Terra Madre 2010: La Mas Grande Reunion de Las Komunidades de Komida en El Mundo - Torino 21-25 Oktubre 2010

ESTAMBOL 26 HESHVAN 5771 3 NOVEMBRE 2010
Terra Madre 2010

La mas grande reunion de las komunidades de komida en el mundo - Torino 21-25 Oktubre 2010
ainda en las organizasyones sigientes) mozotros komo los judios de Turkiya azer ayi. Alkilar un stand kosta kaji 3000 euros, ma un stand es una manera ekselente de azer su publisidad i tambien de formar relasiones ekonomikas kon djente i merkaderes de sien paizes diferentes. Ademas penso a las komidas maraviyozas ke tenemos ke se pueden a dar a gostar i tambien vender ayi. En otra grande partida de otro salon aviya grandes kamaretas donde shefes gizandones del mundo estavan gizando para la djente ke asistiyan a su sesion. Estas sesiones estavan todas pagadas (empesando de 25 euros asta 40 euros por persona) i esta toda djente ke pagaron para entrar se estavan ambezando komo gizar las komidas i despues se las estavan komiendo! Ke maraviya es pueder gozarse del komer!
ANYO 6
NUMERO 69
KAREN GERSON SARHON / ESTAMBOL karensarhon@gmail.com
En kada dos anyos en la sivdad de Torino se reunen kaji todas las komunidades (reprezentantes de los paizes) del mundo entero para una lucha kontra todo modo de produkto alimentario ke es nomado komo fast food i tambien kontra todo modo de alimentos naturales ke fueron jentikamente trokados por razones industriales i ekonomikos. El prezidente del moviemiento ke se yama oy slow food (komida lenta) es Carlo Petrini i el es tambien la kavza de esta immensa organizasyon. Tuve la shans este anyo de asistir a esta reunyon rios. Ombres i mujeres de todas las kon un grupo de delegados i repreedades estuvieron lavorando en todo zentantes de la Turkiya. Fue para mi modo de echo ke les era posivle de una eksperiensa bastante edukativa azer. Los mansevos sirvieron de giyas, de ver i konoser a esta toda djente ke los viejos estavan distribuyendo agua estan tan konsientes de la sanedad o kafe. Ademas, komo no se puediya de muestros alimentos. Es por esto topar lugar en los oteles para tantas ke el motto de esta organizasyon personas distribuyeron a todos los es Sano, Bueno i delegados a las kazas Djusto. de los barrios El MAIS BLANEste anyo KO, muy valorozo alrededor kaji todos los de Torino. pazies del munKada uno do fueron reo dos de prezentados mozoen estos dias tros mos de komida. El TRUFO blanko Aviya 7000 ke vale 4000 delegados en euros el kilo la aviertura i lo ke estava muy kuriozo Una fruta egzotika: era ke el puevlo de KAKAO Torino i todos los barrios del rededor de esta sivdad partisiparon a la organizasyon komo volunta-
El grupo de chikos Pequeas Huellas kantaron en la avyertura
kedimos en kazas de personas ke voluntariamente avrieron sus kazas para este evenemento. Todos se izieron amigos i fue difisil para todos de dizir arrivederci. Una segunda parte de esta organizasyon se puediya ver en el Salone del Gusto, un lugar immenso donde kaji todos los paizes teniyan standes para dar a konoser sus produktos. Munchos de entre eyos prepararon platos yenos de produktos para ke la djente gosten i esto era un buen modo de vender sus bienes. Una persona ke no konose una komida o un alimento i ke no tiene intisyon de merkarlo puede merkar despues de gostar los gostijos si le plazen. Para las personas komo mi ke mos engrandesimos en sivdades grandes i ke no konosemos nada de la vida de kampos, fue muy edukativo de ver verduras i granos egzotikos en su forma orijinal komo el kakao por egzemplo. Resivi un shok grande kuando vide ke en su forma en la natura el kakao parese a un melon i lo de arientro es kaji blanko! Fue tambien no tanto sorprenante de gostar alimentos de los paizes Balkanikos ke paresen tanto a los de Turkiya. Siguro ke en viendo esto todo uno se mete a pensar a ke puediyamos (i puedemos
ESTI SAUL
Marilyn Monroe
07 15 17 20 21 24
GRACIELA TEVAH DE RYBA
Banyo de la novia
ASLAN PALACHI
Por mi padre
GAD NASSI
La Trajedia de Ancona
WALTER SAUER
El Princhipiko
SALOM GAZETESnin cretsiz ekidir
02
26 HESHVAN 57 7 1 - 3 N O V E M B R E 2 0 1 0
EL KANTON DE MOSE
Ribi Ovadya Yosef i la Dolor de Tripa

MOSE GROSMAN / ESTAMBOL grosman@gmail.com
El logo del partido Shas
Haribi Ovadya Yosef kuando se permete a avlar kale ke mos vijite la dolor de tripa. Este Sinyor aedado de noventa anyos, ay muncho tyempo ke esta komo esta ma no ay ken lo entyenda. Tyene dicho, ke los Judios de la Turkiya no son Judios !... Dyez anyos antes disho ke los Judios ke fueron matados por los Almanes meresiyan la muerte porke eran pekaderos. Dyez diyas antes disho ke la kavza de la egzistensya de los ke no son Judios es para servir a los Judios. Mas de la kritik del prezidente del ADL Abraham Foxman no salyo boz de ningun lugar. Este Sinyor Ovadya de noventa anyos es i el prezidente relijyozo del partido politik Shas en Israel. Ya lo savemos muy byen ke el mundo entero mos kere muy muncho byen de la egzistensya del Judio asta oy. Syempre me vyene en los ojos el Prof. Cneyt Goker, en el Vyolonisto del
tejado ke le esta avlando a la alta providensya despues un pogrom: Ya lo se ke mos keres muncho byen De ves en kuando no puedes kerer byen i un poko a los otros puevlos?! Esto mos amostra ke la amistad sovre los Judios es koza vyeja Ke menester ay de avlar estas patranyas? Uno si tyene una karyera relijyosa es permetido de avlar todo modo de vanedad? Echaremos un ojiko a lo ke disho - Los goyim nasen para servirmos. Solo i solo para servir a los ijos de Israel. Esto si no lo azen no tyenen lugar en este mundo. En Israel, la muerte no les ariva. Los ke no son Judios kale ke se mueran komo todos. Ma estamos vyendo ke el D les esta dando vidas largas Deke? Pensa ke vos se muryo el azno Kualo afita? Peryesh moneda. Porke el azno es vuestro servidor. Es por esto ke tyenen vidas largas. Para ke penen bueno para los Judios. Deke ay menester a los ke no son Judios? Porke van a lavorar van a sembrar i van a kortar i mozos komo los sinyores mos vamos a asentar a komer. La razon de la kreasyon de los goyim es esto. Esto se darso por derasha en diya de Shabat en el kal ke se va este sinyor de noventa. I porke es en mezmo tyempo el kapo relijyozo de un partido politik se publiko en las gazetas. I despues se espandyo al mundo Ya se save ke
un loko echa una pyedra al pozo i mil meoyudos no lo pueden kitar. Kuryozamente esta ves no uvo ningun bruyido. Kere dizir ke las palavras del prezidente Foxman aogo las dichas del vyejo de noventa. Despues ke aviya dicho ke los Judios ke mataron los Almanes eran pekaderos, i por esta razon los mataron yo aviya eskrito un artikolo por este sinyor kon el titolo Haham, enemigo de Judios. Estas avlas ke izo Ovadya mos aviya tokado la sangre dyez anyos antes. I mas antes aviya dicho komo lo dishe ariva ke los Judios de Turkiya no son Judios. Esto kere dizir ke Ovadya esta de muncho tyempo dezrepozado i ningunos no se espertaron! No ay nada en la edad ke tyene. Estas avlas anormal no estan revinyendo de la edad ke tyene. El de muncho tyempo ya esta kitando en medyo el dezrepozo ma no ay ken meta nombre a esta egzistensya. Agora pensaremos ke el partido de este sinyor Ovadya ke es el prezidente relijyozo vino al poder en Israel. Despues de la avdala kita gerra kon todo el mundo Mira de peleyar kon la Meksika, kon la Suis, kon la Arjantina, kon la Bulgaria Deke? Yo se?!... Kale demandarle a el, ken save kualo se le esta asemejando. *** Vos kontare En un espital de lokos aviya un hazino ke le paresiya ke el era Napoleon Bonapart
Los goyim nasen para servirmos. Solo i solo para servir a los ijos de Israel.
Ribi Ovadya Yasef
El metiya la mano derecha entre los dos botones de la djaketa komo Napoleon. I se vistiya un chapeyo mezmo komo el de Napoleon ke se lo aviya dado regalo el kapo doktor del espital. Napoleon ariva, Napoleon abasho Todos lo keriyan byen a este hazino. El doktor kuando saliya a la vijita ke aziya kada demanyana syempre lo teniya a Napoleon a su lado. El le ayudava al doktor en munchas kozas. I los hazinos del espital lo aviyan akseptado a este hazino komo Napoleon Bonapart i por esta razon aplikavan sus ordenes. I esto le ayudava al doktor en vijitando a los hazinos. Un diya estavan en la sala de komer de los hazinos. Por siguro ke i Napoleon estava ordenando por aki i por aya La mano la teniya syempre entre los dos botones de la djaketa. El doktor le disho kon boz alta: - Napoleon el chapeyo lo tyenes delado. Enderechatelo. Napoleon le respondyo: - Ningunos no pueden ordenar a Napoleon. Vente en ti. Estas palavras le aviyan plazido al doktor. Le respondyo en riyendo: - A si ke te veyga sano, ken te disho ke tu sos Napoleon? - Ningunos no me disheron El D me kriyo ansina. En la sala de komer aviya un hazino vyejiziko i muy flako. Si lo tokavan se kayiya en basho. Este povereto hazino aviya venido antes 35 anyos al espital. I del momento ke aviya entrado ayi no aviya avlado ni una palavra kon ninguno ni kon un doktor. Despues de la repuesta de Napoleon, se alevanto en pyes i disho: - Yo no kriyi a ninguno por Napoleon! *** Despues de las palavras de Ovadya, esto pensando ke mas no kale publikar ninguna avla suya, i no kale dar emportansa a ninguna derasha del sinyor. I mas mijor va ser si lo konvensen ke se arepoze un poko en su kaza porke ya se esta entendyendo ke esta byen kansado!
TRADISYONES
26 HESHVAN 5771 - 3 NOVEMBRE 2010
03
La Jenerozidad de Abigayl
GAD NASSI / HERZELIA nassig@gmail.com
bigayl era una mujer ermoza i intelijente. Era kazada kon Nabal, ke era muy riko. Afito ke kuando David, fuyendo del Rey Shaul, se estava refujiando en el dezierto, Nabal estava arapando a sus mil kavras i tres mil kodreros en el Monte Karmel. David, kuando fue al koriente de esto, se adreso a diez de sus servidores: Andavos ande Nabal i saludaldolo en mi nombre, en ogurandole Vidas largas a ti i a tu kaza! Sanedad buena a todos ke te apartiene!I el mos kudiara. Les respondio Nabal: Ken es este David? De ke kale ke le de mi pan i mi agua, i la karne ke degoyi para mis servidores, i darlos a esta persona? Ken save de ande vino por aki? Kuando estas palavras fueron reportadas a David, David se ensanyo. Ordeno a 400 de sus soldados de tomar sus espadas i de adjuntarsen a el para aharvar a Nabal. Uno de los servidores de Nabal supo esto, i avertiso a Abigayl, de lo ke estava de akonteser. Al kontrario de Nabal, ke era una persona de karakter difisil i otorativa, Abigayl, a parte ke era muy ermoza i era plazentera. Imediatamente, eya akojo sien migas de pan, dos kueros yenos de vino, sinko kodreros, sinko sakos de granos tostados, sien gats de pasa i dozientos gats de igo. Despues de averlos kargado sovre los aznos, salio al enkontro de David. Kuando apersivio a David al lado de un ravino, Abigayl abasho de su azno i saludo a David en abokandose kon su fasha mirando a la tierra. Se echo a sus piezes i le disho:
El enkontro de Abigayl kon David. Asigun una ilustrasion por Gerard Hoet, Figures de la Bible, 1728. Kortezia, Bizzell Bible Collection, University of Oklahoma Libraries Mi senyor, ke todo el pekado sea por mi solo. Permete a tu servidora de avlarte i oye lo ke te tiene de kontar. Mi senyor, no des importansa a lo ke te izo este ombre visiozo. Nabal es un bovo, i la bovedad esta siempre kon el. Portanto, yo so su servidora, i no avia visto los mesajeros ke embiates ande el.
Demando de David de transmeter las komanyas a su djente i de pardonar a su marido. David fue de akordo i se retiro. Kuando Abigayl se abolto a su kaza, topo a Nabal emborachado. Despues ke vino en si, le konto sovre su enkontro kon David. En esto, Nabal se endurmesio entero i despues de diez diyas se murio. Kuando David oyo esto, se konvinsio ke la djustisia fue rendida. Embiyo mesajeros en demandando de Abigayl de kazarse kon el. Abigayl, pishin se suvio a un azno, akompanyada por sinko de sus servidores, se fue ande David, i devino su mujer. Les nasio un ijo yamado Hilab, i en siertos otros dokumentos konosido komo Daniel. Asigun la Biblia, Abigayl era una mujer ermoza i intelijente. Es konsiderada kon Sara, Rahab i Ester, entre las kuatro mujeres de una ermozura eksepsional del mundo. El Midrash le akorda i las propriedades de la saviduria i de la prediksion. Portanto, el fakto ke Abigayl avia delivrado a David lo ke su marido avia refuzado, reprezenta un akto de infidelidad konjugal. De mismo, no siendo ainda rey en esta perioda, David no teniya el dirito de ovligar a Nabal de mantener a su djente. Estos dos aspektos kontestan la ekitad de sus aksion. Ay mizmo ke pensan ke Abigayl avia dezirado a David, i kon su komporto independente, avia desidado su avenir. David sera mas despues el Rey de Israel, ke unifikara a Israel en tanto ke una nasion, kon Yerushalayim su kapitala. Esto es probablamente la razon por la kuala la Biblia no sulinya los defektos del komportamiento de Abigayl, i la parte de responsabilidad de David en esta epizoda.
Sovre la sinagoga
LA SINYORA
La sinagoga yamada La Sinyora, en Ebreo Giveret, fue fundada en Izmir en el siglo 16. (Se yamo ansi porke Dona Grasia Nassi es konsiderada komo ser la fundadora de esta sinagoga), La sinagoga La Sinyora se topa al empesijo del Havra Sokak (la Kaye de las Sinagogas) en 927 sokak no. 77. Es posivle ke su nombre viene de Dona Grasia Nassi, la esfuegra del Dukas Yosef Nassi i en mismo tiempo su tia, ke era konosida kon el nombre de La Sinyora, porke eya finanso la fundasyon de munchas sinagogas en tierras Otomanas. El Kal de la Sinyora es la mas aktiva entre las sinagogas ke kedaron en Havra Sokak, i esta avierta kada demanyana. Es un edifisio simple ma agradavle i interesante, de kuaje dos siglos (probablemente ke fue rekonstruida), kon una importante valor istorika. La fragua ke se enkontra en la siedra de la entrada (en estando de en frente) era antes una sinagoga, ma agora esta okupada por un negosio de gainas en
SELIM AMADO pharmki@zahav.net.il
grueso. La fotografiya amostra el interior de la sinagoga La Sinyora en la sivdad Turka de Izmir. Es de aproksivamente 200 anyos, situada en la kaye de las sinagogas, la Havra sokak. En esta kaye egzistiyan mueve sinagogas aktivas, ma oy en dia El Kal de la Sinyora es la unika sinagoga ke esta en uzo praktiko. Las dos otras sinagogas mas chikas en la misma rejion, se uzan de vez en kuando para orasiones. Los otros edifisios ke kedaron estan empleados komo depo de merkaderia.
Sien anyos antes funksionavan en Izmir kuaje trenta sinagogas aktivas.Ma oy en el kartie viejo Djudio, las fraguas ke kedaron se topan en perikolo de destruirsen. De los 55.000 djudios ke bivian en Izmir antes de la Segunda Gerra
Mundial, oy biven solo 1400 en la sivdad. *** Por mas detalios sovre Dona Grasia Nassi se puede referar a: http://www.donagracia.com/DonaGracia/ DonaHouse/english/dona-
04
EL PONTE
DIKSYONARYO DJUDEO-ESPANYOL-TURKO
KLARA PERAHYA / ESTAMBOL
Lo ke mos esforsimos de anyadir i adjustar a la primera edisyon del

klaraperahya@ttmail.com
rasgos (kara Uno de los tes mas eviden kteristikos) l variedad de s la enorme e ad na diversid espaol... U Judeo cual ia que, fuera e no imped qu ctal, riedad diale fuera su va e si. dieran entr os se enten tod ) b Hassan (zl Prof. Dr. Jaco
Si, es ansi de muestra lingua etnika avlada en kada kazal i kazaliko de manera diferente, una diversidad (komo lo disho el grande linguisto ke fue el Prof. Dr. Jacob Hassan) ke no impede una kompresyon mutual. En unas kuantas semanas la segunda edisyon del dikyonaryo Djudeo -Espanyol/Turko va ser pronta a la publikasyon kon sus diversidades i puedeser sus faltas para los unos o palavras korektas para los otros, segun lo ke kada uno oy en su chikez en el lugar ande se engrandesyo... Ay de esto poko tyempo, en el Amaneser No 62 vos avia dado un chiko tablo de todo lo ke avia personalmente entrevisto en la tekstura de muestra lingua etnika, durante el largo lavoro de preparasyon de esta segunda edisyon. En rezumen: n Baza espanyola en vezes semantikamente un poko modifikada i inevitavlemente mas o menos alterada en su elokusyon, por kavza de una transmisyon kaji unikamente verbal de jenerasyon a jenerasyon, sin kaji nunka pasar por una ensenyansa eskolarya metodika, lo ke dyo lugar a diferentes metatezes i arkaizmos.
n Palavras ajenas adjustadas al Espanyol orijinal: Ebreas, Arameanas, Turkas, Arabas komo Latinas ke mos dan una idea de los lugares por los kualos muestros avuelos avian pasado durante sus perigrinasyones despues sus ekspulsyon de Espanya, i de la edukasyon ke resivyeron sus desendyentes desde la fin del 19en siglo. n Fueron tambyen konstatadas: Influensas de otras linguas latinas sovre los vokablos espanyoles empleados por muestros ansestros serkanos ets... ets... En esta mueva edisyon fueron anyadidos kon el ayudo de Karen arhon; A) muevos byervos ansi ke varias informasyones gramatikales ke mankavan en la primera. B) en la mezura ande es posivle en un chiko diksyonaryo, egzempyos afin ke las palavras sean mijor entendidas. C) sovre la demanda de muestra kerida amiga Matilda Koen-Sarano ke rengrasyamos de alma i korason, metimos, salvo chikas eksepsyones el ekivalente en Judeo-Espanyol de todo modo de palavra ke tomimos del vokabularyo Turko, (kullanear = utilizar, emplear) (shashearse = marearse), (karishterear = mesklar) ets. ets. D) sovre la sugjestyon de Yusuf Altnta, markimos kon un chiko apostrofo los d frikativos, los ke son pronunsyados komo el th ingles. (dedo, kada, poder, perdonado ets. ets.). E) Karen arhon se kargo de la kompleta aksentuasyon de kada palavra, afin de asegurar una pronunsyasyon korekta. F) anneksimos de mezmo, immedyatamente detras del puerpo del diksyonaryo, Tabelas klasikas de konjugasyon de verbos segun las ke topimos en varios diksyonaryos Espanyoles i en las tabelas de Matilda Koen-Sarano ke mos fueron muy utiles komo instrumento de referensya i de kontrol.
Por demazia, anyadimos (adjustimos): 1) La konjugasyon de 3 tyempos ke no son klasikos, ma muy frekuentes en la avla de Estambol: el prezente immedyato (esto eskrivyendo), el pasado indefinido (tengo eskrito) i el futuro proksimo (vo eskrivir). 2) Eksplikasyones sovre las sirkunstansyas en las kualas los varios tyempos son utilizados, 3) Multiples egzyempyos, partikularmente de los tyempos poko utilizados komo: futuro anteryor (Sara avra terminado su lavoro asta ke su padre torne de viaje), kondisyonal pasado kompozado (si me avias kumbidado, yo avria akseptado kon plazer i subjuntivo prezente i imperfekto (Tu padre dezea ke reushkas tu padre dezeava ke reusheras . 4) chikos tablos de las terminasyones klasikas de los tyempos regolares, ke son (kaji klasikas, segun el grupo al kual apartyene el infinitivo: los ke terminan kon -ar (amar), kon -er (komer), o kon -ir (avrir). 5) Fueron de mezmo ajustadas: una grande kuantidad de konjugasyon de verbos irregolares, de los kualos markimos las irregolaridades kon tinta blu, i kon tinta kolorada las muy raras i chikas diferensyas entre la konjugasyon Israelyana i Turka (partikularmente en la tresera persona del pasado serkano, Matilda Sarano dize tuvi, mozotros tuve. G) En desparte de esto, metimos al lado de kada byervo ke no figura en los diksyonaryos Espanyoles kontemporeanos, el simbolo de la lingua de la kuala lo tomimos : (<tr.> para las palavras ke mos vyenen del Turko); (<ebr.> para las palavras Ebreas o Arameanas); (<it.> para las ke mos vyenen del italyano; (<port.> para las portugezas); (<fr.> para las fransezas); (<gr.> para las gregas), ets. ets. No se trata en ninguna manera de un lavoro etimolo-
EL PONTE
jiko ma simplemente i unikamente de indikar de ke otros idyomas muestros avuelos ke bivian una vida de migrantes pudyeron tomar algunos vokablos ajenos a la lingua Espanyola de la Edad-Medya. Por lo ke es de los vokablos de orijen latina: en desparte de los ke komo el verbo reushir no figuran en los aktuales diksyonaryos espanyoles egzisten otros ke todo en syendo muy semblables a los espanyoles son pronunsyados komo sus ekivalentes en Italyano, Portugez o Fransez, lo ke desha
Adresar <fr. adresser>, <esp. dirigir, enviar> Adrso <fr. adresse>, <esp. direccin> Afalagar <port. afagar>, <esp. acariciar> Anda <port. ainda>, <esp. aun, todavia> Alora <it. allora>, <esp. entonces (palavra ke empleamos tambyen)> Amelyorar <fr. ameliorer>, <esp. mejorear (utilizado tambyen en Jud-Esp.)> Avantaje <fr. avantage>, <esp. ventaja> Avokato <fr. avocat>, <esp. abogado> Bafo <port. bafo>, <esp. vaho> Budjeto <fr. budget>, <esp. presupuesto> Burako <port. buraco>, <esp. agujero> Buto <fr. but>, <esp. objetivo / destino> Delivransa <fr. dlivrance> <esp. liberacin> Dubyo <it. dubbio>, <esp. duda> Dunke <it. Dunque>, <esp. luego, pues> Efasar <fr. effacer>, <esp. borrar (en Jud-Esp. dezimos tambyen varar)> Engajamyento <fr. engagement>, <esp. compromiso> Enguyo <port. engulho>, <esp. nausea> Enkorajar <port. encorajar>, <fr. encourager,>, <esp. animar> Envelop <fr. enveloppe>, <esp. envoltura, sobre> Eskopo <port. escopo>, <it. scopo>, <esp. objetivo> Espango <it. spago>, <esp. bramante> Gardmalad <fr. garde malade>, <esp. enfermero/ra> Impoliteza <fr. impolitesse>, <esp. mala educacin> Jornalisto/djornalisto <it. giornalista>, <fr. journaliste>, <esp. periodista> Karota <it. carota>, <esp. zanahoria (muy serkano de muestra safanorya> Kazerna <it. caserna>, <fr. caserne>. <esp. cuartel>
05
supozar ke se trata de una muy fuerte influensa de los payizes a traves los kualos muestros avuelos tuvyeron la okazyon de pasar despues de sus ekspulsyon de Espanya, tal por egzempyo los vokablos sigyentes ke pronunsyamos (forka <port.> i no horka <esp.>), (fuir<port.> i no huir <esp.>), (lingua <it.> i no lengua<esp.>), (kalkolar <it.> i no kalkular <esp.>), (diskorso <it.> i no diskurso <esp.>), ets. ets. En este kavzo, komo lo vesh, los simbolos fueron sigidos por un chiko apostrofo para markar la relasyon kon la lingua madre. A este propozito adjuntimos tambyen a la sigida de las tabelas de konjugasyon de verbos, un tablo demonstrativo largo de 8 pajinas de komputadora, yenas de semejantes palavras latinas ke oy empleamos en avlando el Djudeo-Espanyol todo en savyendo ke munchas de entre eyas no egzisten del todo en los aktuales diksyonaryos espanyoles, o byen aparesen kon una pronunsyasyon muncho mas serkana del Italyano i Portugez o Fransez; lavoro del kual vos damos debasho de estas linyas una chika mostra:
Kokarda <it. coccarda>, <fr. cocarde>, <esp. escarapela> Kolana <it. collana>, <esp. collar> Lokanda <it. locanda>, <esp. restaurante> Ma <it. ma>, <esp. pero> Malorozamente <fr. malheureusement>, <esp. desgraciadamente> Metrizar <fr. maitriser>, <esp. dominar> Mizar <fr. miser>, <esp. apostar (empleamos tambyen este verbo)> Orozo/za <fr. heureux/euse>, <esp. feliz> Portanto <fr. pourtant>, esp. sin embargo, no obstante> Profitar <it. profitare>, <fr. profiter>, <esp. aprovecharse (ke empleamos tambyen)> Regretar <fr. regretter>, <esp. aorar/ arrepentirse (ke utilizamos kon grande frekuensa)> Rekonosyente <it. riconosciente>, esp. agradecido> Remorso <port. remorso>, <esp. remordimyento> Rengrasyar <it. ringraziare >, <esp. agradecer> Resfolgado <port. resfolegado>, <esp. relajado> Romanso <it. romanzo>, <fr. roman>, <esp. novela> Sedjorno <it. soggiorno>, <esp. estancia> Seduta <it. seduta>, <esp. sesion> Sezon <fr. saison>, <esp. estacion> Suditansa <it. sudditanza>, <esp. sujecion> Suetar <fr. souhaiter >, <esp. desear (palavra ke empleamos tambyen)> Sukseso < fr. succes>, <esp. exito>
H) De otra parte, en desparte de las chikas ekspresyones propyas al Judeo-Espanyol ke figuran en el puerpo del diksyonaryo, aneksimos tambyen una byen larga lista de palavrikas i lokusyones ke empleamos kon grande frekuensa, en vezes formuladas en Turko i Espanyol o Ebreo Ispanyol mesklados, kada vez formulada de una manera popular ke mos aze munchas vezes riir. A la mar se va, agua no topa = Denize gider, su bulmaz (uyank olmayan kiileri simgeler.) A la otra venida = Dnyaya tekrar geliimde (hibir zaman) Amargo fyel = d gibi ac (ok, ok ac) Ande se arapa el guerko = eytann tra olduu yer (ok uzak ve ssz yerleri simgeler) A un safek = her ihtimale kar. (yar Ispanyol yar branice) A un yereme = durmadan Azer de una pulga un gameyo = Pireyi deve yapmak (ok abartmak). Avla en kantando = ark syleyerek konu (ak konu). Avl i espaj = konutu da her eyi dzene soktu (sama sapan konuan kii hakknda sylenir) Ben pasha, ben patinero = ben paa ben patinajci - yar Trke yar spanyolca (kendini beenmi kiiler iin kullanlr) Buena es la novya, syega de un ojo = gelin gzel de bir gz kr (mkemmel grnen fakat byk aksakl olan i/kii iin kullanlr) Dado de madrasta = vey anne verisi (cimri kiinin verisi) Darse de pared a pared (arrepintirse amargamente) = kendini duvardan duvara vurmak (ac, pimanlk duymak) Del kulo al puso = Ktan nabza (bir olayla gsterilen sebep arasnda hibir iliki olmadn ifade eder) Derecho komo el gancho = engel gibi drst (sahte kiilii simgeler) ets. ets. ets. Esto dicho, me permeto de revenir sovre unos
kuantos puntos sitados en la introduksyon. No tenyendo una ortografia uniforme, definitivamente akseptada por todos los sentros sefardis del mundo, el DjudeoEspanyol puede ser analizado solo en su transmisyon oral. Es la razon por la kuala utilizamos la eskritura estriktamente fonetika. En Estambol, sovre el konsejo del Prof. Haim Vidal Sephiha, no markamos la H muda; eskrivimos armonia, onor i no harmonia o honor. En jeneral, no doblamos ninguna letra de un byervo, salvo kuando se trata de markar la antinomia de palavras empesando por las letras l, m, r: (lejitimo/ illejitimo), (medyato/ immedyato), (rasyonal/irrasyonal) i tambyen kuando (konformamente al uzo de muestros avuelos) metemos la silaba ar delantre varios verbos espanyoles empesando por r (rebivir/arrebivir) (rekayentar/arrekayentar), (resivir/ arresivir) ets... Meldamos kada letra kon su propyo sonido: (farmasiya), (poeziya) ets... . . En el prezente lavoro (salvo raras eksepsyones) utilizimos los diftonges yo/ya yon/yan ke mos paresen ser mas adekuados a una eskritura fonetika al lugar de io/ia, ion/ian (situasyon i no situasion), (pasensya i no pasensia) Komo fue dicho en la Introduksyon, en la avla de Estambol, la mas parte de adjektivos i tambyen substantivos maskulinos terminan djeneralmente por la letra o, i los femininos por la letra a. Ansi, (a kontraryo del diksyonaryo de Nehama de Salonika) dezimos la mas parte del tyempo un espesyalisto <mask.> /una espesyalista <fem.>, un optimisto <mask.>/una optimista <fem.> ets. ets. i no un espesyalista, un optimista. Devemos konfesar ke la absensya, al nivel popular, de una ensenyansa eskolarya metodika, izo de la avla Judeo-Espanyol, una estruktura lenguistika muy difisil a analizar, ma tambyen muy rika en ekspresyones i perifrazes populares.
06
ARTIKOLOS
Moshe ben Rafael Abravanel (?-1692) i sus inyetos

BEKI L.BAHAR / ESTAMBOL blbahar@yahoo.com.tr
n su artikolo muy enteresante en El Amaneser No. 68 del 4 Oktobre 2010, la eskrivana bien konosida i apresiada, la Sra. Klara Perahya toma por baza su investigasyon sovre la alkunya Abravanel (Abrabanel). Basho este nombre de famiya, empesando del tredjen siglo asta muestros diyas, munchos ombres de valor i suz ovras fueron i son nombrados por sus servisios en diferentes paizes Asigun lo afirmo Perahya, entre eyos los mas konosidos en el mundo son Isak ben Yuda Abravanel i su ijo Yuda Abravanel (Leon el Ebreo) de la epoka Renasimyento. Isak Abravanel no solo era un dirijdor, un savyo, un filozof, ma era muy atado a su relijion. Su vida, su komporto, fue tomada komo sujeto en romansos i teatros. Sovre todo en el 19. Siglo, las primeras piesas istorikas de teatro eskritas i prezentadas kuando en Fransez, kuando en JudeoEspanyol, tratan de el. Yuda Abravanel (Leon el Ebreo) - Oy en diya su ovra Los Dialoghi de Amore onde pasan entre Philon (La Sensya, La Saveduriya) i Sophia (La Intelijensia) es analizada por su filozofia. En el Imperio Otomano, un mediko de nombre Moshe ben Raphael Abravanel (Hayat- zade Mustafa Fevzi Efendi) deve de ser nombrado por sus ovras. En munchos livros o
artikolos ke analizan la vida del falso Mashiah Sabetay Sevi, kuando viene al punto de su konversion al Islamizmo (M.1666), eskriven ke komo Sevi no saviya el Turko, el kapo de los medikos del Palasio del Sultan en Edirne sirvio komo traduktor. Este traduktor, Hayat- zade Mustafa Fevzi Efendi, no era otro ke un Judio de nombre Moshe Ben Raphael Abravanel ke se aviya konvertido al Islamizmo. Para pueder entender este kavzo i konoser la vida de este mediko Judio, kale mirar a la politika del Imperio Otomano de akel tiempo. Los Otomanos son alavados por sus toleransia a la minoritas Judias o Kristianas. Ma en la epoka del Sultan IV Mehmed (1648-1687), enfluensado por su madre Hatice Turhan, la politika troka. Madre i ijo miran a konvertir a las minoritas. Turhan Sultan, asigun lo rejistro el istoriano de akel tiempo, Krd Hatib Mustafa, ordono ke uno ke no es muzulmano, no puede tokar el pulso de un buen muzulmano komo el Sultan IV Mehmed. Sovre esta desizion, Moshe Abravanel se konvertio i tomo komo nombre Fevzi Mustafa i komo alkunya Hayat-i zade El padre de Moshe era shastre - en Ebreo: hayat . Hayat-i zade = ijo de shastre. Despues del Sultan IV Mehmed, tambien sirvio komo kapo de los medikos del Palasio durante el Sultan III Sleyman i un poko tiempo durante el Sultan II Ahmed. El Sultan Ahmed lo akuzo diziendo ke no miro bueno a
EL CD ZEMIROT DE LOS PASHAROS SEFARADIS

La segunda edisyon del famozo disko Zemirot de Los Pasharos Sefaradis ke se aviya eskapado ya salyo a la plasa. Puedesh oyir los mas ermozos kantes de muestras sinagogas en este disko komo Mizmor Le David, Yigdal ets. kon sus notas i eksplikasyones.
los dos Sultanes antes de el. Kondanado, fue emprizonado en la famoza prizion de Yedikule onde fue matado. En Yedikule lo aviyan metido en la mizma selula onde un tiempo el Sultan Gen Osman fue aprezado. Entre las ovras ke el desho, Hamse-i Hayatizade es el mas importante. Esta ovra es de sinko volumes. Kada volum tiene un nombre asigun el sujeto ke kontiene. Komo Risale-i Sevda-i Maraziyye ets. En un artikolo, alava el ajo i en largo da a entender komo kura siertas hazinuras i komo se puede azer kuras o melhemes. Sovre la hazinura Frengi (sifilis) tambien izo investigasiones i enrejistro remedios de kurar i kuras. Damat Sleyman Hayat zade (M.1716) era el yerno de Moshe. No era mediko del Palasio ma sirvio komo kad de Estambol. Fevzi Mustafa Hayat- zade (M.1738) inyeto de Moshe. Muy renomado, fue katorze anyos kapo de los medikos del Palasio. Mehmed Emin Hayat- zade (M. 1748) inyeto de Moshe. Kad i en mizmo tiempo el mediko del Sultan. El Sultan I Mahmud lo nomino eyhlislam. Ocho mezes estuvo en este posto, despues lo nomaron Kad de Mekke. En el kamino murio en am (Damasko). Mehmed Said Hayat- zade (M.1757). De la misma famiya. Fue Kapo de los medikos durante siete anyos, asta su muerte. Despues de estos medikos, dingun mediko Judio no fue Kapo de los medikos del Palasio Otomano.
El Sultan Mahmud I
BIBLIOGRAFIA:
HONORED BY THE BY THE GLORY OF ISLAM, Marc D. Baer THE DNME, Marc D. Baer CONVERSION TO ISLAM IN LATE SEVENTEEN CENTURY, Marc D. Baer (A dissertation submited for the degree of doctor of Philosophy) The Universiy of Chicago 2001 JEWISH PHILOSOPHERS, Edited by Steven T.Katz Sabbatai Sevi, Gershom Sholem BEYAZ MSLMANLARIN BYK SIRRI, Soner Yaln INTERNET, ENSIKLOPEDIAS, ets.
Se puede enkomendar de: www.kitabevi.com l kitabevi@salom.com.tr
Marilyn Monroe
U
n livro intitulado Marilyn Monroe - Fragments aparesio en Fransia el 7 oktobre, 2010, editado por Le Seuil, ke mos revela el jurnal personal de Marilyn Monroe, ke no vido el dia asta oy. Lee Strasberg, aktor reputado, ke djugo en el filmo The Godfather 2 para enkarnar un riko judio, Hyman Roth, fue el profesor de Marilyn Monroe. Despues de la disparision de su eleva Marilyn, Strasberg, ke fue en New York el kreador del teatro Amerikano (konsiderado komo el padre del method acting en Amerika), se aproprio de las notas de Marilyn Monroe, eskritas en su karn intimo. Estas memorias eskritas por la famoza aktrisa, es Anna Strasberg, la mujer de Lee, ke las entrego a Stanley Buchthal, amigo de la famiya i demando ke
AMANESER KON ARTE
07
ESTI SAUL / ESTAMBOL estisaul2@gmail.com
Norma Jean Mortenson

Marilyn Monroe, muestra idola, nasio en 1926 en Los Estados Unidos. Se yamava Norma Jean Mortenson. Debuta su kariera komo modelista. En poko tiempo, parviene a devenir una de las mas grandes aktrisas del sinema Amerikano. Su sensibilita poetika, sus premios nombrozos i sus amores famozos kon John F.Kennedy, intereso el mundo entero. Malorozamente, en 1962, metio fin a su vida; tenia solo 36 anyos. Grasias ke mizmo tadre pudimos deskuvrir la kara deskonosida de Marilyn Monroe, remarkable personaje yena de ermozuras non sansuradas ni maskadas. Entre los kapitolos, puedemos meldar:
Notas Personales
1943, NORMA JEAN MORTENSON se kaza kon JAMES DOUGHERTY el 19 junio 1942 en Califonia. Evita ansi de retornar al orfelinato. Estamos sorprendidos i impresionados de la maturita de Marilyn (Norma) ke solo tiene 18 anyos kuando deskuvre la traision de su marido kon Doris Drennan.
El divorsio toma lugar el 13 septembre de 1946. Lo ke mos sorprende son los kapitulos del livro ke kontan las bushkidas konsernando los Beyos Artes, su intereso al teatro, los livros i muzeos de su epoka. En sus notas, se puede meldar i enkontrar la importansa ke Marilyn dio a los eskrivanos komo Samuel Beckett, John Milton, James Joyce El editor del livro, BERNARD COMMENT lo komenta ansi: Marilyn es kompletamente diferente de su adjektivo de Blonda Bova. Se deskuvre en este livro las difikultades i sufriensas ke bivio su alma sensivle. Eya bushkava la verdad. Ke MM, aktrisa de Holywood, es realmente apasionada de literatura, va enkantar los amatores ke tienen una opinion fiksa. Munchas fotos la amostran fotografiada kon un livro en la mano. Entreteniendose kon un jurnalisto fransez, Georges Belmont, en 1960, Marilyn evoka los primeros tiempos de su kariera.
No me aziya ver en las premieres, ni en las reprezentasiones de la prensa, i resepsiones. Es simple: me iva a la eskola. No pude nunka eskapar mis estudios. Bueno, alora frekuentava la Universita de Los Angeles la noche. Entre el diya ganava mi vida kon chikos roles ke me davan en los filmos. Segiya kursos de literatura, istoria de mi pais, i meldava muncho Su biblioteka era kompozada de 400 livros de los klasikos (Milton, Dostoievski, Whitman), los kontemporaneos (Hemingway, Beckett, Kerouac). Arthur Miller, su marido, djuga mas tadre un rolo, en konsejando a Marilyn de meldar las biografias de Carl Sandburg,
Abraham Lincoln, ke avia englutido. Avia meldado Ulysses de James Joyce. Marilyn, el Sex-symbol, se save, inspiro nombrozos pintores: Picasso, Warhol, de Kooning, Dali Tenia un intereso partikular al Arte de Pintura. Boticelli, Goya, i en partikular sus Demonios. Lo konosko muy bien a este ombre. Tenemos los mismos es.huenyos. Desde chika, me sonyo de demonios. Las baylarinas de Degas los kontempla kon grande plazer i Rodin es el skulptor ke admira en Metropolitan Museum. Meldando el livro Fragments, se apersive de Marilyn kultivada, kurioza, kon una volunta fuerta de entender los otros, el mundo i el destino i de entenderse eya mizmo. La totalita de los dokumentos revelados oy es un trezoro. MM toma notas, eskrive sus sentimientos, sus pensadas i interogasiones. MM se okupa kon presizion i metikulozamente de los echos kotidianos. Malgrado su aspekto kaotiko, kuando devia de preparar un aniversario en su kaza, las listas eskritas kon detalyos eran remarkavles. Kuando dekora su apartamento, toma notas i koleksiona los eshantiyones.multiples. Puedemos ver el aspekto de una mujer ordonada. Antonio Tabucchi eskrive en la Prefasa del livro Fragments: Si era un filmo, puedia ser un Flashback. Se puedia ver una ijika a la kara dulse i ojos grandes ke se yama Norma Jean, vestida de un collant i dos alas transparentes ensima sus ombros, ke asemejaria a una kriansa vinido del mundo de Peter Pan. I guess I am a fantasy (kreygo ke so una fantazia). Estas son las palavras de Marilyn en 1959.
FRAGMENTS, Poemes, Ecrits intimes, Lettres de Marilyn Monroe

Editado por: STANLEY BUCHTHAL i BERNARD COMMENT Edision Le SEUIL ke aparesio en Oktobre 2010. Los tekstos ineditos de Marilyn Monroe eskritos entre 1943-1962. El universo interior para deskuvrir una otra kara de la ikona.
08
LO KE MELDAVAN MUESTROS PADRES
EL TELEGRAFO EDISYON DE MARTES. VOLUM SINKENO No: 17-7 27 Tiri 5653 - 19 Septembre 1892
RIFAT BIRMIZRAHI / ESTAMBOL rifat@bmed.com.tr
Kaminos de Leche
Avlan en Nu-York de un proyekto ke, si se realiza, konstituara una de las mas kuryozas inovasyones dela epoka moderna. Una kompaniya seriya, parese, sovre el punto de formarse, en el eskopo de azer vinir la leche de las aryendas ke se topan a 50 kilometros de leshor de Nu-York, asta la sivdas por medyo de kanalizasyones ke arivaran asta las kazas. Esta leche seriya repushada kon fuertes makinas en los tubos, i en kada kaza avriya una fuente i un enstrumento ke mizura la kuantidad de leche ke konsomyeron en la kaza. Sigun se ve es una kanalizasyon semejante al de los gazes dela kalor a domisilyo ets.
El Luto en la China
En la izla de Kora serka de la China kuando alguno pyedre su padre o su madre guarda tres anyos de luto, por marido o mujer guadra dos anyos, ermano o ermana dos anyos, ijo o ija un anyo. Un morador de Kora despozo kon una muchacha. Antes de kazarsen este perdyo su novya i kedo toda su vida sin kazar. Los despozoryos turan un anyo. Emposivle de kazarsen antes de este tyempo. Pues el mansevo ke se a despozado avyendo perdido su suegro, la novya entro en luto de tres anyos myentres los kualos no puediyan naturalmente kazarsen. Antes ke estos tres anyos se akavaran el novyo perdyo su madre i entro en tres nuevos anyos de luto. Entremyentres el novyo i la novya perdyeron sus padres. Nuevo luto ke detardava mas anyos el kazamyento. Despues a la muerte de los ermanos de el i de eya, echo para mas despues el kazamyento, asta ke despues de diziocho anyos al momento ke en fin se delivraran del luto eterno i esperavan kazarsen, la novya propya kaya enfirma i muriya i el novyo kedava sin kazarse.
HAIM VITALI SADACCA / MONTREAL haimsadacca@sympatico.ca
Una Kaza sovre el Agua

Un riko Amerikano sinyor Lorirald vyene de azerse fraguar una kaza mobil kon la kual konta azerse transformar el i su famiya en kualunke lugar dezeara su fantaziya. Esta morada ke se puede transportar por mar kere dizir ke syerve de abitasyon i de naveyo, reune todas las komodidades ke se puede egzijir. El Kayman tal es el nombre de esta morada kuando se aze naveyo, tyene trenta metros de largor sovre ocho de anchor i tyene dos pyesos (tabakas) todo es ayi dispuesto i mobilyado kon mucho gusto i kon lukso ke aze enkantar.
Lo Ke Meldavan Muestros Padres
m o del mersy s El Lion kepyvalorKoas suzyedadeodelas la
Kalkular sivdad de Paris bestyas ke barren i rekojen en la munisipalidad es de 9 milyones de frankos, la ojerlos: Profito no gasta ke 2 milyones por rek ! Todo modo de neto de 7 milyones de frankos koza tyene dunke su valor!
Un livro maraviyozo ke kontyene artikolos de diversas gazetas ke meldavan muestros padres; artikolos tradusidos al Turko i al Ingles kon los orijinales en Judeo-Espanyol.
Para enkomendar, eskrivi a: kitabevi@salom.com.tr o enkomenda de: www. gozlemkitap.com
Amor Maraviozo
REPORTADO POR: DR. SOPHIE DANON / SOFIA
Deskripsyon del Ombre Selozo

Siempre tuvo selo de la vida de sus serkantes, Este visyo le amato sus alegriyas dantes. Los dias le pasan tristes, su aspekto mutrozo, Komo si fuera estar kon su persona ravyozo. No puede dar gozo a su entorno, ni el goza, Su sangre esta entosigada kon grande doza. Sus sonrizas falsas eskonden su hipokreziya, No kreyes a lo ke dize ni a lo ke diziya. En su aparensya ay una fuersa enganyoza Su avla no es sensera, la mas parte danyoza. Su selo empusha ver su entorno malorozo, Siente alegriya kuando los ve leshos de gozo. Tu enimigo esta en tu vida, a tu lado, Nunka esperes ser apresyado o estimado... Fin el dia de su ultima yida sin vinida, No ariva adovar la rotura de su vida. Se sela por tu fama, tu salud i tu rikeza, Su visyo es verte desfamado i en povreza. No apresyes la persona a baza de su pareser, Su valor esta en su karakter i solo en su ser.
Dedikado a Karen
En una aleshada i asolada isla bivian todos sentimentos umanos Alegria, Tristeza, Orgulio, i ademas el Amor. Un dia anonsaron ke la isla se va inundar de la mar. Todos los abitantes envista se aparejaron de retirarsen i presto aprontaron las barkas. Solo el Amor no se emosiono i no emprendo komo si nada. Ma subito kuando vido ke kaje todos ya estan prontos de deshar la isla, bushko ayudo. Se aserko a la barka de la Rikeza i arogo de navigar enjuntos, ma eya respondio: No ay lugar en mi barka para ti, Amor, porke ya esta yena de oro i de plata.
El Amor paso a la barka del Orgulio: Tomame kon ti!, arogo el Amor!. No, no puedo tomarte, porke estas mojado, eskurido, neglijente, vas a komprometer a mi i a mi barka. El Mazal muy feliz i orozo, komo ke alevanto sus alas para bolar, ni oyo el rogo del Amor. Entonses paso el Amor al lado de la Tristeza i demando ayudo: Permeteme de flotar kon ti! O! Amor, respodio la Tristeza, yo esto tan apenada, ke me siento mijor kuando esto sola, asolada. Subito, de la otra parte de la isla, se oyo una yamada: Amor, ven kon mi, vamos a partir endjuntos!
Esto era la boz de un povre viejiziko. El Amor no aspero otra invitasion, envista se asuvio a su barka i kuando arrivaron al bodre, el Amor tan afortunado, olvidandose de dar grasias, vido solo la espalda doblada del viejiziko ke se estava aleshando. Entonses el Amor entendio mas i mas kuanto ovligado era por su salvasion a esta deskonosida persona i demando a boz alta: Ken es el salvador mio? El Tiempo respondio kon una muy diskreta rizika un otro Savio viejo ke estava aparado serka del bodre. El Tiempo? se maravio el Amor. Porke el Tiempo me ayudo? Porke el Tiempo me salvo? Solo el Tiempo respondio el Savio PUEDE APRESIARTE I SAVE TU VALOR, Amor Maraviozo!
ARTIKOLOS
09
HONI AMAGAL
TREZLEDADO POR: MOSHE SHEMUEL PALACCI / ESTAMBOL
Keridos Ermanos, Esta ves vos kero entretener, kon la vida de un savyo antiguo, ke topi en el livro ZEHUTAM TAGEN ALENU (sus meresimyentos sea mamparo a nosotros ) onde estan eskritos munchos savyos de la vyeja epoka. Dishe de empesar de el primero en el livro. Si lo toparash enteresante de ves en kuando, beli neder, de eskrivirvos por dar a vuestra konosensiya uno en kada vez. Honi Amagal bivyo serka 2150 anyos antes, 200 anyos antes de el derokamyento de el segundo Bet Amikdash (santuvaryo), serka la epoka de los Hashmonaim (los Makabeos). El tuvo vida larga i vejes buena. La data de su nasimyento i su espartisyon de el mundo non mos es konosida. El tuvo un ijo i una ija. De eyos le nasyo dos niyetos, los grandes Tanaim (eskrivanos de la Mishna) (Mishna = La ley oral), ke son Aba Halkiya i Hanan Anahba. Entre los savyos de su epoka el mas konosido es Ribi Shimon Ben Shatah, prezidente relijyozo de el puevlo Judyo. El bivyo en la epoka de la Reyna Shelomit Aleksandra. El es de los Hahamim el mas antiguo i konosido por persona de milagros (maraviyas), ke todas sus rogativas fueron resividas de los syelos a kavza de su santedad. En kada tyempo ke ijos de Yisrael se toparon en apreto, rogaron de el ke orasyone i aga Tefila por eyos. No es en baldes (en vano) ke lo nombraron todos Honi Amagal. Kuando orasyonava i alsava sus manos a los syelos, en primero enriva la tierra formava un redondo, entrava sus pies aryento de el redondo i no saliya de ayi asta ke su orasyon fuera resivida. El Nasi (prezidente) Ribi Shimon Ben Shatah tyene dicho por el: Kuando el demanda una koza de El Kriador, es komo un chikitiko ke demanda una koza de su padre. El padre aksepta i le responde a su demanda. Akontesyo una vez, Honi Amagal indo en kamino, renkontro una persona arando su kampo i ens-
embrando arvolikos. Se asento Honi en el bodre de el kamino i remarko ke estava plantando un arvoliko de aharovas. Le demando a el ombre: En kuanto tyempo este arvoliko dara fruto de pueder komerse? Le respondyo el kultivador: En setenta anyos da fruto a poder komer. Tu estas siguro de bivir fin akel tyempo i de pueder komer de el fruto de el arvol ke tu estas ensembrando? No espero bivir fin akel tyempo asta ke va en floreser i dar fruto. Sigun, kuando nasi, topi arvoles de frutos prontos a pueder komersen ke los arvoles ke enplantaron mis aguelos, ansi esto kudyando por mis ijos i mis niyetos. Kuando se espartyo Honi Amagal de el kultivador, se asento en el bodre de el kamino, komyo i bevyo, se echo un poko por repozar. Porke no se dezrepoze el Tsadik, El Kriador le izo Nes (maraviya) i se rekresyo una pared en su deredor para ke le sea mamparo (siguridad). Durmyo ansi el, enterval de setenta anyos! Su famiya i sus konosidos pyedreron esperansa de su vida, no supyeron ande se perdyo o puede ser muryo i se fue a su repozo. Pasando setenta anyos, se esperto Honi de su esfuenyo i salyo afuera de la pared ke lo entornava. Mirando, vido un ombre ke esta rekojyendo frutos de arvol de aharovas. Le demando a el: Tu sos el ke plantates este arvole? Le respondyo el ombre: Yo so el niyeto de el ke lo aviya ensembrado. Entendyo Honi, ke el durmyo setenta anyos i no se konsintyo. Torno Honi i se fue a su kaza, bateyo la puerta i demando: Ainda el ijo de Honi esta bivyendo? Le respondyeron a el No! Ay tyempos ke el ya se fue a su repozo; ma el niyeto ainda bive. Yo so Honi Amagal les disho a eyos. Bozes de rizas i burlas salyo de los ke esto sintyeron pensando ke el avlador esta danyado de meoyo. En todo lugar ke paso i disho ke el es Honi Amagal fue rondjado kon menospresyo, syendo ke el se esta igualando kon el grande de los Tsadikim ke desparesyo antes setenta anyos i no se supo ke fue de el. Vyendo Honi Amagal, ke no se estan kre-
yendo en el, se fue ala Yeshiva i vido a los Talmide Hahamim ke estavan entremetidos en la Tora. El oyo ke estavan diskutyendo i dizyendo los unos a los otros, ke los Dinim ( las Leyes) i las Alahot (las setensyas) son klaras sigun eyos se ambezaron en la epoka de Honi Amagal en la Yeshiva, dandoles repuestas siguras a todas las demandas ke le eran aderesadas. Oyendo esto les disho a eyos: Yo so Honi Amagal. Ma tambyen ni eyos se kreyeron a sus palavras i no se komportaron kon el Kavod (onor) ke le revinia. Estrecheyandose se torno a El Kriador i rogo ke le tome la alma i eskape de bivir. Su orasyon fue desivida, le kumplyo su demanda i le Tomo la alma. De la muerte de el Tsadik deprendyeron (se ambezaron) los Hahamim una regla: O bivir entre la djente, si no la muerte es mijor. Ek uno de sus famosos milagros: Afito una sekura grande ke no uvo tres anyos luvyas en Erets Yisrael. Lo sembrado se seko i la tierra se izo burakos burakos, los riyos se sekaron i en los pozos no kedo gota de agua. Las bestyas, los animales i el puevlo sekiyozos de agua i non aparese una nuve ke les de esperansa. Topandosen en angustia (estrechura) fueron la djente ande Honi Amagal, rogando ke aga orasyon por eyos a El Kriador, ke kongrasye i se apiyade sovre eyos i aga abashar luvyas sovre la tierra. Sintyendo sus demandas les disho: Entresh a vuestras kazas i tomesh todo lo ke esta en el kortijo aryento, para ke no se danyen de las luvyas. Izo su orasyon, ma no abasho luvya ni aperasyo nuves en los syelos. Tomo entonses su vara i izo a su deredor un sirklo, alevanto sus palmas a los syelos i disho: Patron de el Mundo, tus ijos vinyeron ande mi para ke roge i demande de Ti a ke agas abashar luvyas sovre la tierra. Syendo ke yo so komo ijo delantre de Ti esto djurando sovre Tu Nombre el Grande i Temerozo, ke yo no me vo meneyar de este lugar, asta ke Te Apiyadaras de Tus ijos. Pasando pokos puntos, gotas de agua kayeron sovre la tierra, koza ke no aprevecho ni a la tierra ni a los pozos. Torno Honi Amagal i orasyono de nuevo Patron del Mundo! No rogi luvya semejante si no ke una luvya ke inchira los pozos i los riyos de agua. Kurto
tyempo paso, kayo una luvya fuerte ke inondo la tierra. Vyendo ke esta luvya sera danyo al lugar de provecho i entrara a las kazas, also sus palmas a los syelos dizyendo: Patron del Mundo! Esto no es la luvya ke yo rogi. Ke sea luvya de veluntad, bendisyon i dadiva de Tu Mano! De vista troko la luvya su estado, empeso a kayer sigun el menester, para inchir los pozos i riyos i no danyar la tierra. Vyendo ke la luvya estava kontinuando, empesaron las kayes de Yerushalayim a boltar a lodo, de no poder ir i vijitar el Monte de el Santuvaryo. Tornaron el puevlo ande Honi Amagal: Sigun rogates sovre las luvyas ke tornen, roga ke keden i se korten. El les refuzo, dizyendo ke es defendido de orasyonar por ke kede la bendisyon ke El Kriador esta mandando. Tomo el una vakita i la ayego sakrifisyo de grasyas. Antes de azer el Korban, pozo sus manos sovre la kaveza de el animal i izo este deklaro: Patron del Mundo Tu puevlo ijos de Yisrael no pueden reyevar i resivir ni la muchidumbre de bien ni las mankuras munchas. Sea Tu Voluntad ke keden las luvyas de kayer i torne la trankilidad i el repozo a sus moradas. A penas eskapo el su orasyon, kedo la luvya i aparesyo rayos de sol entre las nuves i eyas se esparzyeron a poko a poko. Torno el puevlo a sus kazas i toparon munchos pitriot ke arankaron para komer. Estas orasyones de Honi Amagal non toparon syempre grasya en ojos de Shimon Ben Shatah el Nasi (presidente) de akeya epoka. Mando mesajeros ande el: Si tu no eras Honi Amagal yo te uvyera metido en niduy (asolamyento). Tu estas enpidyendo a El Kriador de giar el mundo sigun Su Veluntad. Ma, ke puedo azer. Tu te rijes delantre de El Santo Bendicho El sigun se rije el ijo kon su padre i el padre no le puede refuzar por la amistad ke le tyene a su ijo
10
REKUERDOS
Pasaje Salti
RIVKA ABIRY / HAIFA
uando era chika, mi madre i mi avuela me kontavan de un Passage Salti ke se topava en Estanbol, i ke fue nombrado al nombre de muestra famiya Salti. Komo yo so de esta famiya (de parte de mi madre), entendi ke muestra famiya tenia un rolo en la istoria de la Turkia. Solo kuando vine a Israel, empesi a investigar sovre muestra mishpaha. Estando muy orgolioza de apartenir a los Saltis, topi el livro Judios de Turquia de Avram Galanti. De mesmo me enkontri kon Rifat Bali, el istoriador turko, ke izo la bushkeda para mi i me yevo al Passage Salti. Avram Galanti, en su livro Judios de Turquia, eskrivio sovre la famiya SALTI, i grasias a Rifat Bali ke vino kon mi al Passage Salti (Kk Hendek Soka 38, Kuledibi/ Estanbol, serka de la Kula de Galata), vos puedo agora amostrar las fotos
ke yo ize ayi. Ansi meldando abasho mi kuento verdadero, savemos por siguro oy komo los Salti resivieron estas kazas i komo vino el nombre i el lugar de yamarlo PASSAGE SALTI. Una istoria maraviyoza.
SAVIDURIAS
topadas en los Arshivos de Bulgaria i arekojidas por
POR EL DE BULGARIA EL KAVZO SALTIS KUAL LOS

MICHAEL HALEVY / HAMBURG
Todo esto sin azer gerra, pelear, i sin ninguna perdida de soldados. El Kanuni Sultan Sleyman - 27 Nisan 1495, 7 Eyll 1566. Saltanat: 1520-1566 (46) sene (anyos). En el anyo 1262, (serka 1840 gregoryano), en Hasky (Estanbol) de las 65 famiyas SALTI en Turkia, i de las 65 kazas ke aparteniyan a
RESIVIERON UN FIRMAN
(Esta informasyon istorika se enkontra en Avram Galante, livro Istoria de Judios en Turquia) Durante la konkista turka de Buda (Budapest) en 1526, (anyo muzulmano 1024 - antes 400 anyos - serka de 1600), por la armada Otomana del Sultan Solimn el Magnfiko, tres miembros de una famiya nomada SALTI , el avuelo de un judio yamado (Josph), ijo de Salamon Salti, ke se yamava Salamon ijo de Yasef, ke lo konosian komo el ALMAN OGLU i su primo ermano Yasef ijo de Israel, aviyan entregado las yaves de la fortresa de esta sivdad. Por esta razon i para rengrasyarlos, el sultan se les regalo a eyos i a sus ijos i ijas, i a sus desendensia, munchas favores eskritas en un dokumento, komo de no pagar taksas, i pueder tener 10 servidores, i no ser ovligado de dar sus kaza a embasadores, i munchas kozas mas.
YO PARTI PARA LA GERRA

Dos bezos al ayre echi El uno es para mi madre El otro es para ti Ninya de mi korason Ken pensa de se namorar Non kreya el lunar Ke el lunar es mentirozo Save enganyar Dis me ninya donde vienes Yo te kero konoser Si non tienes tu amigo Yo te kero defender Ninya de mi korason Me konvens ke la amor La mas grande es dolor Ma i sin esta dolor La vida es sin favor.
reprezentante Mehmet Kani Pasha, ke fue dado a la famiya SALTI i ke kontiene los sigientes nombres Los merkaderes SALTI ISAAK, ijo de Baruh, SHABETAI - ijo de JOSEPH el merkader de seda HAIM i el ijo de Raphael. Ansi los Otomanos respektaron un firman vyejo de 240 anyos i todo modo de devdas ke ovligaron a la famiya SALTI, fueron anulados. Una de las famiyas ke posedan este dokumento, ke prova este evenimiento, se topa en Tel Aviv/ Israel. De las fotos ke vos esto mandando, se pueden ver unos de las pokas rikezas ke este Pasaje dainda amostra. Mas abasho el firman. Se avla de la famiya SALTI i se trata de un karar de mahkeme eskrito en letras arabas, un viejo turko de antes sienes de anyos.
la mishpaha de SALTI, ke nunka pagavan dinguna taksa, les fue demandado taksas por 6 de estas kazas. Eyos se adresaron a un djuzgador, en amostrando el dokumento ke teniyan. Ansi se konfirmo en 1874 por un firman nuevo del Sultn Abdl Aziz (18611876), de la mano de su
ARTIKOLOS
11
Djudezmo ambezado kon amor

HERNN R. FISSE / SANTIAGO DE CHILE zejelchile@gmail.com
PUJADOS I NO AMINGUADOS
as primeras palavras ke mis oyidos resivieron kuando vine a este mundo en 1950, fueron el djudezmo avlado por mis prodjenitores ke se lo ambezaron en Estambol, mesklado kon modos de dezir en turko i en fransez. El dialogo ke tengo kon mi madre en Santiago de Chile kontinua en los tres idiomas, malgrado ke pasaron 60 anyos. En mi memoria kedaron guadradas munchas ekpresiones, modos de avlar, ke es posivle ke los sefaradis, en otros kantones del mundo, no las uzan, ke se les fuyeron kon el tiempo, ama ke a mi me dezea la alma azerlas gazetas a los keridos lektores de El Amaneser. Para empesar, si kero tomar kon riza alguna koza, mismo serioza, es bueno azer una shaka maka. A una persona aedada, ama ke no amostra la edad ke tiene, porke se ve mas djoven, lo ke le akontese a munchos sefaradikos, le demandan: Estas guadrando los anyos en el kuti del kav? El ke avla munchas palavras suzias, porke le manka edukasion, es un boka de avas o kita ranas i kulevras. Bever likor en demazia, es kedar sarkosh. Al ke no saluda o no te mira a los ojos, se le aze esta kestion: ke komio, ke le indjideo?. Para no tomar la responsabilidad de una koza ke akontesio, se le rekomenda a un benadam la ekpresion: Di ke no sos tu. Para una koza ke se topa muy leshos, esta ande se arapa el guerko. Un sangre de pipino es una persona yelada en su modo de ser, nada le troka la kolor de la kara. Kavesa de mermer o Lenyo de banyo, al ke no le keda en el tino lo ke oye, mismo si se lo repetan haloshentas vezes. Kontar yene lo mismo es espesurina o komicha al oyido. No tener haber de lo ke esta akontesiendo en el mundo, se topa en la luna o enkolgado en el aver. Al ke poko avla, es mas kayado ke filmo mudo. Si a la famiya le viene una kreatura, a la parida se le sueta pujados i no aminguados, i parto kolay o eskapamiento bueno. Si demandas un kafiko i te lo dan kon
en la kon mi madre o Djudezmo Avland Los Andes kordiyera de

muncha agua, lo refuzas en diziendo: esta komo pishada de bivdas. Dos personas ke son muy amigos i se abrasan kuando se ven, estan de chupos i bezos. Al ke adjunta i adjunta paras, se le akodra ke la mortaja no tiene aldikera i kuando le demandas por un grosh, se enteza komo el buz. Kerer mabul de komida es para ke te digan: sos un ojo vazio, en Yidish se dize groise oign. La mujer ke se farda en demazia los mushos de la boka kon rouge es una petite bouche; ma oyi ke en otros lugares esta ekspresion se refera a una persona ke toma muy poka komida para pareser delikada (kibar)... Kuando el ke avla eskupe, a los ke eskuchan se les dize metete el chadir de antes. Si indemas avla muy fuerte: me estas tomando el meoyo. Kitar la savor de la boka, en aziendo alguna koza ke desha el otro muy deziluzionado. Me akodro de una vez ke mi madre entro a la kamareta de echar mia i vido ke avia muncho embaraso, porke avia aparejado un lavoro kon dos kamarades de la universidad i me disho delantre de eyos: Aki todo esta karma karishik ermeni chorbadji. Uno de eyos me demando ke idioma era este, ke nunka lo avia oyido, ama a mi me kedo en el tino... Munchos anyos mas tadre, vijito Chile un grupo de la televizion de Turkia ke me izo una entrevista para el programa Krlma Noktas i komo los kables para travar el filmo estavan uno
enriva del otro, le repeti al jurnalista Ramazan ztrk la fraze ke me ambezi de mi madre; poko le manko para pisharse de la riza. Soylema por modo de la bulema, era el sinyal ke uzavan los grandes para ke las kreaturas no oigan lo ke se avla. La gaile ke me kedo, para no dar importansia a una koza, si indemas no vale nada, aznedad en trushi o guevos de rana. Para el ke se atavano, fuyido de la kuedra o charpeado de la kavesa. El ke te aze danyo es un lodo kon kanyo o un mazalbasho. Mesklarse en kada koza, alfinete ke en todo se mete. Si indemas se ve ke no aze dingun provecho a los otros, es arvole sin solombra. Los kazalinos de Chile dizen: es un puerko ke no da manteka. Keres tener los dientes alimpiados? Mashka almastiga de la isla de Kios. Kieres ke el musafir pezgado se vayga de kaza? Mete detras de la puerta de kaye una eskova de ariva abasho. Rompites una koza i se te izo sinizas? Kale dizir kapara (en los lehlis es akapure) i en turko, gechmish olsun. Si vites ke alguno estreno kostumes muevos, se le da un kon salud o muncho i bueno ke te merkes. Kuando te meten mala kara porke te dio un sarnudo, dizes no te espantes, solo es abashada. No te soflames si te keren vender una koza ke no te plaze, le azes esta kestion: a ken te parese ke estas enkashando esta bamya?. Entrates a kaza i demandas kualo ay de komer, la repuesta puede ser la de Hananel en papel. Agora me va tomar un keyf i en otro artikolo kontinuaremos. Asi biva yo. Vidas largas i mazal bueno para todos.
PARA AR END ENKOM
LOS LIVROS DE PROVERBOS I DICHAS
www.gozlemkitap.com
EL KANTON DE LA LINGUA 12 Mos Ambezaremos El Alfabeto Rashi

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.
HET
11
ZAYIN
10
ZAYIN
VAV
HE
DALET
GIMEL
GIMEL
BET
BET
ALEF
H
SAMEH
J
22
NUN
Z
21
NUN
U/O
20
MEM
A
19
MEM
D
18
LAMED
CH/DJ
17
KAF/HAF
G
16
KAF/HAF
V
15
YOD
B
14
YOD
A
13
TET
12
S
TAV
N FINAL
33
SHIN
N
32
RESH
M FINAL
31
KOF
M
TSADIK
I
29
TSADIK
K/H FINAL
K/H
FE
Y
26
PE
I/E
25
PE
T
24
AYIN
30
28
FE
27
23
SH
TS FINAL
TS
F FINAL
P FINAL
Asegun se rijen la djente de akea sivdad, deve el forastero de azer lo mizmo. Meam Loez, Perashat de Vayera, daf (pajina) 212
Transliterado por: Yehuda HATSVI, Tel Aviv / hatsvi@netvision.net.il
Ladinokomunita / http://groups.yahoo.com/group/Ladinokomunita Mesaje No. 11457
SEHORA
YEHUDA HATSVI / HERZELIA hatsvi@netvision.net.il
SIMON GERON / SYDNEY, AUSTRALIA simongeron1@hotmail.com
La semana pasada, i antes, se avlo aki por la palavra sehora. Esto me fizo akodrar de una figura de mi chikez. En akeyos dias, antes ke desbroche la gerra mondial, morava kon mi famiya en un kuartier en el sud de Tel Aviv. Este fue un kuartyer bastante prove, kon kazas chikas i barakas. Ma el vezindado, eran kaje todos sefaradim de Salonik, Turkia, Bulgaria i Yugoslavia. De verdad ke paresiya ke todos eran komo una grande famiya; i aun ke la vida no era tan fasil, la alegriya i los kantes reynavan en las kazas, en la kehila, i en las kalejas del kuartyer. En este kuartyer, aparte de un bakal, no aviyan ni grutas ni butikas. Los merkaderes, los vendedores de todo por todo, pasavan por las kayes del kuartyer, kantavan i pregonavan, kada uno kon su Hen, por avizar a los mushteris ke vengan i merken. Uno de estos merkaderes ke
vendiya ropas i telas, pasava kaminando kon un azno huersudo, kargado kon dos armaryos en sus dos lados. los dolapes eran aresentados kon rafes yenos de ropas i telas de todos los chishites. Este merkader, un bir buchuk Yeudi de Yugoslavia, ke se yamava Yosef, uzava a pregonar en kantando solo estas dos palavras: Sehora Tova!; ninguno saviya su alkunya, i todos lo konosiyan komo Yosef-Sehora-Tova. Kuando arivava Yosef-SehoraTova, saliyan las mujeres de las kazas, i siempre kon riza i kon ganas de shakas, diziyan: Na ya vino otra vez sehora tova. - Deke se riyen las mujeres en dizyendo Sehora Tova? demandi yo un diya a mi madre. - Sehora en Ivrit es merkansiya, i tova es buena. Sehora tova sinyifika en ebreo merkansiya buena. Ma en Spanyol, (ke ansi yamavan al ladino), sehora es tristeza i desplazer. Entonses, sehora tova (un karishik de spanyol kon ebreo) es komo un oksimoron ke mos faze riyir.
SEKA TUS LAGRIMAS
M Prim is Poez eras iyas
- I kualo es oksimoron? - Es una koza i su a reves; komo (chokolata) dulse-amarga, komo silensyo-truenozo - (furyozo); komo bovo i Ramay; komo tristeza buena (sehora tova). *** Yosef-Sehora-Tova topo su muerte en 1947, kuando aeroplanes Ejipsyanos echaron bombas ensima de la estasyon sentral de otomobiles en Tel Aviv. En Gan-Eden este su alma. En akeos dias eskuros i tristes de la Gerra de la Independensya, kyen tiniya las myentes de lamentar i tomarse sehora por kada uno i uno aparte i en partikular...
Los rikos i los ke son fuertes tienen siempre razon, Los proves i los flakos no pueden avansar en esta situasion. Uno tiene la impresion ke son kondanados I ke son siempre amenazados. Bivo en la miseria i tengo espanto. A esta lucha injusta no la soporto tanto. Mi pasado fue obskuro i ansi es mi presente. La esperansa de un avenir no se ve en el orizonte. No te apures korason triste I mira siempre adelantre. Tus espantos i tus merekias no van a durar. Seka tus lagrimas, i tornate al Dio para rogar: PARA KE TU VIDA SE TROKE UN DIA.
BIBLIOGRAFIA
KANTON DE BIBLIOGRAFIA SEFARDI

MICHAEL HALVY/ HAMBURG mihalevy@alice-dsl.net
Muzika
Linguistika
BENCHOAM ARUGUETE, Rosa, Tefter di iskritos i meldares de lengua sefaradi. Cuaderno de escritos y lecturas de lengua espaola antigua, Montevideo 2008, ISBN: 978-9974-96-510-2 Info: eSefarad@eSefarad.com
NEYZI, Leyla (ed.), Amele Taburu. The Military Journal of a Jewish Soldier in Turkey During the War of Independence, Estambul 2005, Isis Press, ISBN: 975-428-307-9 Info:www.theisispress.org
Literatura
47
13
BEHAR, Shemuel & Snezhana SIMEONOVA, Jevreijski Pesni / Jewish Songs. El konosido kantor de opera, el bariton Shemy Behar kanta en su mueva DVD i akompanyada por la pianista S. Simeonova syete kantikas kon temas sefarditas: Ocho kandelikas Buena semana Komo la rosa La Serena Kuando el rey Nimrod Durme, ermozo hijiko Dis mi avagar. INFO: shemy@mail.bg
PASCUAL RECUERO, Pascual, Diccionario bsico LadinoEspaol, 2a edisyon, Zaragoza 2009, Riopiedras, ISBN: 978-847213-181-1 Info: www.riopiedras-ediciones.com
Istoria
KUNIN, Seth D., Juggling Identities. Identity and Authenticity among the Crypto-Jews, Columbia University Press, New York 2009, ISBN: 978-0-231-14218-2 Info: www.cup.columbia.edu
ZEPP, Susanne, Herkunft und Textkultur. ber jdische Erfahrungswelten in romanischen Literaturen 1499-1627, Vandehoeck & Ruprecht, Gttingen 2010, ISBN: 978-3-525-36991-3, Info: www.v-r.de [esperiensyas djudyas en las literaturas romanikas, 1499-1627]
Revista
GERBER, Haim, Crossing Borders. Jews and Muslims in Ottoman Law, Economy and Society, Estambul 2008, Isis Press, ISBN: 978-975-428-375-4 Info: www.theisispress.org
Sorumlu Yaz leri Mdr: Ik Sivil Karako
Katkda Bulunanlar: Gad Nassi Christine H. Lochow Drke Roz Kohen Dizgi-Grafik Tasarm: Semra Sevin Ynetim Yeri:
Atiye Sokak, Polar Apt. 12/6 Tevikiye - stanbul
LA ESTREYA III, 2010, Sofia 2010, ISSN:1313-8200 Revista djudiya de Bulgaria

ALOMUN CRETSZ EKDR. /// Merkez Tel: 0212 - 231 92 82 Faks: 0212 - 231 92 83
Abonamiento: abone@salom.com.tr
Artikolos publikados en El Amaneser refletan las opinyones personales de sus otor, i son enteramente i solamente a su responsabilidad. La reproduksyon total o parsyal de estos artikolos es permetida kon la kondisyon de mensyonar su manadero i el nombre del otor.
Gzlem Gazetecilik Basn ve Yayn A.. adna sahibi: YAKUP BAROKAS

Yayn Tr: Yaygn Sreli
Yayn Ynetmeni: Karen Gerson arhon Koordinatr: Gler Orgun
Basld Yer:
Turkuaz Matbaaclk Yaynclk A.. Keresteciler Sitesi, Fatih Cad. Selvi Sok. No:18 Merter-stanbul
PARA ABONARSE posta elektronika: elamaneser@gmail.com
14
Agora resivi el Amaneser de

LIC. MYRIAM CUNEO / MONTEVIDEO
AKTUALIDADES
Esto kontente i agradesida a los ke lavoran en la redaksion, edision, impresion i embio del Jurnal en la bolsa de plastiko. Ma el buto de este mesaje es para agradeser muy kalorozamente a Coya Delevi, kon sus grandes, ermozos, i intelijentes ojos, ke mos eskrive una larga letra ke es para todos. Kero dizir en primero ke las primeras vezes ke resivi El Amaneser, las lagrimas kaiyan por mis karas de sintir, en meldando, las bozes de mis avuelas i avuelo ke tanto kije i ami, ke fueron de tanta alegria para mi chikez. El meldar me trusho el rekordo de komo eyos avlavan, ke me yamavan Miriamika, la nevia, ke sanava i melizinava, i todo modo de mal kitava. Komo dishe, los primeros numeros me emosionaron, me dieron una vida muestra mueva, porke no konosia muchas de las palavras ke meldava i ke agora rekonosko. Ma siempre topi ke algunas en Turko, me fueron imposivle de entender, de ke mi padre ke en su chikez bivio en Karatash, me kontava sovre las kayes ande los mansevos se batiyan entre eyos, i la eskola Lyce Franais, ande se embezava Fransez i Turko, ma kuando vino al Rio de la Plata,
biviendo en Uruguay i Argentina, no se si se olvido, ma nunka avlo mas en Turko, aparte de algunas palavras komo pezevenk, zimbil, i otras ke disho ke eran feyas. Teniendo una ija solo, me avlava en Ladino i Fransez, i las otras las dizia kuando tenia inyervos. Mas tadre, desho el Ladino, se ambezo bueno el Espanyol de Uruguay, avlando komo todos, sin aksento. Kero sulinyar el dainda ke avlamos Ladino, ke de mis ijos el bohor era muy de los Muestros. Dizia algunos biervos komo: Kualo azes, hanum?. Enkuanto al snobismo, trati de avlar kon la djente de la Komunidad de Uruguay, para ke enrejistremos en CD o MP4 las bozes de los mas viejos para tener un record de bozes, sonidos, les demandi ayudo, para topar ke tengamos una Memoria Visual i Auditiva de los mayores, ke un dia se van a ir a Gan Eden, ma eyos no tienen interes, biven muy frivolamente, ya savesh de kualo avlo, tener tener, ma ke emporta ser? Kreyo, no esto sigura, ke lo ke mos konta Coya, es muy interesante, es del seriozo penserio meditado de una dama. Kijiera ambezarme esta lingua de mis ansestros ma lo topo difisil. Komo Coya, al empesijo tuve grandes difikultades de eskrivir, de ke yo en la eskola me ambezi Espanyol, Inglez, Fransez, ma ava-
www.myriamcuneo.com
gariko vale la pena el esforso de rebivir estas memorias ke desharon personas ke bivireon bien, bivieron mal, tuvieron de emigrar de munchos paises, ambezarsen otras linguas, otras komidas, otros niyures. Tambien kero dizir del esforso ke izo mi avuelo kuando vino aki, ke sin konoser a dinguno, aviendo sido en Izmir un turnero de almirezes, aki mos desho dos, una para mi madre i una chikitika para mi, ma afilu izo una empresa enorme de ke merkava barkos ke estavan bozdeados en el porto, los yevava a un hangar ande los derumbava en pedasos de bronze, kovre, fierro. Mos dio muncho bienestar (rikeza) i era una persona alegre, ke kantava, le plazia ir a peshkar i yo iva kon el. Kuando yegavamos a la kaza de mi avuela kon los pishkados enkolgando, eya empesava a gritar, Atio, ke lavoro me trushites Bohor?, i el ke era tan bueno, dizia, Ayde, no te estrecheyes, ya lo ago yo i tu va a sintir la muzika. De este modo me ambezo a azer abanikos (fan) de pishkadikos chikitikos ke adjuntava, metia arina, los azia friyir i servia kon una agristada ke mos chupavamos los dedikos. Kon todos estos rekuerdos enkolgados de mi memoria, komo no vo a yorar kuando sento esta lingua amada, de ke me dio felisidad, niur, alegria de bivir de ke la avuela djugava la mandolina kon kantikas en Ladino, i mi madre djugava el piano. Malorozamente dinguno no esta, ma sus bozes, sus alegria de bivir, las komidas, mismo oy la gizo para mi, i avlando de komida vos desho ke ya es la ora para meter koza kayente en la tripa, ke el tiempo esta buzana, yelado tanto ke los prediktores del tiempo (meteorolojia) dizen ke aki ke nunka uvo inyeve, va a aver komo uvo ayer en Argentina i en Brazil. Un abraso a todos de El Amaneser i sus amigos.
LA FAMIYA MOZOTROS
rvin MANDEL / ESTAMBOL irvin.mandel@gmail.com
REKUERDOS
15
Banyo de la novia
GRACIELA T. DE RYBA / BUENOS AIRES lygryba@fibertel.com.ar
legra grande tuvimos esta semana en el kuartier, Zimbul Cordn kumbidadora i vizina muy kerida por todos, ayeg a las kazas de kada una i una, a kombidar para la semana ke viene, al banyo de novia de su unika i kerida ija, ked bivda muy djoven. Malgrado ke le prezentaron algunos ombres bivdos de buena parnas, nunka aksept de kazarse i engrandeser la famiya. Kale dizirvos ke ay munchas djentes ansina, es lo ke kere el Dio para kada uno i komo dize el muestro refln: Eskrito est en la palma Lo ke deve sufrir la alma. Aboltando al buto de oy, estvamos muy kontentes las mujeres, a la fin una alegra para Zimbul. Aza un mez, le avamos ayudado a lavar las ropas del ashugar: la blankera: savans, tapetes, tovajas i ms, todo era alegra akompanyado de kantes, bailes, komeres i beveres. Ama la seremonia del banyo era una koza espesial para mosotras. Komo toda mujer djuda, el ashugar se preparava durante anyos, ansina kuando ayegava la ora buena del Dio, estava todo pronto. Kon el ashugar afil se aprontava: el bogo de banyo, lavrado de mano o kroshetado. La kunyada i ermana de Zimbul izieron mil i una hadras, (deke tantas hadras), para todas en el bogo se mete: chamashir (ropas de interior para el ombre) de seda blanka brodado a mano, lo mesmo la kamiza, tas (tasa para echar la agua), sabunluk (pedazo de tovaja kuzida komo guante para enshavonarse), shavn de tokador, kapot, galechas kon takos i ms, todo blanko komo el kunfite. Savesh? En Villa Crespo tenamos una difikult, mankava ande azer la tevil (banyo ritual). Para esto ivamos a la kaleja Larrea i Viamonte del kuartier del Once yeno de djidis.
Lo komiko, mos enkontrvamos en la entrada del metro para viajar endjuntas i ansina ampesar kon esta alegra. Kala vermos kada una kon la chanta de dolashaear (pasear) i las kanastas ande yevavamos todo lo de menester. Eran pokas estasiones asta el kuartier del Once, ama ms kurto se aza el viaje endjuntas. Al abashar en la estasin Pasteur, el ambiente era familiar, los magazenes de djente konosida a la ke saludvamos, kaji todos merkvamos lo de menester en estos magazenes indems de muestro kuartier, asta ayegar a la puerta del banyo. Entrando la alegra de kada una era muy grande, no solo de estar endjuntas, afil por formar una
famiya mueva. Entre Zimbul i la kosfuegra Djoya Algranati la vistieron a la novya kon la kamiza larga de seda, mesmo ansina izimos mosotras, ama antes de echarmos a las lajas kaentes, vino la teleka (embanyadora), le kit la kamiza para no mojarla i ampes la alegra. Enmientres la teleka la shavonava, se sentan los kantes muestros: Morenika a mi me yaman, Poko le das a la mi kosfuegra i ms, no devo olvidar de nombrar a mi vizina del kurtijo: Donya Rifkula Dozetas kon su pandero ke tanya muy bueno enmientres kantava. Despes de shavonarla, le kortaron las unyas de los piezes i las manos, afil kitarle los pelos
del puerpo i entrarla en la tevil (banyo), la entrimos siete vezes a el agua, mientres ke resitavamos las berahot. La vistimos, la ta Sarota fue la enkargada de romperle la roska en la kavesa kon almendras blankas, para dezearle todo lo bueno: Blanka i Alegre, pasada buena i parnas buena ke tengash la roska era simn (senyal) de artura i blankura, despes ke la parti, ampes a darmos un pedasiko a kada una, mientres ke todas les dezeavamos todo bueno. Kortar unyas de piezes i manos, shavonarla, partir la roska Zimbul i Djoya, elijieron las bien kazadas, akeyas ke tenan ijos, marido i buen pasar en la vida. Ansina ke ansina devino el momento de komer i bever. Ke meza! Lakerda, azetunas, boyos, borrekas, roskas, pan blanko, portokales (narandjas). Kuando eskapimos de komer, salimos a la otra sala no tan kaente, ande nos echimos a deskansar, mientres ke no deshvamos de kantar. En este punto empesimos a kombidar los maronchinos i mogads de almendras, sharope, konfites de almendra todo blanko, dezendole lo mijor en la vida. Entre tanta alegra mos vistimos i fuimos a la kaza de la novia, para kontinuar este da tan alegre i asperado por mosotras, akompanyado de kantes, dumbelek i pandero asta la noche en ke kada una tornimos a muestras kazas. Vos kero komentar, ke yo era chikitika kuando akontesi esto i asta ke me engrandes, no entenda por kualo era yamada a kantar i tanyer el pandero Rifkula Dozetas, ama despes de este da ke goz komo nunka, arogo al Di sald i vida larga a las mujeres para kontinuar kon la kostumbre del banyo djunto a los muestros kantes. Saludozos i semanada buena para todos.
Ilustrasyon: Roz Kohen
16
ERA UNA VEZ...
Eliya Karmona
Transliterado por: MICHAEL S. HALEVY / HAMBURG mihalevy@alice-dsl.net
ENTREGA 2
Mi sigundo ofisyo
Kuando mi difunto padre alav ashalom se avia echo biletdji del tranvay, era menester de levantarse kada manyana de muy temprano por irse a Beshiktash, esto le traia munchas penas a grado ke el se vido ovligado de deshar la kaza de Ortakyoy i tomar otra en Beshiktash. I ansi, kuando yo era konjedyado del konak del Sadirazam, morava en Beshiktash i no en Ortakyoy. Kedado sigun vos dishe, sin echo i sin eskola, yo me iva kada dia a mezurar los kaldirimes de Beshiktash i kuando me kansava me iva a eskansar ala botika del Sinyor Behor Gaon, botika situada debasho las kazas del difunto Sinyor Rafael Kamhi alav ashalom. Este Sinyor Behor Gaon vendia papeles de sigaro i kyibrites a todos los chikos kyibritdjis i yo vea de enfrente el alishverish ke azia kada ninyo i ninyo i mas grande enkanto tenia las tadradas kuando los kyibritdjikos retornavan de sus echos por emplear para el dia sigyente i ivan esklamando : Behorachi ! Ochenta groshes gani oy ! Otro dizia 90, i otro 70. I yo, en sintyendo el numero delos groshes ke ganavan kada dia, me empesava a venirme la ambisyon de azerme i yo kyibritdji por los 60 o los 80 gr[oshes] al dia. Determinado en fin de azer este ofisyo, yo entro una noche en kaza en dizyendo a mi difunta madre : Mama, me vas a dar 60 groshes de kavdal i me vo azer kyibritdji. El byervo kyibritdji ensanyava a mi madre ke esklamava : Kyibritdji ! Nunka !... Un inyeto de elebi [ibi|] Hizkia Karmona no deve nunka azerse kyibritdji. Ke ay ?! demandi yo, mijor de profesor de franses es, ayi tomava 2 liras al mes, i aki va ganar 4 liras ala semana. Esta demanda mia nos traia una syerta diskusyon entre mi madre i yo, i ala fin eya me dizia: No te desho azer kyibritdji, ma una vez ke keres ganar, vamos manyana onde Nichev Pasha a Ortakyoy, el es un vyejo amigo
Komo nasyo Eliya Karmona. Komo se engrandesyo I komo se izo direktor del Djugeton 40 anyos de su vida eskritos por el propyo A la okazyon del 18en aniversaryo del Djugeton Imprimeria El Djugeton
dela famia, le rogamos a el, i el me rekomendara en algun lugar por algun empyego. Kon grande despasensya, yo paso akea nochada i ala demanyana, djuntos kon mi madre mos ivamos a Ortakyoy, onde Nichev Pasha. Este ultimo nos azia un kalorozo resivo i kuando mi difunta madre le azia parte del eskopo de su vijita, el respondia : Vos asiguro ke me esta desplazyendo de dizirvos ke no tengo konosensya kon ninguno i no puedo Ken kere azer echo, kale ke se bushke el, el kavdal. Esta repuesta la apanyava yo komo ley de monte de Sinay, i en vista koria ala botika de Behorachi Gaon. Yo le rogava ke me fiara 60 groshes de kavdal, kredito ke el me lo azia en vista, me merkava i una tavlaika i kon grande alegria me enkolgava la tavla i salia a vender. Vos djuro keridos lektores ke este ofisyo me azia ganar 80 a 100 groshes al dia i vos asiguro ke si yo kontinuava en akel ofisyo, muy siguro ke oy puedria ser un
rekomendarlo en ningun lugar. Ya savesh Ekselensya, dizia mi madre, se kere azer kyibritdji. I ke ay ? esklamo el Pasha, en ke tefter eskrive ke el bankyer es grande i el kyibritdji es chiko. Kada ombre tyene dever de lavorar por ganar su pan kon onor. El se levanto enpyes, se aserko de mi, i dandome algunas dadikas en la espalda, el me disho: Oglum, el ofisyo ke keres aze. Basta ke ganes tu pan ala sudor de tu frente i kon onor. Ladronisyo no agas, ofisyos dezonorados no agas, loke keres aze, no ay ken te averguense. Este konsejo de Nichev Pasha yo lo tomava en konsiderasyon, i apenas entravamos en kaza, empesava a rogar a mi difunta madre a ke me dyera los 60 groshes por kavdal. Mi difunta madre refuzava syempre i vyendo ke yo yorava komo kriatura eya me dizia :
merkader. Apenas yo me azia kyibritdji, el regretado difunto Nisim Efendi Djibre alav ashalom, un alto funksyonaryo en el Hazinei Has(s) a de Dolma Ba(g)che, bushkava a enkorajarme. El enkomendava a los mosos dela hazne de no deshar entrar otro kyibritdji mas ke mi, i esto me traia muncho provecho. Vinian muncha djente a tomar paras dela hazne, i yo les transportava komo un hamal kon el sako de medjidies ala araba i me davan 10 o vente groshes de regalo. Esto se kontinuava la semana entera salvo el vyernes. En este dia, la hazne estava serada, i yo me asentava en la djade del tram de Dolma Ba(g)che onde todos los askyeres ke se ivan a ir al selamlik de Abdul Hamid, estasyonavan ayi fin ke venia avizo del lugar onde se iva azer el selamlik. Kaji todos los soldados merkavan
papel de sigaro i kaf[e], i esto traia algo de ganansya. Yo empesava a ekonomizar algo de moneda i aumentar mi chiko kapital kuando un dia de vyernes, un persano vinia a mi tavla i keria tomar un tefter de papel de sigaro de 10 paras por 5 paras, i yo insistia por no darselo, un chiko pleyto se rekresia entre el adjem i yo i djusto en el momento ke el persano me mentava ley i fe, el reg[re]tado difunto Sinyor Itshak Karmona alav ashalom, ijo de Davidchon Efendi Karmona myembro del Shurayi Devlet, pasava por ayi, via el pleyto, me mirava kon una ojada agra i iva komunikarselo a su padre. Al dia sigyente, shabat demanyana, el moso de Davidchon Efendi Karmona vinia informarme en dizyendo ke el Efendi dezea verme. Kon grande apresuramyento yo me vo ala invitasyon shabat demanyana, onde dizian ayi tefila, i despues dela tefila Davidchon Efendi me travava de una parte i me azia entender kon un tono muy dulse ke no era djusto ke yo fuera kyibritdji, en insistyendo ke mi ofisyo tokava el prestidjyo dela famiya Karmona, i si yo kontinuava a azerlo, me ivan a kitar dela famiya. Ya savesh ke el respekto ke avia un tyempo por los grandes dela famiya no es komo el de agora. Yo me azia entero kolorado i le prometia de no azer mas el ofisyo, en rogandole de toparme un otro a su pareser. Ya le avli a Moshonachi, me disho el, el vos va resivir en la imprimeria suya del djurnal El Tyempo i vos va dar alguna semanada. Del aprantisaje de la Aliansa tambyen vos ize dar kinze groshes ala semana i si tenesh mazal de embezarvos el ofisyo de estampador, vos puedesh mantener muy anchamente. Tomad de nota, me disho el, ke el mas onesto ombre en la vida, es el lavorante, onde topa kada dia a ganar su pan muy onestamente. Mi prometa era egzekutida i al dia sigyente vendia todos los kyibrites i papeles por ir azerme imprimidor.
SINEMA
17
Aslan I. PALACHI / VANCOUVER paslan@hotmail.com

l filmo For My Father (Por mi Padre), una koproduksion israeliana i alemana, nominado por el Academy de Israel en siete kategorias, del rijidor Dror ZAHAVI, trata de demostrar komo el konflikto israeliano/palestiniano revela ke kaji nada se troko desde ke Jean RENOIR observo en el filmo The Rules of the Game (Las Reglas del Djugo) del anyo 1939: La koza terrivle sovre la vida es esto: todos tienen sus razones. Es un otro ermozo dia en el Medio Oriente. Serka del Merkado Carmel en Tel- Aviv, Karen, una muchacha vistida diferente de las otras, avre la vitrina de su magazen. En la kaye estrecha de enfrente, Katz, un patron viejo, se asenta delantre de su botika de reparasion de instrumentos elektrikos. Al otro lado de la frontiera palestiniana, una madre desperta a su ijo durmido, i Tarek, este muchacho se va para ke le metan un yelek (chaleco/ gilet/vest) de eksplozivos para suisidarse. En el korso de una Fin de Semana (la traduksion tekstual del titolo del filmo Sof Shavua BTel Aviv), el motivo komplikado de kada karakter desfia unos estereotipos i enfortese otros. Tarek, el karakter sentral, es miembro de un grupo terroristo, al kual se le enkarga la mision de detonar los eksplozivos ke yeva unidos a su puerpo. Los dos amigos de Tarek ke lo yevan a la frontiera ya sospechan del kompromiso del muchacho en akodrandole: mozotros no tenemos fuersa armada del aire,
tu sos muestra fuersa. Tambien le apuntan su dover enverso su padre, el dinero ke le van a dar i su reputasion ke va mijorear en la komunidad. Kuando Tarek yega al Merkado Carmel de Tel-Aviv i en el momento dechizivo, el aparey no fonksiona i la eksplozion no se produse. Fuyendo del merkado, el muchacho bushka i enkontra a Katz, el viejo patron de la botika ke puede ramplasar el mekanismo, ma komo es Shabat, deve asperar 48 oras asta alhad. Durante el tiempo libre, Tarek tiene la okazion de konoser de serka a varios personajes de la sosiedad israeliana, ke komo konsekuensa de esto, se produse serios dubios sovre la djusta sinyifikasion de lo malo ke deve kometer. El mansevo palestiniano konvense a las personas del grupo terroristo ke lo yevan a Tel-Aviv, ke es mijor asperar asta alhad, porke ay poka djente en las kayes, devido ke es Shabat. Viendo ke el techo de la botika de Katz tiene un burako, veluntariamente se lo fiksa i ansi se aze amigo kon el, el kual lo kombida a komer a su kaza. Es aya ke se ambeza de la muerte trajika, en la armada israeliana, del ijo del viejo i los problemas psikolojikos ke kavzan a su mujer rumana. Desde akel tiempo, Katz se komporta de una manera estranya en las kayes de Tel Aviv. Es su propia manera de eksprimir su ravia enverso la armada israeliana. En la kaye de enfrente, Karen lavora en una chika botika. Eya, se separa de su famiya relijioza i trata de emansiparse sin el ayudo de eya. Karen i Tarek, komo se sienten solos, se azen amigos i despues, el, la salva de la haftona de un mansevo sofu ke pensa ke la manera ke se viste i
su komporto es abominavle. Aunke vienen de dos mundos muy diferentes, eyos topan sentimientos komunes entre eyos i partajan sus estorias de la vida i unos momentos intimos. En una entrevista, Dror Zahari, el realizador, mos dize la razon por la kuala se dechida azer este filmo: En Novembre de 2005, un mansevo palestiniano se suisida kon los eksplozivos en el Merkado Carmel, matando kuatro israelianos. Akel dia, supe ke era menester de azer un filmo ke trate de kitar en medio las karas detras de las maskas ke yevan estos mansevos en los videos de adio. Kreo ke kuando el aborresimiento amenasa la salud mental, es importante, tal ke se pueda, azer un filmo ke mostra los seres umanos de las dos partes. No monstres, solo seres umanos kon famiyas i amigos, alegria i dezespero, personas ke sonyan eskapar el serklo de dolor i ke pudieran muy bien bivir en paz uno al lado del otro. Biviendo un kurto tiempo en Tel-Aviv, Tarek es ekspozado a una mueva manera de bivir. Deskuvre ke es posivle de devenir amigo kon un enemigo. Se maraviya a la tristeza i a la lokura de Katz i de su mujer, i se aserka mas a Karen kon la apresiasion de su vida emansipada. Kon nada de pedrer, los dos se avren el uno al otro i un amor imposivle surje entre estos indi-
viduos aislados, edukados para ser enemigos. Kuando yega alhad, Tarek deve tomar una dechizion muy difisil sovre ande esta su lealdad i ke es lo mas importante para el. Por mi padre ofrese un solido filmo ke, sin dubio, orijinara diskusiones entre el publiko, asegun sea el punto de vista i la apresiasion personal de kada persona para djuzgar lo ke el relato ilustra. Uno se demanda si tratar de umanizar el destino de las personas tiene o no una baza. Ansi, en el argumento del filmo, se prezentan las razones ke empushan a Tarek a tener atadijos kon el kavzo terrorista, i ademas las lisiones ke se ambeza durante esta kurta estada sovre las penas, alegrias i esperansas ke gian la egzistensia israeliana komun. I ke nada tiene de aver kon el konflikto politiko kapache de krear persepsiones i ideas yerradas sovre la natura umana de kada una de las partes opozadas.
Dror Zahavi, (...) menester de azer un filmo ke trate de kitar en medio las karas detras de las maskas ke yevan estos mansevos en los videos de adio
18
Espanya i Sefaradismo
COYA DELEVI / ESTAMBOL
a Epoka -2 Refleksyones i Komentaryos Sovre un

EL DOSYE DEL MEZ...
stamos kontinuando kon la pregunta En los anyos ke sigieron la destitusyon del Rey Alfonso XIII, komo evoluaron las relasyones Ispano-Sefardi? (El Amaneser No. 68). Oy penso dar kurtos rezumes de syertos eventos ke djuzgi importantes. Es klaro ke no es un lavoro muy kompleto komo podriya ser un livro. Este dosye es el rezultado de mis bushkidades i lo eskrivi kon el eskopo de dar una idea konsernando las sovredichas relasyones, en el entervalo de un siglo. Vo perkurar de segir un orden kronolojiko. Komo lo savemos, el Senator Angel Pulido Fernandez en su viaje a los Balkanes, fue impresyonado de la vida i kultura de las komunidades Sefaradis. De estas komunidades ke aviyan reushido a konservar la lingua i kultura de la peninsula Iberika. Poko despues ampeso una kampanya en la prensa Espanyola. Pulido publiko en 1904 Los Israelitas Espaoles y el Idioma Castellano. El entereso de la Espanya enverso los Sefardis kontinuo kon los estudyos de sus lingua. El eskrivano espanyol Felipe Torroba B. De Quiros en su livro tresladado al inglez komo The Spanish Jews esta dizyendo: Fue solamente despues ke Pulido eskrivyo en 1905 el livro Espaoles sin Patra y la Raza Sefardi, ke los ebraikos sintyeron (o tomaron) komo una garansiya ke iva ser entonses la fin de sus Exodus... Pulido kontinuando, publiko Sefardismo en Espaa, El Pueblo Hispano-Hebreo, primera Basa Universal de la Espaa i La Hispano-Djuda Reconciliacin. En 1919 los Sefardis de Paris organizaron una seremoniya para ekspresar sus admirasyon enverso el Dr. Pulido. El Sr. De Quiros esta adjustando: El anyo 1920 fue fondada la Casa Universal de los Sefardes en Madrid. En 1924 la Espanya ofresyo a los Sefardis la shans (oportunidad) de devenir sujetos espanyoles. Komo lo prechizimos en la primera partida de este lavoro, uvo syertas ezitasyones, los Sefardis se sintyeron enfrente un dilemno. Malgrado esto, asigun el Sr. De Quiros, munchos akseptaron o estavan dezeozos de akseptar la oferta de suditansa espanyola. Intelektuales, politisyanos, eskrivanos se enteresaron a los Sefardis. Estas personas kon sus artikolos manyifikos editados en los jurnales, reusheron a espertar sovre el sujeto un entereso publiko bastante importante... 18 Julio 1936 - empesijo de la Gerra Sivil de Espanya. Dizen ke esta gerra fue komo una prova de la Sigunda Gerra Mundial. La lucha de dos partidos, la Demokrasiya i el Fashismo. En 1936 nombrozos djudios kombatieron al lado de la Republika amenazada por el fashismo. Ma,
ya se save ke uvo tambien djudios veluntaryos luchando al lado de los nasyonalistos rebeldos i fashistos italyanos. Mizmo si eyos no eran nombrozos komo los ke apoyaron la Republika, eskrivyeron portanto sus rolo en la Istoria. Por detalyos suplementaryos se puede referar a El Amaneser No.8 (Los djudyos en la Gerra de Espanya 1936-39).
En 1942 todos los establesemyentos de la komunidad Djudia i las sinagogas fueron serrados. Despues la okupasyon de la Fransya por las fuersas Alemanas, un grande shifro de djudios fuyeron a la Espanya, por lo mas de manera illegal i kon el ayudo de la Rsistance. Fueron achetados por la Espanya sin dingun kontrolo ni verifikasyon de pasaportes o vizas... En este
Sinagoga El Transito, Toledo
La Gerra Sivil eskapo el 1 de Avril 1939. Solamente 5 mezes despues, apenas el Jeneral Franco aviya parvenido a asigurar el kontrolo del pais entero, eksplozo la 2. Gerra Mundial, deranjando en una mezura su poder. Asigun diversos manaderos, Franco estava mirando de un ojo kaji favoravle, una kooperasyon kon Hitler i las fuersas del Axis (Alemanya, Italya, Japonya). Portanto, primeros anyos de la Gerra el perkuro espesyalmente a no entrar debasho la responsabilidad de algun akordo. Despues la Gerra, uvo syertas prevas (testimonios) afirmando ke si Hitler aviya tenido la shans de ganar la viktorya en poko tyempo, Franco iva partisipar a la Gerra a los lados de la Alemanya. Aktualmente, savemos ke syertos archivos sovre este sujeto ya salyeron a luz... Tornaremos a los primeros anyos de gerra. Un eskrivano espanyol esta dizyendo: Konsiderando el komporto adoptado por los djudios en los anyos de la gerra pasada, se deve achetar kon entendimyento el sentimyentoAnti-Djudio de la Espanya en akeya epoka. (Klaro ke la gerra pasada deve ser la Gerra Sivil de Espanya). Esta adjustando, Portanto la Espanya Nasyonalista salvo miles de refujyados djudios antes la invazyon de Madrid por las fuersas de Himmler en 1940...
paragrafo dimos en resume otruna repuesta a la kestyon sovre lo ke paso en los anyos de Gerra... La perioda ke sigio fue la mas difisil para el Jeneral Franco. Las Nasyones Unidas korto las relasyones kon el Governo Espanyol. Tambien en esta perioda Franco fue el lider del Oksidente el mas aborresido... En 1948 el ayre de la politika trokando de direksyon, estamos vyendo ke las relasyones de la Espanya kon estos paises estan ampesando a enderecharsen. Un pakto de ayudo militar de 10 anyos se sinyo en 1953 entre los Estados Unidos i la Espanya, amijoreando la pozisyon internasyonal de Franco. Anyos 195060, se esta remarkando una inklinasyon mas liberalista en la politika interyor de Franco... En 1949 se avyo una Sinagoga en Madrid... La Egzibisyon Universal sovre el Mundo Bibliografiko Sefardi verso la fin del 1959 fue un evento memoravle del punto de vista IspanoDjudio. Las komunidades Djudias de la Evropa, Asia, Afrika i Amerika partisiparon a este evento kon manuskritos, livros, pinturas, imajes i todo modo de diferentes objektos. Era primera vez en el mundo ke una semejante koleksyon de Arte, Sensya, Literatura, Jurnalismo, en kurto, una koleksyon kultural Sefardita ke fue arrekojida i prezentada al publiko. Aki unos kuantos byervos del livro The Spanish Jews sovre esta impor-
EL DOSYE DEL MEZ...

tante ekspozisyon: Los objetos vinyeron de los Sentros IspanoDjudios de Paris, Estambol, Yerushalayim i Amsterdam. Entre estos lavoros aviya gravuras mostrando la Grande Sinagoga de Amsterdam, las Sinagogas de Cordoba, Gerona, Lorca i Toledo... Las ovras fueron prezentadas en un orden kronolojiko ampesando de los mas ansyanos dokumentos de antes del 15.siglo, komo por egzempyo, las eskritas de Maimonides, Abravanel, Aben Ezra, ets.... Kontinuando, estavan ekspozados rituales de Sinagogas, etnolojiya, filozofiya, folklor, medisina i al lado de esto, la vida de kada diya. En esta seksyon, uzos, kostumbres, bodas, festividades, ritual de funerayes ets... Se vido tambien un entereso por las publikasyones modernas sovre la Istoria, Klasikos IspanoEbreos, Arte, Literatura, Pablo Poezia, Romansero ets... Se puede dizir ke la esplendor de la Kultura Ispano-Djudia konservada durante 5 siglos fue ansi materyalizada de una manera konvensyente. Aki, otruna vez kero dar unas dos linyas ke tomi del final del livro de Felipe T. B. De Quiros: ...Aktualmente el Instituto Arias Montana de la C.S.I.C. fondado en el 1940, esta kontinuando sus estudyos i investigasyones sovre dokumentos Ebraikos i Biblikos komo Etnografiya, Arkeolojiya, Istoria, Filozofiya i Literatura. Su libreriya poseda unos 20.000 volumes i resive un grande shifro de revistas del mundo entero. Esta kontinuando a publikar el semanal Sepharad i otros lavoros.Un Muzeo Sefardi fue muevamente instalado en la Sinagoga de El Transito en Toledo. Es ansi ke la Espanya responde a la grande kerensya de los Sefardim ke yevaron la Lingua i la Kultura de la Tyerra de sus Padres a los mas leshanos kantones del mundo. Devo prechizar un punto: este ultimo paragrafo fue eskrito en 1972. Aktualmente no se si es djusto de azer komentaryos sin tener todas las repuestas. Ma, en kurto vamos echar un ojo a los anyos pasados antes de vinir a muestra epoka. La Sigunda Republika fue fondada despues la destitusyon de Alfonso XIII en 1931... En Julyo 1936, la Rebelyon i el empesijo de la Gerra Sivil... La 2. Gerra Mundial... La Diktatura de Franco i en 1969 su deklarasyon: Juan Carlos, inyeto de Alfonso XIII, entonses Eredador del Trono... Juan Carlos es Rey aktual de Espanya desde 1975... Es de demandar otruna vez En ke punto estamos agora?... En el empesijo del 2009 fue prezentada en Israel La Casa de Sefarad, Institusyon Kultural kon sentro en Cordoba dedikada a la prezervasyon de la Erensya JudeoEspanyola. Sebastian de la Obra es el direktor de la Biblioteka i el Sentro de Dokumentasyon de la Casa de Sefarad. Asigun el, la rekuperasyon de la trasa judia es komo el elemento tanjible (konkreto) permetyendo de identifikar elementos sefaradis aryento i afuera de Espanya para segirles la trasa, rekuperar i prezervarlos. La Sra. Rosana de Aza, direktrisa del Sentro disho: Arebivir el uzo del ladino ya es imposivle, pero ay una erensia kultural, muy rika, ke bive dainda i ke esta en la Literatura Martin Asuero Sefaradi, Gastronomia, en la Muzika i en las Tadisyones... En el final de este dosye una ultima kestyon: Kualo mos rezerva el avenir? Kon la esperansa ke kontinuaremos a tomar syertas repuestas de bokas kompetentes aki tenemos la repuesta del Sr. Uriel Macias Kapon a la kestyon semejante ke le pozo Karen arhon antes dos anyos: Komo ves el futuro?: En Espanya ay un grande inters por lo sefardi, en konkreto por la lingua, pero lo ke no ay son avlantes de judeo-espanyol. Puede ser ke algunas personas de edad, todavia avlen o entyendan el ladino traido de Gresia o Turkiya o konserven palavras o ekspresyones de su judeoespanyol de Maroko, pero ni es ni fue una lingua de komunikasyon. Tampoko ay, ke yo sepa, grupos de personas ke se reunan para avlarlo. Lo ke si devemos destakar es la importante lavor de investigasion, divulgasion i edision sovre la lengua i la literatura desvelopada por profesores i investigadores. El futuro?... paresido al prezente... Notisya- Uriel Macias es espesyalista en bibliografiya de judaika i koordinador de las jornadas de la RIOJA. Desde el anyo 2001 es Sekretaryo Jeneral de la Komunidad Judia de Madrid i desde 2007, Vokal de la Federasion de Komunidades Judias de Espanya.
19
DIVERSIDADES...
Estreyikas dEstambol en Cordoba
En Cordoba no se avlo otra koza ke de la prezensia de un grupo de chikos venidos de Estambol i ke kantavan en judeo-espanyol. El konsierto del Diya de Shabat fue una delisia. La Casa de Sefarad fue el lugar donde se izieron las aktividades. Esta Casa de Sefarad se esta konvirtyendo en uno de los referentes mas ermozos i aktivos de la Kultura Sefardi en el mundo. La TV Andaluza (Canal Sur) i televizyones lokales los filmaron, el periodiko ABC realizo una entrevista muy espesyal a Izzet Bana. Las Estreyikas iluminaron komo nunka antes el sielo da la kapitala de la vieja Sefarad Cordoba. Sebastian de la Obra, 2008
Una kolaborasyon sinyifikante

La T.V Espanyola enkavesada por Esther Bendahan, izo en Turkiya un kurto dokumanteryo. Ampeso kon la nochada organizada para la prezentasyon del Trezoro Sefaradi, ovra de muestras amigas Fani Ender i Beki Bardavid. Al diya, sigieron entrevistas kon eskrivanas i Ladino avlantes de muestra Komunidad. Esther Bendahan es nasida en Maroko de famiya Djudia Sefaradi i bive en Espanya. Es eskrivana, jurnalista, direktrisa i prezentatrisa del program Shalom en el kanal 2 de la T.V Espanyola. Un grupo de amigas, en el Instituto Cervantes de Estambol partisipimos al program para la emisyon de TV. Kada una avlimos sovre el judeo-espanyol, el periodiko alom i El Amaneser. En el final, diskutimos sovre la prezumida desparesyon de muestra idioma. El Sr. Pablo Martin Asuero, direktor del Instituto Cervantes se adjunto tambien a muestro debate. Coya Delevi, 2006
Presentasion del livro de Gad Nassi En Tyerras Ajenas Yo me vo Murir

Al akto akudyeron los ambasadores de Israel, Alemania, Olanda ansi ke miembros de la Komunidad Judia de Madrid, espesyalistos en estudios sefaradis komo Paloma DiazMas, periodistos komo Matilda Gini de Barnatan de la Radio Nacional de Espana. El livro de Gad Nassi fue editado en Espanya.
Estreyikas dEstambol
Pablo Martin Asuero, 2006
20
PATRIMONYO
La Trajedia de Ancona i sus Konsekuensas

Doa Gracia Nasi nasyo en 1510 en Lizbon. Apartenia a una famiya de marranos de Espanya ke se avia refujiado en Portugal. En 1536, paso a la Evropa, para evitar la Enkizision, i bivio ayi en kamuflando su relijion. Portanto, en segito de una denunsion fue arestada. Despues de ser liberada, se establesio kon su famiya en Estambol. Esto todo no le empidio de dirijar una de las mas poderozas kompanyias de negosio de su tiempo. Uzo su fortuna i sus koneksiones para provechar a sus korrelijionarios en kreyendo trayektorios de salvasion, i en prokurandoles empleos, sinagogas, institusiones de bienfezensia i de edukasion relijioza. Fue partikularmente instrumental en los Balkanes i el Mediterraneo. Una inkarnasion de vijilensia, de determinasion i de koraje, Doa Gracia negosio kon soverenos, i mizmo los disputo. Konsiderada entanto ke una de las eroinas de todos los tiempos del puevlo djudio, su estoria fue una leyenda durante su vida. En Febrero 9, 2010, fue selelebrado el kensentenial aniversario de su nasimiento. Este artikolo ke trata de una de las mas sinyifikantes epizodas de su kariera, es publikado en omenaje a su memoria. (*)
GAD NASSI / HERZELIA nassig@gmail.com
ncona es un porto maritimo en la kosta adriatika de la Italia. La data egzakta del aresentamiento de los djudios en esta sivdad no es konosida. Se save ke su poblasion djudia avia pujado kon el arivo de refujiados djudios de la Sisilia, del Reynado de Napoli, i de los marranos de Portugal i de la Espanya. Durante la istoria, la komunidad djudia de Ancona fue el obyekto de restriksiones, komo la obligasion de yevar un insinio partikular i de morar en el geto. En 1532, la proklamasion de Ancona en tanto ke un porto avierto al komersio internasional, tuvo konsekuensas kontroversiales por los djudios. La populasion de Ancona pujo i merkaderes de diferentes payizes i de diferentes relijiones se establesieron en Ancona para gozar de esta libertad. Ansi, Ancona devino un porto de primera importansa, negosiando kon el Levante i kon portos importantes de su tiempo. Portanto, en 1555, kon un muevo orden, mezuras anti-djudias fueron aplikadas. Los djudios fueron segregados en el geto. Les fue defendido de apropriarsen de bienes imobiliares, i de dirijar direktamente sus komersio. Una legasion papal
fue spesialmente mandada a Ancona para kontrolar estas limitasiones. Esto provoko el egzodo de una partida de la populasion djudia. Munchos konversos fueron entretiempo imprisonados i torturados. Una partida de estos reusho a fuirse de la sivdad. Una otra partida fue transferada a la prision en la isla de Malta, kuando 24 de entre eyos fueron kemados en el ogar, por aver renegado el Kristianismo en observando el Djudaismo.
Esta trajedia provoka una grande konsternation en el Mundo djudio. La memoria de estos martirios es perpetuada kon elejias ke se resitan el dia de Tesha beAv, ainda en muestros dias.
La Intervension Otomana i el Boykot

Estos evenimientos akontesieron kuando Ancona azia parte del redo de komersio de la famoza familia marrana Mendes/Nasi. Gracia Mendes/Nasi i Yosef Nasi se avian desde dos anyos aresentado en Estambol. Kon el arivo de la novela de arestasion de los marranos de Ancona, Doa Gracia avia demandado la intervension del Sultan Suleyman el Magnifiko. El Sultan se adreso direktamente al Papa i solisito la liberasion de estos prizonieros, ke konsiderava ser sujetos otomanos basho su proteksion. Portanto, esto no pudo empidir la egzekusion de 24 de entre eyos. En esto, Doa Gracia desido de proklamar el boykot sovre el komersio verso el porto de Ancona, en transferando el transporto de los bienes al porto de Pesaro. Pesaro, mismo ke es vizino de Ancona, no era basho la soverenia papal. Asigun el plano, este boykot ke turara ocho mezes en el empesijo, tenia por buto de aflakar el poder ekonomiko de Ancona. Entretiempo el duko de Pesaro dio refujio a los
La trajedia en Ancona, Arthur Szyk, The last por Ludwig Lewisohn
konversos ke parvinieron a fuirsen de Ancona. En el buto de realizar este boykot, Doa Gracia se adreso a las altas personalidades i interesados de la komunidad djudia. Para ke pueda reushir, esta inisiativa devia ser respektada por todos los komersantes djudios, ke utilizavan el porto de Ancona. Yoshua Sonsino, el Rabino de Saloniki, aunke lo avia aprovado en el empesijo, se opozo mas tadre a este boykot. El perikolo ke en segito de este boykot, todas las komunidades djudias basho la soverenia papal poderian ser persekutidas, fue la razon de esta opozision. De otra parte, la fayita del boykot puederia meter en perikolo los ke ya se avian fuyido a Pesaro, porke el sovereno de esta sivdad seria ensanyado de konstatar ke los gastes echos para aparejar este porto para un komersio mas ancho fueron en vano. Sonsino es kon el tiempo apoyado por una partida de los merkaderes i otros rabinos, ke fueron de antes partizanes del boykot. De este modo, la unidad ke es indispensable para implementar a este boykot se dezaze i el komersio empesa a aboltarse progresivamente a Ancona. Portanto, la prediksion de Doa Gracia se avera djusta. El Duke de Urbino ke reyna sovre Pesaro, desida de ekspulsar no solo a los konversos djudios muevamente arivados de Ancona, ma, i a los ke se
PATRIMONYO
21
El porto i la karta de Ancona, siglo XVI - XVII avian establesido ayi de antes. Los ekspulsados de Pesaro son viktimas de naves ke salen de Ancona. Eyos son kapturados, persekutidos i vendidos komo esklavos. La desizion del Boykot, ke fue tomada en segito de la trajedia de Ancona, es konsiderada entanto ke la primera tentativa del Mundo djudio de utilizar su poder ekonomiko kontra la persekusion. Portanto, los esforsos de aktuar de una manera unida se dezazieron sin traer los rezultados suetados. Aparte ke este boykot no avia reushido, los djudios kontinuaron a ser persekutidos por la Eglisia katolika. El apelo a los djudios de establesersen en Tiberia aze un sierto efekto. Naves salen en kamino para trayer a la Tierra Santa a los ke respondieron a este apelo. Una parte de estas son kapturadas por los
Sovre la Istoria de los Djudios de Italia

Konversos de Espanya i de Portugal ke se avian establesido en la Italia, kontinuaron a praktikar aviertamento el Djudaismo. Sus konsentrasion en el geto los avia aserkado entre eyos i avia renforsado la konsiensia de sus apartenensia djudia. De mismo, eyos se avian adaptado de una manera favorable a la kultura italiana i a sus uzos. Ansi, fueron i eyos influansados por el movemento de la Renesensia ke se estava propajando en la Italia - en kreando esta vez sus propria Renesensia. Es en este konteksto, ke imprimerias fueron fondadas en la Italia i kopias del Talmud fueron por la primera vez imprimadas. Eskolas prokuraron la edukasion del Djudaismo i de la lingua ebrea, en mismo tiempo ke estas komunidades enfloresian en el komersio. Portanto, malgrado la empatia jeneral del puevlo italiano, el Papa Paul IV sintia un aiso personal verso el puevlo djudio. En el orden ke avia deklarado, este aiso fue ekspresado de una manera muy klara. El dia de Rosh haShanah del anyo 1553, livros en Ebreo fueron kemados despues ke fueron amasados en las plasas en Roma i en las otras sivdades papales, entre eyas Bolonia i Ravenna. De mismo en Venezia, ke era el prinsipal sentro de la imprimeria djudia, los livros en Ebreo tuvieron la misma suerte. La egzekusion de 24 konversos en Ancona fue la konsekensia de este proseso de manifestasiones antisemitas. La inkulpasion de la Eglisia era ke, malgrado ke se avian konvertido al Kristianismo, eyos estavan aktivamente pratikando el Djudaismo. El Dirito Divino de la Eglisia era de purifikar sus almas, i esto se pudia realizar solo en kemando sus puerpos.
El Proyekto de Tiberia
Las konsekuensas amargas de esta inisiativa fueron una de las prinsipales razones de un otro proyekto de orden politiko i ekonomiko por la salvasion del puevlo djudio. Esta vez, Doa Gracia i Yosef Nasi se aboltaron verso la Tierra Santa. Sus demanda de estableser en Tiberia i en su entorno una kolonia djudia para salvar a los djudios persekutidos en la Evropa, es akseptada de http://ww w.gadnas si.com/fil una manera favorable por el Sultan public es/ ations/Do na_Gracia otomano. Sus buto es de kreer una _Nasi.pdf aglomerasion djudia ke funksionara de una manera otonoma i ke sera korsarios. el fondamiento del Estado djudio De otra parte, el numero de djuen el futuro. Tiberia i sus murayes dios ke parvienen a establesersen son restoradas, i aparejos empesan en Tiberia no es bastante para reapara el desvelopamiento de una lizar este proyekto. Eyos son atakaaktividad agrikola i la manifaktura de dos por la povlasion araba ke se ropas.
revolta i los sakean. Todo esto empide la realizasion de este proyekto ke devia ebranlar el Mundo djudio en propajando la esperansa de la Redempsion. Kon los anyos, sus inisiadores perien i eyos sus intereso i el proyekto kaye en el olvido. *** Ni el boykot de Ancona, i ni el proyekto de Tiberia reusheron a empidir las persekusiones de la Inkizision. Portanto, la trajedia de Ancona fue el manadero de estas dos inisiativas de orden politiko i aktivo, sin antesedente en la istoria djudia. De este punto de vista, esta trajedia ke akontesio en 1556, tiene una signifikansa partikular en los esforsos del Mundo djudio i de los sefardis en partikular, para la union i la solidaridad, i en la istoria de sus atadijos kon la Tierra de Israel. *** Bibliografia komplementaria: Simonsohn, Shlomo, Marranos in Ancona under papal protection, MICHAEL, IX, (Tel Aviv: 1985), 234-67. Este artikolo reporta la istoria de la komunidad djudia de Ancona fina la trajedia de 1555. Kaufmann, David, Les martyrs dAncne, REVUE DES ETUDES JUIVES, XI (1882), 149-153. Este artikolo trata de diferentes dokumentos en atadijo direkto kon la matansina. Reproduiza una lista de los martirios. Lewisohn, Ludwig, The last days of Shylock, Harper & Brothers, New York and London, 1931. Esta ovra kontiene una deskripsion literaria de la trajedia. De mismo, trata de los evenemientos de la perioda en atadijo kon los djudios de Italia, la emigrasion al Imperio otomano i el proyekto de Tiberia. Sapersteing, Marc, Martyrs, Merchants and Rabbis: Jewish Communal Conflict as Reflected in the Responsa on the Boycott of Ancona JEWISH SOCIAL STUDIES, XLIII (1981), 215-228. Este artikolo elaborado kon maestria, trata de los diferentes aspektos i konsekuensas en atadijo kon la trajedia de Ancona. (*) En Desiembre 1990, una seremonia komemorativa fue organizada en Tiberia por la asosiasion MORIT de los turkanos de Israel, la Munisipalidad de Tiberia i WIZO a la onor de Doa Gracia Nasi. Kon esta aktividad, por la primera vez en su istoria, la sivdad de Tiberia eksprimio su apresiasion a su kerida Senyora. En el kadro de esta aktividad, Gad Nassi kon Rebecca Toueg, redaktaron una ovra biografika entitulada Doa Gracia Nasi, ke es posivle de abashar del Internet por la koneksion: http:// www.gadnassi.com/files/publications/Dona_Gracia_Nasi.pdf
Tiberia, siglo XVII
22
PATRIMONYO
Muestro Mupak i los Diskos de Enrico Caruso

ROZ KOHEN / ST. LOUIS rozkohen@gmail.com
s kuando oyi en la radio avlas sovre Enrico Caruso, ke mis rekuerdos sovre el mupak del apartamento en Estambol, ande me engrandesi, se arebivieron. Ansi, me akodri de los diskos del
REBECCA SCHERER / RHODE ISLAND
Kara de Fureto (*)

Myentres un viaje a Londra trente anyos antes, Paseandome un dia por las kayes Pasi delantre de una butika de antikidades. Aviya en la vitrina de esta butika Unos kuantos objektos muy interesantes I ermozos. Desidi de entrar a la butika Para mirarlos de serka. El antikaryo se okupava De un mushteri. Estavan en pyes enfrente del tezgya, Abokandosen para mirar, duzudeadas ensima Del tezgya, unas kuantas monedas. Myentres ke yo estava Egzaminando los objektos en la vitrina Ke me interesi, lo senti dezir el antikaryo: Na esta moneda. Puede ser ke es vieja moneda De Palestina. En lo ke oiya el biervo Palestina de pishin me tomo la grande kuryozidad de Mirar la moneda. Los ombres eran mas altos ke Mi, i no puedyendo ver nada sovre sus ombros, yo me Enfinki la kavesa entre los dos para pueder mirar. Me Grito el antikaryo kon avla de kokni: Tu, kara de Fureto! Esto no es tu echo! (Diziya yo De mi para mi: Es ke el es djudio?) Muy klaro Ke el teniya entisyon de insultarme. Ma no del todo Me senti insultada. Echi tarakas de riza. Kara de fureto! Komo de nombre! Por seguro No es nombre grasyozo komo kara de luna, O kara de flor, o kara de luz. Ama de otra Parte, no es malnombre komo de kulo, O kara de pokos amigos, o kara de mungrina. En verdad, ya me konvyene egzaktamente este nombre. Desde mi chikez, me toma la kuryozidad de Saver. Syempre yo esto bushkando el klavo i el burako, Yo esto eskadrunyando, peskuzando, eskulkando. Le dishe al antikaryo: Te rengrasio muncho Por el komplimento, i de la butika sali yo Kon la kavesa alta i kon kara riente. En lugar de Venderme una koza, me arregalo el antikaryo Este parachukli komiko i maravyozo ke Asta oy en dia dainda es tan apropyado!
kantador famozo, ke mi padre guadrava en el boron viejo, detras de la puerta del mupak. Este mupak era tan chiko ke yo, mizmo ke era una kreatura, no kaviya kuande mis parientes estavan arientro. Por manko de lugar, los aparejos para el gizar i kozer se aziya en la mezika chika en el koridor estrecho o en la kamareta de asentar. El mupak era bien brusko, siempre yelado, i eskayido komo el resto del apartamento. Teniya dos ventanas estrechas kon vista sovre la klaridad de las eskaleras de tavla i kuaji ke no aviya aver limpio o luz natural. Porke no se pudian avrir nunka, la palombas aviyan echo nidos sovre estas ventanas i mos kukureyavan el dia entero. Las lajas de la pila eran tan envejesidas ke paresiya ke teniyan burakitos i no era posivle mizmo de imajinar sus kolor orijinal. Mi madre enshaguava los platos en un legen de aluminyum i mi padre entrava en el mupak para enshugar los platos kon una tovaja i para asender el orno viejo, ande se aziya las filas i un makaroni au gratin alavado, ke solo el saviya azerlo. Aparte de este legen ke era uzado para meter los platos en mojo, i el chaydanlik para el flamur, aviya un almario de tel enkolgado en la pared i el boron detras de la puerta. En este boron ande estavan los diskos de muzika de mi padre, aviya papeleras i kavanozes de lentejas, arroz, avas sekas i garvansos. Un mortero para majar muezes, un molino de mano para molinar kafe turko, unas kuantas kucharas de tavla i el rayo por kezo al lado,
Ilustrasyon: Roz Kohen

kon el molino ke mi madre uzava para aparejar koftes de prasa. Los diskos ke mi padre aviya merkado kuando era mansevo era un sujeto sentral i mos kontava ke eran sovre operas de Enrico Caruso. En particular el Palyacho le plaziya muncho. Las kantikas de Enrico Caruso no eran popularas en el medio del siglo pasado, mas i mas ke el kantador ya se aviya murido unos trenta anyos antes. Para mi, el mupak viejo, kon la memoria de mi padre i de su kerensia de kantadores de al tiempo i mi madre molinando la prasa buyida... azen parte de mi pasado.
http://groups.yahoo.com/group/Ladinokomunita/
Sovre muestros nombres
DAISY ALALOUF NEWELL / USA
(*) Fureto: ferret (Eng.), furet (Fr.), ferreto (Esp.)
Me maravio kada vez ke pregunto ke kere dezir tu nombre? a alguno de Israel. Porke ya se ke kada nombre dado en Israel kere dezir alguna koza. Meytal - es dew (el rosiyo). Dov kere dezir bear (lonso). A mi me yamaron Delisia
ke era el nombre de la mama de mi papa. Aki en Los Estados Unidos, mi famiya me kerian dar un nombre mas Amerikano i me tienen eskrita komo Daisy. (ke kere dezir una flor - margarita- i no el beveraje Meksikano) Kuando mi papa estuvo en Napoli en mientres de su viaje a los Estados Unidos, lo yamavan Victor. Su nom-
bre era Haim ke kere dezir Vidas. (por modo ke la Gerra Mundial i las mares eran muy perikolozas, mi Mama i Papa fueron forsados de kedar en Napoli serka de un anyo, fina ke un vapor salga en viaje para los Estados Unidos, ke no estava dainda en la gerra... i ke los Alemanes estavan bombardeando vapores en el Oseano Atlantico).
PATRIMONYO
23
Las Anekdotas de Israel Benyakar

Meldado
En un kazal aviya un haham muy espyerto. Miro ke dingunos nostan vinyendo al kal, nostan echando eshkava, no ay bodas i otras okazyones para ganar i mantener. Se fue allado de un ombre buenacho, i le disho: Amanyana tienes meldado de tu padre, ke vengas al kal le echaremos una eshkava. Si. Amanyana es? Dakordo A la demanyana se fue al kal i lo izo el meldado de su padre. Paso unos kuantos mezes los echos del haham estava kesat, otra vez se fue allado del buenacho: Amanyana tienes meldado de tu padre, no te olvides de vinir al kal. Si. Bashustune mi padre no es, siguro ke lo va azer el meldado A la demanyana se fue al kal i lo izo el meldado de su padre. Un mez otro paso i no paso, esta kantika le agrado al haham. Yene se fue allado del ombre: Mira ke no te olvides. Amanyana el meldado de tu padre. El ombre no kito boz, le disho: Dakordo. i a la demanyana se fue al kal i lo izo el meldado. Despues de un mez el haham esta ves troko de kantika. Le disho ke tiene meldado de su madre. Si. Meldado de mi madre? Dakordo A la demanyana se fue al kal i lo izo el meldado de su madre. Al otro mez el haham ande peryo la alguja. Otra vez se fue al lado del ombre, i apenas ke le disho ke tiyene meldado de su madre, el ombre le echo un grito: Aaa ! A mi mirame sinyor haham, loko sos ke mal sos bre? Si so buenacho, bovo no so! No mires ke no kiti la boz por los meldados de mis padres. Padres pueden ser munchos, ama madre es una deya
de los ojos i la tada apretada, le miro aryento bezo largo largo. sin kitar la El marido kon atansyon los miro boz. o ke esta La mujer, medya desmayada kom koltuk. nadando enriva del aver, kayo al paso a su meza, se El psikolog konsejero, abolto al marido i le disho: djusto esto Mira sinyor, tu mujer nesesita vites. A lo manko a la semana lo ke tres vezes lo puedes azer? El ombre se penso un poko i le respondyo: Mira doktor, por egzempyo Lunes i myerkoles te la trayere a ti. Ama el diya de vyernes no puedo, tengo ke azer mach kon los amigos!
Restoran en el Bodre del Bosfor

Un grupo de amigos de kaji 40 anyos i panyos, se desidaron endeuna de toparsen kada anyo. Kedaron todos dakordo para ir a la noche a un restoran en el bodre del Bosfor. Porke las servideras de aya eran mansevikas, muy ermozikas i vistidas dekolte. Kuando vinyeron a la edad 55, otruna vez avlaron i dyeron karar por ir al mizmo restoran en el bodre del Bosfor. Por la razon ke las komidas de aya eran muy muy savrozas i los vinos teniyan una savor de lokura. Dospues de 10 anyos kuando vinyeron la edad de 65 otruna vez avlaron ande se van a topar i komer. Yene desidaron de ir al restoran en el bodre del Bosfor. Por la razon ke aya aviya una ambians de silensyo, i solo la boz de la mar era ke terminava la kayades. Ay ke gozar en un lugar ke la persona se kalma. Dospues de 10 anyos kuando vinyeron la edad de 75 yene avlaron por ande ir i komer. A la fin desidaron en el mizmo restoran en el bodre de Bosfor. Esta vez por la razon ke fasilmente se puediya entrar al restoran kon siya de karucha i teniya asansor. Dospues de 10 anyos kuando vinyeron ala edad 85. Otra vez avlaron ande se van a topar por komer. A la fin dyeron karar de ir al restoran ke esta en el bodre del Bosfor. Porke de mas antes no se aviyan ido ninguna vez!
anyos de Marido i mujer, dospues de 20 problemas se kazamyento kuando empeso los toparon delantre del psikolog. o kualo es El psikolog kuando les demand a, la mujer salto el problem, kualo es lo ke pas a. pishin empeso a kontar su tristez sin mankura. Todo lo konto Su soledad, la indiferensia del marido komo si era un ajeno, la kalor ke se esparesyo. Kurto, el kazamyento ke se troko djustamente en vaziyo I konto, i konto, i konto El psikolog konsejero, dospues ke la desho la mujer ke vazye todo lo ke tyene aryento, ensupito se alevanto, la alevanto a la mujer de su lugar, la detenyo sin meneyarla apre-
Problem de kazamyento
Pedo sin boz i sin golor

Doktor, disho la vyeja. Tengo problem de gas, ama no se konta una koza de keshar. Kuando esto pedando, ni boz esta salyendo ni golor. Por egzempyo de kuando entri aki, kaji vente vezes me pedi, ni tu te apersivites. El Doktor despues ke la miro, le disho: Toma estos hapizikos, dospues de una semana te kero ver. La vyeja dospues de una semana vino al kontrol: Doktor! Ke medra de hapes me dates no se. Kuando esto pedando dainda no esta salyendo boz. Ama de la fedor de la golor, la persona no se esta puedyendo ni respirar. Me va atabafar. Hmm! Muy byen, disho el doktor. La nariz ya te se enderecho, agora vino la sira de los oyidos.
24
MUEVAS PUBLIKASYONES
El Princhipiko
WALTER SAUER / ALMANYA info@verlag-tintenfass.de
MUNCHAS LINGUAS
Estamos orgoliozos de aver publikado este livro kon la ermoza traduksion al Ladino de Avner Perez i Gladys Pimienta. Muestra kaza editorial Tintenfass se topa en un chiko kazal afuera de Heidelberg en el sud de la Alemanya, i se dedika a publikasiones de minoritas, i sovre todo en idiomas en perikolo de ekstinsion. Estamos konvensidos ke publikar traduksiones de klasikos mundiales en estas linguas kontribuye a mantenerlas i azerlas sovrebivir. Asta oy publikimos mas de una dodjena de traduksiones de Le Petit Prince, algunas en linguas egzotikas (p.e.: Pashto, Creole Mauritiano, Galez, Gaeliko, Cornish, Yucatecan Maya, Arameo, Zazaki, Sorbian, Frisian, ets.). I estamos feliz de kitar esta version en Ladino del livro. De mismo ke muestras otras publikasiones en linguas en perikolo, esperamos ke esta version va a enkorajar los avlantes de Ladino en todos los niveles a uzar sus lingua kon orgolio i transmeterla a las jenerasiones venideras, de esta manera ayudando el Judeo-Espanyol a sovrebivir.
Le Petit Prince de Antoine de Saint-Exupry puede de verdad ser nombrado komo un klasiko de la literatura mundial. Publikado por la primera vez en Nueva York en 1943, mientres ke su autor estava egzilado ayi, en los Estados Unidos, fuyendose de la Fransia okupada de los Nazis, el livro pishin konkisto el mundo. Asta oy, fue trezladado a mas de 200 linguas i dialektos. El livro es un kuento de fada moderno, atraktivo para mansevos i aedados tambien, por su rogativa de amistad i umanidad. Es la istoria de un piloto (el autor era piloto el mismo), ke keda en el dezierto Sahara kuando su avion se avaria. Ayi enkontra el Princhipiko ke vino de una minuskula estreya leshana, ande el se okupava de alimpiar volkanes, protejandose de arvoles de baobap ke kresiyan muncho, i kudiando una roza unika. En unos kuantos dias, el chiko ekstraterrestre konta al kontador sus viajes interestrelar a sesh diferentes planetas, kada una abitada por individuos estranyos: un rey, un
vano, un bevedor, un negosiante, un asendedor de feneres i un senyor viejo ke eskrivia livros enormes, un jeografo, kada uno absorbado en su chiko mundo. En desinando sus portretos, Saint-Exupry reushe a darmos de manera admiravle kuentos umoristikos i satirikos de tipos de karakteres umanos diferentes, de toda la condition humaine. La ultima planeta ke vijita el Princhipiko es la Tierra. Aterrisa en el dezierto Sahara, enkontra un kulevro i topa
LA REALIZASION DEL PROYEKTO

Puede interesar los lektores de El Amaneser de saver ke me tomo muncho tiempo para realizar mi dezeo de publikar la version en Ladino del livro 10 anyos! En el anyo 2000, editi la traduksion al Yidish de Le Petit Prince (Der kleyner Prints) para otra kaza editorial. En akel tiempo, era professor de linguistika en la Universidad de Heidelberg (agora so retirado). Dainda no teniamos muestra kaza editorial, ma en mi tiempo libre ayudava un amigo editor kon mi ekspertiza linguistika. Me dio muncho plazer de lavorar kon el traduktor de la version en Yidish, Shlomo Lerman de Yerushalayim, i mos izimos buenos amigos. Fue el ke me sugjero de publikar un Petit Prince en otruna lingua Judia, el Ladino, ma su konosensia del Ladino no era bastante para trezladar el livro, komo lo avia pudido en Yidish, ke era su mameloshn (lingua maternal). Deve de ser en el anyo 2005 ke me disho ke Avner Perez, el direktor del Instituto Maale Adumim para el Estudio del Judeo-Espanyol is su kultura, i su kolega Gladys Pimienta, avian trezladado el livro al Ladino. Ma dainda no se avia publikado. Siguro ke kontakti Avner Perez en vista i diskutimos las posibilidades de realizar el proyekto kon muestra kaza editorial. Mos metimos de akordo en poko tiempo.Ma no kon el patron de los derechos de copyright, ke devia darmos una lisensia, ma demandava mas de lo ke puediamos finansar. Tratimos i tratimos i bushkimos un sponsor para ayudarmos a finansar el proyekto. Komo somos una chika kompanyia ke no bushka el maksimum de ganansia, ma tambien no keremos emprovesermos, tuvimos de bushkar apoyo de afuera. No fue fasil de topar un sponsor. Resivimos munchas repuestas negativas a muestras demandas en vezes dinguna repuesta. Una yamada en el internet para topar suskripsiones para el livro tambien resivio pokas repuestas. A la fin, fue muestro amigo linguisto Jean-Luc Fauconnier del Comit belge du Bureau europen pour les Langues moins rpandues (CROMBEL) ke mos dio el adreso de Jean Carasso de La Lettre Spharade. Tuvimos una korrespondensia bastante larga kon el por email, ganimos su konfiensia i l apoy esta publikasion kon una suma importante. La mizanpaj, tipografia i impresion del livro fueron realizados por firmas kompetentes en Alemanya, i el livro, emprimido kon letras Rashi i Latinas, salio en Agosto de 2010 kon 750 egzemplarios. Esperamos ke va dar muncho plazer a los lektores i tambien azer una chika kontribusion a la sovrebivensia de la ermoza lingua Sefaradi, el Ladino.
una guerta de rozas. Se aze amigo de un rapozo (renar), ke le ensenya siertas kozas komo: Los ombres olvidaron esta verdad. Ma tu no deves olvidarla. Sos responsavle para siempre de lo ke adestrates. Sos responsavle de tu roza ... A la fin el rapozo le dize su sekreto, la fraze muy sitada, ke se puede konsiderar komo la esensia del livro: Na aki mi sekreto. Solo kon el korason se puede ver bien. Lo esensial es invizivle para los ojos. Separandose de su muevo amigo, el desmazalado pilotokontador se aze dramatiko: El kulevro morye al Princhipiko, ke deve tornar a su planeta. A la fin, el lektor keda kon la esperansa del kontador de asperar el retorno del Princhipiko i ke le digan kuando se va deskuvrir de muevo.
Antoine de Saint-Exupry, El Princhipiko. Trezladado del franzes (Le Petit Prince) al ladino por Avner Perez i Gladys Pimienta. Edition Tintenfass, Neckarsteinach/Alemanya. ISBN 978-3-937467-73-3. Euro 18,00. Para enkomendar, mandar un email a: info@verlag-tintenfass.de www.verlag-tintenfass.de

Terra Madre 2010: La Mas Grande Reunion de Las Komunidades de Komida en El Mundo - Torino 21-25 Oktubre 2010

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Terra Madre 2010: La Mas Grande Reunion de Las Komunidades de Komida en El Mundo - Torino 21-25 Oktubre 2010

Uploaded by

Copyright:

Available Formats

ESTAMBOL 26 HESHVAN 5771 3 NOVEMBRE 2010

Terra Madre 2010

KAREN GERSON SARHON / ESTAMBOL karensarhon@gmail.com

El grupo de chikos Pequeas Huellas kantaron en la avyertura

GRACIELA TEVAH DE RYBA

SALOM GAZETESnin cretsiz ekidir

Ribi Ovadya Yosef i la Dolor de Tripa

El logo del partido Shas

26 HESHVAN 5771 - 3 NOVEMBRE 2010

SELIM AMADO pharmki@zahav.net.il

Lo ke mos esforsimos de anyadir i adjustar a la primera edisyon del

26 HESHVAN 5771 - 3 NOVEMBRE 2010

Moshe ben Rafael Abravanel (?-1692) i sus inyetos

EL CD ZEMIROT DE LOS PASHAROS SEFARADIS

Se puede enkomendar de: www.kitabevi.com l kitabevi@salom.com.tr

AMANESER KON ARTE

26 HESHVAN 5771 - 3 NOVEMBRE 2010

ESTI SAUL / ESTAMBOL estisaul2@gmail.com

Norma Jean Mortenson

FRAGMENTS, Poemes, Ecrits intimes, Lettres de Marilyn Monroe

LO KE MELDAVAN MUESTROS PADRES

Una Kaza sovre el Agua

Lo Ke Meldavan Muestros Padres

m o del mersy s El Lion kepyvalorKoas suzyedadeodelas la

Para enkomendar, eskrivi a: kitabevi@salom.com.tr o enkomenda de: www. gozlemkitap.com

Deskripsyon del Ombre Selozo

26 HESHVAN 5771 - 3 NOVEMBRE 2010

POR EL DE BULGARIA EL KAVZO SALTIS KUAL LOS

YO PARTI PARA LA GERRA

26 HESHVAN 5771 - 3 NOVEMBRE 2010

Djudezmo ambezado kon amor

en la kon mi madre o Djudezmo Avland Los Andes kordiyera de

PARA AR END ENKOM

LOS LIVROS DE PROVERBOS I DICHAS

EL KANTON DE LA LINGUA 12 Mos Ambezaremos El Alfabeto Rashi

SIMON GERON / SYDNEY, AUSTRALIA simongeron1@hotmail.com

SEKA TUS LAGRIMAS

M Prim is Poez eras iyas

26 HESHVAN 5771 - 3 NOVEMBRE 2010

KANTON DE BIBLIOGRAFIA SEFARDI

LA ESTREYA III, 2010, Sofia 2010, ISSN:1313-8200 Revista djudiya de Bulgaria

Gzlem Gazetecilik Basn ve Yayn A.. adna sahibi: YAKUP BAROKAS

Yayn Ynetmeni: Karen Gerson arhon Koordinatr: Gler Orgun

PARA ABONARSE posta elektronika: elamaneser@gmail.com

Agora resivi el Amaneser de

rvin MANDEL / ESTAMBOL irvin.mandel@gmail.com

26 HESHVAN 5771 - 3 NOVEMBRE 2010

Ilustrasyon: Roz Kohen

ERA UNA VEZ...

26 HESHVAN 5771 - 3 NOVEMBRE 2010

Aslan I. PALACHI / VANCOUVER paslan@hotmail.com

a Epoka -2 Refleksyones i Komentaryos Sovre un

EL DOSYE DEL MEZ...

Sinagoga El Transito, Toledo

EL DOSYE DEL MEZ...

26 HESHVAN 5771 - 3 NOVEMBRE 2010

Una kolaborasyon sinyifikante

Presentasion del livro de Gad Nassi En Tyerras Ajenas Yo me vo Murir

Pablo Martin Asuero, 2006

La Trajedia de Ancona i sus Konsekuensas

GAD NASSI / HERZELIA nassig@gmail.com

La Intervension Otomana i el Boykot

La trajedia en Ancona, Arthur Szyk, The last por Ludwig Lewisohn