Este lavoro tyene la partikolaridad de
ser kompuesto de las eskritas de 43
nombres bien konosidos en muestro
pais. Entre eyos ay nombres i de
muestra Komunidad.
Grand Bazaar
Nombrozos pasa-
jeros, eskrivanos,
romansyeros del Este i
Oeste eskrivyeron sovre
Estambol. En kada eskrita
konsernandola, se reflekta, sale
en medyo diferentes fachas o ermo-
zuras de la Metropol. Es enteresante
de meldar, de ambezar la vizyon de
los estranyeros, ke manera kontan,
deskriven Estambol. Uno ke eskrivyo
anyos antes, es el diplomato fran-
sez Ogier Gislain de Busbecq, kon-
osido kon su lavoro sovre el Imperyo
Otomano i Constantinople. Tuvo
entrevistas kon el Sultan Soliman el
Manyifiko, lo ke sinyifika ke estamos
avlando del 16. siglo.
Ampesando kon Busbecq, en el
entervalo de una peryoda de kaji 500
anyos, naturalmente eskrivanos, per-
sonajes politikos, diplomatos i otros
vijitaron Estambol. La deskuvryeron
i la deskrivyeron en una perspektiva
sosyal, istorika, artistika, turistika
o tradisyonal. Entre otros puedo
sitar Lady Montagu, Alphonse de
Lamartine, Téophile Gautier, Pierre
Loti, Claude Farrère, Knut Hamsun,
Ann Chamberlin... Ay munchos otros.
Yo mensyoni nombres ke me akodri a
primera refleksyon.
Sin dubyo, una partida de los ke
eskrivyeron por Estambol vyeron la
sivdad detras de una mentalidad ori-
entalista (o preferaron verla ansi). Lo
enteresante es, en vezes ay diversos
detalyos ke afilu munchos de entre
17 ADAR 5770 - 3 MARSO 2010 19
mozotros no tuvimos safek de konoser.
Por egzempyo el eskrivano Norvegiano
Knut Hamsun (1859-1952) konosido
kon su romanso “Ambyertura”...
Kuando vino aki? Ke epoka? No tengo
una idea neta. Esta analizando una
organizasyon enteresante konsernando
los giadores de oteles de Estambol.
Estos teniyan sus avantajes en yevando
los turistos a Kapalıçarşı, el “Grand
Bazar”, ande los vendedores de
“chibukes” o de tabako.
En el pasaje ke vo transferar de
boka del autor, se mensyona dos, tres
lugares. Estamos entendyendo ke
kere ver el Merkado de Peshkados
(probavlemente el Balık Pazarı
de Eminönü) i las butikas de los
“Eskidjis” djudios ande vendi-
yan vestimientas vyejas. Lo
sintiremos:
“...el giador grego, del
presipyo esta trokan-
do el itineraryo.
Kere pasar sin
amostrarme el
“Balık Pazarı”
kon el pre-
teksto ke oy
es serrado.
Ya se ke este
merkado se avre
en kada diya, i mi
giador, kefi de el,
me va konvenser de la
kontra! Savesh lo ke me disho? “Oy
es Shabat i en Shabat los djudios no
lavoran. Es sus diya de konjé!”
“Esto objektando dizyendo ke los
peshkadores de Constantinople son
turkos. El grego se izo del ke no oyo i
esta insistyendo ke munchos maga-
zenes de la sivdad estan serrados..”.
El autor no esta pudyendo reali-
zar dayinda el raporto entre los dju-
dios i “Balık Pazarı”! No reushendo
a konvenser el giador, esta dizyendo:
“Es imposivle de avlar i entend-
erme kon este grego. De agora me
impedyo de ver lugares ke dezeava
vijitar... Kurto, kon grande plazer me
yevo al Famozo Bazar de chibukes i
tabako...”
La realidad es ke los giadores
ganan sovre la espalda de los pov-
eretos “korbanes” (se trata aki de
turistos). Los yevan a “Kapalıçarşı”, el
“Famozo Bazar”, i toman sus komisy-
on (konsideravle) de los vendedores
de chibukes. El autor esta finalmente
konkluendo:
“...ke echo tenemos entre los
peshkados i vestidos vyejos de los
vendedores djudios? Ke komisyon iva
tomar el grego? Aser ke en el Merkado
de chibukes ay munchas oportuni-
dades muncho mas avantajozas!
20 23 NISAN 5 7 7 0 - 7 A V R I L 2 0 1 0
PATRIMONYO / TRADISYONES
GIDON
El Djuzgo Eskojido por Dio
GAD NASSI / HERZELIA
nassig@zahav.net.il
Israel se avia de muevo aleshado del Dio
en adorando los idoles paganos. Entonses,
el Dio mando a los Medianites i a otros trivos
kanaanitos, para tormentarlos. Kada ves ke
los Ebreos se preparavan a rekojer sus rekol-
Gidon esprimiendo la tuazon.
Jan Goeree, Biblical Art on the
WWW
tas, estos las destruiyan, i devastavan
sus teritorios. Para protejarsen de los
Medianites ke eran muy nombrozos en
las valeyas, los Ebreos trokavan de lugar
i preferavan morar en las kavernas de las
montanyas.
A la fin, no puediendo mas suportar a
esto, se lamentaron al Dio:
“Muestro Padre, salvamos de este puevlo!”
El Dio les respondio a traverso un pro-
feto:
“El Dio vos salvo de Ayifto kon Moshe
giyandovos en la Mar Korolada. Vos kito
del dezierto ande estuvitesh arodeandovos
durante kuarenta anyos. I vozotros estash
arogando a los idolos. Entonses, vos mando a
este puevlo para ke devaste a vuestras rekol-
tas i para ke vos moleste.”
Despues de un kurto tiempo un andjelo
aparesio a Gidon i le disho:
“El Dio esta kon vozotros, gerreador
valiente.”
Gidon le miro i disho:
“Si el Dio esta kon mozotros, deke los de
Median estan ravajando muestras rekoltas i se
estan vengando de mozotros? Kualo akonte-
sio a todos los miraklos ke mos padres mos
kontaron?”
El andjelo no respondio direktamente:
“Va i salva a Israel kon tu poder. Es el Dio ke
te esta mandando.”
“I komo puedo salvarlo? Mi klan es el mas
chiko en Israel, i yo so sin poder!” se eksk-
lamo Gidon, i adjusto:
“Si esto es vedra, dame un sinyo.”
La mizma noche, Gidon arogo al Dio:
“Muestro Padre, si mi destino es de salvar
a mi nasion, aze ke la rozada kayga sola-
mente sovre mi samara i ke la yerva en su
entorno kede seka.”
Metio su samara a la tierra i se hue a su
kama. A la demanyana kuando se esperto,
la observo. Estava tan mojada ke kuando la
esprimio, una payla entera se incho de su
agua i la yerva en su entorno estava seka.
A la noche, arogo de muevo al Dio:
“Dio santo, no te ensanyes por mi. Kero
estar siguro ke me eskojites para salvar mi
puevlo. Esta noche aze ke la samara kede
seka, i ke la yerva en su entorno se moje.”
Metyo la samara a la tierra i se hue a su
kama. A la demanyana kuando se esperto,
la observo. Estava enteramente
tes
los kombatan
El eskojo de
, 1865
Gustave Doré
seka i su pie desmudo se undio en el lodo de
la yerva.
Esto todo era la prova ke el Dio lo avia
eskojido para salvar a Israel. Gidon arekojo pis-
hin una reunion, i ansi se adreso:
“Puevlo de Israel! El Dio me aparesio i
me disho ke mos va salvar. Tengo menester
de gerreadores para desbarasarmos de los
Medianites!”
Unos trenta i dos mil volontarios se aroke-
jeron para kombatir. Ma el Dio tenia otros
planos. Aparesyo de muevo a Gidon i le disho:
“Tienes munchos soldados kon ti. Kuando
venseras a los Medianites kon estos, dizeras ‘A
esto lo izimos mozotros’. I yo no aksedere a la
gloria ke meresko. Konduiza a estos a la mon-
tanya, i yo va dizirte a los kualos de estos kero
ke tomes.”
Gidon izo asigun le fue demandado. Una
Gidon kon el andjelo.
Matthaeus Merian the Elder, 1625-30.
Biblical Art on the WWW..............
vez en la Montanya de Gilad, el Dio ordeno de
mandar atras a los ke se estavan espantando. I
ansi, 22.000 de estos fueron retornados a sus
kaza, i kedaron solo 10.000 soldados. Ma i esto
era un numero muy grande por el Dio.
Entonses, ordeno de observar de ke
manera los soldados beveran de un koriente
de agua, i demando de guadrar solo a los
ke beveran agua en uzando sus manos, i de
liberar a los ke se abokaran a la agua para
bever direktamente kon sus bokas. I, de este
modo kedaron solo 300 soldados, ke fueron
eskojidos para gerreyar kontra la armada de
un milyon de soldados del enemigo.
En esto, Dio avlo de muevo a Gidon:
“Si te estas espantando, tomalo i a Purah,
tu servidor, i vate al kampo de los Medianites
para observar lo ke les esta afitando.”
La mizma noche, Gidon kon Purah se
hueron al kampo de los Medianites. Se
aserkaron en kaminando en la punta de sus
piezes i kuando estavan al lado de una tienda,
oyeron esta konversasion:
“Tuve un shuenyo,” disho una boz. “Una
miga de pan arivo en rodandose a muestro
kampo i abolto a todo de debasho enriva.”
“Esto puede ser el siman de una sola koza,”
respondio la otra boz, “ke el Dio entrego
muestro kampo a Gidon.”
Kuando Gidon oyo esto, alevanto su kave-
sa verso el sielo i disho:
“Te rengrasio mi Dio por averme dado el
poder de kumplir lo ke me demandates.”
Se abolto pishin a su armada:
“Alevantavos. El Dio mos dio a los
Medianites en muestras manos. Agora, a mis
ordenes, los segirash egzaktamente.”
Despues se suvio a un pinyasko i ordeno:
“Mos vamos a despartir en tres grupos i
vamos enserklar el kampo de los Medianites.
Kada uno de vozotros va aferrar una trompe-
ta, una tinaja i una torcha. Kuando vos dare el
sinyal, vash a sonar la trompeta i yamar al Dio.”
Todos endjuntos aferraron sus trompetas,
las tinajas i las torchas, i se aserkaron en silen-
sio al entorno del kampo. I kuando Gidon les
sinyalo, alevantaron sus torchas enflamadas,
sonaron sus trompetas, rompieron las tinajas
en echandolas a la tierra, i gritaron:
“Kon el nombre del Dio i de Gidon!”
Apenas los Medianites oyeron el bruido de
las trompetas i de las tinajas, se alborotaron
del espanto i empesaron a korrer en ahajan-

dosen. Fueron aharvados i vinsidos por los
Ebreos, i empesaron a fuyirsen.
***
La estoria de Gidon se refera a una de
las epizodas sinyifikantes del Livro de los
Djuzgos.
Gidon azia parte del Klano Aviezer del
Trivo Menashe, i bivia en Ofra. Kon su vikto-
ria, avia restorado la dominasion de Israel en
la valeya del Rio de Yarden i impozado su
otoridad sovre otros trivos ebreos, espesial-
mente sovre Efraim i Naftali. En segito de
su viktoria en el kampo de los Medianites,
los Trivos Menashe i Naftali, i mas tadre
Efraim avian kontinuado el kombate en la
Valeya de Yarden kontra los Medianites i los
Amalekites ke se avian adjuntado a eyos, i
kaptivaron sus shefes, Zebah i Zalbunna. Sus
kavesas kortadas fueron ofresidas a Gidon.
Gidon kastigo no solo el enemigo, ma i a
dos sivdades, Sukot i Peniel, ke avian refu-
zado de abasteser komanya a su armada.
Shakayikas de Loteria
AVRAM BEHAR / YERUSHALAYIM
avram.behar@gmail.com
Dos amigos kaminando i avlando ampesa-
ron a avlar por la loteria. Le disho Shemuel a su
amigo:
“David estas mandando loteria?”
“Si,” le respondio “kada semana, nada no ay -
todo vazio.”
“Bueno,” le disho su amigo Shemuel. “Va
mete un papeliko kon una rogativa al Bendicho
i enkashalo al Kotel Amaaravi en Yerushalayim i
vas a ver komo vas a ganar.”
“Bueno,” le respondio David. Se hue i metio
al Kotel Amaaravi un papeliko kon su rogativa.
Paso unas kuantas semanas, se renkontraron
los dos amigos:
“Ke ganates esta vez ke metites un papeliko
al Kotel Amaaravi?” demando Shemuel.
“Nada,” le respondio David.
“Te kero preguntar, es ke eskrivites sovre
el papeliko kuantos miliones de liras
kerias ganar?”
“No,” le respondio David.
“I el Bendicho El,
komo te va azer ganar
sin saver la suma
de liras ke keres
ganar?”
***
Kuando un
ombre gana en
la loteria el mas
grande premio
de moneda,
kualo aze?
En primero
merka una
kaza mueva.
Troka la
PATRIMONYO / TRADISYONES 23 NISAN 5770 - 7 AVRIL 2010 21
Despues de la viktoria, el puevlo kijo nomar- Portanto, despues ke todos avian aboltado
lo Rey de Israel. Ma Gidon se avia opozado de la gerra, Gidon les avia demandado:
a esta oferta en proklamando ke solo el Dio “Ke kada uno de vozotros me de un aniyo,
puede tener el dirito de rijir la nasion. por el botin ke sakeo.”
La Biblia rakonta ke Gidon avia fondado
de estos aniyos un efod ke devino mas
tadre, un obyekto de idolatria. Esto aviya
ensanyado al Dio. Ma, en omenaje a su
viktoria, el Dio se detuvo de kastigarlo todo
tiempo ke estava en vida.
En efekto, su projenitura tuvo una suerte
trajika.
Despues de su viktoria, fue djuzgo de Israel
durante 40 anyos. Bivio fina una edad avan-
sada en kriando 70 ijos. Avimeleh, uno de sus
ijos ke le avia nasido de una konkubina, mato
a todos sus ermanos, aparte de uno,.
La estoria de Avimeleh, aze el sujeto de
El atako al kampo de los Medianites. un otro artikolo, publikado en esta seria.1
Julius Schnorr von Carolsfeld, 1851- 1 Ver: “Avimeleh, el rey ke no kijo ser matado
60. World Mission Collection, WELS por una mujer”, El Amaneser No. 61, Marso 3,
2010
mobilya de la kaza. I por trokar savor, troka la
mujer.
Un ombre gano en la loteria 50 miliones de
liras, i no supo ke gano en la loteria, porke el
bilieto de la loteria se topava ande su mujer.
I kuando supo la mujer ke el bilieto de la
loteria ke se topava en su poder gano el mas
grande premio de 50 miliones de liras, se
demando komo se puede dar a saver a su mari-
do ke es hazino i sufre del korason. Se konseja-
ron kon los ijos i desidieron ke ay menester de
avizar al mediko familial ke se lo konte avagar
avagar, kon pasensya.
Lo yamaron al mediko i le kontaron lo ke
pasa. Disho el mediko:
“No tengash miedo, yo ya se de ke manera
le vo kontar, alkavo alkavo es una alegria grande
para vuestra famiya.”
Asigun kedaron de akordo, se aunaron
todos, el mediko, la mujer i los ijos. El
mediko  empeso a demandarle al senyor, ke ya
kedo enkantado i no save kualo akonte-
sio i porke vino el mediko
djuntos kon toda la
famiya.
“Te keremos dar
una sorpreza,”
disho el mediko. los ijos una suma de moneda komo regalo.”
“Esto pronto “Te kero preguntar mas. Si ganavas en la
i muy kuriozo loteria dos miliones de liras, kualo azias?”  
mi senyor, kero “Les merkava a mi mujer i mis ijos un oto i
oyir,” le respon- despartia algo a los proves.”
dio el ombre. “Bueno, si ganavas 50 miliones de liras kualo
“Eskucha, si azias?”
ganavas en la lote- Entonses le respondio i disho:
ria un milion de liras “Senyor mediko le dava a usted 25 miliones
kualo azias?” de liras!”
Le respondio el El mediko sintiendo esto, se kayo enbasho
ombre: desmayado i no se pudo alevantar mas…
“Merkava otra
kaza mas grande i les Ilustrasyones: Roz Kohen
dava a mi mujer i a
22 23 NISAN 5 7 7 0 - 7 A V R I L 2 0 1 0
PATRIMONYO

Los Sedakeros Sofia 1949

del Kal Apollon LEON BENATOV / SOFIA
leonbenatov@gmail.com
chika kuvrida kon mante-
ka. De este modo lo avian
enganyado a mi padre.
Pero para los djidios
ROZ KOHEN / ST. LOUIS Vos kero kontar lo ke la sitiuasion no era tan
rozkohen@gmail.com das aleskuras kon golor de mofo, kon los
me akodro de los prime- negra. La organizasion de
borrachones i las bochas de ispirto en sus
ros anyos despues de la los djidios de Amerika Joint
mano, los botikaryos bariendo las entradas
Segunda Gerra Mondial. mos mandava ayuda: leche

E n los anyos 50 del siglo pasado, uzava- i echando aguas a las kayes para espantar
Yo era un ijiko de la edad en polvo, shokola, karne
mos a vijitar kon mi madre el entorno a los gatos ke eran numerozos.
de 11 anyos en1949. en konservas, vestidos,
de la Kula. La Kula era leshos de sinko La entrada del Kal Apollon no era
Mi famiya avia tornado kalsados i mantas para
puntos de kamino del apartamento Melek, diferente del resto de la kaleja. I mas i
a Sofia del desterro de las kamas. Despues de la
ande moravamos. Mi madre me tomava mas, komo al tinyozo un graniko mas,
una sevda chika, yamada eskuela bulgara, los krios
de la mano i mos metiyamos en kamino eran los sedakeros i sedakeras asentados
Provadia. No aviya komida djidios vijitavamos un
kon grande entuziazmo. en la puerta del kal.
en el merkado. Pan i otros refektuar i ayi komiyamos.
Sİempre era mas o menos lo mizmo: Asentados en los eskalones de laja en
produktos para komer i La organizasion de los
vijitar la prima de mi padre Jentil, ke la entrada del kal de los proves, avlando
vestir merkavamos kon djidios estavan dando
morava unos kuantos apartamentos siempre en Djudio, eran yenos de bendi-
kupones. produktos i vestidos para
despues del kal Apollon; merkar karne siones i alavasiones:
A una persona esta- kada famiya.
kasher ande Dalva; ugradeyar ande la tant “Presiada, asi ke te veyga de todo
van dando 300 gramos En la kaza de los djidios
Sarina ke biviya enfrente del Bit Pazari; bueno. Ke veygas novia a tu ija. Ke tengas
de pan i a las personas ke de Sofia Beit am, kada
el mazal en la puntal
lavoravan echo pesgado, djueves aviva un rekoji-
pino. Todo bueno
medio kilo de pan por dia. miento kon programa. Un
ke tengas i ke los
En el pan metiyan arina de aktor muy grande, Leo
dezeyos de tu alma ke
panoja de maiz. Una ves yo Konforti,venia i me akodro
se agan verda.”
topi en la kaye un kupon lo ke djugo una vez:
En mizmo tiempo
por pan i dos semanas la Dos vizinas djudias
saviyan todo lo ke se
famiya mia tenia mas mun- estan avlando:
pasava en la malé i
cho pan. De Chekoslovakia “Matilda, tomates kozas
eran komo los bala-
mandaron un ayudo de del Joint?”
bayes del kal, dando
asukar para todos los krios “Ya tomi.”
avizos i pruntando
de Bulgaria. La distribusion “Me disheron ke toma-
kestiones:
de la asukar la izieron an tes dos pares de kalsados,
“El shamas ya vino,
las eskuelas. A la klasa mia es verda?”
vas a echar azete al
la profesora dio a kado “No es verda, es men-
kal?”
elevo un kilo de asukar en tira, tomi kuatro pares de
Me akodro tam-
pedasos. Me akodro ke yo i kalsados.”
bien ke kantavan en
los otros elevos mos komi- ***
Djudio kantikas ale-
mos imediamente mas de Poko a poko, la vida
gres; en kontrasto
Ilustrasyon: Roz Kohen 300 gramos. En este tiem- se izo mas kolay. La mas
kon sus vistidos
po no pensava ke me vo grande parte de los djidios
eskayidos, sus karas
agodrarme. de Bulgaria durante 1949-
echar una boz al rez de chaussée de Dora flakas i sus bokas sin
Una vez mi padre 1950, aproksimamente
Adato; i, de vez en kuando, echar azete al dientes, eyos paresiyan orozos kon sus
Avram (ke los fashistos le de 45.000, izieron aliya a
kal. karas de riza.
trokaron el nombre de Israel. Mi padre kedo en
En akeyos tiempos el kal de Neve Me akodro tambien ke los grandes
Albert i se kedo Avram) Bulgaria. Dos ermanos i
Shalom dainda no era fraguado, i el kal de mos espantavan kon avlas sovre zinganos,
merko manteka del merka- una ermana de mi padre
Apollon, ke mi madre lo yamava el kal de sedakeros i Sanpavlo. Mos dizian ke si no
do. La manteka en este partieron para Israel. Mas
los proves, era el kal el mas frekuentado. mos komportavamos bien, una zingana o
tiempo la estavan ven- tadre i el otro ermano ke
La Kula, en akeyos anyos era serrada, un sedakero i mizmo Sanpavlo el mizmo,
diendo en la forma de kedo en Bulgaria izo aliya.
aparesiya muy eskayida i pasavamos al mos puedia arevatarmos. No saviya kualo
bola. Kuando empesimos De este modo kidi
deredor de eya komo si no egzistiya. Me Sanpavlo keria dizir, ma este biervo dicho
a komer de la manteka, sin primos ermanos en
akodro tambien del kunduradji Musyu kon boz alta ya me areventava la fiel.
vimos ke esto era una kol Bulgaria.
Navon, ke teniya una botikita chikitika i Kon estos prospektos en mis penserios,
bruska, ande mos echava penches mue- la entrada al kal de Apollon me dava un
vas a los kalsados viejos por unos kuantos sentimiento de espanto mesklado de una
groshes. Una otra botika ke konosiyamos kuriozita.
bueno en la Kula era la botika de Pardo, Las vijitas a los miembros de famiya
kon sus fostanes de novia ke alkilava; unos ke moraron en el deredor de la Kula, el
kuantos elektrikchis ke adovavan lampas uzo de echar azete al kal, sus personajes
viejas, i mas abasho unas dos botikas ke estranyos kon los sedakeros en la puerta
vendiyan livros i defteres para la eskola. del Kal Apollon, no egzisten mas. Esto
Mas i mas me akodro de los eskirubadjis todo ke desparesio en muestro tiempo
kon el sako en la espalda; los vendedores aze parte de mi pasado. Kada vez ke vijto
de frutas i de pishkados. Estambol, en el fondo de una Kula i de
El deredor de la Kula en akeyos anyos su entorno, modernizado i restorado, sus
teniya un ayre muy eskayido kon sus apar- rekuedros se arebiven i me parese oyir las
tamentos viejos, deskolorados i sus entra- bozes de los sedakeros de Apollon. Leon Benatov, kon sus ijos Joseph i Albert / Sofia, 2006
 PATRIMONYO 23 NISAN 5770 - 7 AVRIL 2010 23
Sefaradimuestro: http://groups.yahoo.com/group/Sefaradimuestro - Mesaje: 740
La
ne
cuisi nne
Israé
lie
LAS KOMIDAS DE MI PAIS
(So Israeliana tambien i no solo kon mi pasaporto!)
SHAROPE BLANCO / ESTAMBOL
sharope.blanco@gmail.com
El kafe turko es preferido despues de komer. fuerte tambien.
Egzisten tambien munchos restorantes La kadena de dulserias Kapulsky aze gatós
kinezos, italianos, indios, fransezes, amerikanos, pasteles, dulsurias, una lokura! Sus kafes son
Malgrado ke no egziste komidas tipikamentes rumanos, gregos, espanyoles, arjentinos, turkos, nombrados i bastante sharonfonfon. No se deke
Israelis por modo de la Alia permanente i muy taylandezos, kada uno kon sus komidas la krem bavaria es muy popular komo si
variada, el simbolo de la gastronomia de mi pais lokales. No kale olvidarse de los no aviya otra savor de boka! Las
es el FALAFEL. bruidos ke azen el McDonalds, el BAKLAVAS son pezga-
Muestras komidas tienen un stilo kosmopolito Burger King el KFC, el Pizza Hut das i la KUNEFA araba
ke inkorporaron savores diferentes de todas las komo en kualker otro pais. mmmmmmmm super!
partes del mundo. Egzisten para todos los pala- Siendo un pais muy Kapulsky es el lugar
dares: tambien sefaradi ke ashkenazi i orientales. kayente, la djente tienen ande munchos azen ojikos
El KUSKUS marokano, tunisiano i aljeriano, menester de bever muy a munchas ojikas! Por esto
la MALAHUA, el DJAHNUN yemenito, el BORSH muncho. Los sumos natu- todos se van vistidos ayi
ruso, el MUDJADARRA arabo, el GEFILTEFISH rales de fruta son delisio- komo salidos de las ojas
ashkenazi son i deven ser rekonosidos komo zos. Agua mineral se vende de los magazines! Keyf es
komidas Israeli. muncho. Maccabi, Goldstar de ir i de observar komo las
El dezayuno Israeli es el mas abundante i vari- son las markas de las biras kozas estan tornando en el
ado del mundo. Una fiesta para los ojos i las per- populares. Los vinos del Golan i mundo grande!
sonas kon los gustos los mas difisiles i variados. del Carmel pueden azer konkurensia Solo ke no kale ir solo o sola
Ay kuaji de todo! Te, kafe, leche, sumos de frutas a los mijores vinos del mundo. El Sabra de porke ke van a dizir todos??? Se esta
naturales, frutas, sereales, guevos, kezos, azetu- naranja i de shokola es un likor alavado i muy sav- riyendo sola? Es loka/loko?
nas, tomat, pimientos, piperushkas, pipino, avoka- rozo. Munchos Israelyanos beveran el Arak arabo Madre miya bendicha! BOREKITAS up komo
do, pishkados salados, yogurt, dulses, marmeladas ke tiene la savor del anis. Los ke vinieron kon la Olive de Popeye! Me namoro de Olive! Esto es ser
i miel, manteka, kruasanes, panes i bagele. Alia rusa van a preferir la votka suyas. mujer!
La komida la mas importante es el del medio- En los dalkavos anyos, la NARGILA se izo muy Fina las dulsuryas ya estava seryozika i komo
dia. Lo mas se komen karnes i albondigas asadas, popular entre los mansevos. Es una pipa muy se deve. Son las dulsuryas ke me kitaron loka.
los KEBABES. larga kon filtro de agua para fumar kolektiva- Ayayayayyyyyyyyyy!
El FALAFEL es siempre una opsion i es muy mente o no akompanyado del fuerte te aroma- Sharope Sharonfonfon - noooooooo en
popular. Es una pasta de garvansos mesklada kon tiko del oriente o del kafe chikitiko arabo muy Kapulsky!
yervas i espesias en forma de bulas ke se echan
a la azete kayente para friyirlas. Se korta la pita
grande komo 2 manos para inchirla de 6 bulas de Ladinokomunita / http://groups.yahoo.com/group/Ladinokomunita Mesaje: 12795
falafel, o la chika pita de 4 bulas de falafel, ojas de
salata, tomat, sevoya, kaldo de thina i de humus,
salsa de pimienta korolada muy pikante.
Muestra lingua bive
La PITA es el alimento el mas konosido i
merkado del pais. Sus orijines son arabas. Es muy ESTER ALKANLI / CALIFORNIA Teniya una nona Viducha, Se lo damos a entender, ma
praktiko para aparejar sandviches porke se aunfla biviya en Tekirdağ i kuando no lo entyende – “Yo no me
esmor50@hotmail.com
de la dos vandas i es vaziyo ariento. Lo mas de viniya a Estanbol, se kedava opero, i no me korto, yo vine
los Israelianos komen sus komidas inchidas en la kon mozotros i si no eramos a este mundo entera i entera
pita. Kon karne, kon poyo, se inchen tambien de So nasida i engrandesida disponivles, le apartavamos me va ir” disho.
patatas fritas, kuaji siempre la sos thina i humus en Shishane, Estambol. en el Otel Internasional ke era El doktor la tomo, le disho
i el harif pikante, verdura i tomat, azetunas, Grasyas a todos los ke serka para mozotros de ir i ke eya lo ke tyene muy poko
shakshuka ke es omlet kon pimienton i tomat. Se estan lavorando por arre- vinir, era solo una suvidika de de tyempo de bivir. Kale ke
kome muncho tambien Salatas de berendjena i bivir muestra lingua ke i yo las eskalerikas de Shishane. se opere. La nona le echa un
berendjena frita kon soses o sin sos. me siento agora parte de Un diya vinyendo de la grito i le dize “Atyo miralo! Tu
La LIFA ke es un pan siriyo i kurdo, muy delga- este lavoro, porke empesi eskola de la “Birinci Karma”, de ande saves bre, ke yo me
do komo un papel muy godro para embolver los en la komunita Judia de veygo a la Nona muy triste… va murir? Tu has ve shalom
asados, el SHAWARMA muy popular en el Oriente Berkeley a meldar i a Komo era chika no meti mun- DIO sos?”
Medio echo de karne de vaka, de kodrero, o de konversar kon un grupo i cho tino. Despues me ambezi La nona no se opero, solo
gayna, o de pavo, ke se pasan ensenyarles lo ke no ke la Nona estava hazina, aksepto a azerse unos kuan-
a un shish (un palo delgado de metal) i se asan saven de muestra linda en alimpyandose kon tos elektrikes en el oyido, i
vertikalmente a la lumbre. Estas karnes se kortan lingua. I a mezura ke una furketa el eya bivyo otros 14 anyos i no
vertikalmente de manera muy fina kuando se yo les ensenyo mas, oyido, se kon- muryo de esto, sino ke muryo
asan, son inchidas en la lifa o en la pita kon sala- me ambezo kozas sintyo una de vejes, en el Ospital de
tas, soses i verduras. nuevas. Lo ke koza i vino Balat, en el Or aHayim.
Restorantes populares van a servir siempre kero dizir es ke no a Estanbol De ande ande me fui,
azetunas, hamutzim (verduras, pipino asentados vamos a desharla al mas mijor estash vyendo, keridos?
en la sal i el vinagre), salata de berendjena, thina murir porke esta en doktor. Bueno, es ke de la agoniya kijo
i humus kon harif. (El HUMUS es la komida tradi- la agoniya; el dover En kurto dizir ke ya se puede salvar i
sional araba echa de un puré de garvanos kon de mozotros es de vo lo are, azer bivir unos kuantos anyos
ajo, limon/vinagre i sesamo en medio, arozado de arrebivirla i grasyas tyene mas. Desharemos a los ke
azete de oliva). al Dio ke ya empeso kanser en keren ambezarsen i el dover
Despues vendran las karnes asadas o el a sanarse. el oyido i kale muestro es de ensenyarles
pishkado asado. Ilustrasyon: Roz Kohen ke se opere. todo lo ke posedamos.
24 23 NISAN 5 7 7 0 - 7 A V R I L 2 0 1 0
Akodrar... Komemorar...
COYA DELEVI / ESTAMBOL
El 27 Avril 2006, el Gran Rabinato
organizo en UÖML, el liseo djudio
de Estambol, la nochada de
Komemorasyon de la Shoa.
Tuvimos la okazyon de ver la
ekspozisyon Testigo a la Vida,
kompuesta kon una partida de
objektos embiyados por los Muzeos
Yad Vashem i Lohamei ha Getaot
de Israel. En supito me topi delantre
una chika vitrina ande estavan dos
sapatikos, komo dos guerfanos...
Es difisil de pueder eksprimir mi
sentimyento de entonses, delantre
esta vista. Me akodri, kon dos
lagrimas en los ojos, los primeros
versos del poema de muestro
regretado amigo Elie Perahya:
Enserrados en una vitrina
Dos sapatikos,
En el friyo i la soledad
Komo dos guerfanikos,
Me kontan su estorya.
En el korso de los diyas,
En supito,
Nuves pretas taparon el sol,
I en tinyevlas se troko
La luz del diya.
Agora ke bushkamos aki?
Entezados
debasho estos
vidros...
Estos sapatikos para mi kedaron
los simbolos de la Shoa, komo es
tambyen el Solevamyento del
Getto de Varsovia. En Avril 2007
eskrivi en ancho (El Amaneser No.
26) sovre la Rezistensya de Mila 18,
los lideres Mordehai Anielevich,
Itzhak Tzukerman, Marek
Edelman i otros ke fueron los sim-
bolos de la Rezistensya...
Myentres las duras batalyas del 8
Mayo 1943, Mordehai i el komando
supremo de la rezistensya estavan
en el bunker de la kaleja Mila 18.
Los alemanas avyendo enserklado
todas las salidas, atakaron kon armas,
bombas de gaz para romper la
rezistensya. Los primeros alemanas
kayeron en la entrada del bunker,
los otros no enkorajandosen a
entrar kontinuaron a echar gaz i
granadas de mano. Mordehai i sus
AKTUALIDADES
amigos, a la limita de sus fuersas,
asfiksyados, afin de no kayer bivos,
se suisidaron. Kuando finalmente
los alemanes entraron, vyeron
enkavesados por Anielevich,
ochenta martiryos, eroes de esta
gerra indjusta...
En Oktobre 2009 en un jurnal
turko meldi un artikolo tratando
del solevamiento del Getto de
Varsovia ansi ke de la muerte de
Marek Edelman en akeyos diyas. El Itzhak Tzukerman
jurnalisto estava relatando su vijita
a Varsovia, al Getto, o mas egzak-
un momento mos amostro un sinyor dokumentos importantes sovre el
tamente a lo ke kedo del Getto. El
dandomos su nombre: era Itzhak Olokosto i dokumentos istorikos
artikolo en su kompleto, realmente
Tzukerman... Aze de esto mas de dando luz a la vida de los djudios
me enkanto tanto, ke kije guadrarlo.
48 anyos... de Polonya antes la Sigunda Gerra
Solamente, en un lugar, el eskri-
En el Disembre 2008 se komple- Mundyal. Asigun el programa, la fra-
tor dize: “...Edelman fue el uniko
taron los lavoros de restorasyon en gua del Muzeo se kompletara verso
de los rezistyentes ke muryo en su
el espasyo ande se topava el Getto la fin del anyo 2011.
lecho”. Muy probavle ke era uno de
de Varsovia. Al largo de las limitas de Este proyekto importante se
los ultimos i pokos sovrebivyentes
las ansyanas paredes del Getto, se esta finansando kon un ancho
del solevamyento. Ma ser el uniko ke
muryo en su kama no es egzakto i so
instalo un sistema de sinyalizasyon budjeto de sinkuenta milyones
kon el eskopo de apuntar los edi- de dolares. Estan partisipando el
muy sigura de mi afirmasyon komo
fisyos i ofisyos ke fueron derrokados. Governo Polonezo, la Munisipalidad
lo vash a ver...
Este proyekto fue realizado kon de Varsovia i donadores veluntaryos.
Itzhak Tzukerman... uno de los
apoyo finansyal del Ministeryo de Asigun los dirijentes, se espera un
lideres del Solevamyento i tambyen
Kultura i la Munisipalidad de Varsovia. grande shifro de vijitadores al Muzeo
uno de los muy pokos ke reusheron
Un otorizado disho: ke va komportar tambyen diversos
a kedar en vida. En el 1947 se fue a
“Los moradores de Varsovia asta espasyos komo biblioteka, salones
Palestina, fue uno de los fondadores
agora no konosyeron el lugar ke fue de konserto i de sinema, kafeterya
del Kibbutz Lohamei ha Gettaot.
una imensa prezyon en el korason ets. El edifisyo del Muzeo tyene (o va
En 1961, partisipo en tal ke testigo
mizmo de la sivdad. Al interyor de tener) una remarkavle facha simboli-
del prokurador, al djuzgo del nazisto
estas paredes fueron inkarserados zando el Puevlo Ebreo saliendo de
Adolf Eichmann. Tzukerman muryo
360 mil djudios de Varsovia i 90 mil Misraim, enkavesados por Moshe
en Tel-Aviv el anyo 1981.
djudios traidos de otras sivdades. Rabenu.
Aki kero relatar un rekuerdo miyo
Syen mil muryeron de ambyertura i Terminaremos kon el ulti-
del anyo 1962. En uno de mis viajes
el resto eksterminados en los kam- mo de los sovrebivyentes del
a Israel, partisipimos a un tur giado
pos de la Muerte...” Solevantamyento de Varsovia. Marek
al largo de la kosta mediterranea. En
En el espasyo ande se topava el Edelman muryo en los primeros
este kuadro, tuvimos la posivilidad de
Getto, otrun proyekto esta sigyendo diyas de Oktobre 2009, aedado de 90
vijitar el Kibbutz i Muzeo Lohamei
el prosesus de realizasyon. Es un anyos. En 19 Avril 1943 la Alemanya
ha Gettaot al Norte de Acre.
proyekto de un kontenido impor- Nazista ampeso sus atakos al Getto
Myentres ke muestro giador mos
tante. Se esta fraguando el Muzeo de Varsovia kon el eskopo de romper
estava dando syertas informasyones
Djudio de Polonya. En este Muzeo la rezistensya de un punyadiko de
sovre la Rezistensya de Varsovia, a
se pensa ekspozar nombrozos mansevos djudios, defendyendosen
unikamente kon unos kuantos plo-
mos. Edelman reusho a fuyir por
las kanalizasyones i salir afuera del
Getto, akompanyado de un chiko
grupo. Se adjunto a los partizanos
djudios lokalizados en la shara i
organizaron operasyones kontra los
nazistos. Marek Edelman kontinuo
a bivir en Polonya despues de la
Gerra i se izo kardiologo reputado.
Anyos 1980, apoyo el Movimyento
de Solidaridad de Lech Walesa ke
disho ultimamente: “Marek Edelman
era una persona posedando altas
kualidades. Es difisil de eksprimir kon
byervos la pyedrita de este eroe...”