You are on page 1of 4

Vol.XIII IssueNo.

28
Luangmual Branch YMA OB te leh an Biakpawhna te: President Zoramthanga Sailo (9436154610/9615334247) Vice President Lalrinmawia (9436154122/03892330335) Secretary Lallungpuia (9436191762) Asst. Secretary P.C.Liantluanga (9862819040) Treasurer Dr. Lalnghinglova (9436150939/03892332225) Fin. Secretary K.Lalduhawma (9862559348)

Date:10th July 2011 KARTIN CHHUAK CHANCHINBU KHAWTLANG INRELBAWLNA HRANG HRANG KHAUH TAKA KAL PUI A NI DAWN Dated Luangmual 10th July,2011: Ni 2 July,2011 khan Luangmual Local Council kaihhruaina in, heng NGO hrang hrang, YMA,MHIP,MUP,RRW ten YMA
Committee Room-ah kan veng chhunga in kaihhruaina dan hrang hrang kan hman mekte leh khawtlang tana tangkai tur leh kan mamawh hrang hrangte sawiho na hun an nei a, an thurel tlangpui leh mipui tena kan hriattur tul zual te kan han tarlang ang e. 1. Ui leh Ar : Kum 2010 a VC leh NGO Joint Meeting in a lo rel tawh ui vulh

Kumpuan Chairman leh Secretary

Chairman
Lalrinmawia (9436154122/03892330335)

Secretary Saidingliana Sailo 9862016157 Y Section Leader Zothansanga (9862362178) Secretary K.Lalrinsanga (9774375517) M Section Leader C.Lalremsanga (9862303566) Secretary Zonunsanga (9612324799) A Section Leader P.C.Rinhmingthanga (9862913852) Secretary M.S.Dawngkima Kawlni (9615280596) Luangmual Local Council Chairman Hmingthanmawia (9862614606) Secretary Zoramdinthanga (9862363970) KEI MAHNI LAM

tute in report tur tih chu in report awm mah se, hun reilo te a kan inthlahdul leh thin avangin khauh leh zuala Ran (Ui) khuahkhirh ni se an ti a, Ui leh Ar vaitu tur, Veng chhung chanchinbu leh Media (Pia & Sons Cable) ahte advertise ni se an ti a, heng Ui leh Ar man te chu hetiang hian chawitir dantur pawh an rel nghal. Vawikhat man Rs.200/ - niiin Vawihnih man na atan Rs.400/- leh Vawithum man naah chuan pek let tawhloh ni se an ti bawk 2. Luangmual Bazar chungchang : Luangmual Bazar hi Trade & Comerce Deptt hotute hnenah tun aia tangkai zawk a hman theih tura siam dil ni se an ti a, bazar hnuai chu ruihtheih thiltihnana hman a nih thin avangin Electrification changtlung tak siam ni se, tin, mihring luah theiha siam tura Deptt lam dil ni se an ti bawk. 3. V.D.P chungchang: Tunlai hian ruih theih thil a hluar hle a, hemi kawngah hian kan veng chhung a lo him theihnan V.D.P hi din ngei ni se an ti a, inkaihruaina dan leh dun fel tak siam hmasak a, a rang thei angber a din leh hruaitu thlanna pawh neih ni se an ti bawk. Heng a chunga kan tarlan loh pawh hruaituten an bawhzui ngai chi tam tak a n rel bawk a, khawtlang hruatuten a zawm tur leh tih tur an tih te kan zawm a, kan tih hlawhtlin hian khawtlang a lo nuam in a lo thianghlim thin a, hruaituten an thurel te tihhlawhtling tur hchuan anmahni mai chuan a harsa dawn a, veng chhung mipui ten kan tawiawm a, hma kan lakpui hi kan tih tur leh kan bat tlat a ni.
KHAWTLANG NUN SIAMTHAT : NUNPUI TUR LEH INZIRTIR NGAITE - Lalbiakzuala

Chanchinbu man khawn a hun leh ta a, Agent te khan mahni bialah khawn leh theuh tur a ni. S/d - Editor

General Secretary, Central YMA Zirna leh thiamna kawnga rual el :- Zirna leh thiamna atangin khawtlang SFSDFSDFSDF nun chhe mek hi a siam that theih a, zirna uar khua leh veng apiangah hmasawnna a awm a, khawtlang nun pawh a nuam nge nge thin. Zirna kawnga mihlawhtlingte ngaihsan leh ngaihhlut thiamte hi zirlaite fuihtu pawimawh tak a ni a, mi hlawhtlingte hian rual elna an neih vangin zirna leh thiamna an ngaihlu a, chu mi hlawhchhuak tur chuan theihtawp an chhuah thin a ni tih hi kan in zirtir a ngai bawk. He rual elna nei tur hian thliarkar rilru kan neihte paih bo angai a, mahni khua leh veng piah lam thleng phak ngaihtuahna kan neih a tul, hnathawh chung changah pawh khawpuia inekbeng chiam chiam lova, hmun hla zawk leh kilkhawr thleng pawha thawh ngam a ngai. Zirna thiltum tak chu thiamna tihpun leh hnathawk peih mi chherchhuah a nih laiin kan zir thiamna hian hnathawk peih lovin min chhuah mai ang tih erawh a hlauhawm hle a, ziakfung nen chauhva eizawn tur emaw ti chunga zir thiamna kan neih chuan zirna tum ber kan thelh chiang hle ang. Tum nei mumal mang lo thalai kan tam lutuk ta hian harsatna min thlen a, chuvang chuan rual elna rilru atangin, a sang emaw a hniam emaw, engemaw tal tum neih angai. Khawvelah hian thawhrimna tluka ropui a awm chuang lova, thawhrimna hi englai mahin khawvelin a hmusit ngai lo. Mi hlawhtling ni tur chuan zir thiamna piahah thawhrim a la ngai zel tih hrechunga zirna leh thiamna kawnga rual el zel hi khawtlang nun siam thatna kawng pakhat a ni. (chhunzawm zel tur)

An Official Organ of Young Mizo Association : Luangmual Branch

Phek 2na - 9436154610 9615334247 Editor : L.K.Guite - 9612392906 - 9863151238 Joint Editor : K.Lalrinsanga - 9774375517 Zonunsanga - 9612324799 H.T.Hnamtinkhuma - 9862389933 Eric Lalthlamuana - 9862713749 News Edior : Section tin Secretary te Y - Section - 9774375517 M - Section - 9612324799 A - Section - 9615820596 www.luangmualyma.blogspot.com Editor-In-Chief : Zoramthanga Sailo
: Francis Lalrinkima - 9612837554 Jonathan - 9089603902 Isaac Laltharzela - 9862368122 Publication Assistant : Kennedy - 9774307902 ke.DD.y - 9774610822 Supporting staff : Melody, Rempuii,Amuani, Apeki,Lynn,Chhuani, AGENT Y-Section : Rinfela, Rinfela Ralte, Chunglura, Joseph M-Section : Adama, Ruattluanga, Bembem-a, Apeka, Mamuante-a, Ruatfela A-Section : Ramnghaka, Thompson-a, Nghinglova Cir. Manager

e-mail address : lm_yma_ccb@yahoo.com

Khawtlang hruaitu huaisen kan mamawh!!!


Kan vengah hian tunhma atang tawhin chanchinbuah Ran khuahkhirh thu hi kan chhuah fo tawh a, amah erawh chu chanchinbua chhuah bak hmalakna hran a awm hriattur a vang khawp mai. Tunah pawh hian kan ranvulh zing a mi Ui chung chang kan han ziak dawn a ni. DC thu chhuak angin ran khuahkhirh tur thu hi vengtinah leh khawtinah kalpui mek a ni a, chung kan ranvulh zingah chuan ui hi kan vengah chuan a hnawksak hle mai a, kan Local Council ten a chhuah tur a min ngenna ngaipawimawhin vawi engemaw zat chanchinbuah kan chhuah tawh a, mite tana harsatna leh buaina a thlen zin tawh thu pawh vawi tam tak kan chhuah tawh bawk. Tin, SMS huangah pawh mi thahnemngai ten anrawn thawn thin a, kan chhuah a, thenkhat in an lo haw bawk nen. Thenkhat lah in inchhuah reng a, hmalakna a awm chuanglo, chhuah tawh suh u minti tu lah an awm nawk bawk. Chanchinbu enkawltu tan chuan kan veng tana tha tur leh tangkai tur a nih theih hram takin ti in kan han chhuah leh mai thin a, a nihna takah chuan Ui chhuah loh a that zia leh mite tana harsatna thlen tam tawhzia kan chhuahzin teh lul nen, a khap theitu leh Action la theitu kan khawtlang hruaitu te hian Action an la ngamlo nge, khawtlang mipuite au aw hi an bengkhawn lo zawk? Khawtlang mipuite au aw aiin i U vulhtu hi an ngaipawimawh zawk tih pawh hriat a harsa ta hle mai. Tunah pawh hian a NGO te nen hma anla ho dawn a ni a, a pawimawh ber leh hma hruaitu tur chu khawtlang rorelna keng kawh tu, Local Council te hi an ni a, khawtlang tan huaisen tak a pen ngam turin an duhawm hle a ni.Khawtlang tana tangkai tur a nih chuan kan khawtlang hruaitu te hian huaisen takin tun hnuah chuan ran khuahkhirh chung changah hma la ngam tawh rawh se. TUNKAR CHANGVAWN
Jeremia. 13:15-18 Ngaithla ula, beng dawh rawh u; Chapo suh u, LALPA chuan thu a thlah tawh a ni. 16 LALPA in Pathian chu chawimawi ula, Thimna a thlentir hmaa thimhlim tlang chungahte ke a phet hma hian, Eng in beisei lai takin thimah a chantir a, Thim chhah takah a siam dawn a ni. 17 Mahse in ngaihthlak loh chuan In chapona avangin fianrialah ka tap ka tap ang;Ka mittui pawh nasa takin a luang reng ang, LALPA beram rual chu sala kaih an nih avangin.
15

Central YMA in a bituk angin, Vai Mistiri hlawh, ni khatah ` 300/- leh Helper ` 170/- hi May thla atanga hman tan a ni a, kan vengchhunga vai chawr thin ten hei hi zawmlo kan awm tih hriat a ni a, tun atang chuan vai chhawr thin zawng zawngten zawm theuh turin kan inngen thar leh a ni. Tin, Vai Mistiri chhawr zawng zawngte he rate hmanglo chu an chungah engpawh thleng se YMA chuan mawh a phur lovang. House No la nei lo zawng zawngte President hnenah in report tur a ni, kan in report dawnin mahni in bula House No hriat tel tur a ni. YM A chuan khawtlangin amamawh tawk thutthleng kan nei lo tih hriain, Donate tu tur a zawng mek a, Section hruaitute pawhin an rawn fang kual mek zel bawk a, kan chhung boral tawhte hriatreng nan te, leh mitin ten kan mamawh a ni tih hrereng chungin chhungtin ten pakhat tal Donate theuh i tum ang u. Tun a kan neih lai pawh hi mi thahnemngaite Donate sa vek a ni a, Donate duh chuan kan YMA hruaitute phone hmandg pawhin a hriattir theih reng a ni.
PROPERTY COMMITTEE HRIATTIRNA

Branch Committee in alo rel tawh angin Thutthleng Donate tur zawnna neih mek zel a ni a, Section hrang hrang ten mahni Section huamchhung ah theuh Thutthleng (Bench) Donate tu tur an rawn zawng mek zel a, hei hi chhung tihn ten chhiat that tawk thei kan ni a, kan mamawh ve thei tih hria in lo ngaipawimawh hram hram turin kan in ngen a ni. Tin, Section tin hruaitute khan tuna Donate tur kan khawn chin chin, Property Committee Chairman Pu.Zoramthanga Sailo emaw Property Secretary Pu H.Laldintluanga hnenah theh luh tur a ni a, vawihin ah chuan thehlut kim hram tur in kan in ngen a ni. Sd/(H.LALDINTLUANGA) Secretary Property Sub-Committee

An Official Organ of Young Mizo Association : Luangmual Branch

Phek 3na
Khawtlang nun siamtha tura pawimawh ber chu chhungkua a ni

TUALCHHUNG
DAMLO/CHHUAK

Chanchinbu News chungchang


Luangmual YMA Chanchinbu hi a enkawltu tur BranchYMA Committee ruat a ni a, Section tinah Joint Secy ruat a ni a, Section tin Secretary theuh News Editor a ruat an ni bawk a, a changchuan Sention thenkhat atangin News dawnloh te kan nei thin a, mitinte kan buaitlan em avangin tumah inpuh mawh tur chuang kan awmlo, chuvang chuan Section thenkhat News Item a kan langlo a nih chuan chu Section atang chuan News kan dawnglo tihna a ni thin tih chhiartu minlo hriatsak kan duh a, Tin, News Item tur hria kan awm chuan Editor hnenah SMS hmang in in hriattir theih ni se a lawmawm ngawt ang. Chanchinbua thu chhuahtur nei reng reng chuan ziak ngeia neih theih ni se a tha a, tawngkama inhrilh hi mangngilh palh te a awl a, ziaka kan nei thelo a nih pawhin SMS tal chuan in pek theih ni se kan lawm hle ang. Ed/BAWLHHLAWH PAIH CHUNG CHANG Tunlai khawvel changkang chho zelah kan vengah pawh karkhatah bawlhhlawh paih Motor vawihnih lai mai a lo kal thin a, hetia bawlhhlawh paih Motor a lo kal thin chung hian mithenkhat che tawp zual leh mawlfal deuh kan la awm tlat mai a, bawlhhlawh apaihna hmun tur nilo leh mi Compound chhung, thlai an chinna hmun leh mi kawmkar ah te bawlhhlawh paih ching kanla awmtlat mai hi a zia lo hle mai. Tin, bawlhhlawh paih Motor hi kar khatah vawihnih lai mai a kal thin kan ti tak na a, vawihnih kal chauh ah hi chuan Y-Section an han thlen thlak leh meuh chuan bawlhhlawh paihna tur an changlo tlat maithin tih report a awm a, hei hi kan hruaitu Village Sanitation Committee lam hruaitu ten enfiah a, a tul a nih chuan vawithum kal tir dante pawh ngaihtuah a tha hle awm e. A hnuai thlalak rawn tarlan hi M-Section huam chhunga Pu Lalnunmawia (Te-a) te inbul, huan an siam na hmun a tu tihhriatloh ten bawlhhlawhan paih a ni a, Ar puahna leh bawlhhlawh tawp tak tak a ni a, hetianga mi ram chhunga bawlhhlawh paih ching kanla awm hi a pawi hle mai. tun hnuah chuan bawlhhlawh paihna hmuna paihlo chuin hming kan hriat chuan chanchinbu-ah inhming leh in bawlhhlawh paih nen tarlan a ni tawh ang. Ed/-

Tv.C.Lalmuanpuia s/o Ngurliani M-Section chu ni 7.7.2011 khan Sevenday Hospital-ah Admit a ni a, tha taka a lo chhuah leh thuai kan duhsak e. Pu Lallianzuala h/o Rebecca Lalramnghaki M-Section chu hun engemaw chen Civil Hospital a a awmhnuin ni ni 2.7.2011 khan alo chhuk leh ta. Tv Zohmangaiha, A Section Asst. Secretary zunkawnga lungte awm avanga Presbyterian Hospital, Durtlang-a awm chu tha tak in a lo chhuak leh ta. Pu Lalrinfela s/o F. Lalhlunsanga Y-Section, Typhoid vanga Alpha Hospital Kulikawna awm chu damtakin a lo chhuak leh ta. Tunah hian a nau Nl Lalnunpuii chu Ulcer avangin Alpha Hospital, Kulikawn-ah a awm mek a ni.
CHHIATTAWK

Ni 7.7.2011 chhun dar 11:00 khan Pu Vanlalpara s/ o Sangkhumi Kum 44, M-Section chu Lungphuchawl avangin a thi a, a tuk 8.7.2011 khan vuiliam a ni. Khawhar chhungte kan tuarpui tak zet a, Pathianin awmpuiin thlamuan zel rawh se.
NAUTE NEI

Pu Benjamin Vanlalrinmawia leh Pi Lalthanpari MSection te chuan a pahnihna atan fanu duhawmtak ni 7.7.2011 khan Presbyterian Hospital Durtlangah an nei a, kan lawmpui hle.
ZIN / HAW / KAL

Tv. Moses V.L. Muanchhana S/o H.R.Thanmawia Y - Section chu zirna lam thilah Guwahati-ah internship ti in a awm mek. Pu Lalzarliana Sailo h/o Lalnunmawii Y - Section chu AMRI Hospital-a in check up a hun reitak a awm hnuin, ni 2.7.2011 khan a lo haw leh ta. Tv. Lalramngaihawma leh a nau Tv. P.L. Zarzoliana S/o Pu P.L. Chhuanthanga M - Section te chu an zirna hmun Dehra Dun lamah ni 6/07/2011 khan an liam thla lehta. Tv. Malsawmdawngliana S/o Parchuailovi A - Section chu Polytechnic Lunglei ah zirna lam chhun zawm turin a kal.
KUANG SIAM

Luangmual Mistiri Association-te chuan Ni 18/6/ 2011 khan Kuang siam hnatlang an neia.hetah hian Kuang 10 an siam lawka, an inpekna ah YMA hruaitute an lawm tak meuh meuh a ni.
ZILH

Thawhtan zan khan YMA Hall-ah OB, Executive leh Kumpuan Committee ten YMA Hall-ah Tlangval awmtha duh lo buaina siam chu zilh hauna an neia, thataka awm an intiam hnu ah tha takin an haw tir leh ani. Heng vengchhunga buai thin leh buaina siamte chungah hian YMA hruaitu te chuan a tul ang zela hmalak an tum reng bawka, mitinte YMA hruaitute zilh leh hauh ngaia awm lo hram turin kan in ngenin kan in hriattir nawn a ni e.

Pic.Guite

An Official Organ of Young Mizo Association : Luangmual Branch

Phek 4na www.luangmualyma.blogspot.com e-mail address : lm_yma_ccb@yahoo.com

SPORT
TUALCHHUNG SPORT

sMs to Editor
** Vol XIII Issue no 27 chhuak zawhna. YMA in vai mistiri & helper hlawh an siam hi Luangmualah hian zawm kan awm zawk em le? Tin, ui in mi a seh tih thu hi kan chhiar zauh zauh a, chanchinbu a chhuah bak hi hmalakna a awm tawh em le? Engtianga lak nge a nih Pu Editor. ---- 9436142196 ** I zawhna hmasa zawk khi, zawm chu an awm a, zawm lo erawh an awm ni a sawi a awm thin. Zawmlo kan hriat chuan khawngaih taka Branch hruaitute hnenah report turin kan in ngen nghal bawk a ni. Hetianga kan report hian mi hek duh vang hrim hrim a ni lo tih kan hriat a tha hle awm e. Khawtlangin dan a neih zawmlo chu YMA pawh hian kan endan kan thlak ngam a tha ka ti khawp mai. Tin, Ui chungchang khi chu Local Council lam hmalakna tur a ni a, Editorial-ah Ui chungchang chu ziah a ni a, i lo chhiar ve dawn nia. ** Pu Editor. Dated 3/7/2011 Luangmual chanchinbu hi ka lo chhiar ve a. Phek 3 na a, Sava kahching awm tih ah khan Sava Sairawkherh a kah ching tih kha PERH ti a thlak ni ta se a mawi zawk awm e, ti in thahnemngaih thuah ka lo sawi a ni e. 9774638425 ** A dik khawp mai, i rawn sawi khi a dik tak zawk tur chu a ni e. Tawngkam mawizawk leh dikzawk min hriattir a min finchhuah zel turin kan ngen nghal bawk che a ni. Chanchinbu i chiar uluk hle tih a hriat reng mai a, a lawmawm thin e. Tunhnuah chuan kanlo fimkhur leh zual tawh dawn nia. DAMDAWI HMANSUAL Damdawi hmansual tanna hrang hrang te: 1. Thiante nawrna vang 2. Chhungkaw boruak zir loh vang 3. Mahni chak thu reng vang emaw nun hlim duh vang, tleirawl tha zat vang 4. Awlsam takadrugs awm vang leh awlsam taka pawisa awm vang 5. Hun harsa leh rilru hreawmtlanchhiat sanduh vang 6. Inlak pa tum vang 7. Tih chhin chak vang (experimentation) 8. Thinrim vang 9. Rualpawl nan Khing achunga kan han tarlan te khi MSACS lam ten a an chhui chianna atang lak chhawn a ni a, ruihhlo tih hi a tirah chuan nuam viau angin lang mah se a tawpna erawh chu mahni taksa tih chhiatna leh thlarau nun tih chhiatna a ni a, chhungkua leh khawtlang, ram ti chhetu a ni tih hre rengla, nang chu ruihhlo lakah fihlim turin intiam rawh le. Ruihhlo bawiha tangtur in Pathianin a siamlo che a, a rawngbawl tur leh a ropuina puangchhuak tur a siam i ni a, ruihhlo thunun theih a i awm a nih chuan siamtu rilru nat tur zia ngaihtuah la sim vat rawh. Mi in eng ang in nge an hmuh che a, i in ngaih ropui ang khan miten an ngai ropui che em? Nge i inngaih ropui loh ang aiin mi ten an ngai ropui che.?

Muay Thai :- 9th Mizoram Muay Thai Championship Aug ni 1-6 a neih tur a tan kan veng Muay Thai Club te chuan Practice an nei ngawrh hle mai a, zingkar leh tlai lamah Coach Tv. Vanlalengmawia (VLa) ho in an practice ngawrh hle a, an taimak na te leh an tumruh na ten malsawmna a thlen ngei theih nan kan duhsak na sang ber kan hlan a, he hun hah hian kan tarlan tawh ang khan nu leh pa ten kan fate an School chawlh lai a nih dawn bawk avangin phal taka Practice leh Championship khelh te phalsak turin Club hruaitute chuan nu leh pa te an ngen nghal bawk a, he Championship hi LPS chuan Live in a pe chhuak reng dawn bawk a, Sponsor thei kan awm chuan Secretary Tv.L.K.Guite hnenah hriattir theih ni se a lawmawm hle ang. Badminton :- Hrisel nawm zia leh hlut zia kan pavalai leh nuvalai ten an hrechhuak thar thut em ni chu aw tih theih tur khawp in tlai ah badminton vua kan hall ah an tam thei hle a mai. Hei hi kan naupang te tan thil lawm awm lutuk a ni, an cock vuak hlui an hun awl ah an lo vuak ve theih phah thin a, naupang te an nih lai a an vuak chhoh chuan an puitlin hun ah Mizoram champion mai bak ah eizawn nan an hmang lo ang tih a sawi theih loh tlat. Mizoram a Champion tawh te hi hall bul a sei lian, rual u zawk te cock vuak hlui atang in zir cho a champion ta hi sawi tur an tam mai. Badminton vuak hi in tih hmuh zel ang u. Tin Badminton khelhna leh Muay Thai Pratice na hmun a inan a vangin buaithlak chang a awm mai thei a, he mi hunah hian tha taka sawiho thin a tha khawp mai. Football :- Aizawl West Zone Football Tournament hmachhawn tur in kan veng thalaite an in puahchah cho zel a, tlai Practice pawh an tam thei hle. A khel thin ten inkhelh a nawm zia leh an nghahlelh thin zia an sawi bang theilo a, ruihthei thil chak na thleng in a tihbo sak vek an ti bok. Tin, tunah hian Ist Division leh IIIrd Divvision Registration tih mek a ni a, Sportting Club hruaitu te an buai thin hle tih thu kan dawng a, an buai man leh hah man hlawhtlinna an chan ngei theih nan hruaitu te duhsakna kan hlan nghal bawk e. Khawtlang nun siam that nan tualchhung ah infiamna chi hrang hrang, a hmun hma te kan nei tha bawk a promote dan zawng zel ila a that viau a rinawm. Hunawl ngah lutuk hi sual kawng a min hruai lut tu a ni chawk thin. In lungrualna hian khawtlang nuam, Ram nuam, chhungkaw nuam, pawl nuam leh engkimah hlimna leh lawmna athlen thin a, chung zawng zawng thlen thei tur chuan nagmah kha i tling tak a, nangmah aia tha leh tling tumah an awm lo tih hria in, miten min mil vaklo pawh ni se keimahnin kan mil tlat hi a tul thin. Khawvela hlauhawm ber chu Thisen thianghlim lo leh thinlung pawh thianghlim chuanglo hi a ni a, thisen thianghlim leh thinlung thianghlim tak i neih theih nan i nun fimkhur la, mite tan a entawn tlak leh mite zirtham nun neih tum ang che

An Official Organ of Young Mizo Association : Luangmual Branch 570 C.

Related Interests